<p>მოთამაშეთა ჯამური ღირებულებით გორის "დილამ" "ზესტაფონს" გადაასწრო და მხოლოდ თბილისის "დინამოს" ჩამორჩება <br> დრონი მეფობენ და არა მეფენი - ეს სატრანსფერო შეფასებებზეც ითქმის. ამა თუ იმ ქვეყნისა და კლუბის ღირებულება ყოველ ნახევარ წელიწადში იცვლება, რადგან მუდმივი არაფერია - ზოგიერთი უფრო დაფასდება, ზოგიც გაუფასურდება.</p><p>ჩვენ კიდევ ერთხელ გადავავლეთ თვალი "ტრანსფერმარკტის" პირობით შეფასებებს და საინტერესო ფაქტი აღმოვაჩინეთ: მადააღძრული გორის "დილას" მოთამაშეთა ჯამურმა ღირებულებამ იმდენად მოიმატა, რომ მეორე ადგილზე დაწინაურდა და ახლა მხოლოდ თბილისის "დინამოს" ჩამოუვარდება, "ზესტაფონს", ქუთაისის "ტორპედოსა" და რუსთავის "მეტალურგს" კი მნიშვნელოვანი სხვაობით გაუსწრო.</p><p><em><span style="color: #000000;">N გუნდი თანხა</span></em></p><p>1. "დინამო" 9 850 000</p><p>2. "დილა" 7 425 000</p><p>3. "ზესტაფონი" 6 450 000</p><p>4. "მეტალურგი" 3 475 000</p><p>5. "ტორპედო" 3 025 000</p><p>6. "ვიტ ჯორჯია" 1 950 000</p><p>7. "ზუგდიდი" 1 700 000</p><p>8. "კოლხეთი-1913" 1 550 000</p><p>9. "სიონი" 1 350 000</p><p>10. "ბათუმი" 1 025 000</p><p>11. "მერანი" 850 000</p><p>12. "ჩიხურა" 725 000</p><p><strong>სულ 38 275 000</strong></p><p>"დილას" დაწინაურება მოულოდნელი არ ყოფილა, რადგან ზამთარში ძვირად ღირებული მოთამაშეები დაიმატა: ლაშა სალუქვაძე (750 000), გოჩა ხოჯავა (650 000), სანდრო გურული (400 000), მათე ვაწაძე (400 000), მარინ სკენდერი, გიორგი ონიანი (ორივე - 300 000).</p><p>ახლა კი "ზესტაფონს" იმის გამო გადაასწრო, რომ კონტრაქტები გააფორმეს დავით კვირკველიასთან (800 000), გიორგი შაშიაშვილთან (700 000), ირაკლი მოდებაძესა (350 000) და გიორგი ონიანთან (300 000).</p><p>არ არის გამორიცხული, რომ გორელებმა შოთა გრიგალაშვილიც (500 000) დაიმატონ და ამ შემთხვევაში "დილა" 8-მილიონიან ზღვარს მიუახლოვდება, ხოლო "ზესტაფონის" ფასს 6 მილიონის ქვემოთ დასცემს.</p><p>საინტერესო უნდა იყოს ევროთასებზე კენჭისყრის მიერ დაწყვილებული ქართული და მათი მეტოქე კლუბების შეფასებების გაცნობაც.</p><p><span style="color: #ff0000;"><strong>ჩემპიონთა ლიგა</strong></span></p><p><strong>"ზესტაფონი" 6 450 000</p><p>"ნეფთჩი", აზერბაიჯანი 4 200 000</strong></p><p>აზერბაიჯანის ჩემპიონი ქართველ მეტოქეს ბიუჯეტით ხუთჯერ აღემატება, მაგრამ მოთამაშეთა ღირებულებით მნიშვნელოვნად ჩამორჩება და ამდენად, "ნეფთჩის" მთავარი მწვრთნელის მეტისმეტი ოპტიმიზმი გაუგებარია.</p><p>თუმცა თავის დამშვიდება არ გვიღირს - ბაქოელებს ცუდი გუნდი ნამდვილად არ ჰყავთ.</p><p>ორივე გუნდში ყველაზე ძვირად ღირებული მეკარეები არიან: "ნეფთჩიში"- საშა სტამენკოვიჩი, "ზესტაფონში"- როინ კვასხვაძე (ორივეს შეფასება 700 000 ევროა).</p><p><span style="color: #ff0000;"><strong>ევროპის ლიგა</strong></span></p><p><strong>"ტორპედო" 3 025 000</p><p>"აქტობე", ყაზახეთი 8 825 000</p><p></strong>ყაზახური კლუბის ნომინალური ღირებულება მეტოქისას ლამის 3-ჯერ აღემატება. ყველაზე ძვირად ღირებულები უზბეკეთის ნაკრების წევრები, ალექსანდრ გეინრიხი (1 400 000) და თემურ კაპაძე (1 250 000) არიან. "ტორპედოში" კი - ცენტრალური მცველი ლექსო კვასხვაძე (325 000), რომელმაც შარშან რუსთავის "მეტალურგში" თამაშისას მეორე ყაზახურ კლუბს, "ირტიშს" ევროპის ლიგაზე გოლი გაუტანა, გუნდი კი შემდეგ ეტაპზე გავიდა.</p><p><strong>"დილა" 7 425 000</p><p>"ორჰუსი", დანია 11 575 000</p><p></strong>დანიელებში ყველაზე ძვირად ღირებული მოთამაშეები არიან ნახევარმცველი ჰიალტე ბო ნოტეგაარდი (1 250 000) და მეკარე სტეფენ რასმუსენი (1 000 000).</p><p>აქვე "ორჰუსის" ქართველი ლეგიონერებიც ვახსენოთ: დავით დევდარიანის შეფასება 400 000 ევროა, დავით სხირტლაძის - 75 000.</p><p>გორელთა შორის ყველაზე ძვირად ღირებული დავით კვირკველიაა - 800 000.</p><p><strong>"მეტალურგი" 3 475 000</p><p>"ტეუტა", ალბანეთი 1 950 000</p><p></strong>რუსთაველთა მეტოქის რიგებში ევროპული სააგენტო ყველაზე ძვირად მცველ ოსმან ტეფიკს (300 000) აფასებს, "მეტალურგში" კი თითქმის ერთნაირი შეფასება აქვთ თავდამსხმელ დიმიტრი ტატანაშვილსა (350 000) და ნახევარმცველ რევაზ გეწაძეს (325 000).</p><p><strong>ყოველდღიური სპორტული გაზეთი "ლელო"</p><p><span style="color: #ff0000;"></p><p>ასევე იხილეთ:</span></strong></p><p><a href="/fexburti/qarthuli-fekhburthi/skhvadaskhva/34754-evroturnirebis-tsilisyra-ra-shansi-aqvth-qarthul-klubebs.html" target="_blank">ევროტურნირების წილისყრა - რა შანსი აქვთ ქართულ კლუბებს </a></p>
jaba
დილა უკვე პირველ ადგილზეა ტრანსფერმარკეტზე :)
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა