- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
Time Line: პურის რიგიდან NBA-ს დრაფტამდე
<p>ქართველი კალათბურთელები NBA-ს დრაფტზე და ევრო 2012-ის მონაწილე ნაკრებების ტაქტიკური სქემები <br> არა მხოლოდ ივლისის, არამედ წლის მთავარი საკალათბურთო მოვლენა NBA-ს დრაფტზე საქართველოს ნაკრების 20 წლის ფორვარდის თორნიკე შენგელიას არჩევა იყო.</p><p>ბოლო დღეებში არაერთხელ მომიწია სიტყვა დრაფტის განმარტება. ყველაზე მარტივად ასე ჟღერს: NBA-ს 30 გუნდი რიგში დგას, დაახლოებით ისე, როგორც 90-იან წლებში პურის რიგში ვიდექით.</p><p>თითოეულ კლუბს ჩვენსავით ტალონი აქვს, რომელიც მაისში ამერიკის საკალათბურთო ასოციაციამ ლატარეასავით გაათამაშა. ვისაც დაბალი ნომერი შეხვდა, რიგშიც პირველია და ირჩევს საუკეთესო ახალგაზრდა კალათბურთელს.</p><p>დრაფტი და 90-იანების პურის რიგი ერთმანეთისგან ფულის წონით "ოდნავ" განსხვავდება: საქართველოში პურს ხურდებით ვყიდულობდით, ამერიკაში კი დრაფტზე აყვანილ კალათბურთელებს მილიონებს უხდიან.</p><p><strong></p><p>* * *</strong></p><p>ყოფილა შემთხვევა, როცა დრაფტზე მყიდველისთვის "დამწვარი პური შეუპარებიათ". პირიქითაც მომხდარა - არცთუ ეფექტურად შეფუთული პური გემრიელი ლუკმა გამომდგარა.</p><p>მაგალითად, ზაზა ფაჩულიას დრაფტის პირველ წრეში არჩევას ველოდით, მაგრამ მეორე წრეში, 41-ე ნომრად "ორლანდო მეჯიქმა" აიყვანა.</p><p>იმ საღამოს ზაზას ნიუ იორკში დავურეკე, განაწყენებული იყო: ამერიკელებმა შეცდომა დაუშვეს, რასაც თამაშით აუცილებლად დავუმტკიცებო. ფაჩულიამ სიტყვა შეასრულა - 2003 წლის დრაფტზე არჩეულ არაერთ რეკლამირებად კალათბურთელს აჯობა და დღეს NBA-ს სოლიდურ ცენტრად ითვლება.</p><p>2003 წლის დრაფტის ღამეს კურიოზულ სიტუაციაში აღმოვჩნდი. ზაზას ნიუ იორკის ერთ-ერთ სასტუმროში დავურეკე.</p><p>ყურმილის გაღმა მყოფს ავუხსენი, რომ საქართველოდან ვიყავი და კალათბურთელ ფაჩულიასთან მინდოდა დალაპარაკება. ცოტა მოითმინეო, მითხრა. მალე ყურმილში ქალის ქართული ხმა მომესმა, რამაც ცოტა გამაკვირვა:</p><p><strong>- ზაზა ფაჩულიასთან მინდა დალაპარაკება. თქვენ ვინ ბრძანდებით?</strong></p><p>- სხვაგან მოხვდით, ეს ნიუ იორკის კლინიკაა. დიდი ხანია საქართველოდან ვარ წამოსული და აქ ვმუშაობ.</p><p>სასიამოვნოა ქართული ხმის გაგონება. შემიძლია დაგეხმაროთ, გაგიგოთ ფაჩულია რომელ სასტუმროშია...</p><p>მოკლედ, ისეთ სიტუაციაში აღმოვჩნდი, როგორშიც კინოფილმ "მიმინოს" გმირი ვალიკო, ოღონდ "ჟუჟუნა წვიმა" არ მიმღერია.</p><p><strong></p><p>* * *</strong></p><p>ვფიქრობ, როგორც ზაზა ფაჩულია არ შეფასდა სათანადოდ, ასევე თორნიკე შენგელია, რომელიც დრაფტის 54-ე ნომრად "ფილადელფიამ" აიყვანა და "ბრუკლინ ნეთსს" დაუთმო.</p><p>კიდევ ერთი პარალელის გავლება შეიძლება: სწორედ ასეთი ვითარება იყო 2004 წელს, როცა ვიქტორ სანიკიძე "ატლანტა ჰოქსმა" 53-ე ნომრად აირჩია და უმალ "სან ანტონიო სპურსში" გაუშვა.</p><p>სხვათა შორის, სპურსელებს ქართველი თავდამსხმელსთვის ყურადღება არ მოუკლიათ - მუხლებზე ოპერაცია რომ დასჭირდა, ამერიკაში წაიყვანეს და რეაბილიტაციის პერიოდიც ტეხასში გაატარბინეს.</p><p>სანიკიძე მაშინ სან ანტონიოს კეპს ატარებდა, რის გამოც კინაღამ შარში გაეხვა: NBA-ს ფინალური სერიის ("სან ანტონიო"-"დეტროიტი") მსვლელობისას საქართველოდან დეტროიტის აეროპორტში ჩაფრინდა, სადაც პოლიციელმა ცალკე ოთახში შეიყვანა.</p><p>ვიქტორმა გაიკვირვა - რა გნებავთ, ყველაფერი წეს-რიგში მაქვსო. პასუხად მიიღო: ყველაფერი არ არის წეს-რიგში - დეტროიტის აეროპორტში "სან ანტონიოს" ქუდით შემოსვლა როგორ გაბედეო...</p><p><strong></p><p>* * *</strong></p><p>უფრო ადრე, 2002 წელს მსოფლიო ნიკა ცქიტიშვილმა აალაპარაკა, რომელიც "დენვერ ნაგეტსმა" მე-5 ნომრად აირჩია.</p><p>1998 წელს კი ჩემპიონთა ლიგაზე წარმატებული გამოსვლის შემდეგ NBA-ს დრაფტზე ვლადიმერ სტეფანია "სიეტლ სუპერსონიქსმა" აიყვანა.</p><p>ვოვამ ერთ-ერთ ინტერვიუში მითხრა:</p><p>- NBA-ში მოხვედრა დიდი გზის დასაწყისია, რომლის გავლა ურთულესი საქმეა. თითოეული ნაბიჯი უნდა გათვალო. ვინმე მრჩეველი რომ მყოლოდა, სხვანაირად მოვიქცეოდი და გაცილებით წარმატებული კარიერა მექნებოდა.</p><p>დიდი მნიშვნელობა აქვს როგორ კლუბში მოხვდები, ზოგი ცდილობს კალათბურთელი ბოლომდე გამოწუროს, ზოგი პროგრესის საშუალებას აძლევს. დრაფტზე ხომ მხოლოდ ახალგაზრდებს ირჩევენ, რომლებსაც ხელშეწყობა სჭირდებათ.</p><p><strong></p><p>* * *</strong></p><p>ასე და ამგვარად, გავიხსენეთ ყველა ქართველი დრაფტოსანი და დავინახეთ არაერთი პარალელი.</p><p>წლეულს არჩეულ თორნიკე შენგელიას ზაზა ფაჩულიასავით დასამტკიცებელი აქვს, რომ 54-ე კი არა, ათეული საფეხურით ადრე აყვანას იმსახურებდა.</p><p>ამისთვის მხოლოდ თავდაუზოგავი მუშაობა და "ბრუკლინ ნეთსში" მოხვედრა საკმარისი არ არის - აუცილებელია "თითოეული ნაბიჯის გათვლა" და კარგი მრჩეველი.</p><p>ასეთი კი შენგელიას უკვე ჰყავს: ივნისში ამერიკაში ჩასული ფაჩულიას ხელშეწყობით "ატლანტას" დარბაზში ვარჯიშობდა, ხოლო დრაფტს ზაზასთან ერთად ესწრებოდა.</p><p>თორნიკეს არც შინ აკლია დამრიგებელი - მამამისი, კახა შენგელია ხომ ევროპაში გამგზავრებამდე (2008 წლამდე) მისი მწვრთნელი იყო.</p><p><span style="color: #ff0000;"></p><p><strong>ევრო 2012</strong></span></p><p><strong>ტიკ-ტაკტიკა</p><p></strong>დასრულდა მორიგი ევროპის ჩემპიონატი. თასი ესპანელებმა წაიღეს. მაინც როგორ მოახერხეს ეს? პასუხი მარტივია - სწორი ტაქტიკით.</p><p>მოდით, ჩემპიონატის მონაწილე რამდენიმე გუნდის ტაქტიკა განვიხილოთ, რაშიც ფოტოები, კარიკატურა და გრაფიკული სქემები დაგვეხმარება.</p><p><strong>ჩვენ</p><p></strong>ჯერ გავარკვიოთ, როგორი ტაქტიკით ვადევნებდით თვალს ევროპის ჩემპიონატს:</p><p><img src="/media/images/new_photo/UCXOURI/2012/SPORT/JUL1-16/1-chven.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="227" /></p><p><strong>პორტუგალია</p><p></strong>პორტუგალიის ტაქტიკაში ყველაფერი მარტივადაა: წითელი წერტილი კრიშტიანო რონალდოა.</p><p><img src="/media/images/new_photo/UCXOURI/2012/SPORT/JUL1-16/2-portugalia-43875235.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="186" /></p><p><strong>გერმანია</p><p></strong>გაცილებით რთულია გერმანიის სტრატეგია. ჩემნაირ მოყვარულ ტაქტიკოსებს ნამდვილად გაუჭირდებათ გარკვევა, ძრავაში რომელი მექანიზმი რა პრინციპით მოქმედებს.</p><p><img src="/media/images/new_photo/UCXOURI/2012/SPORT/JUL1-16/3-germania-4976346.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="226" /></p><p><strong>იტალია</p><p></strong>რაც უნდა კარგად იყოს დაზეთილი მანქანა, იგი ადამიანს ვერ შეცვლის. ეს ანდრეა პირლომ გერმანიასთან მატჩში დაამტკიცა. იტალიის ტაქტიკური სქემა მარტივი იყო - მოედანზე 21-ე ნომერი იდგა.</p><p><img src="/media/images/new_photo/UCXOURI/2012/SPORT/JUL1-16/4-italia-47543525.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="402" /></p><p><strong>ჰოლანდია</strong></p><p>როცა სიმარტივეზე ვლაპარაკობთ, ჰოლანდია არ უნდა დაგვავიწყდეს. თუ მოედანზე არავინაა, არც ტაქტიკაა საჭირო.</p><p><img src="/media/images/new_photo/UCXOURI/2012/SPORT/JUL1-16/5-holandia.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="185" /></p><p><strong>საფრანგეთი</strong></p><p>ფრანგების მწვრთნელის განკარგულებაში მობილური, ტექნიკური გუნდი იყო, მაგრამ მარილი აკლდა - კაცი, რომელიც გადამწყვეტ გოლს გაიტანდა, თამაშს საკუთარ თავზე აიღებდა, გუნდს აიყოლიებდა, საგოლე პასს გააკეთებდა.</p><p>ასეთ "მარილს" ერთ დროს ზიდანი ერქვა.</p><p><img src="/media/images/new_photo/UCXOURI/2012/SPORT/JUL1-16/6-france-83947634.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="219" /></p><p><strong>საბერძნეთი</strong></p><p>ალექსანდრე მაკედონელმა საბრძოლო არსენალში შეიტანა ტაქტიკური წყობა სახელწოდებით ფალანგა.</p><p>მეომრები ერთმანეთის უკან მწყობრად იყვნენ ჩამწკრივებულები და ძალიან გრძელი შუბები ჰქონდათ.</p><p>ასეთმა სქემამ საბერძნეთის ნაკრებშიც გაამართლა - მთელი გუნდი საკუთარ მოედანზე მჭიდროდ იყო შეჯგუფული და ძალიან გრძელი პასებით არაერთ მეტოქეს გაუმწარა ცხოვრება. ...რუსეთსაც მისწვდა.</p><p><img src="/media/images/new_photo/UCXOURI/2012/SPORT/JUL1-16/7-saberzneti-4357346.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="157" /></p><p><strong>ესპანეთი</p><p></strong>ფინალში სესკ ფაბრეგასმა საკუთარი ნახევრიდან გამოზომილი შორეული პასით მეკარესთან კინაღამ პირისპირ გაიყვანა ხორდი ალბა.</p><p>სწორედ მაშინ გამოჩნდა, რომ ესპანეთის ტაქტიკა დაფაზე არ იხაზება. ფაბრეგასი ინიესტასთან ერთად მატჩისწინა ტაქტიკურ მონახაზში გამოკვეთილ ფორვარდად ეხატა, ხოლო ალბა - ფლანგის მცველად.</p><p>ტაქტიკა-სტრატეგია და საერთოდ ფეხბურთი უბრალო თამაში რომ არის, ამას ესპანელთა გასახდელში გადაღებული ფოტოც ადასტურებს. დააკვირდით კედელზე ჩამოკიდებულ დაფას.</p><p><img src="/media/images/new_photo/UCXOURI/2012/SPORT/JUL1-16/8-espaneti-3498575.jpg" border="0" alt="Sportall.Ge" title="Time Line: პურის რიგიდან NBA-ს დრაფტამდე" width="300" height="198" /></p><p><strong>ყოველდღიური სპორტული გაზეთი "ლელო"</strong></p>
-
Giorgi.Gavasheli
დიდებული სტატიაა
ბუნდესლიგა ხმაურიანი მატჩით იხსნება - "ბაიერნი" "ლაიფციგს" უმასპინძლებს
ზივზივაძის "ჰაიდენჰაიმს" ახალი მეკარე ჰყავს
ლუის დიასი მიუნხენში ჩაფრინდა და დღეს "ბაიერნის" ფეხბურთელი ოფიციალურად გახდება
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა