<p>ლონდონში უიმბლდონის ძირითად ბადეში ქართველი ანა ტატიშვილი ითამაშებს <br> რამდენიმე დღის შემდეგ ლონდონში უიმბლდონის მთავარი საჩოგბურთო ტურნირი დაიწყება.</p><p>ძირითად ბადეში ქართველი <strong>ანა ტატიშვილიც</strong> ითამაშებს. საკვალიფიკაციო ეტაპზე ერთადერთმა ჩვენებურმა - <strong>მაკა ჩახნაშვილმა</strong> მოსინჯა ძალები.</p><p>სამწუხაროდ, უიღბლოდ - სტარტზევე სამხრეთაფრიკელ ჩანელ სიმონდსთან დამარცხდა - 4:6, 0:6. დიდი ბრიტანეთის გარდა, ქალთა საერთაშორისო ტურნირები ევროპის რამდენიმე ქვეყანაში მიმდინარეობს.</p><p>შვეიცარიული ლენცერჰეიდე 25-ათასიან შეჯიბრებას მასპინძლობს. აქ ორი ჩვენებური ჩაება. <strong>სოფიო ქვაცაბაიამ</strong> საკვალიფიკაციო ეტაპზე პაულა ნატალია ორლინი კამპოსი (იტალია, 6:3, 6:0) და იულია შილერი (ავსტრია, 7:6, 6:3) დაამარცხა, ხოლო <strong>ეკატერინე გორგოძემ</strong> სოფია დმიტრიევას (რუსეთი, 6:1, 6:2) და კატინკა ვონ დიჩმანს (ლიხტენშტეინი, 6:4, 6:4) სძლია.</p><p>ქვაცაბაიამ ძირითად ბადეშიც ორჯერ იზეიმა გამარჯვება: ჯერ მე-5 ნომრად განთესილ პემრა ოზგენს (თურქეთი) დააყრევინა ფარ-ხმალი - 7:6, 6:1, მეორეში კი ჩეხი ტერეზა სმიტკოვას დასამარცხებლად სამი სეტი დასჭირდა: 4:6, 6:0, 6:3.</p><p>რაც შეეხება გორგოძეს, მან პირველი ხელი მოუგო სლოვენიელ მაშა ზეჩ-პესკირიჩს 6:3, მაგრამ შემდეგ ზედიზედ ორი დათმო - 3:6, 1:6 და შეჯიბრებას გამოეთიშა. ქართველმა ჩოგბურთელებმა წყვილებშიც მოსინჯეს ძალები. ჩვენებურთა დუეტმა პირველ წრეში ბრაზილიელებს - კარლა ფორტეს და ლაურა როგოსს აჯობა: 3:6, 6:1, 12:10, მეოთხედფინალი კი ოზგენ-ზეჩ-პესკირიჩთან დათმო - 6:3, 3:6, 1:6.</p><p>ფრანგულ მონპელიეში <strong>სოფიო შაფათავამ</strong> 25-ათასიანი ტურნირის პირველივე ბარიერთან წაიფორხილა - მასპინძელ ალიზ ლიმისთან წააგო - 4:6, 2:6. წყვილთა პაექრობაში ბელარუს პოლინა პეხოვასთან ერთად ჩაება.</p><p>მართალია, ინტერნაციონალურმა დუეტმა პირველ წრეში იოლად დაძლია ფრანგების - ამანდინ ჰესისა და ალიზ ლიმის წინააღმდეგობა (6:3, 6:3), მაგრამ შემდეგ ასევე მასპინძლების წყვილს (სევერინ ბელტრამი, ლაურა ტორპე) ვერ გასცდა - 2:6, 6:7.</p><p>შვედეთის 25-ათასიან ტურნირში წარუმატებლად ითამაშა <strong>ოქსანა კალაშნიკოვამ</strong> - მერვედფინალში ბელარუს ილონა კრემენთან წააგო - 1:6, 6:7.</p><p><strong>ყოველდღიური სპორტული გაზეთი "ლელო"</strong></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს