<p>რაუფ მეჰტიევი "აზერისპორტთან" ინტერვიუში "ზესტაფონთან" ჩემპიონთა ლიგის მეორე საკვალიფიკაციო ეტაპის მომავალ საპასუხო მატჩზე საუბრობს <br> აზერბაიჯანის "ნეფთჩის" მეკარე რაუფ მეჰტიევი "აზერისპორტთან" ინტერვიუში "ზესტაფონთან" ჩემპიონთა ლიგის მეორე საკვალიფიკაციო ეტაპის მომავალ საპასუხო მატჩზე საუბრობს, რომელიც 21:00 სთ-ზე ზესტაფონში გაიმართება.</p><p>შეგახსენებთ, რომ პირველი შეხვედრა გუნდებს შორის ბაქოელთა გამარჯვებით, ანგარიშით 3:0 დასრულდა.</p><p><strong>- მზად ხართ საპასუხო მატჩისთვის?</strong></p><p>- პირველი შეხვედრის შემდეგ გუნდი კარგად მოემზადა. ზესტაფონში ყურადღებით უნდა ვიყოთ და არ უნდა მოვდუნდეთ. ჩვენი ფეხბურთი უნდა ვაჩვენოთ და იმ შედეგს მივაღწიოთ, რომელიც გვაწყობს.</p><p><strong>- ბაქოში დიდი ანგარიშით მოგება არ იმოქმედებს თქვენზე საპასუხო შეხვედრაში?</strong></p><p>- 3:0, რა თქმა უნდა, უპირატესობას გვაძლევს, მაგრამ გვესმის, რომ არ უნდა მოვდუნდეთ. დამაჯერებელი გამარჯვება უნდა მოვიპოვოთ, თუმცა ამის მიღწევა იოლი არ იქნება.</p><p><strong>- მეტოქეზე რას იტყვით?</strong></p><p>- "ზესტაფონი" კარგი გუნდია. ბაქოში ამ კოლექტივმა ნორმალური თამაში აჩვენა. თქვენ თვითონაც ნახეთ, როგორ დაიწყეს მატჩი ზესტაფონელებმა. პირველი ტაიმის დასაწყისში ისინი სახიფათოდ მოქმედებდნენ და ერთ მომენტში გატანაც კი შეეძლოთ.</p><p>თუმცა საბოლოოდ მაინც შევძელით გამარჯვება. სიმართლე გითხრათ, მეტოქეს დაცვა იდეალური არ იყო. რაც მთავარია, გოლები გავიტანეთ.</p><p><strong>- "ნეფთჩი</strong><strong>ს" არაერთხელ მოსვლია მსგავსი რამ, როცა ევროთასების პირველ მატჩში შემდეგ ეტაპზე გასვლის კარგ შანს</strong><strong>ს ინარჩუნებდა, თუმცა საპასუხო შეხვედრაში ყველაფერი ცუდად მიდიოდა. მაგალითად, რუმინულ "ვასლუესთან" ან ავსტრიულ "რიდთან"...</p><p></strong>- კი, იყო მსგავსი რამ, თუმცა არ ვაპირებთ, წარსულში მომხდარი სცენარი გავიმეოროთ. ამჟამად ლიგის მესამე საკვალიფიკაციო ეტაპზე გასვლის კარგი შანსი გვაქვს და ის ხელიდან არ უნდა გავუშვათ.</p><p><strong>- როგორ შეაფასებთ თქვენი გუნდის შანსებს მომავალ დაპირისპირებაში?</strong></p><p>- რა თქმა უნდა, თუ გავითვალისწინებთ პირველი მატჩის შედეგს, უფრო მეტი შანსი "ნეფთჩის" აქვს, მაგრამ, როგორც უკვე აღვნიშნე, არ უნდა მოვდუნდეთ. ვერ წარმოვიდგენდი, რომ სამ უპასუხო გოლს გავიტანდით.</p><p>ვფიქრობდი, რომ თუ გავიმარჯვებდით, მაშინ სადღაც 2:0-ს ან 3:1-ს. ყურადღებით უნდა ვიყოთ, რადგან ქართველები საკუთარ მოედანზე თავიანთი საუკეთესო თამაშის ჩვენებას შეეცდებიან და ამიტომ ყველაფრისთვის მზად უნდა ვიყოთ.</p><p><strong>- პლუს</strong><strong> ამას, თუ ძირითადში გამოხვედით და გოლი არ გაუშვით, მაშინ შეძლებთ გაზარდოთ მატჩების რაოდენობა, რომელშიც კარი მშრალად შეინარჩუნეთ...</strong></p><p>- ბუნებრივია, მინდა, კარი ისევ მშრალად შევინარჩუნო, მაგრამ ეს იმდენად არაა მნიშვნელოვანი, რამდენადაც გუნდის წარმატება.</p><p><span style="color: #ff0000;"><strong>ასევე იხილეთ:</p><p></strong></span> <a href="/fexburti/qarthuli-fekhburthi/skhvadaskhva/36405-zestafoni-vs-nefthchi-zestafonelebi-stumrebs-jojokheths-hpirdebian.html" target="_blank">ზესტაფონი VS ნეფთჩი - თავგანწირვა მოედანზე, ჯოჯოხეთი ტრიბუნებზე</a></p>
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა