- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რა პირობა დადო ლარისა რიკელმემ
<p><p>ფოტოზე ლარისა რიკელმეა, პარგვაის ნაკრების ნომერ პირველი ფანი მუნდიალზე და სამხრეთ აფრიკაში მყოფ მშვენიერ ქალბატონთაგან ერთ-ერთი ყველაზე პოპულარული გულშემატკივარი, რომელიც Viva la albirroja!!!-ს შეძახილით იყოლიებს თანამემამულეებს, რიცხვმცირე, მაგრამ მეტად ხმაურიან პარაგვაულ დესანტს. არ ვიცით, რამდენად უშველის ამჯერად ლარისა "ალბიროხას", რომელმაც ისედაც ბევრს მიაღწია მუნდიალზე - მეოთხედფინალში გავიდა</p> <br> <p><strong>ვილია რაულის რეკორდს უტევს</strong></p> <p>3 ივლისი. იოჰანესბურგი. "ელის პარკი". 22:30</p><p><strong><span style="font-size: large;"></p><p>პარაგვაი-ესპანეთი</span></strong></p> <p>სავარაუდო შემადგენლობები</p><p><strong>პარაგვაი (4-4-2): </strong>ვილარი - ბონეტი, ალკარასი, და სილვა, მორელი - ვერა, რივეროსი, კასერესი, ბენიტესი - სანტა კრუსი, ბარიოსი.</p><p><strong>ესპანეთი (4-3-2-1):</strong> კასილიასი - ს. რამოსი, პიკე, პუიოლი, კაპდევილა - ჩავი, ბუსკეტსი, ჩაბი ალონსო - ინიესტა, ვილია - ტორესი.</p><p><strong>არბიტრი: </strong>კარლოს ბატრესი (გვატემალა)</p> <p>ფოტოზე ლარისა რიკელმეა, პარგვაის ნაკრების ნომერ პირველი ფანი მუნდიალზე და სამხრეთ აფრიკაში მყოფ მშვენიერ ქალბატონთაგან ერთ-ერთი ყველაზე პოპულარული გულშემატკივარი, რომელიც Viva la albirroja!!!-ს შეძახილით იყოლიებს თანამემამულეებს, რიცხვმცირე, მაგრამ მეტად ხმაურიან პარაგვაულ დესანტს. არ ვიცით, რამდენად უშველის ამჯერად ლარისა "ალბიროხას", რომელმაც ისედაც ბევრს მიაღწია მუნდიალზე - მეოთხედფინალში გავიდა. პარაგვაის ნაკრები მუნდიალზე მერვედ არის და ეს გუნდის ყველაზე დიდი მიღწევაა, თუმცა 24 წლის ლარისა და კომპანია აღარ მალავს, რომ მათ მეტის მიღწევის იმედი აქვთ. მეტიც, ლარისა რიკელმემ, რომელიც სამშობლოში ცნობილი მოდელია, საჯაროდ დადო პირობა, რომ თუკი პარაგვაი მსოფლიოს ჩემპიონატს მოიგებს (?!), ის ქუჩაში დედიშობილა გაივლის (მხოლოდ ტანი ექნება მოხატული ეროვნული დროშის ფერებში). ასე რომ, მარადონა ნუდისტურ ზრახვებში მარტო არ არის...</p><p>პარაგვაის ნაკრები, რომ ხელწამოსაკრავი მეტოქე არ არის, ეს ხერარდო მარტინოს გუნდმა უკვე შესანიშნავად დაამტკიცა, როცა იმ ჯგუფში პირველი ადგილი მოიპოვა, სადაც მსოფლიოს ჩემპიონი თამაშობდა. თუმცა ესპანელებს მაინც გაუმართლდათ, მსოფლიოს ჩემპიონატის ამ სტადიისთვის მათი მეტოქე საკმაოდ სუსტია იმისათვის, რომ "ესპანური არმადის" შეჩერება შეძლოს. პარაგვაი პირველად თამაშობს მეოთხედფინალში, თავის მხრივ ესპანეთსაც არასოდეს გადაულახია ეს ეტაპი მუნდიალების ისტორიაში - მართალია, "ფურია როხას" საუკეთესო შედეგი მე-4 ადგილია (1950 წელს), მაგრამ ბრაზილიაში მსოფლიოს ჩემპიონი ფინალური ჯგუფური ეტაპით გამოვლინდა. პარაგვაის ძლიერი შემადგენლობა ჰყავს და, როგორც ჩილეს ნაკრები, ტაქტიკურად განწავლული გუნდია. სამხრეთამერიკული გუნდი თამაშობს, მინდვრის შუაში სამი საკმაოდ ღრმად შეწეული ნახევარმცველით, რომელთაც ძალზე ეფექტურად შეუძლიათ მეტოქის შეტევის ჩაშლა. დაცვის ხაზშიც ყველაფერი მწყობრშია, გუნდმა ტურნირზე ერთადერთი გოლი გაუშვა, ისიც იტალიელთაგან. აი, შეტევასა და შექმნაში კი გუნდი დიდად ვერ ყოჩაღობს, მაგალითად, იაპონიასთან მატჩში პარაგვაელთა პასების მხოლოდ 60 პროცენტი იყო ზუსტი. თუკი ოთხი მცველი და სამი უკანდახეული ნახევარმცველი ფუნქციებს თავს კარგად ართმევს, მათი კავშირი ორ ფორვარდთან საკმაოდ დისტანციური და არაეფექტურია. ნახევარდაცვაში ართმევაზე ვერა, კასერესი და რივეროსი თამაშობენ, შექმნაზე კი - ედგარ ბენიტესი. ბენიტესიც გარკვეულ იზოლაციაშია, ხოლო ფორვარდებს, ბარიოსსა და სანტა კრუსს ლამის ყველა სახიფათო მომენტის შემქნაზე ზრუნვა თავადვე უწევთ, მათ უკნიდან სათანადოდ ვერ ეხმარებიან. პარაგვაი ამ პრობლემის გადასაჭრელად გრძელ პასებს იყენებს, რაც გუნდს კარგად კი გამოსდის, მაგრამ მაინც შეტევაში სამხრეთამერიკული ნაკრები ერთფეროვანია. ბარიოსი ძალზე ნიჭიერი ფორვარდია და მას შეუძლია პიკესა და პუიოლს პრობლემები შეუქმნას. ხერარდო მარტინოს შეტევაში რეზერვიც არ აქვს ურიგო: სკამზე ორი კარგი ფორვარდი ზის - ვალდესი და კარდოსო. როცა პარაგვაი შეტევაშია, 4-4-2 4-3-3-დ იქცევა, ამ დროს ბენიტესი მარცხენა ფლანგიდან უტევს. საერთო ჯამში პარაგვაის შეტევები მაინც ადვილად გამოსაცნობი სცენარით ვითარდება.</p><p>ესპანეთის ნაკრებს ტრავმის გამო რაულ ალბიოლი გამოაკლდა. მართალია, ალბიოლი ისედაც არ არის ძირითადის ფეხბურთელი, მაგრამ როცა ის თამაშობს ეროვნული ნაკრები მხოლოდ იგებს (თუმცა ეს უბრალო დამთხვევაა). ვარჯიშზე კოჭის ტრავმა მიიღო ხავი მარტინესმა. ჩაბი ალონსომ და ანდრეს ინიესტამ შეძლეს პორტუგალიასთან თამაში, ამიტომაც ვისენტე დელ ბოსკეს ტაქტიკისა და შემადგენლობის შეცვლის მიზეზი არა აქვს (მხოლოდ ერთ პოზიაციაზე საუბარი ცალკე მოგვიწევს). როცა ინიესტა თამაშობს, ესპანეთის ნაკრებს შექმნაში პრობლემები აღარ აქვს. დიდებულად ეხმარება შემტევებს სერხიო რამოსიც, რომლის სოლორეიდები და ჩაწოდებები ბევრ თავსატეხს უქმნის მეტოქე გუნდებს. თავისთავად რამოსის წინ წასვლა სივრცეებს ტოვებს დაცვაში, თუმცა ეს ისედაც მოსალოდნელი იყო.</p><p>მთავარი კითხვა იმ ფეხბურთელს შეეხება, რომელიც ევროტრიუმფის დროს "ფურია როხას" ლამის უმთავრესი იარაღი იყო - ფერნანდო ტორესს. "ელ ნინიო ფორმაში არაა, ესპანეთის ნაკრებმა მხოლოდ მას შემდეგ დაძლია პორტუგალიის ნაკრების წინააღმდეგობა, რაც ვისენტე დელ ბოსკემ მის ნაცვლად ფერნანდო ლორენტე შემოიყვანა. თითქოსდა ლორენტეს გამოყენება უპრიანი იქნებოდა, ჯერ ერთი, მან აჩვენა, რომ კარგ ფორმაშია, მეორეც სულ სხვა სტილის ფორვარდია, ვიდრე ტორესი და პარაგვაის დაცვის ხაზისთვის ამის გამოც უფრო მეტი პრობლემის შექმნა შეუძლია. ერთი ეგ არის - დელ ბოსკემ უკვე განაცხადა, რომ "ელ ნინიოს" კვლავაც ენდობა და სასტარტოდან მის ამოგდებას არ აპირებს. არადა ლორენტეს გამოყვანის შემთხვევაში რამოსის ჩაწოდებებს მეტი აზრი მიეცემოდა, რადგან ტორესი ხშირად ინერტული იყო ჩაწოდებებისას და რამოსმა არ იცოდა რა ექნა ბურთისათვის, ვილია ძალზე შორს იყო ფლანგზე მისგან. ლორენტემ რომ ითამაშოს, ესპანეთის ნაკრების ცენტრიდან შეტევის შესანიშნავი შანსიც გაუჩნდება, რადგან ბასკი კარისკენ ზურგით მდგომი შესანიშნავად თამაშობს და "იჭერს ბურთს".</p><p>დავიდ ვილიას ესპანეთის ნაკრებში 40 გოლი აქვს გატანილი, ორით ნაკრები, ვიდრე რეკორდსმენ რაულ გონსალესს. "ელ გუახე" დღეს რაულის რეკორდის დამხობას შეეცდება. ესპანეთისა და პარაგვაის ნაკრებები აქამდე სულ სამჯერ შეხვდნენ ერთმანეთს, ერთი მატჩი "ფურია როხამ" მოიგო, ხოლო 2 ფრედ დასრულდა, ბურთების შეფარდება 3:1-ია ევროპის ჩემპიონის სასარგებლოდ.</p><p><strong>ნელსონ ვალდესი</strong> (პარაგვაი): "ესპანეთის ნაკრებს განსაკუთრებული ფეხბურთელები ჰყავს, მაგრამ ჩვენ მუნდიალზე დავამტკიცეთ, რომ უკეთესად ფავორიტების წინააღმდეგ ვთამაშობთ. ჩვენ ჯერ არ ვაპირებთ სამხრეთი აფრიკიდან წასვლას, დაე, ეს მეტოქემ გააკეთოს. ხერარდო მარტინო ერთ-ერთი საუკეთესო მწვრთნელია იმათთაგან, ვისთანაც მიმუშავია".</p><p><strong>ვისენტე დელ ბოსკე</strong> (ესპანეთის ნაკრების მწვრთნელი): "ჩვენი მთავარი ფორვარდი ფერნანდო ტორესია. მან უკვე ბევრი ითამაშა ამ მუნდიალზე და კიდევ მეტ დროს მივცემთ თავის გამოჩენისათვის. რა თქმა უნდა, ვიცი, რომ ფერნანდო ლორენტეს ბევრი სარგებელის მოტანა შეუძლია გუნდისთვის".</p><p><strong>ფერნანდო ლორენტე</strong> (ესპანეთი): "დიდებული მომენტი იყო ჩემთვის, როცა მწვრთნელმა მოედანზე შესვლა მიბრძანა. ყველანი ძალიან დაძაბულები ვიყავით, განსაკუთრებით სათადარიგოთა სკამზე. მოედანზე გასვლისთანავე გაქრა ნერვიულობა, შევეცადე ჩემი შესაძლებლობები გამომეყენებინა გუნდის წარმატებისათვის. მას შემდეგ, რაც შვეიცარიასთან წავაგეთ, გუნდი უკეთესად ათამაშდა".</p> <p> </p></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
პსჟ-ს ფეხბურთელი ევროპაში საუკეთესოდ აღიარეს
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
"ის, რაც "კვარამ" ფინალში გააკეთა, უმნიშვნელოა", - მბაპეს მამა
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
გურულმა მედალი გაინაღდა - ქართველი მოკრივე მსოფლიო ჩემპიონატის ნახევარფინალშია
დონჩიჩის 39 ქულა საკმარისი არ აღმოჩნდა - ფინეთი გერმანიას შეხვდება
"შავი ლომი" | "ბენეტონთან" ტრევიზოში
ერიკსენი კარიერას "ვოლფსბურგში" გააგრძელებს
"არარაობანი - რებროვს არ გააგდებენ, რადგან შევჩენკოს მეგობარია" - ყოფილი უკრაინელი ფეხბურთელი
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
17-წლამდე გოგონათა ნაკრები ორ ამხანაგურ მატჩს გამართავს
სტივ კუპერმა სამუშაოდ დანიაში გადაინაცვლა
კიდევ ერთი ვარსკვლავი "ლივერპულიდან" "რეალში" უფასოდ - კონატეს მადრიდულ გრანდში გადასვლა უნდა
რეკორდი გაიმეორა - რონალდო მორიგ მიღწევას უმიზნებს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს