ტურ დე ფრანსი: მეოთხე ფრანგული გამარჯვება

მეორე დასვენების დღის წინ ტურ დე ფრანსის ორგანიზატორებმა შანსი "სუფთა" სპრინტერებს მისცეს მეორე დასვენების დღის წინ ტურ დე ფრანსის ორგანიზატორებმა შანსი მისცეს "სუფთა" სპრინტერებს.მე-15 ეტაპი საკმაოდ მოკლე (158 კმ) იყო იმისთვის, რომ გაქცევას აზრი ჰქონოდა. გარდა ამისა, სამი უმნიშვნელო ამაღლება, საფინიშო გარჩევების გარდა, სხვა სცენარის შანსს არ ტოვებდა.ბოლო დღეებში ჩრდილში მოექცა მსოფლიო ველორბოლის მთავარი სპრინტერი მარკ კევენდიში და ამ ეტაპის წინ მთავარი საკითხი იმაში მდგომარეობდა, შეძლებდა თუ არა ბრიტანელი სამი ეტაპის მომგები ანდრე გრაიპელისთვის წინააღმდეგობის გაწევას.გაქცევის პირველი მცდელობები პოსტსაბჭოთა ქვეყნების წარმომადგენლებს ჰქონდათ - იაროსლავ პოპოვიჩი, ალექსანდრ ვინოკუროვი, ანდრეი გრივკო, აგრეთვე იაპონელი იუკიო არასირო უშედეგოდ ცდილობდნენ პელოტონის ჩამოტოვებას, რადგან სპრინტერული გუნდები მაშინვე რეაგირებდნენ ამ შეტევებზე და უზრუნველყოფდნენ რბოლის მაღალ ტემპს.მხოლოდ ბრედლი უიგინსისა და მისი გუნდის მიერ აღებული სანიტარული პაუზის შემდეგ მოხდა გაქცევა. თანაც, დაწინაურებულებს შორის ცნობილი ველომრბოლელები იყვნენ: ტომას ვიოკლერი, პიერიკ ფედრიგო, სამუელ დიუმოლენი, დრის დევენინსი და კრისტიან ვანდეველდე. ბოლო მომენტში მათ შეუერთდა დანიელი ნიკი სორენსენი.პელოტონი დამშვიდდა და ძალიან მალე გაქცეულების უპირატესობამ ექვსი წუთი შეადგინა. "თიმ სქაის" აქტიურობის არანაირი საფუძველი არ ჰქონდა, სპრინტერული გუნდები კი არ ჩქარობდნენ ტემპის მომატებას. მხოლოდ ფინიშამდე 60 კილომეტრით ადრე სხვაობამ კლება იწყო.მაგრამ ეს პელოტონის დროებითი გაბრძოლება აღმოჩნდა. დროთა განმავლობაში ლიდერთა ჯგუფის უპირატესობამ მაქსიმალურ ცხრა წუთს მიაღწია. ფინიშამდე ათი კილომეტრით ადრე კი გაქცეულების ჯგუფში სერიოზული ბრძოლა გაჩაღდა.თავიდან შეტევის მცდელობები ჰქონდა სიორენსენს, მაგრამ ის არ გაუშვეს. შემდეგ კი, პრაქტიკულად, შეუმჩნევლად ჯგუფი დაშალეს ვანდენველდემ და ფედრიგომ. ამერიკელმა ბრწყინვალე ინდივიდუალური სვლით მოიპოვა უპირატესობა დანარჩენ ოთხ კონკურენტზე. ბოლოს ვიოკლერმა და სიორენსენმა კონტრშეტევა სცადეს, მაგრამ დაგვიანებული იყო.ფედრიგოსა და ვანდეველდეს შორის სპრინტერულ დუელში კი ძალები არათანაბარი იყო. კრისტიანი ბორბალზე "დააჯდა" ფრანგს, მაგრამ ფედრიგო გაცილებით უკეთესი სპრინტერი აღმოჩნდა და გამარჯვება იოლად მოიპოვა. ეს იყო წლევანდელ ტურზე მეოთხე ფრანგული გამარჯვება. ამასთან, ეტაპის ტრიუმფატორი კარიერაში მეოთხედ მივიდა პირველი ფინიშთან.ძირითადმა ჯგუფმა ფინიშზე 12 წუთის შემდეგ მიაღწია. მეშვიდე ადგილისთვის სპრინტი გრაიპელმა მოიგო, მაგრამ ის კმაყოფილი ვერ დარჩებოდა ეტაპით. საერთო ჩათვლაში და სხვა ნომინაციებშიც ცვლილებები არ მომხდარა. გუშინ ტურის მონაწილეებს დასვენების დღე ჰქონდათ, რაც დროულია, რადგან წინ მათ პირინეის უმძიმესი ეტაპები ელით. ყველაზე რთული გამოცდა კი ხუთშაბათს არის დაგეგმილი.XV ეტაპი1. პიერიკ ფედრიგო (საფრანგეთი - FDJ); 2. კრისტიან ვანდეველდე (აშშ - Garmin-Sharp) - იგივე დრო; 3. ტომას ფიოკლერი (საფრანგეთი - Europcar) - +0,12; 4. ნიკი სიორენსენი (დანია - SaxoBank-Tinkoff Banmk) - იგივე დრო; 5. დრის დევენინსი (ბელგია - Omega Pharma-Quick Step) - +0,21; 6. სამუელ დიუმოლენი (საფრანგეთი - Cofidis) - +1,02; 7. ანდრე გრაიპელი (გერმანია - Lotto-Belisol) - +11,50; 8. ტაილერ ფარარი (აშშ - Garmin-Sharp) - იგივე დრო; 9. პეტერ საგანი (სლოვაკეთი - Liquigas) - იგივე დრო; 10. კრის ბოკმანსი (ბელგია - Vacansoleil) - იგივე დრო...საერთო ჩათვლა1. ბრედლი უიგინსი (ბრიტანეთი - Team Sky); 2. კრისტოფერ ფრუმი (ბრიტანეთი - Team Sky) - +2,05; 3. ვინჩენცო ნიბალი (იტალია - Liquigas) - +2,23; 4. კეიდელ ევანსი (ავსტრალია - BMC Racing Team) - +3,19; 5. იურგენ ვან დერ ბრეკი (ბელგია - Lotto-Belisol) - +4,48; 6. აიმარ სუბელდია (ესპანეთი - RadioShack-Nissan) - +6,15; 7. ტიჯეი ვან გარდერენი (აშშ - BMC Racing Team) - +6,57; 8. იანეც ბრაიკოვიჩი (სლოვენია - ასტანა) - +7,30; 9. პიერ როლანი (საფრანგეთი - Europcar) - +8,31; 10. ტიბო პინო (საფრანგეთი - FDJ) - +8,51...ყოველდღიური სპორტული გაზეთი "ლელო"

საერთაშორისო აღიარება - საქართველოს ხმა მსოფლიო ველოსპორტის არჩევნებში

ინგლისში ტრანსგენდერები ქალთა ტურნირებიდან მოკვეთეს

ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა