<p>პრაღის "დუკლას" ლაშა შინდაგორიძის დამატება სურს <br> "ლელო" წერდა, რომ სააგენტო Fa Players-ის დახმარებით (<strong>მალხაზ მუსერიძე, გუგა კაჭახიძე, ბესო აბაშიძე</strong>) გერმანულ "ფრაიბურგში" საქართველოს 17-წლამდელთა ნაკრების ორი ფეხბურთელი მოხვდა - <strong>ვასილ მაისურაძის</strong> გუნდის ცენტრალური მცველი და კაპიტანი <strong>ნიკა ჭანტურია </strong>და თავდამსხმელი <strong>დავით ჯიქია</strong>.</p><p>ორივე ნაკრების საკვანძო მოთამაშე იყო და ევროპის ჩემპიონატის ნახევარფინალში გასვლაში მნიშვნელოვანი როლი ითამაშეს.</p><p>პირველლიგელი თბილისის "ლოკომოტივის" აღზრდილები "ფრაიბურგის" 19-წლამდელთა გუნდში ივლისის დასაწყისიდან ვარჯიშობენ. სააგენტოს დახმარებით, გერმანელები მოლაპარაკებას "ლოკომოტივის" პრეზიდენტ <strong>ლექსო თოფურიასთან</strong> აწარმოებდნენ.</p><p>გადაწყდა თუ არა ქართველი ახალგაზრდების გუნდში დარჩენა? Fa Players-ის წარმომადგენელთა თქმით, ყველაფერი უახლოეს დღეებში გადაწყდება.</p><p>როგორც გვითხრეს, "ფრაიბურგში" ორივემ ძალიან კარგად წარმოაჩინა თავი და კლუბისგან კონკრეტულ წინადადებას ელიან, მაგრამ ტრადიციულ პრობლემას ვერ ასცდნენ: ბიჭები ჯერ მხოლოდ 17 წლისანი არიან, რაც ყველაზე მნიშვნელოვანი დაბრკოლებაა - ევროკავშირის ქვეყნის გუნდს არაევროკავშირელთან შრომითი ხელშეკრულების გაფორმება ეკრძალება.</p><p>ახლა კლუბში ამუშავებდნენ ვერსიებს, თუ როგორ აიყვანონ ქართველები.</p><p>მიუხედავად იმისა, რომ ჭანტურია და ჯიქია 18 წლის იანვარში ხდებიან და ოთხი თვის მოთმენა ადვილია, გერმანელებს მათი დატოვება ახლავე სურთ.</p><p>ორი წლის წინ სააგენტო Fa Players-მა ჩაიყვანა დანიაში თავდამსხმელი <strong>დავით სხირტლაძე</strong>, რომელიც უკვე "ორჰუსის" ძირითად შემადგენლობაში იმკვიდრებს ადგილს. მათივე რეკომენდაციით მოხვდა დანიურ კლუბში შემტევი ნახევარმცველი <strong>ლაშა შინდაგორიძეც</strong>, რომელიც "ორჰუსის" 19-წლამდელთა გუნდსა და დუბლშემადგენლობაში ერთი სეზონი თამაშობდა, მაგრამ თებერვალში დანია დატოვა.</p><p>ივლისის დასაწყისში 19 წლის შინდაგორიძე სააგენტო Fa Players-ის დახმარებით ჩეხეთის ერთ-ერთ ყველაზე ცნობილი კლუბის, პრაღის "დუკლას" ახალგაზრდულ გუნდში მოხვდა, სადაც 10 დღის განმავლობაში აკვირდებოდნენ. გუნდს ის სპეციალისტი წვრთნის, რომელმაც ორი წლის პრაღის "სლავიაში" მუშაობის პერიოდში ლაშა მეკარე <strong>დავით ლეგაშვილთან</strong> და <strong>სხირტლაძესთან</strong> ერთად მიიწვია.</p><p><em>"ლაშას ამბავი კარგად არის. სააგენტოს მოთამაშისთვის მაქსიმალურად საუკეთესო პირობების შექმნა სურს, მაგრამ ჩეხურ კლუბებს ფინანსურად არ ულხინთ და მხოლოდ ეს დარჩა გასარკვევი.</p><p>ახლა მოლაპარაკება კონტრაქტის პირობებზე მიმდინარეობს, თორემ ლაშა მოეწონათ და მისი დარჩენა გადაწყვეტილია.</p><p>ყველაფერი კვირის ბოლოს გადაწყდება და თუ ყველა საკითხი ლაშას სასარგებლოდ გადაწყდა, ჯერ დუბლებში დაიწყებს და პირველ გუნდში დასამკვიდრებლად რამდენიმე თვე ექნება"</em>, - გვითხრა სააგენტოს წარმომადგენელმა <strong>გუგა კაჭახიძემ</strong>.</p><p>თავად ლაშა შინდაგორიძესაც გავესაუბრეთ:</p><p><em>"დანიაში დუბლებში სულ ვთამაშობდი, გოლებიც გამქონდა და ტრაბახში არ ჩამომართვათ და, მაქებდნენ, მაგრამ ძირითად შემადგენლობაში არ მათამაშებდნენ და ამიტომ წამოვედი. საქართველოში დაბრუნებული საფეხბურთო კლუბ "სასკოში" თენგიზ კაციასთან ვვარჯიშობდი.</p><p>დანიის შემდეგ "ტორპედოდან" მქონდა შემოთავაზება. ქუთაისში ჯერ კიდევ ზამთარში მიმიწვიეს, ახლაც დამელაპარაკნენ და ეს ინტერესი სასიამოვნო იყო, მაგრამ ევროპაში მსურდა თამაში და უარი ვთქვი. თანაც, ხანგრძლივ კონტრაქტებს მთავაზობდნენ - მინიმუმ, სამწლიანს, რომლის დასრულების შემდეგაც ევროპაში გადასვლის შანსი, ფაქტობრივად, აღარ მექნებოდა.</p><p></em></p><p><em>დანიაში ნავარჯიშებ ფეხბურთელს ჩეხეთში დამკვიდრება არ გაუძნელდება. "დუკლასთან" ყველაფერი გარკვეულია, მხოლოდ პირადი კონტრაქტის საკითხები დარჩა გად</em><em>ასაწყვეტი, მაგრამ მირჩევია ჩეხეთში დაბალ ხელფასზე ვითამაშო, რადგან ევროპულ ფეხბურთში წინსვლისა და გაზრდის მეტი საშუალებაა.</p><p>ალბათ, ჩეხეთში ორ კვირაში გავემგზავრები. მანამდე კი "სასკოში" ვემზადები. ფიზმომზადებაში კი ავთო ბერიძე მავარჯიშებს"</em>, - ამბობს შინდაგორიძე.</p><p><em>ჭანტურია-ჯიქიას ასაკი აბრკოლებთ (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
[VIDEO] ერთმანეთზე ლამაზი გოლებით - საქართველოს 21-წლამდელთა ნაკრებმა მალტა გაანადგურა
U21 | მალტა V საქართველო - მატჩისწინა ვარჯიში "სენტენარიზე"
"შეტევაში გვიჭირს, ძალიან - რესურსებში შეზღუდული ვართ" - სვანაძემ მძიმე პრობლემების შესახებ ისაუბრა
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს