<p>საქართველოს ჩემპიონატის ჭაბუკთა B ლიგაში XI ტურის მატჩებით გათამაშების პირველი ეტაპი დასრულდა <br> საქართველოს ჩემპიონატის ჭაბუკთა B ლიგაში XI ტურის მატჩებით გათამაშების პირველი ეტაპი დასრულდა.</p><p>ჯერჯერობით გარკვეულია ოთხიდან მხოლოდ სამი გუნდის ვინაობა, რომლებიც შემოდგომის დადგომისთანავე დასავლეთ ზონაში გამარჯვებულებს შეუერთდებიან და პირველობისთვის ბრძოლას განაგრძობენ.</p><p>მეოთხე გუნდის ვინაობის გაურკვევლობა კი იმ ინციდენტმა გამოიწვია, რომელიც A ჯგუფში თბილისის "ლელოს" პირველ გუნდსა და "არმიას" შორის მატჩში მოხდა. თამაშის 56-ე წუთზე, როცა ლელოელები 9:0-ს იგებდნენ, მოედანზე ჩხუბი ატყდა.</p><p>მატჩის არბიტრმა კომისართან ერთად გადაწყვიტა, რომ თამაშის გაგრძელება შეუძლებელი იყო და შეხვედრა ჩაიშალა.</p><p>აღსანიშნავია, რომ "ლელო 1"-ს გამარჯვება სატურნირო თვალსაზრისით არაფერს აძლევდა, "არმიას" კი შემდეგ ეტაპზე გასასვლელად აუცილებლად უნდა მოეგო.</p><p>თამაშის პერიპეტიებზე უახლოეს დღეებში საქართველოს რაგბის კავშირის სადისციპლინო კომიტეტი იმსჯელებს და ვერდიქტსაც გამოიტანს.</p><p>A ჯგუფში პირველობა არავის დაუთმო თბილისის "ჯიქებმა", რომელმაც ბოლო ტურში "ლელო 2" დაამარცხა - 129:3 და 44 ქულა დააგროვა. "ჯიქები" პლეი ოფში ითამაშებენ.</p><p>დღეისათვის სატურნირო ცხრილის მე-2 საფეხური უკავია რუსთავის "ხარებს", რომელმაც შინ სძლია პატარძეულის "ვეფხვებს" 62:0. რუსთაველებს 42 ქულა აქვთ. მათ ერთი ქულით ჩამორჩება "არმია", თუმცა თუ სადისციპლინო კომიტეტმა არმიელები დასაჯა, მაშინ შემდეგ ეტაპზე ასპარეზობას "ხარები" განაგრძობს.</p><p>ამავე ჯგუფში თბილისის "ტორნადო" მშრალი ანგარიშით დამარცხდა თბილისის "ყოჩებთან" - 0:28.</p><p>გათამაშების დებიუტანტმა თბილისის "ჯვაროსნებმა" შარშანდელი ტურნირის ფავორიტ თბილისის "ივერიას" მოუგო - 29:20.</p><p><span style="color: #ff0000;"><strong>B ლიგა. აღმოსავლეთი ზონა</p><p></strong></span><strong>A ჯგუფი</p><p></strong>ჯვაროსნები-ივერია 29:20, ხარები-ვეფხვები 62:0, ტორნადო-ყოჩები 0:28, ჯიქები-ლელო 2 129:3, არმია-ლელო 1 (ჩაიშალა).</p><p><strong>სატურნირო მდგომარეობა</p><p></strong>1. ჯიქები - 44 ქულა, 2. ხარები - 42, 3. არმია - 41, 4. ყოჩები - 30, 5. ლელო 1 - 29, 6. ჯვაროსნები - 23, 7. ტორნადო - 21, 8. ივერია - 20, 9. ლელო 2 - 9, 10. ვეფხვები - 5, 11. მუტრუკები - 0.</p><p>* * *</p><p>B ჯგუფიდან მეორე ეტაპზე თბილისური გუნდები, "აკადემია" და "ხულიგანა" გავიდნენ. აკადემიელებმა ტურნირი მხოლოდ ერთი წაგებით დაასრულეს და 44 ქულა დააგროვეს.</p><p>ბოლო ტურში მათ შინ დიდი ანგარიშით, 101:0 მოუგეს კასპის "თსუ ლომებს". "ხულიგანამ" კი, რომელიც ჯგუფის გამარჯვებულს ქულით ჩამორჩა, კიდევ უფრო გამანადგურებელი ანგარიშით სძლია დებიუტანტ თბილისის "ჩოხოსნებს" - 156:0.</p><p>აღსანიშნავია, რომ "ხულიგანას" მსგავსად, 43 ქულა დააგროვა თბილისის "არმაზმაც", თუმცა ვინაიდან ურთიერთშეხვედრაში "ხულიგანამ" 35:11 აჯობა, უპირატესობაც მას მიენიჭა. არმაზელებმა ბოლო ტურში უშანსოდ დატოვეს გათამაშების დებიუტანტი "წიქარა" - 138:3.</p><p>ამავე ჯგუფში თბილისის "თიბისიმ" დაძაბულ ბრძოლაში დაამარცხა დედოფლისწყაროს "მიმინო" - 7:5.</p><p>გურჯაანის "კახები" კი შინ დამარცხდა თბილისის "ლოკომოტივის" მეორე გუნდთან - 14:20.</p><p><strong>B ჯგუფი</p><p></strong>აკადემია-თსუ ლომები 101:0, წიქარა-არმაზი 3:138, ჩოხოსნები-ხულიგანა 0:156, თიბისი-მიმინო 7:5, კახები-ლოკომოტივი 2 14:20.</p><p><strong>სატურნირო მდგომარეობა</p><p></strong>1. აკადემია - 44 ქულა, 2. ხულიგანა - 43, 3. არმაზი - 43, 4. ლოკომოტივი 1 - 37, 5. კახები - 25, 6. მიმინო - 19, 7. თიბისი - 16, 8. თსუ ლომები - 15, 9. ჩოხოსნები - 14, 10. ლოკომოტივი 2 - 9, 11. წიქარა - 0.</p><p>შეგახსენებთ, რომ დასავლეთ ზონიდან შემდეგ ჯგუფურ ეტაპზე ქუთაისის სამი გუნდი და ფოთის "რაინდები" გავიდნენ.</p><p>შეჯიბრება პირველ სექტემბერს დაიწყება. რვა გუნდი ორ ჯგუფად გაიყოფა და ორწრიანი დაპირისპირების შემდეგ ჩემპიონის ვინაობას ორ-ორ საუკეთესო პლეი ოფში გაარკვევს.</p><p><strong>ყოველდღიური სპორტული გაზეთი "ლელო"</strong></p>
crocobet დიდი 10 | ყაზბეგი 17:36 ბათუმი
დიდი 10 | ბათუმი 32:20 გორი
Crocobet დიდი 10-ის ახალი სეზონის დაწყებამდე დარჩა 4 დღე!
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ