- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
როჯერ ფედერერი: დიდ სლემს კიდევ მოვიგებთ
<p>შვეიცარიელმა ჩოგბურთელმა მასტერსის სერიის ბოლო ოთხი ტურნირიდან სამში გამარჯვებას მიაღწია <br> შვეიცარიელმა ჩოგბურთელმა როჯერ ფედერერმა მასტერსის სერიის ბოლო ოთხი ტურნირიდან სამში გამარჯვებას მიაღწია - ბოლო ტრიუმფი გასულ კვირას შედგა, როცა შვეიცარიელმა ფინალში ჩეხი ტომაშ ბერდიხი დაამარცხა.</p><p>ამ გამარჯვებით ის დაეწია "მასტერსებზე" ტიტულების რაოდენობით ლიდერ რაფაელ ნადალს, გარდა ამისა, რეიტინგში იმავე ნადალს გაუსწრო და მეორე ადგილზე დამკვიდრდა.</p><p>მატჩის შემდეგ პრესკონფერენციაზე ფედერერი ელეგანტურ შავ კოსტუმში გამოწყობილი გამოცხადდა, რომელიც როჯერს ჰოლივუდის ვარსკვლავმა უილ სმიტმა პირდაპირ მადრიდის ცენტრალურ კორტზე, დაჯილდოვების ცერემონიის დროს აჩუქა.</p><p><strong>- ექვსი კვირა გავიდა იმ მომენტიდან, როცა ბოლო ტურნირი ითამაშეთ - ჰარდის კორტზე. როგორ მოახერხეთ ასე სწრაფად ბრწყინვალე ფორმის აკრეფა?</p><p></strong>- ჩემთვისაც ეს მცირე სიურპრიზი აღმოჩნდა. ვღელავდი მხოლოდ იმის გამო, როგორმე გამევლო პირველი მეტოქე და არც ვფიქრობდი იმაზე, ვისთან მომიწევდა შეხვედრა შემდეგ წრეში.</p><p>სიმართლე გითხრათ, ისიც კი დამავიწყდა, რომ ადრეც ვთამაშობდი მადრიდში წარმატებით და ორი გამარჯვება მქონდა მოპოვებული.</p><p>პირველი მატჩი (ფედერერმა სამ სეტში დაამარცხა მილოშ რაონიჩი) მნიშვნელოვანი იყო იმ მხრივ, რომ როგორმე ტურნირზე უნდა დავრჩენილიყავი და მეპოვნა თამაშის რითმი. გასკეს წინააღმდეგ მატჩში კი შევძელი სხვა დონის თამაშის ჩვენება.</p><p>საერთოდ, სასიამოვნოა იმასთან თამაში, ვინც უკვე არაერთხელ დაგიმარცხებია. საკუთარ ძალებში დამაჯერებლობა მხოლოდ მაშინ გიბრუნდება, როცა გამარჯვებებს აღწევ.</p><p>ბოლო 9 თვის განმავლობაში ცუდად არ ვთამაშობდი, ასე რომ, დამაჯერებლობა ძალიან მალე დამიბრუნდა. ეს განსაკუთრებული გამარჯვებაა და შეუძლებელია ვიყო უფრო ბედნიერი, ვიდრე ახლა ვარ. ეს იდეალური სცენარია იმისთვის, რაც მომავალში მელის.</p><p><strong></p><p>- ითამაშებთ რომში მომავალ კვირას?</p><p></strong>- სავარაუდოდ ვითამაშებ, მაგრამ უნდა ვნახო, რა მდგომარეობაში ვიქნები უახლოესი ორი დღის განმავლობაში. ორი დღე მჭირდება იმისთვის, რომ შევაფასო ჩემი ფიზიკური ფორმა და ამ საკითხში კარგად გავერკვე.</p><p>ექვსი კვირა პაუზა მქონდა და უცებ ასეთი დატვირთვები მივიღე. უნდა დავრწმუნდე იმაში, რომ სწორ გადაწყვეტილებას ვიღებ. იმედია, შევძლებ თამაშს, მაგრამ ნებისმიერ შემთხვევაში, ხვალ რომში მივემგზავრები.</p><p><strong></p><p>- ბევრმა ჩოგბურთელმა გააკრიტიკა მადრიდის ცისფერი გრუნტი...</p><p></strong>- კორტზე მართლაც ცურავს ფეხი და თან სწრაფი საფარია. ფინალში ძალიან გამიჭირდა სათამაშო რითმის მონახვა, თანაც მეტოქე კარგ ფორმაში იყო. ბერდიხი აგრესიულ ჩოგბურთს თამაშობს, შესანიშნავად აწვდის და მიღებაზეც ძალიან კარგია. ასეთ საფარზე პირველი დარტყმა ძალიან მნიშვნელოვანია, ბერდიხი კი მას კარგად ასრულებს.</p><p>თავის მხრივ, მე საკუთარ მოწოდებებზე ბევრ შეცდომას ვუშვებდი. მან ამით კარგად ისარგებლა. მეორე პარტიაში საკუთარი რითმი ვიპოვნე და გაცილებით კარგად ვითამაშე.</p><p><strong></p><p>- რეიტინგის მეორე ნომერი გახდით და გაქვთ შანსი დაიბრუნოთ ლიდერობა როლან გაროსის ან უიმბლდონის შემდეგ. რამდენად მნიშვნელოვანია თქვენთვის პირველ ადგილზე დაბრუნება და პიტ სამპრასის რეკორდის დამხობა?</p><p></strong>- შესანიშნავი იქნებოდა. ყოველთვის ვცდილობ ნომერ პირველი ვიყო, მაგრამ არასოდეს ვისწრაფოდი იმისკენ, რომ ვინმეს რეკორდი გამეუმჯობესებინა. ვიცოდი რეკორდის შესახებ, მაგრამ ჩემსთვის მაინც და მაინც მნიშვნელოვანი არ იყო, როდის შევძლებდი მის გაუმჯობესებას ან საერთოდ, შევძლებდი თუ არა ამას.</p><p>რამდენიმე წლის წინ მართლაც ყველანაირად ვეცდებოდი მის გაუმჯობესებას, ახლა კი მომავალს შორსმიმავალი პერსპექტივით ვუყურებ. თუ ამ მომენტში საკმარისად კარგი არ ვარ ამისთვის, მაშინ ასეთი რამ არ მოხდება. ეს გადასარევია. ბოლოს და ბოლოს, პიტი ჩემი კერპია, ასე რომ, მე არ მჭირდება მისი რეკორდების გაუმჯობესება. იმითაც ბედნიერი ვარ, რომ მის შედეგებს მივუახლოვდი.</p><p>წინ შესანიშნავი ცხოვრება მელის. უკვე ბევრი ტურნირი მოვიგე და ახლაც კარგ თამაშს ვაჩვენებ, ასე რომ მჯერა, კიდევ შევძლებ "დიდი სლემის" ტურნირის მოგებას.</p><p>ამ როლან გაროსის მოგება რთული იქნება, რადგან ამის გაკეთების ყველაზე დიდი შანსი ნოვაკს აქვს, რომელიც ბოლო დროს ბრწყინვალედ თამაშობს, ან რაფას - ის ხომ ნამდვილი ჩემპიონია. ნებისმიერ შემთხვევაში, ეს იქნება საინტერესო ტურნირი. თან მე დღეს კარგ ფორმაში ვარ. არავისთვის საიდუმლო არ არის, რომ ნებისმიერს უნდა იყოს პირველი და არა მეორე ნომერი.</p><p><strong>- ნადალს გაუთანაბრდით მასტერსებზე გამარჯვებების რაოდენობით - ორივეს 20-20 ტურნირი გაქვთ მოგებული. თქვენთვის მნიშვნელოვანია პირველი იყოთ ამ რბოლაში თუ უბრალოდ გამარჯვებების რიცხვი გაინტერესებთ?</p><p></strong>- ჩემთვის მნიშვნელოვანია რიცხვი. ეს რეკორდი მუდმივი არ ყოფილა. საერთოდ გასაოცარია, როგორ შეძლო რაფამ ამდენი ტურნირის მოგება ასეთ მოკლე პერიოდში. როგორც ჩანს, მონაკოში ზედიზედ რვა ტრიუმფი დაეხმარა.</p><p>სასიამოვნოა გამარჯვების მოპოვება. ბოლო ოთხი მასტერსიდან სამი მოვიგე, ამას ემატება წლის შემაჯამებელ ტურნირზე ტრიუმფი. ეს შესანიშნავი სერიაა. ამ ეტაპზე რაფას რეკორდზე არ ვფიქრობ.</p><p><strong></p><p>- რას გრძნობთ, როცა თქვენი ქალიშვილები უყურებენ ფინალს, რომელსაც იგებთ?</p><p></strong>- ეს პირველად არ მომხდარა. ისინი ესწრებოდნენ ინდიან უელსის ფინალს, თუმცა მაშინ მათი ძილის დრო იყო. ამჯერად ფინალი იდეალურ დროს იმართებოდა. მათ ნახევარფინალზე მოსვლაც უნდოდათ, მაგრამ ეს შეუძლებელი იყო.</p><p>მე ერთადერთი მამაკაცი ვარ ჩვენს ოჯახში. ეს ერთ-ერთი უდიადესი რამაა ჩემს ცხოვრებაში, თუნდაც იმის გათვალისწინებით, რასაც ცხოვრებაში მივაღწიე. მოხარული ვარ, რომ სწორედ ჩემი მიღწევების წყალობით მოგზაურობენ ისინი მთელს მსოფლიოში და აკვირდებიან ყველაფერს. ბედნიერი ვარ, რომ ისინი ჩემთან არიან და შემიძლია მათთან ერთად გავიზიარო ჩემი სიხარული.</p><p><strong></p><p>- როგორ მოგეწონათ უილ სმიტის საჩუქარი?</p><p></strong>- მან მითხრა, რომ საკმარისად "მაგარი ბიჭი" ვარ იმისთვის, რომ აგენტი გავხდე ფილმში "ადამიანები შავებში". მესამე კორტზე ვიყავით, სადაც ახლა დამონტაჟებულია 3D ეკრანი ამ ფილმის მესამე ნაწილის საჩვენებლად.</p><p>კარგად გავატარეთ დრო, ბურთები ვისროლეთ ტრიბუნებზე. დაჯილდოვების ცერემონიაზე უილმა მითხრა, რომ კარგი იქნებოდა თუ ჩვენ, ჩოგბურთელები დავესწრებოდით ფილმის პრემიერას.</p><p>რაც შეეხება ფილმს, ჯერ არ მინახავს, მაგრამ, რა თქმა უნდა, ღირს მისი ხილვა.</p><p><strong>ყოველდღიური სპორტული გაზეთი "ლელო"</strong></p>
ნიკოლოზ ბასილაშვილი ჩინური ტურნირის პირველივე წრეში დამარცხდა
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
ოფიციალურად: როჯერ ფედერერი მილიარდერი გახდა
[VIDEO] ზივზივაძე "დორტმუნდთან" მატჩში გააძევეს
დიდი 10 | ბათუმი 32:20 გორი
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] ყაზაიშვილი ბწყინვალე ფორმაშია - ამჯერად სლუცკის გუნდთან ჰეთ-თრიკი შეასრულა
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
"კვარას" გაყიდვის შემდეგ, კონტეს "ნაპოლიდან" წასვლა სურდა, მაგრამ ამიტომ გადაიფიქრა" - ადანიმ იტალიელ სპეციალისტზე ისაუბრა
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა