<p>წარსულში ცნობილი მოკრივე, მსოფლიოს ყოფილი ჩემპიონი ჯონი ტაპია ალბუკერკში საკუთარ სახლში მკვდარი იპოვნეს <br> წარსულში ცნობილი მოკრივე, მსოფლიოს ყოფილი ჩემპიონი ჯონი ტაპია ალბუკერკში (ნიუ-მექსიკოს შტატი) საკუთარ სახლში მკვდარი იპოვნეს. ის 45 წლის იყო. მას სხეულზე ამოსვირინგებული ჰქონდა წარწერა - Mi Vida Loca, რაც ყველაზე კარგად ასახავს მის განვლილ ცხოვრებას.</p><p>როგორც პოლიცია იტყობინება, მოკრივის ცხედარი ოჯახის ერთ-ერთმა წევრმა აღმოაჩინა. "ის ხშირად იყო სიკვდილთან ერთ ნაბიჯში, - განაცხადა ყოფილმა სპორტულმა მიმომხილველმა და ტაპიას ძველმა მეგობარმა დენის ლატამ. - მახსოვს, ლას ვეგასში რამდენიმე დღის განმავლობაში კომაში იყო.</p><p>არავის ეგონა, რომ გადარჩებოდა, რადგან კრიტიკულ სიტუაციაში იმყოფებოდა. ეს ყველაფერი რთული დასაჯერებელია. მეგონა, რომ მას ვერაფერი დაამარცხებდა".</p><p>ჯონი ტაპია 45 წლის იყო. ის ნიუ-მექსიკოში 1967 წელს დაიბადა. ხუთგზის ჩემპიონის ცხოვრებისეული გზა სავსე იყო ტრაგიკული მოვლენებით. მამა დაბადებამდე დაკარგა, რვა წლის ასაკში კი დედამისი მოიტაცეს.</p><p>ბოროტმოქმედებმა გაუპატიურებული და დაჭრილი ქალი გზაზე დააგდეს.</p><p>ვირჯინიამ 100 მეტრი ხოხვით გაიარა, სანამ პოლიციამ არ იპოვნა და საავადმყოფოში არ გადაიყვანა. ოთხი დღის შემდეგ ის გონსმოუსვლელად გარდაიცვალა. ამან ტაპიას ცხოვრებას მნიშვნელოვანი კვალი დაამჩნია. მოკრივე მთელი ცხოვრება დეპრესიის გამო იტანჯებოდა.</p><p>ჯონიმ კრივში ვარჯიში 9 წლის ასაკში დაიწყო. 1983 და 1988 წლებში მან უმჩატეს წონაში "ოქროს ხელთათმანის" ტურნირი მოიგო, 1990 წელს აშშ-ის ჩემპიონი გახდა, თუმცა მალე კოკაინის მიღებისთვის დისკვალიფიკაცია მიიღო.</p><p>კრივში დაბრუნების შემდეგ, 1994 წელს, კოკაინთან დაკავშირებულ მორიგ სკანდალში გაეხვა - მის ჩანთაში ნარკოტიკები აღმოაჩინეს.</p><p>ტაპიამ პირველი საჩემპიონო ქამარი 1995 წელს დაიმსახურა - ქულებით დაამარცხა მეორე უმჩატეს წონაში WBO-ს ჩემპიონი ხოსე რაფაელ სოსა. ის ამ ტიტულს 1998 წლამდე ინარჩუნებდა, სანამ წონის შეცვლა არ გადაწყვიტა.</p><p>1997 წლის ივლისში ჯონიმ ქულებით მოუგო მეორე უმჩატეს წონაში IBF-ის ჩემპიონს დენი რომეროს, 1998 წლის დეკემბერში კი უმჩატეს წონაში WBA-ს ჩემპიონი ნან კონადი დაამარცხა. მაგრამ უკვე 1999 წელს დაკარგა WBA-ს ქამარი, როცა პროფესიულ რინგზე კარიერაში პირველი მარცხი იწვნია. უნდა აღინიშნოს, რომ ჟურნალმა "რინგმა" პაულ აიალასთან შეხვედრა "წლის ბრძოლად" მონათლა.</p><p>ამ მარცხიდან ცოტა ხნის შემდეგ ტაპიამ თავის მოკვლა სცადა - ნარკოტიკების ზედმეტი დოზა მიიღო, მაგრამ ექიმებმა მალე დააყენეს ფეხზე და 2000 წელს WBO-ს ტიტული მოიპოვა.</p><p>2007 წლის 17 იანვარს ტაპიამ განაცხადა, რომ 23 თებერვალს ბოლო ბრძოლას ჩაატარებდა კარიერაში, მისი მეტოქე კი ილიდო ჰული იქნებოდა. ჯონიმ დანაპირები აასრულა და მოიგო, მაგრამ კრივიდან არ წასულა.</p><p>იმავე წლის 12 მარტს, ნარკოტიკების მორიგი ზედმეტი დოზის მიღების შემდეგ, საკუთარ სახლში უგონო მდგომარეობაში იპოვნეს. მომდევნო დღეს კი ავტოავარიაში დაიღუპნენ მოკრივის სიძე და ახლო ნათესავი, რის გამოც ტაპიას მდგომარეობა გაუარესდა.</p><p>ორი წლის შემდეგ ჯონი ციხეში აღმოჩნდა იმის გამო, რომ პირობითი განთავისუფლების წესები დაარღვია. 2011 წლის ივნისში ტაპიამ კარიერაში ბოლო ბრძოლა ჩაატარა კოლუმბიელი მაურისიო პასტრანას წინააღმდეგ. მან მსაჯების გადაწყვეტილებით მოიგო.</p><p>მას სხეულზე უამრავი სვირინგი ჰქონდა, მაგრამ ერთი განსაკუთრებით გამოირჩეოდა - Mi Vida Loca ("ჩემი არანორმალური ცხოვრება").</p><p><strong>ყოველდღიური სპორტული გაზეთი "ლელო"</strong></p>
[VIDEO] აზერბაიჯანელი მწვრთნელი მსაჯს რინგზე ფიზიკურად გაუსწორდა - კადეტთა ევროპის ჩემპიონატის სკანდალური მომენტი
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
ბერლინში დაუმარცხებელი ჩეჩენი მოკრივე მოკლეს
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს