<p><a href="/sport/tcidaoba/thavisufali/36011-saqarthvelos-thavisufali-stilith-motcidave-tcabuktha-nakrebma-mshvidobianad-imgzavres.html"> </a>ჩვენი ნაკრები დროულად, ექსცესების გარეშე ჩაფრინდა პოლონურ კატოვიცეში და 17 ივლისს დასაწყებ თანატოლთა ევროპის ჩემპიონატს ჩაუსწრო <br> საქართველოს თავისუფალი სტილით მოჭიდავე ჭაბუკთა ნაკრები დროულად, ექსცესების გარეშე ჩაფრინდა პოლონურ კატოვიცეში და 17 ივლისს დასაწყებ თანატოლთა ევროპის ჩემპიონატს ჩაუსწრო.</p><p>ჩვენი ნაკრების თავს შავი ღრუბლები მას შემდეგ მოგროვდა, რაც კვირა დილას ტექნიკური გაუმართაობის გამო თბილისი-კიევის რეისი გადაიდო.</p><p>ჩვენები სწორედ ამ რეისით მიფრინავდნენ პოლონეთში, მერე კი სარეზერვო ვარიანტის მოძებნა მოუხდათ. საბოლოოდ ისინი მიუნხენის გავლით გაფრინდნენ, თუმცა ან თბილისში, ან - გერმანიიდან კატოვიცეში მიმავალ თვითმფრინავსაც რომ დაეგვიანა, აწონვის ცერემონიალს ვეღარ ჩაუსწრებდნენ.</p><p>ჩვენი ნაკრების შემადგენლობაში, მწვრთნელ თამაზ ბენდიანიშვილის გადაწყვეტილებით (რაც ორ წონაში საკონტროლო შეხვედრის შედეგმა განაპირობა), შმაგი თოდუა (42), გიორგი პასიკაშვილი (46), გიორგი ლეჟავა (50), ლევან მურცხვალაძე (54), ედუარდ ნიკოლიშვილი (58), ტარზან მაისურაძე (63), ომარ გურჯიძე (69), გიორგი ჩხარტიშვილი (76), ირაკლი მწითური (85) და ბექა კახეთელიძე (100) შევიდნენ.</p><p>ამათგან 17 ივლისს თოდუა, ლეჟავა, ნიკოლიშვილი, გურჯიძე და მწითური იჭიდავებენ. თოდუა პირველ წრეში ბულგარელ ანგელ გეორგიევს ხვდება. მასთან წარმატების შემთხვევაში - სომეხ მხითარ გრიგორიანსა და გერმანელ ტიმ შერერს შორის მოგებულს.</p><p>მის მხარესაა რუსი ალექსანდრ რასადინიც, თუმცა მას ჩვენებური ნახევარფინალამდე არ გადაეყრება. ლეჟავა პირველ წრეში ისვენებს. მისი მეტოქე კი ბელარუს რუსლან იბრაჰიმაუს და უკრაინელ ანდრეი იაცენკოს პაექრობაში გაირკვევა.</p><p>ნიკოლიშვილს პირველ შეხვედრაში ფრანგი ილმან მუხტაროვი ერგო. ამ წყვილში მოგებული კი მეორე წრეში რუს იბრაგიმ ილიასოვსა და შვეიცარიელ მარკ დიჩეს შორის გამარჯვებულს შეხვდება. ევროპის შარშანდელი ვიცე-ჩემპიონი გურჯიძე პირველ წრეში ისვენებს, როგორც მისი მეტოქე, რუსი მუსლიმ ევლოევი.</p><p>შეგახსენებთ, რომ ქუთაისელი გურჯიძე შარშან 63-ში ჭიდაობდა და ევროფინალი ისევ რუსთან - ომარაშხაბ ნაჯმუტდინოვთან წააგო. ფრანგთან ჭიდაობით იწყებს ტურნირს მწითურიც, ოღონდ მეორე წრეში - ქუეტინ მილირეს ხვდება. ამ წყვილში მოგებულს კი მომდევნო წრეში ან თურქ ილდენიზ სავრანს, ან რუს სულთან რაბადანოვთან მოუწევს დაჭიდება.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს