<p>გორის "დილა" დანიურ "ორჰუსთან" საპასუხო შეხვედრაში გოლის გაშვებას არ აპირებს <br> გორის "დილა" ევროპის ლიგის მეორე საკვალიფიკაციო ეტაპის განმეორებითი შეხვედრისთვის ემზადება. თეიმურაზ შალამბერიძის შეგირდებმა ქართველი გულშემატკივარი სასიამოვნოდ გააოცეს და დანიიდან შინ გამარჯვებულები დაბრუნდნენ.</p><p>მიუხედავად იმისა, რომ საკუთარ კარში გოლი მესამე წუთზევე მიიღეს, <strong>მათე ვაწაძემ</strong> წონასწორობის აღდგენა მოახერხა. თამაშის მიწურულს კი <strong>კახა ალადაშვილმა</strong> გამარჯვების გოლი გაიტანა დანიელთა კარში, რაც განმეორებითი შეხვედრის წინ გორელებს ფავორიტის სტატუსსაც სძენს.</p><p>როგორც გამარჯვების გოლის ავტორი ამბობს, "ორჰუსი" საკმაოდ ძლიერი და გამოცდილი ფეხბურთელებით დაკომპლექტებული გუნდია. ამიტომ "დილას" ფავორიტად არ მიიჩნევს.</p><p><em>"სერიოზულად ვემზადებით. "ორჰუსი" საკმაოდ კარგი გუნდია და ისევ მათი სიძლიერიდან გამომდინარე, შანსებს 50/50-ზე შევაფასებ".</em></p><p>ალადაშვილი დანიელებთან მატჩში განსხვავებულ პოზიციაზე მოგვევლინა. მარჯვენაფლანგელი ახლა შუა ხაზში ირჯებოდა და საკმაოდ კრეატიულიც იყო. როგორც ფეხბურთელი ამბობს, ამ პოზიციაზე მწვრთნელმა ის ამხანაგურ მატჩებში გამოსცადა.</p><p><em>"ჩემს თამაშზე რა გითხრათ, კარგია, რომ გამარჯვების გოლი გავიტანე. პოზიციას რაც შეეხება, ამხანაგურ თამაშებში დამაყენა მწვრთნელმა. ეტყობა, გავამართლე მისი იმედები და შემდეგ უკვე ოფიციალურ მატჩშიც მენდო"</em>.</p><p>დანიაში გორელთა დაცვას საკმაოდ დიდი ჯაფა დაადგა, ვინაიდან "ორჰუსი" მწვავედ უტევდა. მიუხედავად ამისა, ალადაშვილი ამბობს, რომ დაცვის ხაზი სულაც არაა სუსტი და ყველა რგოლში "დილას" საკმაოდ კარგი შემადგენლობა ჰყავს.</p><p><em><img src="/media/images/new_photo/QARTULI/SOCCER/Clubs/dila/team/kakha aladashvili 2012 00023.jpg" border="0" alt="Sportall.Ge" title="კახა ალადაშვილი: " height="262" style="margin: 10px; float: left;" />"ჩვენ მეორე ნომრად თამაში ვარჩიეთ და აქცენტი კონტრშეტევებზე გავაკეთეთ. თუკი ყველა შეტევა ჩვენს კარში დარტყმით დასრულდა, ეს იმას ნიშნავს, რომ ზოგიერთი შეტევა გამოეპარათ მცველებს.</p><p>ეს გასაგებიც იყო, მეორე ნომრად ვთამაშობდით, კონტრშეტევებზე ავაგეთ თამაში, რამაც საბოლოო ჯამში გაამართლა კიდეც".</em></p><p>ალადაშვილი მეტოქის ძლიერ მხარესაც შეეხო. მისი აზრით, ყველაზე ძლიერი "ორჰუსს" შუახაზი აქვს.</p><p><em>"განსაკუთრებით, იორგენსენს გამოვყოფ. ძალიან ჭკვიანი ფეხბურთელია და კარგად ანაწილებს ბურთებს.</p><p>ყველაზე ძლიერი ნახევარდაცვაა, თუმცა მთლიანობაში, ძალიან სტაბილურ, ძლიერ და გამოცდილ გუნდთან გვაქვს საქმე".</p><p></em>განმეორებით შეხვედრაში რა ტაქტიკას აირჩევს შალამბერიძე, ჯერჯერობით უცნობია, მაგრამ, სავარაუდოდ, მეტოქეს სივრცეებს და ბურთს არ დაუთმობს. როგორც <strong>გიგა ბეჭვაია</strong> ამბობს, მათ საკუთარ კარში გოლის მიღება არ უნდა დაუშვან.</p><p><em>"დანიაში თამაშის დროს ვიგრძენით, რომ მოგება შეიძლებოდა. ახლა უფრო მობილიზებულები ვართ. გადამწყვეტი თამაშია, კარგად უნდა შევაფასოთ მოწინააღმდეგე.</p><p>ერთი გოლის შემდეგ ყოველთვის ირევა გუნდი. ამიტომ გოლი არ უნდა გავუშვათ, სიტუაცია არ დავძაბოთ და მარტივად დავამთავროთ საქმე".</p><p></em></p><p>26 ივლისს მიხეილ მესხის სახელობის სტადიონზე, "დილასა" და "ორჰუსს" შორის მატჩზე, დასწრება უფასოა. "დილას" ფეხბურთელები იმედოვნებენ, რომ მაყურებელი მათ მხარდასაჭერად მივა და ერთად შეძლებენ მომდევნო ეტაპზე გასვლას.</p><p><em>"დილა" საპასუხო შეხვედრაში გოლის გაშვებას არ აპირებს (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ: </strong></span></p><p><a href="/fexburti/qarthuli-fekhburthi/skhvadaskhva/36474-qdilaq-qorhussq-shveicarieli-arbitri-gansjis.html" target="_blank">"დილა"-"ორჰუსს" შვეიცარიელი არბიტრი განსჯის</a></p><p><a href="/fexburti/qarthuli-fekhburthi/skhvadaskhva/36336-themur-shalamberidze-danielebs-egonath-azrze-ar-viyavith.html" target="_blank">თემურ შალამბერიძე: დანიელებს ეგონათ, აზრზე არ ვიყავით </a></p><p><a href="/fexburti/qarthuli-fekhburthi/skhvadaskhva/36205-mathe-vatsadze-gakharebuli-var-magram-jer-araferi-gadatsyvetila.html" target="_blank">მათე ვაწაძე: გახარებული ვარ, მაგრამ ჯერ არაფერი გადაწყვეტილა </a></p><p><a href="/fexburti/qarthuli-fekhburthi/skhvadaskhva/36204-orhusi-dila-12-gorelebma-saqarthvelos-khasiathi-gamoukethes-video.html" target="_blank">ორჰუსი-დილა 1:2 - გორელებმა საქართველოს ხასიათი გამოუკეთეს [+VIDEO]</a></p>
tornike
გაიხარეთ ბიჭებო ხვალ გბალეშიკობთ მთელი სულით და გულით. თქვენ იცით როგგორც დანიაში თამაშით გაგვახარეთ ისე აქ.
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო