<p>31 მაისს მიხეილ მესხის სახელობის სტადიონზე საქართველოს ჩემპიონატი დაიწყო მშვილდოსნობაში <br> 31 მაისს მიხეილ მესხის სახელობის სტადიონზე საქართველოს ჩემპიონატი დაიწყო მშვილდოსნობაში და შესარჩევი ეტაპის შეხვედრები გაიმართა.</p><p>ამჯერად ყველაზე საინტერესო ამბავი ვაჟებში მოხდა და არა ქალებში, როგორც მიჩვეულები ვართ.</p><p>კვლავ გაგვახარა თბილისელმა ლაშა ფხაკაძემ (მწვრთნელი - გია მაკიევი), რომლის ბოლოდროინდელი შედეგები ისედაც საქართველოს რეკორდი იყო, თუმცა ამჯერად შეუდარებლად უკეთ ისროლა და სარეკორდო მაჩვენებელი 665 ქულამდე გაზარდა.</p><p>ეს რაოდენ კარგი შედეგია, შემდეგი მაგალითიდანაც ჩანს - მას ამდენივე ქულა ერთი კვირის წინ ამსტერდამში გამართულ ევროპის ჩემპიონატზე რომ მოეგროვებინა, საკვალიფიკაციო ეტაპს მესამე ადგილზე დაასრულებდა. თუმცა ფხაკაძეს ურიგოდ არც ჰოლანდიაში უსვრია - 639 ქულა დააგროვა, მაგრამ ახლანდელთან შედარებაც არაა.</p><p>ისიც კარგი ფაქტია, დროის ასეთ მოკლე მონაკვეთში ამხელა პროგრესი რომ განიცადა. ის უკვე იქცა სტაბილურ მოისრედ. ახლა კი მის წინაშე ახალი ამოცანაა - შედეგების ამაღლება, რასაც ნელ-ნელა აღწევს.</p><p>ნაკრების კორეელმა მწვრთნელმა ან ჰეიუნ სანმა წლეულს აქცენტი ვაჟთა გუნდზეც გააკეთა და ლიცენზიების მოპოვებას არც მათგან გამორიცხავს.</p><p>სამწუხაროდ, 31 მაისს გუნდის სხვა წევრებმა იმდენად არასაიმედოდ ისროლეს, ვერ გეტყვით, მისი ოპტიმიზმი რამდენად რეალურია, მაგრამ ფხაკაძეს პირადში ნამდვილად შეუძლია საგზურისთვის ბრძოლა.</p><p>საამისოდ საჭიროა, 18-24 ივნისს ამერიკულ ოგდენში გასამართ მსოფლიოს თასის მესამე ეტაპზე, რომელიც სალიცენზიო ტურნირიცაა, უსაგზუროთათვის საგანგებოდ გასამართ შეჯიბრებაში ხუთეულში მოხვდეს (გუნდურში სამეულში შესვლაა საჭირო).</p><p>ვაჟთა შორის მეორე ადგილზე ირაკლი ქვლივიძეა 592-ით, მესამეზე - თენგიზ ლურსმანაშვილი (ორივე - თბილისი) 585-ით.</p><p>ქალთა შორის მოულოდნელი არაფერი მომხდარა და სამეულში ნაკრების წევრები შევიდნენ - პირველზე მსოფლიოს ვიცე-ჩემპიონი ქრისტინე ესებუაა 633 ქულით, მეორეზე - ხათუნა ნარიმანიძე 616-ით, მესამეზე - ასმათ დიასამიძე 613-ით.</p><p>თუმცა აღსანიშნავი ფაქტი აქაცაა - ნარიმანიძეს ამჯერად გვერდში შვილი, ციალა ფუტკარაძეც ამოუდგა და მასთან ერთად მოზიდა მშვილდი, ცოლ-შვილის ასპარეზობას კი მათივე მწვრთნელი, ნაკრების ყოფილი თავკაცი თამაზ ფუტკარაძე ადევნებდა თვალს.</p><p>უმცროსი ფუტკარაძე აქამდე ერთხელ ერევანში გამოვიდა ევროპის თასზე, თუმცა იქ ნარიმანიძეს არ უასპარეზია. ახლა კი დედა-შვილი პირველად გამოდის ერთად, როგორც კონკურენტები.</p><p>თეორიულად შესაძლებელია, ისინი დღეს პლეი ოფის მეოთხედფინალში ერთმანეთსაც დაუპირისპირდნენ. თუმცა, როგორც უნდა განვითარდეს მოვლენები, ნარიმანიძემ უკვე აიხდინა ერთი ოცნება - შვილთან ერთად გავიდა სასროლეთზე.</p><p>მისასალმებელია, რომ საქართველოს ჩემპიონატი ისევ ჩატარდა. ამჯერად ის მხოლოდ უფროსებში იმართება, თუმცა ახალგაზრდული ნაკრების წევრებიც ბლომად გამოდიან. ვაჟთა ტურნირში 27 მონაწილეა, ქალებში - 12, ხოლო რეგიონებიდან აჭარა და ქუთაისია წარმოდგენილი. შეჯიბრება დღეს დასრულდება პლეი ოფებით და გამოვლინდებიან საქართველოს ჩემპიონატის მედალოსნები.</p><p><em>ფხაკაძის ახალი რეკორდი (იბეჭდება მცირე ცვლილებით)</p><p></em><strong>ყოველდღიური სპორტული გაზეთი "ლელო"</strong></p>
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა