- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთის ნაკრების ყველა დროის ტოპ-10 გოლეადორი
<p>ბერნში, "სტად დე სუისზე" ესპანეთის ნაკრებმა დამაჯერებელი მოგება ჩაიწერა სამხრეთ კორეის გუნდთან - 4:1 <br> <strong></strong><strong><em>ესპანეთი-კორეა 4:1</em></p><p></strong>ესპანეთი (4-3-3): რეინა (81. კასილიასი) - არბელოა, ალბიოლი, სერხიო რამოსი (57. დომინგესი), მონრეალი - კასორლა (57. სოლდადო), ჩაბი ალონსო (65. ბრუნო), ბენიატი - სილვა, ტორესი (57. ნეგრედო), მატა (57. ადრიანი).</p><p>გოლები: 1:0 ტორესი (12), 1:1 კიმი (43), 2:1 ჩაბი ალონსო (52-პენ), 3:1 კასორლა (56), 4:1 ნეგრედო (80)</p><p>ბერნში, "სტად დე სუისზე" ესპანეთის ნაკრებმა დამაჯერებელი მოგება ჩაიწერა სამხრეთ კორეის გუნდთან - 4:1.</p><p>შეგახსენებთ, რომ 10 წლის წინათ ეს გუნდები ერთმანეთს მუნდიალის მეოთხედფინალში შეხვდნენ და არაობიექტური მსაჯობისა და პენალტების სერიის წყალობით ნახევარფინალში აზიელები გავიდნენ.</p><p>ასე რომ, ეს ამხანაგური მატჩი გარკვეულწილად შურისძიებადაც შეგვიძლია აღვიქვათ ესპანელთა მხრიდან.</p><p>ესპანელთა იმ შემადგენლობიდან მხოლოდ ერთი შემორჩა, ვინც შვეიცარიაში ითამაშა - იკერ კასილიასი.</p><p><strong>დაწუნებულთა მონაგარი</p><p></strong>სხვათა შორის, ვისენტე დელ ბოსკემ სიის გაცხრილვის შემდეგ დაწუნებული ფეხბურთელები სახლში არ გაუშვა და ამ შეხვედრაშიც ათამაშა.</p><p>მორალური თვალსაზრისით ეს შესანიშნავი საქციელია, მაგრამ რას შეჰმატებს ნაკრებს იმათი თამაში, რომლებიც პოლონეთ-უკრაინაში მწვრთნელს ისედაც არ მიჰყავს, გაუგებარია.</p><p>მოკლედ, დავიდ დე ხეასა და ისკოს თუ არ ჩავთვლით (რომელთაც ახალგაზრდული ნაკრების ბანაკში გადაინაცვლეს) ამ შეხვედრაში თამაში ხუთივე დაწუნებულს მოუწია - ორი მათგანი, ბენიატ ეჩებარია და ნაჩო მონრეალი სულაც სასტარტოში იყო. შეცვლაზე კი ადრიან ლოპესი, რობერტო სოლდადო და ბრუნო სორიანო შევიდნენ.</p><p>სხვათა შორის, დელ ბოსკე შესაძლოა ნანობს კიდევაც, რომ ზოგიერთი მათგანი არ წაიყვანა - ნაჩო მონრეალი ფლანგზე აგრესიული იყო, თანაც დაცვაში - სოლიდური. ბენიატ ეჩებერია ნამდვილად გამოადგება მომავალში ნაკრებს მისი გრძელი პასები და ჩაწოდებები მუდამ სახიფათოა. სწორედ სევილიელის ჩაწოდების შემდეგ გაიხსნა ანგარიში ამ შეხვედრაში.</p><p>რობერტო სოლდადო, რომლის დატოვება ყველას გაუკვირდა, ნახევარ საათშიც კი პროდუქტიული გამოდგა - შესანიშნავი საგოლე პასი მიაწოდა ალვარო ნეგრედოს.</p><p>რაც შეეხება წინა მატჩის გმირ ადრიან ლოპესს, ეტყობა მასზე ძალიან ცუდად იმოქმედა სიაში ვერ მოხვედრამ - კორეასთან ვერაფერი შექმნა.</p><p><strong>ტორესმა მორიენტესს გაასწრო</p><p></strong>მატჩის მე-12 წუთზე ფერნანდო ტორესმა ულამაზესი გოლი გაიტანა თავით, თანაც კართან ზურგით მდგომმა. ეს მისი 28-ე გოლია ეროვნულ გუნდში.</p><p>"ჩელსის" ფორვარდი "ფურია როხას" ყველა დროის ბომბარდირთა სიაში უკვე მე-4 ადგილზეა. შეგახსენებთ, რომ პირველი დავიდ ვილიაა (51 გოლი). ფერნანდო ტორესი გახარებულია, რომ ევროპის ჩემპიონატის წინ ტოპ-ფორმაში შედის.</p><p>"თავს დიდებულად ვგრძნობ. მონდომებით ვვარჯიშობ. ერთი სული მაქვს, როდის დაიწყება ევროპის პირველობა.</p><p>ხანდახან, როცა დაკარგულს იბრუნებ, შენს მდგომარეობას უფრო მეტად აფასებ. ვტკბები ყოველი წუთით, რომელსაც ეროვნულ ნაკრებში ვატარებ.</p><p>გოლები კარგია და იმედი მაქვს, რომ ევროს შემდეგ წინ მხოლოდ რაული და ვილია იქნებიან, თუმცა მთავარი მაინც ისაა, რომ ნაკრებს დავეხმარო. ცუდი დროება უკან მოვიტოვე, ამიტომ ძალიან გახარებული ვარ", - განაცხადა მატჩის შემდეგ 28 წლის ფორვარდმა.</p><p>აქვე გთავაზობთ ესპანეთის ნაკრების ყველა დროის ტოპ-10 გოლეადორს.</p><p><strong>ფეხბურთელი გოლი თამაში</p><p></strong>1. დავიდ ვილია 51 82</p><p>2. რაული 44 102</p><p>3. ფერნანდო იერო 29 89</p><p>4. ფერნანდო ტორესი 28 92</p><p>5. ფერნანდო მორიენტესი 27 47</p><p>6. ემილიო ბუტრაგენიო 26 69</p><p>7. ალფრედო დი სტეფანო 23 31</p><p>8. ხულიო სალინასი 23 56</p><p>9. მიჩელი 21 66</p><p>10. ტელმო ზარა 20 20</p><p><strong>კასილიასი და მოგება სინონიმები გახდნენ</p><p></strong>იკერ კასილიასი მატჩის მიწურულსღა ჩაერთო თამაშში, მაგრამ ეს საკმარისი გახდა, რომ ესპანეთის ნაკრების კაპიტანს რეკორდი დაემყარებინა - აქამდე არავის, არც ერთ ეროვნულ ნაკრებში არ მოუგია ამდენი თამაში - იკერმა ნაკრების ფორმა 130-ედ ჩაიცვა და 95-ე გამარჯვება იზეიმა.</p><p>აქამდე რეკორდი ორ ფეხბურთელს ეკუთვნოდა - ფრანგ ლილიან ტურამსა და ეგვიპტელ აჰმედ ჰასანს.</p><p>31 კასილიასი ანგარიშზე კიდევ ორი დიდი მიღწევაა - მან 74-ჯერ შეძლო ნაკრების კარის "მშრალად შენახვა". და ის მსოფლიოს გოლკიპერთა შორის მე-4 ადგილზე გადავიდა ნაკრებში ჩატარებული მატჩების მიხედვით.</p><p>პირველზე საუდის არაბეთის ლეგენდარული მეკარე მოჰამედ ალ-დეაიაა 178 მატჩით. შემდეგ მოდიან თომას რაველი (შვედეთი) - 143 და ლი ვონ-იაე (კორეა) - 132. არაბის რეკორდის რა მოგახსენოთ და დანარჩენ ორს კასილიასი მომავალში ალბათ გაუსწრებს.</p><p><strong>საუკეთესო სანტი</p><p></strong>როგორც ჩანს, ევრო 2012-ზე ესპანეთის ნაკრებს ახალი ლიდერი ეყოლება - 27 წლის სანტიაგო კასორლა გონსალესი. "მალაგაში" გადასვლის შემდეგ კასორლა კიდევ უფრო კარგად ათამაშდა.</p><p>ასტურიელი საუკეთესო იყო სამხრეთ კორეელებთან მატჩში. პირველ ტაიმში საშინელი ძალით დაურტყა აზიელთა გოლკიპერს, თუმცა გოლი არ გავიდა, მეორეში კი სანტიმ ცოცხალ კედელს ქვემოდან გაუძვრინა ბურთი და ესპანელთა მესამე გოლი გაიტანა. ეს კასორლას მე-7 გოლია ეროვნულ ნაკრებში.</p><p><strong>ისევ უბარსელონოდ</p><p></strong>ესპანეთის ნაკრები ისევ "ბარსელონას" ფეხბურთელების გარეშე გავიდა ფონს. დელ ბოსკემ დასვენების საშუალება მისცა ფინალის ბატალიებგამოვლილი ჟერარდ პიკე, სერხიო ბუსკეტსი, ჩავი, ანდრეს ინიესტა და პედრო (ისინი შეკრებაზე დღეს გამოცხადდებიან). ტრავმირებულია სესკ ფაბრეგასი.</p><p>მოკლედ, დელ ბოსკეს ვერ ვცნობთ: ათამაშებს იმათ, რომლებიც ფინალურ ეტაპზე არ მიჰყავს და ასევენებს ფინალურ ეტაპზე წამსვლელებს. არადა, ჯერ მხოლოდ 61 წლისაა...</p><p><strong>ყველაფერი კარგად იყო</p><p></strong>"ყველაფერი პოზიტიურად წარიმართა. ჩვენ ბევრი გოლი გავიტანეთ და არავინ დაშავებულა. მეტოქის მთავარი ამოცანა იყო - ესპანეთის ნაკრებს არ ეთამაშა კარგი ფეხბურთი.</p><p>ყველა იმ ფეხბურთელმა, რომლებიც ევროპის ჩემპიონატზე არ მიმყავს, კარგად ითამაშა. 1 ივნისიდან უკვე სხვა გუნდი მეყოლება და იმედია, ყველაფერი კარგად იქნება".</p><p><strong>ყოველდღიური სპორტული გაზეთი "ლელო"</strong></p>
"სჯობდა საერთოდ არაფერი ეთქვა" - კომპანიმ მოურინიო გააკრიტიკა
უარი კერიკს - "რაშფორდს" "მანჩესტერ იუნაიტედში" დაბრუნება არ სურს
"თუ თქვა, ესე იგი ასე იყო, ვინისიუსს ვენდობი" - არბელოამ ბრაზილიელი დაიცვა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა