- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
აკაკი ხუბუტია: საქართველოს ნაკრებმა ყველა მატჩისგან მაქსიმუმის მიღება უნდა ისწავლოს
<p>საქართველოს ნაკრების 26 წლის მცველს კარიერის გაგრძელება ისევ თურქეთის ჩემპიონატში სურს <br> აკაკი ხუბუტიამ, რომელიც ჯერ კიდევ რუმინული "გაზ მეთანის" საკუთრებად რჩება, გასული სეზონი თურქულ "სამსუნსფორში" იჯარით გაატარა.</p><p>თურქეთის სუპერლიგაში საქართველოს ეროვნული ნაკრების 26 წლის მცველმა 19 მატჩი ჩაატარა და ერთი გოლი გაიტანა. გადაწყვეტილია - ხუბუტია მომავალ სეზონში არც "გაზ მეთანში" ითამაშებს და არც "სამსუნსფორში". რუმინეთში დაბრუნება მის გეგმებში არ შედის, "სამსუნი" კი სუპერლიგიდან გავარდა და აკაკის იქ დარჩენა ავტომატურად გამოირიცხა.</p><p>ხუბუტიამ "ლელოსთან" ინტერვიუში თურქეთში გატარებული სეზონი შეაფასა და სამომავლო გეგმებზე ისაუბრა.</p><p><strong>- "სამსუნსფორი" "ტოტო ქაფზე" ასპარეზობას განაგრძობს. ამჟამინდელ გუნდში ამ ტურნირის დასრულებამდე დარჩები?</strong></p><p>- კი, ასე მირჩევნია. მართალია, სუპერლიგიდან გავვარდით და "ტოტოზე" თამაშს სპორტული თვალსაზრისით არავითარი მნიშვნელობა არ აქვს, მაგრამ იქ გამოსვლით ფორმას მაინც შევინარჩუნებ და საქართველოს ნაკრების უახლოეს მატჩს მზადყოფნაში შევხვდები.</p><p><strong>- ალბათ, გაორებული განწყობა გაქვს. საერთო ჯამში, გასულმა სეზონმა დადებითი ემოციები უფრო მოგიტანა თუ უარყოფითი?</strong></p><p>- რა თქმა უნდა, ძალიან ცუდია, რომ გუნდი სუპერლიგიდან გავარდა. არ მაკმაყოფილებდა ისიც, რომ ზოგჯერ ძირითად შემადგენლობაში ვერ ვხვდებოდი.</p><p>სეზონს დადებითად ნამდვილად ვერ შევაფასებ, მაგრამ მთლიანობაში, "სამსუნში" გატარებული პერიოდი ცუდი მაინც არ ყოფილა. მატჩების დაახლოებით ორ მესამედში მივიღე მონაწილეობა, ვითამაშე უფრო ძლიერ ლიგაში, ვიდრე რუმინეთშია, მონაწილეობა მივიღე ყველა გრანდის წინააღმდეგ ჩატარებულ შეხვედრაში.</p><p>ერთი სიტყვით, საკმაო გამოცდილება შევიძინე, რაც მომავალში უთუოდ წამადგება.</p><p><strong>- "სამსუნსფორი" კი, როგორც ჩანს, ვერ გამოდგა მაინცდამაინც ძლიერი გუნდი...</strong></p><p>- ფაქტია, რომ სუპერლიგაში დარჩენა ვერ შევძელით, მაგრამ მაინც მგონია, რომ ამის თავიდან აცილება თავისუფლად შეიძლებოდა. სამწვრთნელო შტაბი კლუბის ხელმძღვანელობის მითითებებს ასრულებდა და თურქ ფეხბურთელებს გადამეტებულად ეყრდნობოდა, მაშინ როცა "სამსუნს" მაღალი დონის ლეგიონერები არ აკლდა.</p><p>ჩემს თავზე არაფერს ვიტყვი და სხვებს რაც შეეხება, გუნდში თამაშობენ საბერძნეთის, უნგრეთის, ნიგერიისა და სლოვენიის ეროვნული ნაკრების წევრები. მათი უფრო ეფექტურად გამოყენება და ცხრილის შუა ნაწილში დამკვიდრება თავისუფლად შეიძლებოდა.</p><p><strong>- ერთი მატჩი ნახევარმცველის პოზიციაზეც ჩაატარე.</strong></p><p>- მწვრთნელის ეს გადაწყვეტილება ჩემთვის ძალიან მოულოდნელი იყო, მაგრამ ვფიქრობ, დაკისრებულ ამოცანას თავი ნორმალურად გავართვი. სხვა დროს კი ყოველთვის ჩვეულ პოზიციაზე, დაცვის ცენტრში ვთამაშობდი.</p><p><strong>- სასიამოვნოდ გასახსენებელი მატჩებიც გექნება.</strong></p><p>- "ბეშიქთაში" და "ფენერბახჩე" დავამარცხეთ და ეს შეხვედრები არასდროს დამავიწყდება.</p><p><strong>- იყო ერთი უსიამოვნო არასაფეხბურთო ეპიზოდიც...</strong></p><p>- ჩვენი გუნდის ავტობუსი ავარიაში მოჰყვა, მაგრამ საბედნიეროდ, მხოლოდ ავტობუსი დაზიანდა და არავინ დაშავებულა. იმ დროს მე მეძინა და არაფერი გამიგია, ასე რომ, სტრესი არ გადამიტანია <span style="color: #ff0000;"><strong>(<a href="/mtavari/video.html?view=video&video=1102" target="_blank">იხილეთ ვიდეო</a>)</strong></span>.</p><p><strong>- საცხოვრებელი პირობები თუ გქონდა დამაკმაყოფილებელი?</strong></p><p>- სამსუნი შავიზღვისპირეთში მდებარეობს, მშვენიერი ქალაქია და მეც და ჩემთან ჩამოსული სტუმრებიც თავს ძალიან კომფორტულად ვგრძნობდით. სამსუნი ბათუმიდან 500 კილომეტრით არის დაშორებული და საქართველოსთან სიახლოვეც სასიამოვნო იყო.</p><p>მოკლედ, კლუბის შეცვლა მხოლოდ სპორტული მიზეზებით მსურს, თორემ სამსუნში ცხოვრება ძალიან კარგი იყო.</p><p><strong>- მწვრთნელებთან და თანაგუნდელებთან ურთიერთობაში ენობრივი ბარიერი ხომ არ გიშლიდა ხელს?</strong></p><p>- მათ ინგლისურად ვეკონტაქტებოდი. ცოტა თურქულიც ვისწავლე და იმედი მაქვს, ამ ქვეყანაში დარჩენისა და ჩემი თურქულის გაუმჯობესების საშუალება მომეცემა.</p><p><strong>- კარიერის გაგრძელებას სად აპირებ?</strong></p><p>- შესაძლო ვარიანტებზე ჩემი მენეჯერი მუშაობს, ყველაფერი ახლო მომავალში გაირკვევა. თურქეთში დიდი სიამოვნებით დავრჩებოდი და გამორიცხული არ არის, ასეც მოხდეს. კლუბებს არ დავაკონკრეტებ, მაგრამ თურქული სუპერლიგის რამდენიმე მონაწილისგან დაინტერესება არის და ვნახოთ, რა გამოვა.</p><p><strong>- რომელიმე ქართულ კლუბში თამაშს გამორიცხავ?</strong></p><p>- ამას ასი პროცენტით გამოვრიცხავ. თურქეთში დარჩენის დიდი იმედი მაქვს, ძლიერ ჩემპიონატში თამაში ყველა ფეხბურთელს უნდა და ჩემს ადგილზე ყველა ასე მოიქცეოდა.</p><p><strong>- უკვე საკმაო ხანია, საქართველოს ეროვნული ნაკრების წევრი ხარ, რამაც, ალბათ, ბევრი რამ შეგძინა.</strong></p><p>- ნებისმიერი ფეხბურთელის წინსვლაში ნაკრებში თამაში უდიდეს როლს ასრულებს და გამონაკლისი არც მე ვარ. ნაკრებში მოხვედრა ყველა ფეხბურთელის ოცნებაა და ბედნიერი ვარ, რომ თემურ ქეცბაიამ ამხელა ნდობა გამომიცხადა.</p><p><strong>- კახა კალაძის სრულფასოვანი შეცვლა მოხერხდება?</strong></p><p>- კახა ნაკრების უმნიშვნელოვანესი ფეხბურთელი იყო და დიდ როლს ასრულებდა არა მხოლოდ დაცვაში, არამედ მთელი გუნდის თამაშში. მისი შეცვლა ძალიან ძნელია, მაგრამ იმედია, ამას შევძლებთ.</p><p><strong>- რას იტყოდი შენს სავარაუდო მეწყვილეებზე ნაკრების დაცვის ცენტრში?</strong></p><p>- ხიზანიშვილმა თურქეთში კარგი სეზონი ჩაატარა, კაშიასაც სერიოზული პროგრესი აქვს და საკუთარ კლასს ჰოლანდიაში ამტკიცებს, რაც ცოტა ნამდვილად არაა. ამისულაშვილი კი რუსეთის ჩემპიონატის ერთ-ერთი საუკეთესო მცველია და ამით ყველაფერია ნათქვამი.</p><p><strong>- რის იმედი უნდა გვქონდეს ახლო მომავალში საქართველოს ნაკრებისგან?</strong></p><p>- ამ გუნდს პერსპექტივა უდავოდ აქვს. მთავარია, ყველამ საკუთარი საქმე ვაკეთოთ და თითოეული მატჩისგან მაქსიმუმის მიღება ვისწავლოთ. ეს თუ შევძელით, შედეგი აუცილებლად მოვა.</p><p>ჩემი უპირველესი ოცნება ევროპის ან მსოფლიო ჩემპიონატის ფინალურ ეტაპზე თამაშია და არ ვფიქრობ, რომ ეს მიუღწეველი ამოცანაა.</p><p><em>”აკაკი ხუბუტია: თურქეთში დიდი სიამოვნებით დავრჩებოდი” (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"როდესაც "ბარსელონას" ხვდები, ეს ძალიან რთულია" - გულიაშვილის პირველი კომენტარი "რასინგში" დებიუტის შემდეგ
პსჟ სოლიდური მეტოქით - მარცხის შემდეგ და ლიგის წინ
[VIDEO] გულიაშვილმა "ბარსელონასთან" ერთი საათი ითამაშა - "რასინგი" ბრძოლაში დამარცხდა
ჩელენჯ თასი | საბრძოლო რაზმით "ძებრესთან"
იჯარა გამოსყიდვის უფლებით - "რომა" შეტევის ხაზში გაძლიერდა
მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს
"აიაქსმა" იბრაჰიმოვიჩის შვილი ინათხოვრა
პსჟ დიდი ტრანსფერისთვის ემზადება - ინგლისის ისტორიაში ყველაზე ძვირად შეძენილი ფეხბურთელის გადაბირებას შეეცდება
"ნოტინგემს ფორესტს" ზინჩენკოს იჯარის ვადაზე შეწყვეტა სურს
"უკვე ჩემპიონთა ლიგისა და ლა ლიგის მოგებაზე ვფიქრობთ" - არბელოა "ალბასეტესთან" მატჩის შემდეგ
"ჩემპიონთა ლიგას ვერ მოიგებენ" - ტონი კროოსმა "ბარსელონაზე" ისაუბრა
პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა
ოფიციალურად: კონორ გალაჰერი ინგლისის პრემიერ ლიგას დაუბრუნდა
[VIDEO] სენსაციათა სენსაცია - "რეალი" თასიდან სეგუნდას მეჩვიდმეტეადგილოსანმა გამოაგდო
"ინტერმა" მოიგო და ლიდერობა განიმტკიცა
ფუტსალის ნაკრები ევროპის ჩემპიონატისთვის 18 ფეხბურთელით ემზადება
დასჯილი კონტე და "ნაპოლის" ზედიზედ მესამე ფრე
ბაირამიანი: სომხეთის ნაკრებიც გაისვრის საქართველოს და უზბეკეთის მსგავსად
[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს
18 წ. | მესამედ ექვსი ერის ფესტივალზე
კვერნაძემ შეიძლება მნიშვნელოვანი მატჩი გამოტოვოს
ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს
დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა