<p>ფინალური მატჩი ამ ტურნირის მშვენება გამოდგა</p><p><br> პროფესიული ტურის წამყვანმა ჩოგბურთელებმა როლან გაროსამდე ბოლო რეპეტიცია რომში გაიარეს და გარკვეული წარმოდგენა შეგვიქმნეს "დიდი სლემის" სერიის რიგით მეორე ტურნირის წინ თავიანთ მზადყოფნაზე.</p><p>შაბათს ქალებს შორის ორი ნახევარფინალიდან მხოლოდ ერთი გაიმართა. სერენა უილიამსმა ზურგის ტრავმის გამო უარი თქვა კორტზე გასვლაზე და როლან გაროსის მოქმედი ჩემპიონი ნა ლი უბრძოლველად გავიდა ფინალში.</p><p>მეორე ნახევარფინალში მარია შარაპოვამ დამაჯერებლად დაამარცხა ანჟელიკ კერბერი. გერმანელი წინა ეტაპზე პეტრა კვიტოვასთან ნაჩვენები შესანიშნავი თამაშის შემდეგ შარაპოვას წინააღმდეგ ბევრს ნერვიულობდა და უამრავი შეცდომა დაუშვა.</p><p>პირველ პარტიაში მან ორი საკუთარი გეიმი წააგო, მესამე კი 0:40-დან გადაარჩინა. თუმცა მარიას ორი ბრეიკი ეყო პარტიის მოსაგებად.</p><p>მეორე სეტი ოდნავ უფრო დაძაბული გამოდგა. გერმანელმა ერთხელ შეძლო დაკარგული ბრეიკის დაბრუნება, მაგრამ იქვე ისევ წააგო საკუთარი მოწოდება და თამაშის გადარჩენის შანსი აღარ ჰქონია.</p><p>ფინალური მატჩი ამ ტურნირის მშვენება გამოდგა. პირველ სეტში მარიამ ბრეიკით დაწინაურება მოახერხა, მაგრამ ორმაგი შეცდომით მომდევნო გეიმში ნა ლის დაკარგულის დაბრუნების საშუალება მისცა. გადამწყვეტი აღმოჩნდა მეათე გეიმი შარაპოვას მოწოდებაზე, როცა ჩინელმა მიღებაზე ბრწყინვალე თამაშით მეორე ბრეიკი გააკეთა და სეტი მოიგო.</p><p>მეორე სეტი ლიმ დამაჯერებლად დაიწყო და 4:0 წაიყვანა ანგარიში, რაც პრაქტიკულად გამარჯვებას ნიშნავდა.</p><p>მიუხედავად ამისა, მარიამ შეძლო ძალების მოკრება და სასწაულის მოხდენა - ზედიზედ აიღო მომდევნო ექვსი გეიმი და სეტებს შორის ანგარიში გაათანაბრა.</p><p>ინიციატივა რუსის ხელში გადავიდა და ახლა ის მიუახლოვდა რომში ზედიზედ მეორე ტიტულს. რუსი 4:1 დაწინაურდა და ამჯერად ჩინელის გმირობების ჯერი დადგა. ლიმ ანგარიში გაათანაბრა, წინაც გავიდა და 6:5-ზე ერთი მატჩბოლიც მიიღო, მაგრამ შანსი ვერ გამოიყენა.</p><p>დაინიშნა ტაი-ბრეიკი და აქ მატჩი წვიმის გამო კარგახნით შეწყდა. შესვენება აშკარად შარაპოვას წაადგა, რომელიც მე-13 გეიმში ბოლომდე უპირატესობას ფლობდა და 7:5 გაიმარჯვა.</p><p>აბსოლუტურად თანაბარ ფინალში მეტოქეებს სტატისტიკური მონაცემებიც თითქმის იდენტური ჰქონდათ; უფრო მეტიც, ნა ლიმ ოდნავ უკეთესი შედეგები დააფიქსირა. მარიამ 20 "ვინერსი" და 59 უნებლიე შეცდომა დააგროვა, ლიმ - 21 "ვინერსი" და 56 შეცდომა.</p><p>გარდა ამისა, ჩინელმა ორჯერ ნაკლები ორმაგი შეცდომა დაუშვა (ხუთი ათის წინააღმდეგ) და მაინც, შარაპოვამ მოახერხა წელს მეორე ტიტულის მოგება. მისმა მეტოქემ კი ამ სეზონში მეორე ტურნირის ფინალში გააღწია და ორივეჯერ დამარცხდა.</p><p><strong>Internazionali BNL d'Italia</p><p></strong>რომი (იტალია). გრუნტი</p><p>საპრიზო ფონდი: 2 168 500 დოლარი</p><p>1/2-ფინალი</p><p>ნა ლი (ჩინ, 8)-სერენა უილიამსი (აშშ, 9) უარი; მარია შარაპოვა (რუს, 2)-ანჟელიკ კერბერი (გერ, 12) 6:3, 6:4.</p><p>ფინალი</p><p>მარია შარაპოვა (რუს, 2)-ნა ლი (ჩინ, 8) 4:6, 6:4, 7:6(5).</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ