<p>მსოფლიოს მეოთხე ჩოგანმა, ჩეხმა პეტრა კვიტოვამ როლან გაროსის ოფიციალურ ვებ-გვერდს მისცა ინტერვიუ <br> მსოფლიოს მეოთხე ჩოგანმა, ჩეხმა პეტრა კვიტოვამ როლან გაროსის ოფიციალურ ვებგვერდს მისცა ინტერვიუ, სადაც ილაპარაკა თავის გზაზე პროფესიულ ტურში, აგრეთვე ჩოგბურთის მიღმა საკუთარ პრიორიტეტებზე.</p><p><strong>- თუ გახსოვთ პირველი მატჩი WTA-ის ტურში?</p><p></strong>- სიმართლე გითხრათ, კარგად არ მახსოვს ჩემი პირველი მატჩი. როცა დღევანდელი დღით ცხოვრობ, კარიერის აქტიურ ფაზაში იმყოფები, ოდნავ რთულია წარსულში დაბრუნება. შესაძლოა, ეს კარიერის დასრულების შემდეგ გავაკეთო. დღეს ყველაზე კარგად მახსოვს ჩემი წარმატება უიმბლდონზე და ტრიუმფი 2011 წელს ფედერაციის თასზე. ეს ფანტასტიკური სეზონი იყო.</p><p><strong></p><p>- ბუნებრივია თუ არა ჩეხი ჩოგბურთელისთვის იყოს მარტინა ნავრატილოვას თაყვანისმცემელი?</p><p></strong>- შესაძლოა. არ ვიცი რას ფიქრობენ სხვა გოგონები, მაგრამ მე ყოველთვის აღფრთოვანებული ვიყავი მისი თამაშით, გამარჯვებებით და ხასიათის სიმტკიცით. მას ძალიან გონიერი მიდგომა ჰქონდა ჩოგბურთის მიმართ, აგრეთვე სასიამოვნოა ურთიერთობაში.</p><p><strong></p><p>- თქვენი სიმაღლით (183 სმ) შეგეძლოთ კალათბურთში ან ფრენბურთში წასულიყავით - ჩოგბურთის გარდა, ეს თქვენთვის სპორტის ორი საყვარელი სახეობაა. ჩოგბურთის სასარგებლოდ არჩევანის გაკეთება გაგიჭირდათ?</p><p></strong>- ათ წლამდე ვიცდიდი, სანამ საბოლოო არჩევანს გავაკეთებდი. როგორც კი ჩოგბურთზე შევჩერდი, სხვას ყველაფერს თავი დავანებე. კალათბურთს კოლეჯში ვთამაშობდი, მაგრამ საკლუბო დონეზე არასოდეს გამოვსულვარ. თუმცა ფრენბურთით სერიოზულად ვიყავი დაკავებული.</p><p><strong></p><p>- კორტზე მაქსიმალურად გაწონასწორებული ხართ. როგორ აღნიშნავთ გამარჯვებებს?</p><p></strong>- ჭკუიდან არ გადავდივარ, რადგან არ გახლავართ ხმაურიანი საღამოების მოყვარული. თითქმის არ ვეტანები სპირტიან სასმელებს - ეს უბრალოდ ჩემი არ არის. მიყვარს რესტორანში ნათესავებთან, მეგობრებთან და საკუთარი გუნდის წევრებთან ერთად სტუმრობა, მათთან ერთად გემრიელი კერძების მირთმევა.</p><p><strong></p><p>- მამათქვენი და თქვენი ძმა სკოლაში მუშაობენ, მეორე ძმა – ინჟინერია. როგორც ჩანს, თქვენს ოჯახში განათლება მნიშვნელოვან როლს თამაშობს. თქვენ გამონაკლისი ხართ?</p><p></strong>- მამაჩემი კატეგორიულად მოითხოვდა კოლეჯი დამემთავრებინა და დიპლომი ამეღო. კარგი მოსწავლე ვიყავი.</p><p>ყოველთვის მესმოდა, რომ ეს ძალიან მნიშვნელოვანი იყო, მაგრამ პროფესიულ ტურში გამოსვლისას არ შემიძლია უნივერსიტეტში სწავლა. მივიღებ თუ არა უმაღლეს განათლებას კარიერის დასრულების შემდეგ? ჯერჯერობით ძალიან ადრეა ამაზე ლაპარაკი.</p><p><strong></p><p>- ბევრი ჩოგბურთელი ვერ დაიკვეხნის ისეთი ძლიერი მოწოდებით, როგორიც თქვენ გაქვთ. ამას ბავშვობაში ბიჭების ცემით მიაღწიეთ?</p><p></strong>- არა, რა თქმა უნდა (იცინის). ძირითადად, სიმაღლე მეხმარება. აგრესიულად ვთამაშობ უკანა ხაზზე, ამიტომაც მიყვარს შეტევა და ძლიერი დარტყმების შესრულება. ძალა არ არის მთავარი ჩემს თამაშში, მნიშვნელოვანია ზუსტად მოვარტყა ბურთს და კორტის კუთხეში ჩავაგდო.</p><p><strong></p><p>- როგორც მეოთხე ჩოგანს, გიადვილდებათ ახალგაზრდა მამაკაცების მოხიბვლა?</p><p></strong>- მე მყავს ბოიფრენდი, ასე რომ, არაფრის თქმა არ შემიძლია. ერთმანეთი 2011 წლის სეზონის წინ გავიცანით.</p><p><strong></p><p>- ასეთ ახალგაზრდულ ასაკში მოპოვებულ მილიონებს რას უშვებით?</p><p></strong>- ფულს ბანკში ვინახავ და ვცდილობ ბევრი არ დავხარჯო. ყველაფერი მაქვს, რაც მჭირდება. ასე რომ, სიმართლე გითხრათ დიდად არ ვღელავ ამის გამო.</p><p><strong></p><p>- რომელ ღონისძიებაზე დასასწრებად არ დაინანებდით ფულს?</p><p></strong>- მომღერალ Pink-ის კონცერტზე დასასწრებად. ამას აბსოლუტურად გულწრფელად ვამბობ.</p><p><strong></p><p>- შეგიძლიათ შეასრულოთ რაიმე ჩეხური სიმღერა?</p><p></strong>- ჩეხური ესტრადა ძალიან მიყვარს, მაგრამ ახლა არ ვიმღერებ - ასე უკეთესი იქნება თქვენთვის.</p><p><strong>ყოველდღიური სპორტული გაზეთი "ლელო"</strong></p>
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
ბასილაშვილი შანხაის მასტერსის ძირითად ბადეში შევიდა და ასეულში დაბრუნდა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა