გია გეგუჩაძე: სამწუხაროდ, საქართველოში ჩვენ ასე არ გვქომაგობდნენ

ქუთაისის "ტორპედოს" მთავარმა მწვრთნელმა ყაზახურ "აქტობესთან" მატჩის შემდეგ კომენტარი გააკეთა ქუთაისის "ტორპედოს" მთავარმა მწვრთნელმა გია გეგუჩაძემ ყაზახეთში, "აქტობესთან" გამართული ევროპის ლიგის პირველი საკვალიფიკაციო ეტაპის საპასუხო მატჩის შემდეგ პრესკონფერენციაზე ჟურნალისტთა კითხვებს უპასუხა.ქუთაისელებმა ყაზახეთში შეხვედრა ანგარიშით 0:1 წააგეს, ორი მატჩის ჯამში კი 1:2 დამარცხდნენ და ევროტურნირს გამოეთიშნენ.გია გეგუჩაძე:- პირველ რიგში, მინდა ჩემს კოლეგას დამსახურებული გამარჯვება მივულოცო და მომავალში წარმატებები ვუსურვო.რაც შეეხება თამაშს, სიმართლეს თვალებში უნდა შევხედოთ - ამ დაპირისპირებაში "აქტობე" უფრო ძლიერი იყო. ასე რომ, გუნდი შემდეგ ეტაპზე დამსახურებულად გავიდა და სხვა შედეგი ალოგიკური იქნებოდა.რაც შეეხება ჩემი გუნდის თამაშს, მიმაჩნია, რომ ჩვენი ფეხბურთელების შესაძლებლობები ამით არ შემოიფარგლება. მათ გაცილებით უკეთ თამაში შეუძლიათ. ასე რომ, დასკვნებს გავაკეთებთ.მინდა აღვნიშნო ის ატმოსფერო, რომელიც სტადიონზე სუფევდა. მეტოქეს მეთორმეტე მოთამაშე ჰყავდა, გულშემატკივრების სახით, რომლებიც მთელი თამაშის მანძილზე გუნდს მხარს უჭერდნენ, რაც სამწუხაროდ, საქართველოში არ გვინახავს.- ბატონო გეგუჩაძე, მატჩისწინა პრესკონფერენციაზე ითქვა, რომ თქვენი გუნდი სტატისტიკურად გასვლით მატჩებს უფრო სუსტად თამაშობს. სიმართლე ვთქვათ, გაუგებარი იყო, რის ხარჯზე გეგმავდა გუნდი შემდეგ რაუნდში გასვლას. ეს ფსიქოლოგიას უკავშირდება?- მართალი ხართ. როგორც ჩანს, ეს ფსიქოლოგიას უკავშირდება, მაგრამ ეს, როგორც ამბობენ, გამოცდილებასთან ერთად მოდის.ჩვენ ბევრი ახალგაზრდა ფეხბურთელი გვყავს, რომელთაც ასეთ დონეზე არასდროს უთამაშიათ და ასევე ასაკოვანი ფეხბურთელები, რომელთაც მსგავს ტურნირებზე დიდი ხანია არ უასპარეზიათ.მიუხედავად ამისა, ვფიქრობ, გაცილებით უკეთ შეგვეძლო გვეთამაშა.- "ტორპედოს" რომელი რგოლი იყო დღეს უფრო სუსტი? ჩვენ ვფიქრობთ, რომ თავდასხმა…- მოდით, ასე გიპასუხებთ: დღეს ჩემს გუნდში ძლიერი ხაზი ვერ ვნახე.- მეკარის გარდა...- დიახ, მეკარე უნდა გამოვარჩიოთ.ასევე იხილეთ:<a href="/fexburti/qarthuli-fekhburthi/skhvadaskhva/35786-aqtobe-torpedo-10-pirveli-matchi-11-jer-kidev-tcaobshi-varth-video.html" target="_blank">აქტობე-ტორპედო 1:0 (პირველი მატჩი 1:1) - ჯერ კიდევ ჭაობში ვართ [+VIDEO]</a>

anz2

ქუთაისლებმა გულშემატკივრობაც იციან და თბილისლებისგან განსხვავებით სტადიონზეც დადიან ...გული კი იმაზე გვწყდება რომ ასეთი უსუსური ტორპედოს გასვლას დინამო გასულიყო ჯობდა ესეც ქუთაისელი გულშემატკივრის აზრი.....ასე რომ არავის არავინ ძულს .....და ნუ ნერგავთ სისულელეებს.....ზესტაფონში რა გვიქნეს თუ გახსოვთ ნახევარფინალზე.....მარა აწი ზესტას ვუგულშემატკივრებ იმიტორო საქართველოს სახელით გამოდის....ტორპედოს რაც შეეხება ერთი მეგრელაძის ნაირი თავდამსხმელი უნდათ და კაი გამთამაშებელი ....თორე სტადიონზე ასი კაციც სანატრელი გაუხდება ვისოლს
Jigaro

რა გჭირთ ხალხო?!...გეგუჩაძეს წაგება არ დაუბრალებია, ყაზახი გულშემატკივრებისა შეშურდა, ესაა და ეს...გუნდი როცა ვერ თამაშობს მაშინ უნდა გულშემატკივრობა და არა 7:0ს რომ იგებს, ასეა ევროპის ყველა ქვეყანასა და ყველაზე ცნობილ კლუბებში, შესაძლოა ესპანეთი იყოს გამონაკლისი, დანარჩენ ქვეყნებში კი წაგების მერეც გუნდს ისე აცილებენ, თითქოს ყველაფერი მოეგოთ,,,ეს იმიტომ კეთდება, რომ უყვართ საკუთარი გუნდი, მოგებაზე მეტად იმას აფასებენ, რამდენად იხარჯება ფეხბურთელების უმეტესობა, ქუთაისში კი მეტი არ შეუძლიათ ამათ და ამიტომ უნდა ვაგინოთ, ვუსტვინოთ, არ ვიაროთ... ამიტომაც ვართ ამ დღეში...გეგუჩაძემ გინდათ ერთ წელიწადში ლიგაზე გაგვიყვანოს? მაგარი გარეკილი გაქვთ ხალხო, გულშემატკივრობისა არაფერი გესმით და მოდი საერთოდ ნუ ამოიღებთ ხმას, აცალეთ კაცს მუშაობა, მხარდაჭერა თუ არ შეგიძლიათ ხელს მაინც ნუ შეუშლით და ნერვებს მუ მოუშლით, მერწმუნეთ თქვენზე 100ჯერ მეტად განიცდის დღევანდელობას, ასე რომ დააყენეთ რა ერთი ადგილი!
ramo

მართალია. ქუთაისლებს გუნდის გულშემატკივრობა თბილისელების დედის გინება და ქვების სროლა გონიათ. თუ ჩემი არ გჯერათ მიდით სტადიონზე და ნახავთ. კოკოითს არ ძულს თბილისი ისე როგორც ქუთაისლებს.
odala

ბ-ნო გეგუჩაძევ, გეთამაშათ ისე როგორც თქვენი ოპონენტი თამაშობდა და დარწმუნებული ვარ მხარდაჭერაც არა ნაკლები იქნებოდა ქუთაისში.
merab

ოღონდ მათ ნუ დაბრალდებათ და ყველაფერს მოიგონებენ. რა შუაშია გულშემატკივარი. ნახა დაბალი ღობე. ეს არის უსინდისობა და მეტი არაფერი. გეგუჩაძეს ეს ღირსებას არ მატებს. რაც შეეხება თამაშს - მე, თუ მკითხავთ ამჟამინდელი ტორპედო - არის მაღალი დონის ,,ქუჩის გუნდი,,. სახელდახელოდ შეკრებილი, სადაც ერთად ერთი ნათელი წერტილი მეკარეა. ამ გუნდის გაშვება საზღვარგარეთ არის დიდი საფეხბურთო ტრადიციების მქონე ქვეყნის სირცხვილი. გუშინ მოედანზე იდგა 10 უსაქმური და თვითონაც ვერ ხვდებოდნენ, თუ როგორ აღმოჩდნენ იმ გაუგებრობაში.
dudu

რაცაა, ეგგა, რა. ეგ დონე ვართ. ქართული ფეხბურთი არ ვითარდება. 20 წელია რაღაცა გვინდა და რატო გვინდა, არ ვიცით. რამე გავაკეთეთ ბავშვთა ფეხბურთში? ან სხვა სფეროში? ჰოდა, ეგაა, რაცაა. მეტს მივაღწევთ, როცა დავიმსახურებთ.
aleks

ქუთაისს საქართველოში ყველაზე მაგარი გულშემატკივრები ყავს და ნუ დააბრალებთ მათ თQვენს მარცხს. გარდა ამისა თქვენი ფეხბურთელები დაიჯერებენ რომ დღეს გულშემატკივრობის ბრალი იყო. ხვალ მსაჯის,ზეგ ამინდის...და თვითონ არაფერ შუაში არიან და ვერც შესაბამის დასკვნებს გამოიტანენ თავისი უსუსური თამაშიდან.
givi

ერთი ნათელი წერტილი კიდევ გორის დილა იქნება ევროტურნირებზე. ერთ საცოდაობას მაგ გუნდის შემოქმედებით ვიხილავთ კიდევ!
givi

მე პირადად ეგეთი თამაშის მაჩვენებელი გუნდის სანახავად არ მივიდოდი! დიდი მადლობა უთხარით იმ ხალხს ბატონო გია ვინც საერთოდ თქვენს თამაშზე იყო მოსული და იმ ტანჯვას, საცოდაობას უყურა რაც ტორპედომ აჩევნა ქუთაისში აჩვენა! გასვლაზე კიდევ რაც იყო მაგას საერთოდ ფეხბურთი არ ქვია მაგას.
tazo

ჩემი აზრით ტორპედოს ეს შემადგენლობა არ უნდა ჰყავდეს,მეკარემ ითამაშა,ვერაფერს იტყვი,დანარჩენმა ფეხბურთი არ უნდა ითამაშონ საერთოდ თუ ნამუსი აქვთ,დრო მაგათ აწი ვერაფერს შემატებს,ვისოლმა სტადიონზე,ბაზაზე და ა.შ. ფული დახარჯა,მაგრამ ვინმემ ხომ უნდა ითამაშოს,გუნდი ქალაქისაა და გულშემატკივრები ტორპედოს რომ ჰყავს და მის თამაშს რომ ხალხი ესწრება ისე რომელ გუნდს გულშემატკივრობენ საქართველოში?რაც აქ ხდება ხალხის შეურაცყოფაა!!!
111

ახლა გულშემატკივრებს დააბრალეთ, თქვენ ფეხბურთელები მოიკითხეთ, როგორი გყავთ! აფსუს ქუთაისი! რა ფეხბურთელები ყავს გამოზრდილი!
zangura

ეხლა გულშემატკივრებს დააბრალე. ფარჩაკი გუნდი რო გყავთ. მაგიტო არ მინდოდა ტორპედოს გასვლა ევროტურნირებზე.
luxuta

დაიწყოოო!!!!!!!!!!!!გულშემატკივრებია დამნაშავე!!!!!!!!!!!

[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა

ევროპა ლიგა. 1/2-ფინალი: გადამწყვეტ მატჩში ინგლისური გუნდები შეხვდებიან

[VIDEO] ევროპა ლიგა. 1/2-ფინალი: ინგლისური ფინალის მოლოდინში

"ლიონი" - "მეცი". სამივე ქართველი სასტარტოშია

20 წლის ქართველი ფეხბურთელი "მილანთან" მატჩის განაცხადშია

"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ

"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა

"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა

"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?

[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა

ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო

ლოჩოშვილის "ნიურნბერგი" ისევ დამარცხდა

"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია

დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...

პსჟ-ს მეკარე შეიძლება ესპანურ გუნდში გადავიდეს

"შავი ლომი" | 30 მორაგბით იტალიაში

ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?

29 წლის ასაკში ქართველი ფეხბურთელი ტრაგიკულად დაიღუპა

"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია

ოფიციალურად: მატიჩი კარიერას სერია A-ში გააგრძელებს

"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა

"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა

მატჩის დღე! ხვიჩა კვარაცხელია განაცხადში არაა