<p>ქარის თასის რეგულარული გათამაშების დასრულებამდე სამი ტური დარჩა. ერთადერთი გუნდი, რომელსაც შეუძლია მომდევნო სამი კვირა მშვიდად იცხოვროს, "ნატალ შარქსია"...</p><p><br> ქარის თასის რეგულარული გათამაშების დასრულებამდე სამი ტური დარჩა. ერთადერთი გუნდი, რომელსაც შეუძლია მომდევნო სამი კვირა მშვიდად იცხოვროს, "ნატალ შარქსია". დურბანელები 46 ქულით პირველ ადგილზე არიან და 15 ქულით უსწრებენ მეხუთეადგილოსან "ლაიონზს".</p><p>სხვებზე მეტ-ნაკლებად უკეთესი მდგომარეობა აქვს "ვესტერნ პროვანსს", რომელმაც მე-11 ტურში სტუმრად გაანადგურა ერთ-ერთი აუტსაიდერი "პუმასი" - 62:10. "დასავლელებმა" მასპინძლებს რვა ლელო გაუტანეს, აქედან ორ-ორი სამხრეთ აფრიკის ნაკრების წევრების, მესამეხაზელ ფრანსუა ლავისა და გარემარბ ხიო ეპლონის ანგარიშზეა. ასპროცენტიანი მაჩვენებელი აქვს მგეზავ ვილემ დე ფაალს, რომელმაც რვავე ლელო გარდასახა და ორი საჯარიმოც მიაყოლა (22 ქულა).</p><p>"ვესტერნ პროვანსი" ახლა 38 ქულით მე-2 ადგილზეა. მას ხუთი ქულით ჩამორჩება უახლოესი მდევარი პრეტორიის "ბლუ ბულზი", რომელმაც შინ მძიმე ბრძოლაში პლეი ოფში გასვლისთვის მებრძოლი "ლაიონზი" დაამარცხა - 24:21.</p><p>მატჩის პირველი ნახევარი 6:6 დამთავრდა. ორ-ორი საჯარიმო მგეზავებმა იაკო პოთხიტერმა (ბლუ ბულზი) და ტომას იანტისმა (ლაიონზი)გაიტანეს.</p><p>შესვენების შემდეგ მასპინძლები საგრძნობლად გააქტიურდნენ და 62-ე წუთისთვის სტივენ ფატერმეიერისა და იან ფან ფელზის ორი ლელოს წყალობით 24:9 დაწინაურდნენ. დარჩენილ დროში სტუმრებმა ამას ორი ლელოთი უპასუხეს, მაგრამ მატჩის ბედი პოთხიტერის ვიზავიზე ერთით მეტი გატანილმა საჯარიმომ გადაწყვიტა - 24:21.</p><p>"ლაიონზს", რომელიც 31 ქულით მეხუთე ადგილზეა, "გრიკასი" წამოეწია, რომელმაც შინ აუტსაიდერი "ლეოპარდსი" დაამარცხა - 29:20. აღსანიშნავია, რომ პირველი ტაიმი სტუმრებმა 20:15 მოიგეს, თუმცა მასპინძლები მეორე ნახევარში გონს მოეგნენ. საგრძნობლად გააქტიურდნენ და აუტსაიდერებს მონაგრის გაზრდის საშუალება არ მისცეს. გრიკასელებმა მეტოქეს ოთხი ლელო გაუტანეს და ერთი საპრემიო ქულაც ირგუნეს.</p><p>გათამაშების ლიდერმა "ნატალ შარქსმა" შინ დაამარცხა მეოთხეადგილოსანი "ჩიტაზი" - 30:16. "ზვიგენებმა" ოთხი ლელოს გატანა მოახერხეს, მოგებისთვის განკუთვნილ ოთხ ქულას ერთი საპრემიო ქულაც მიუმატეს და პლეი ოფში თამაში გაინაღდეს.</p><p><strong></p><p>XI ტური</p><p></strong>გრიკასი-ლეოპარდსი 29:20, პუმასი-ვესტერნ პროვანსი 10:62, ნატალ შარქსი-ჩიტაზი 30:16, ბლუ ბულზი-ლაიონზი 24:21.</p><p><strong>სატურნირო მდგომარეობა</p><p></strong>1. ნატალ შარქსი - 46 ქულა, 2. ვესტერნ პროვანსი - 38, 3. ბლუ ბულზი - 33, 4. ჩიტაზი - 32, 5. ლაიონზი - 31, 6. გრიკასი - 30, 7. პუმასი - 17, 8. ლეოპარდსი - 5.</p><p><strong>XII ტური</p><p></strong>ვესტერნ პროვანსი-გრიკასი, ჩიტაზი-პუმასი, ლეოპარდსი-ბლუ ბულზი, ლაიონზი-ნატალ შარქსი.</p>
გიორგი მაისურაძე - ქალთა რაგბის ახალი მთავარი მწვრთნელი
რუსთავში ბავშვთა რაგბის აკადემიის მშენებლობა დაიწყო
"შავი ლომი" | მიხეილ ბაბუნაშვილი - ახალი კაპიტანი იტალიური ტურნეს შესახებ
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ