<p>უაღრესად დრამატული შეხვედრის ძირითადი და დამატებითი დრო ანგარიშით 0:0 დასრულდა <br> ევროპის 2012 წლის ჩემპიონატის ბოლო მეოთხედფინალურ შეხვედრაში, რომელიც 24 ივნისს კიევში გაიმართა, იტალიის ნაკრებმა პენალტების სერიაში ინგლისის ეროვნული გუნდი დაამარცხა და ტურნირის ფინალის საგზურისთვის გერმანიის ნაკრებს დაუპირისპირდება.</p><p>უაღრესად დრამატული შეხვედრის ძირითადი და დამატებითი დრო უგოლოდ დასრულდა, თუმცა მატჩი საგოლე მომენტების სიუხვით ნამდვილად გამოირჩეოდა. განსაკუთრებით ეს იტალიელებზე ითქმის, რომლებიც მთელი 120 წუთის განმავლობაში ფლობდნენ როგორც ტერიტორიულ, ისე სათამაშო უპირატესობას და ჯო ჰარტის კართან საგოლე მომენტებს მრავლად ქმნიდნენ.</p><p>ჯერ კიდევ შეხვედრის დებიუტში გამოსარჩევი დანიელე დე როსის უზადოდ შესრულებული შორეული დარტყმა იყო - მოჭრილი ბურთი ძელს მოხვდა. როსის გატანის კარგი შანსი მატჩის მეორე ტაიმშიც ჰქონდა, იქამდე კი ზედიზედ რამდენიმე ხელსაყრელი ეპიზოდი მარიო ბალოტელიმ ვერ გამოიყენა.</p><p>გატანის კარგი შანსი პირველ ტაიმში ინგლისელთაგან გლენ ჯონსონს ჰქონდა, რომელსაც ახლო მანძილიდან დარტყმული ჯანლუიჯი ბუფონმა სასწაულებრივად აუღო. მოგვიანებით გამოსარჩევი იყო უეინ რუნის მაკრატელაც, რომელიც მცირედით ასცდა იტალიელთა კარს.</p><p>არანაკლებ დრამატული გამოდგა პენალტების სერია, რომლის შესრულება იტალიელებმა დაიწყეს და მარიო ბალოტელიმაც ზუსტად დაარტყა. ამის პასუხად უზადოდ დაარტყა ინგლისელთა კაპიტანმა სტივენ ჯერარდმაც.</p><p>შემდეგ რიკარდო მონტოლივომ დაჰკრა უხეიროდ და ბურთი სულაც ააცილა კარს, უეინ რუნიმ კი გაიტანა და სერიაში თავისიანები დააწინაურა.</p><p>აი, ამის შემდეგ ჯერ ანდრეა პირლომ ძალზე ორიგინალური დარტყმით გაიტანა თავისი, რასაც ეშლი იანგის ხარიხაზე გარტყმა მოჰყვა, ანტონიო ნოჩერინოს გატანილი პენალტის შემდეგ კი ჯანლუიჯი ბუფონმა გაიბრწყინა - ეშლი კოულის დარტყმა აიღო. მეხუთე დარტყმა ალესანდრო დიამანტიმ შეასრულა - გოლი იტალიის გამარჯვებას ნიშნავდა და ამ უკანასკნელსაც მიზანმა არ უმტყუნა.</p><p>ამრიგად, 28 ივნისს ვარშავაში, ევროპის ჩემპიონატის ნახევარფინალში "სკუადრა აძურა" გერმანიის ნაკრებს დაუპირისპირდება, წინა დღეს კი პირველი ფინალისტის ვინაობა ესპანეთ-პორტუგალიის მატჩში, დონეცკში გაირკვევა.</p>
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ