<p>საფრანგეთის სარაგბო ჩემპიონატი საბოლოოდ გასულ კვირას დასრულდა და გუნდებმა გაძლიერება დაიწყეს <br> საფრანგეთის სარაგბო ჩემპიონატი საბოლოოდ გასულ კვირას დასრულდა. ფედერალ 1 დივიზიონის გათამაშების ფინალში <strong>შალვა სუთიაშვილის</strong>, <strong>დავით აშვეთიასა</strong> და <strong>არჩილ კობაურის</strong> "მასი" "კოლომიეს" დაუპირისპირდა და 16:20 დამარცხდა.</p><p>მართალია, ფედერალ 1 დივიზიონის გამარჯვებულად "კოლომიე" გამოცხადდა, მაგრამ რანგით უფრო მაღალი, ელიტური, მეორე დივიზიონის საგზური ორივე გუნდს ერგო. სუთიაშვილმა ამ მატჩში სრულად ითამაშა, აშვეთია ძირითად შემადგენლობაში იყო და 41-ე წუთზე შეცვალეს, კობაურს არ უთამაშია.</p><p>შეგახსენებთ, რომ "მასის" მწვრთნელი საქართველოს ნაკრების ყოფილი მეორეხაზელი <strong>ვიქტორ დიდებულიძეა</strong>.</p><p>ცხადია, რომ მეორე დივიზიონში საასპარეზოდ პარიზელებს გაძლიერება დასჭირდებათ. ამიტომ გამორიცხული არ არის, "მასიში" სხვა ქართველი მორაგბეებიც გამოჩნდნენ.</p><p>მანამდე კი, როგორც უკვე ვიუწყებოდით, ფედერალ 1 დივიზიონის "სენ ჟუნიენი" დატოვა "ბორჯღალოსნების" მესამეხაზელმა <strong>გიორგი ჩხაიძემ</strong>. მისი ახალი გუნდის ვინაობა ახლახან გახდა ცნობილი. "ბინგო" კარიერას ელიტური, მეორე დივიზიონის "ტარბში" განაგრძობს.</p><p>აღსანიშნავია, რომ ჩხაიძე მესამე ქართველია, ვინც მიმდინარე სატრანსფერო ციებ-ცხელებისას "ტარბთან" გააფორმა ხელშეკრულება.</p><p>მანამდე ამ კლუბთან კონტრაქტს ხელი მოაწერეს საქართველოს ნაკრების მეორეხაზელმა <strong>გიორგი ნემსაძემ</strong> (ვალანს დაჟენი) და "პერიგოს" შერკინების ბურჯმა <strong>დავით დადუნაშვილმა</strong>.</p><p>ამავე გუნდში განვლილი სეზონი კიდევ ორმა ქართველმა გაატარა: პირველხაზელებმა <strong>ირაკლი მირცხულავამ</strong> და <strong>მამუკა მაგრაქველიძემ</strong>.</p><p>საფრანგეთის ესპუართა გათამაშების ჩემპიონის, "კლერმონის" რიგები დატოვა ორივე ქართველმა.</p><p>საქართველოს ნაკრების მესამეხაზელი <strong>ვიქტორ კოლელიშვილი</strong> ძირითად გუნდში გადაბარგდა. შერკინების ბურჯი <strong>გიორგი ჯაშიტაშვილმა</strong> კი კონტრაქტი ფედერალ 1 დივიზიონში მოასპარეზე "მონლუსონთან" გააფორმა.</p><p>ამ გუნდში მის გარდა კიდევ ორი ქართველი: <strong>ელიზბარ ყუფარაძე</strong> და <strong>დევი დათუნაშვილი</strong> ირიცხება.</p><p>საფრანგეთში, ლეგიონერების გადინების პარალელურად, უკუპროცესი დაიწყო. ვწერდით, რომ ფედერალ 1 დივიზიონის "სენტ ეტიენი" დატოვა და თბილისის "არმაზში" ჩაირიცხა საქართველოს ნაკრების გარემარბი <strong>ირაკლი მაჩხანელი</strong>.</p><p>ახლახან კი ცნობილი გახდა, რომ საქართველოს მომავალ ჩემპიონატში თბილისის "ლელოს" ღირსებას დაიცავს ამავე გუნდის აღზრდილი, საქართველოს ნაკრების შერკინების კვაჭი <strong>რეზო ბელქანია</strong>, რომელიც აქამდე ფედერალ 1 დივიზიონის "ლა სეინში" თამაშობდა.</p><p><em> ზოგი მიდის, ზოგიც მოდის (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
karlsoni
მაგრად აჯობა მასიმ თამაშით. არ იმსახურებდნენ წაგებას. ერთი ნაღდი ლელოც არ ჩაუთვალა მსაჯმა;) წარმატებები მასის პრო2ში:)))
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა