როლან გაროსის პირველი დღე უსენსაციოდ დაიწყო

პირველ სათამაშო დღეს არც მამაკაცებსა და არც ქალებში მთავარი ფავორიტები არ თამაშობდნენ 27 მაისს პარიზის როლან გაროსის კორტებზე დაიწყო სეზონში "დიდი სლემის" რიგით მეორე ტურნირი - საფრანგეთის ღია პირველობა.პირველ სათამაშო დღეს არც მამაკაცებსა და არც ქალებში მთავარი ფავორიტები არ თამაშობდნენ. თუმცა მაყურებელმა არაერთი საინტერესო მატჩი იხილა.მამაკაცთა ტურის ორ წამყვან ჩოგბურთელს საკმაოდ რთული სტარტი გამოუვიდა. ფრანგული პუბლიკის მთავარი იმედი, მეხუთე ნომრად განთესილი ჟო-ვილფრიდ ცონგა, რუსული ჩოგბურთის ამომავალ ვარსკვლავ ანდრეი კუზნეცოვს ხვდებოდა.რუსმა პირველ სეტში მოულოდნელად დიდი უპირატესობა მოიპოვა, რაც აქტიური თამაშის დამსახურება იყო. კუზნეცოვმა პარტია 17 "ვინერსით" დაასრულა, იმ დროს, როცა ცონგამ თავისი დარტყმებით მხოლოდ ოთხი ქულა აიღო. შედეგად, პირველი სეტი რუსის ნამდვილ ბენეფისად იქცა - 6:1.მაგრამ მეორე სეტში კორტზე სიტუაცია შეიცვალა. ფრანგმა ალღო აუღო მეტოქის თამაშს, გამოასწორა მოწოდება და კუზნეცოვს შეტევის შანსებს თითქმის აღარ აძლევდა. შესაბამისად, მომდევნო სამი სეტის სცენარი თითქმის ერთნაირი იყო: ცონგა პარტიის დასაწყისში ეუფლებოდა უპირატესობას და დამაჯერებლად ინარჩუნებდა მას - 1:6, 6:3, 6:2, 6:4.ასევე წააგო ერთი სეტი არგენტინელმა ხუან მარტინ დელ პოტრომ, თუმცა მას უფრო სერიოზული მეტოქე ჰყავდა - გრუნტზე თამაშის სპეციალისტი ალბერტ მონტანიესი.ხუან მარტინმა მეორე პარტია ტაი-ბრეიკზე დათმო, რის შემდეგაც სამედიცინო ტაიმ-აუტი მოითხოვა. დანარჩენ სეტებში სამხრეთამერიკელის უპირატესობა ეჭვს არ იწვევდა.ტურნირი დატოვა ენდი როდიკმა, რომელსაც 2010 წლის შემდეგ არ მოუგია მატჩი გრუნტის ტურნირებზე. ენდიმ ოთხ სეტში დათმო პირველი წრის მატჩი ნიკოლა მაუსთან.საინტერესოა, რომ ფრანგი თავის მეათე როლან გაროსს თამაშობს, მაგრამ ამ ტურნირზე მხოლოდ მეორე (!) მატჩი მოიგო. რაც შეეხება როდიკს, მან 2007 წლის შემდეგ პირველად წააგო "დიდი სლემის" ტურნირის პირველი წრე.როდიკის გარდა, კიდევ ერთი განთესილი გამოეთიშა ბრძოლას. გერმანელმა მიხაელ ბერერმა, ორსეტიანი ჩამორჩენის მიუხედავად, შეძლო ხუთ სეტში 30-ე ნომრად განთესილი ავსტრიელი იურგენ მელცერის დამარცხება.* * *ქალთა შორის არანაირი მოულოდნელობა არ მომხდარა. ზედიზედ მეორე წელია, ცენტრალურ კორტზე პროგრამა ავსტრალიელმა სამანტა სტოსურმა გახსნა, რომელმაც უპრობლემოდ მოუგო ბრიტანული ჩოგბურთის პირველ ნომერს ელენა ბალტაჩას.გუშინდელი დღის თითქმის ყველა ფავორიტმა ორ სეტში მოიგო თავისი მატჩი. ერთადერთი გამონაკლისი იყო მსოფლიოს ყოფილი პირველი ჩოგანი ვენუს უილიამსი, რომელიც განთესილებს შორის არ შედის.ამერიკელი პირველ მატჩს ატარებდა "დიდ სლემზე" აშშ-ის შარშანდელი ღია პირველობის შემდეგ. მისი მეტოქე იყო 19 წლის არგენტინელი პაულა ორმაეჩეა.ვენუსს, რომელიც ამჟამად 53-ე ნომერია კლასიფიკაციაში, ამ სეზონში 12 მოგება და 4 წაგება აქვს. როლან გაროსამდეც გრუნტის სეზონში კარგად გამოიყურებოდა, მაგრამ მოულოდნელად დაუთმო პირველი სეტი ორმაეჩეას.თუმცა მეორე და მესამე პარტიებში ჩვეული აგრესიული სტილის წყალობით ყოველგვარი იმედი დაუკარგა მეტოქეს - 4:6, 6:1, 6:3.ქალებს შორის ერთი მატჩის შედეგი აუცილებლად უნდა გამოვყოთ. ჩოგბურთის მოყვარულებს ემახსოვრებათ ამერიკელი მელანი ოუდინის გარღვევა 2009 წლის აშშ-ის ღია პირველობაზე, როცა სრულიად უცნობმა ჩოგბურთელმა მეოთხედფინალამდე მიაღწია.მაგრამ მას შემდეგ მელანის თავი არაფრით გამოუჩენია და "დიდი სლემის" ზედიზედ ხუთი ტურნირის პირველი წრე წააგო. და მხოლოდ გუშინ შეწყვიტა ოუდინმა ეს უსიამოვნო სერია, როცა შვედი იოჰანა ლარსონი 6:3, 6:3 დაამარცხა.I წრეკაცებინიკოლა დევილდერი (საფ)-ფილიპ კრაინოვიჩი (სერ) 6:2, 6:2, 6:0; მიხაელ ბერერი (გერ)-იურგენ მეცლერი (ავსტრია, 30) 6:7(5), 4:6, 6:2, 6:2, 6:3; ჟილ მიულერი (ლუქ)-იგორ სისლინგი (ჰოლ) 2:6, 7:5, 3:6, 6:4, 8:6; ფერნანდო ვერდასკო (ესპ, 14)-სტივ დარცისი (ბელ) 6:3, 6:2, 7:6(4); პაბლო ანდუხარი (ესპ)-ვიქტორ ჰანესკუ (რუმ) 6:1, 2:6, 1:6, 6:3, 6:1; სტანისლას ვავრინკა (შვეიც, 18)-ფლავიო ჩიპოლა (იტა) 6:3, 6:3, 4:6, 3:6, 6:2; ფაბიო ფონინი (იტა)-ადრიან მანარინო (საფ) 6:0, 7:5, 6:1; სედრიკ-მარსელ შტებე (გერ)-ჟოაო სოუზა (ბრა) 6:3, 2:0 უარი; ჟო-ვილფრიდ ცონგა (საფ, 5)-ანდრეი კუზნეცოვი (რუს) 1:6, 6:3, 6:2, 6:4; ნიკოლა მაუ (საფ)-ენდი როდიკი (აშშ, 26) 6:3, 6:3, 4:6, 6:2; ხუან მარტინ დელ პოტრო (არგ, 9)-ალბერტ მონტანიესი (ესპ) 6:2, 6:7(5); 6:2, 6:1; ედუარდ როჟე-ვასელენი (საფ)-ვაჩეკ პოსპიშილი (კან) 3:6, 6:3, 6:2, 6:2; ხუან კარლო ფერერო (ესპ)-ჯონათან დასნიერ დე ვეიგი (საფ) 6:1, 6:4, 6:3; მარინ ჩილიჩი (ხორ, 21)-დანიელ მუნიოს-დე ლა ნავა (ესპ) 6:4, 6:4, 7:5; ლუკაშ კუბოტი (პოლ)-კაროლ ბეკი (სლოვაკ) 7:5, 6:2, 4:4 გადაიდო; კევინ ანდერსონი (ს. აფრ, 31)-რუი მაშადო (პორ) 7:6, 6:7, 4:6, 6:1, 7:7 გადაიდოქალებიდინა პფიცენმაიერი (გერ)-კაროლინ გარსია (საფ) 3:6, 6:4, 6:3; ალექსანდრა ვოზნიაკი (კან)-ჰაიდი ელ-თაბახი (კან) 7:5, 6:2; ლუსი საფაროვა (ჩეხ, 20)-ანასტასია იაკიმოვა (ბლრ) 6:2, 6:0; მარია ხოსე მარტინეს სანჩესი (ესპ)-ევა ბირნეროვა (ჩეხ) 4:6, 6:4, 8:6; მატილდ იოჰანსონი (საფ)-ანასტასია როდიონოვა (ავსტრა) 5:7, 7:6(6), 6:4; ირინა ფალკონი (აშშ)-ედინა გალოვიტცი (რუმ) 3:6, 6:3, 6:1; სამანტა სტოსური (ავსტრა, 6)-ელენა ბალტაჩა (ბრიტ) 6:4, 6:0; ვენუს უილიამსი (აშშ)-პაულა ორმაეჩეა (არგ) 4:6, 6:1, 6:3; სვეტლანა კუზნეცოვა (რუს, 26)-მირიანა ლუჩიჩი (ხორ) 6:1, 6:3; სერა ერანი (იტა, 21)-კეისი დელაკუა (ავსტრა) 4:6, 6:2, 6:2; მელანი ოუდინი (აშშ)-იოჰანა ლარსონი (შვედ) 6:3, 6:3; შაარ პეერი (ისრ)-სტეფანი დუბუა (კან) 6:2, 6:2; ანა ივანოვიჩი (სერ, 13)-ლარა არუაბარენა (ესპ) 6:1, 6:1; ანჟელიკ კერბერი (გერ, 10)-შუაი ჟანგი (ჩინ) 6:3, 6:4; ალექსა გლეტჩი (აშშ)-ანა ტატიშვილი (საქ) 6:3, 5:7, 6:4; ირენა პავლოვიჩი (საფ)-კაი-ჩენ ჩანი (ტაივ) 6:4, 7:5.ყოველდღიური სპორტული გაზეთი "ლელო"

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

Eureka. მამარდაშვილის სახით ყველა პრობლემის მიზეზი მოძებნეს - რას წერს ინგლისური გამოცემა ალისონის არყოფნაზე

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა