NBA. პლეი ოფი. 1/2-ფინალი: ინტრიგა მცირე ხნით

აღმოსავლეთი კონფერენციის ფინალური სერიის პირველი მატჩის ფავორიტი აშკარა იყო აღმოსავლეთი კონფერენციის ფინალური სერიის პირველი მატჩის ფავორიტი აშკარა იყო. ნაკლებად სჯეროდათ, რომ ორ დღეში "ბოსტონი" მოასწრებდა ფლორიდაში ღირსეული სტუმრობისთვის მომზადებას.ვარაუდი პირველივე წუთებიდან გამართლდა. ლებრონ ჯეიმსმა და თანაგუნდელებმა თავიდანვე აქტიურად შეუტიეს და საწყისი მეოთხედის დასრულებამდე სამი წუთით ადრე ორნიშნა უპირატესობას მიაღწიეს.ამასთან, 12 წუთში 11 ქულა ლებრონმა დააგროვა. თავის მხრივ, რაჟონ რონდოს ამავე დროში ოთხი შეცდომა ჰქონდა. თუმცა შემდეგ "ბოსტონის" გამთამაშებელმა გამოასწორა თამაში და შეცდომა აღარ დაუშვია.ცუდი ნიშანი იყო "ბოსტონის" სრული უუნარობა მეტოქის მოედანზე, რისი ერთ-ერთი მიზეზი "მაიამის" დაცვაში შესანიშნავი თამაში გახლდათ. ერთ მეოთხედში 11 ქულის მოგროვება "სელტიქსის" დონის გუნდისთვის ძალიან დაბალი მაჩვენებელია.სტუმრებმა ამ ნაკლის გამოსწორება მეორე მეოთხედში დაიწყეს. ამ 12-წუთეულში რამდენიმე საგულისხმო ამბავი მოხდა.მაგალითად, ტექნიკური ჯარიმები მიიღეს "ბოსტონის" დამრიგებელმა დოკ რივერსმა და ამ გუნდის ორმა მოთამაშემ.გარდა ამისა, სწორედ ამ მეოთხედში ჩააგდო ერთადერთი ბურთი რეი ალენმა. ვეტერანმა მორიგი არადამაჯერებელი მატჩი ჩაატარა და თამაშიდან შვიდჯერ ნასროლი მხოლოდ ერთხელ მოათავსა კალათში. ასევე არასტაბილური იყო პოლ პირსი.თავისი ორი სამქულიანი "კელტების" ლიდერმა მეორე მეოთხედში ჩააგდო. მისი მეორე შორეული ტყორცნით ანგარიში გათანაბრდა. 46:46 - გუნდები დიდ შესვენებაზე საყაიმო ანგარიშით გავიდნენ და დაძაბული მატჩის იმედი დაუტოვეს მაყურებელს."ბოსტონმა" მეორე მეოთხედში 35 ქულა დააგროვა, რაც კიდევ ერთი გამორჩეული მომენტი იყო, რადგან აქამდე ერიკ სპოელსტრას გუნდს არცერთი მეტოქისთვის არ მიუცია მეოთხედში 30 ქულის დაგროვების საშუალება.მაგრამ მეორე 12-წუთეულში სტუმრების აქტიურობა დროებითი გამონათება აღმოჩნდა - მცირეხნიანი და ნაკლებად ეფექტური. თანაბარი ანგარიში მხოლოდ მესამე მეოთხედის დასაწყისში შენარჩუნდა - 50:50.ამის შემდეგ "ჰიტი" მეთოდურად ზრდიდა უპირატესობას, როგორც ყოველთვის, დუეინ უეიდისა და ჯეიმსის დუეტის წყალობით."ფლეშმა" ბევრი რთული ბურთი მოათავსა კალათში და რამდენიმე ლამაზი გარღვევაც დაუმატა. თავის მხრივ, ლებრონმა მეტოქის ფარზე აქტიურობისა (ის პლეი ოფში დაგროვილი ქულების რაოდენობით 22-ე ადგილზე გადავიდა) და მორიგი ორმაგი დუბლის გარდა, დაცვაში თამაშით გამოიჩინა თავი.მასთან პაექრობაში პირსმა 18-იდან მხოლოდ ხუთი ბურთი მოახვედრა მიზანში, მაგრამ ყველაზე კარგად ამ დაპირისპირებას ახასიათებს ერთი სტატისტიკური მონაცემი - პირსი ერთხელაც არ დამდგარა საჯარიმოების ხაზზე, არადა, წინა სამ მატჩში პოლმა 25 თავისუფალი ტყორცნა შეასრულა.ბოლო მეოთხედის დაწყებამდე სამი წუთით ადრე "მაიამი" 17 ქულით იგებდა და, პრაქტიკულად, მოხსნა დღის წესრიგიდან გამარჯვებულის საკითხი. ამასთან, დაცვაც ისევ მოწოდების სიმაღლეზე იყო, რაზეც ჯამში შესრულებული 11 დაფარება ლაპარაკობს. ეს საკლუბო რეკორდი გახლავთ მიმდინარე პლეი ოფში.გარდა ამისა, მასპინძლები სრულ უპირატესობას ფლობდნენ სამწამიან ზონაში. მოხსნების შეფარდება იყო - 48:33. ასეთი ტემპებით "მაიამიში" კრის ბოშის არსებობაც მალე დაავიწყდებათ.სხვათა შორის, ეს უკანასკნელი უკვე ვარჯიშობს, მაგრამ მოედანზე დაბრუნების თარიღი ჯერ ცნობილი არ არის. თუმცა სპოელსტრამ განაცხადა, რომ კმაყოფილია თავისი შეგირდის აღდგენის ტემპებით.რაც შეეხება "ბოსტონს", ამ გუნდში სასწრაფოდ უნდა "გამოიღვიძონ" ლიდერებმა. იმ თამაშით, რომელიც პირსმა და ალენმა აჩვენეს, კონფერენციის ფინალში მათ არაფერი ესაქმებათ. წამყვანი კალათბურთელების ამდენი შეცდომის გათვალისწინებით, გასაკვირი არაფერი არ არის იმაში, რომ "სელტიქსი" მთელი მატჩის განმავლობაში ერთხელაც არ ყოფილა წინ.მაიამი-ბოსტონი 93:7921:11, 25:35, 26:15, 21:18მ: ჯეიმსი (32+13 მოხსნა+3 დაფარება+3 ჩაჭრა), უეიდი (22+7 პასი+2 დაფარება), ბატიე (10+10 მოხსნა+2 დაფარება), ჩელმერსი (9+5 მოხსნა+4 პასი), მილერი (8), ტურიაფი (4+5 მოხსნა), ენტონი (3+6 მოხსნა+2 დაფარება), ჯონსი (3), ჰოვარდი (2).ბ: გარნეტი (23+10 მოხსნა), რონდო (16+9 მოხსნა+7 პასი), პირსი (12+3 პასი), ბასი (8), ალენი (6+5 მოხსნა), სტიმსმა (6), დულინგი (3), დენიელსი (2), ჰოლინზი (2), პიეტრუსი (1).რეალიზაციის პროცენტი: თამაშიდან (50/39.5), სამქულიანები (20/28.6), საჯარიმოები (69.6/52.4).სერია: 1-0.

[VIDEO] გენიალური სტეფ კარის შოუ ნიკოლა იოკიჩის "დენვერ ნაგეთსთან"

[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"

[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!

შენგელიას 13 ქულა და "ბარსელონას" საშინაო მარცხი "ჟალგირისთან"

საქართველო - მოლდოვა | ქალთა ნაკრებმა მატჩისწინა ვარჯიში გამართა

მესიმ "ინტერ მაიამისთან" კონტრაქტი გაახანგრძლივა

"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა

2 წელზე მეტი გავიდა - პოგბა მოედანზე დაბრუნებასთან ახლოსაა

მძიმე ტრავმის შემდეგ ჯამალ მუსიალამ ვარჯიში დაიწყო

ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა

საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს

ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა

ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს

[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე

"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია

[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა

"ბარსელონამ" შეიძლება ტერ შტეგენი სხვა კლუბში გაუშვას

"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს

ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს

"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა

გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა

ოსიმენის დუბლი - "გალათასარაიმ" და "ატლეტიკმა" გაიმარჯვეს