- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლაშა შავდათუაშვილი: ამ გამარჯვებას ჩემს ლამაზ სამშობლოს ვუძღვნი...
<p>ქართული სპორტის ისტორიაში ყველაზე ახალგაზრდა ოლიმპიურმა ჩემპიონმა "ყველა სიახლის" კითხვებს ლონდონიდან უპასუხა <br> ქართულ სპორტს ახალი გმირი ჰყავს - 29 ივლისს 20 წლის ლაშა შავდათუაშვილი ოლიმპიური ჩემპიონი გახდა!</p><p>ლაშაზე ლაპარაკობენ ყველგან - სოციალურ ქსელებში, მასმედიაში, ქუჩაში, თბილისში, გორშიც...</p><p>ახალგამომცხვარი ჩემპიონი ხომ წარმოშობით გორის რაიონის სოფელ კარალეთიდან არის. ასეა - გორიდან ლონდონამდე არც ისე შორი ყოფილა, ახალგაზრდული წარმატებიდან ოლიმპიურ მწვერვალამდე კი - კიდევ უფრო ნაკლები...</p><p>მხოლოდ ნახევარი წელიწადია, რაც ლაშა შავდათუაშვილმა ახალგაზრდული ტურნირებიდან უფროსებში გადაინაცვლა, ოლიმპიური ლიცენზიაც ბოლო წუთს მოიპოვა და გასაკვირი არც არის, ყველასათვის უცნობ ახალგაზრდას გაცილებით უფრო გამოცდილი მეტოქეები ზემოდან რომ უყურებდნენ... შედეგი? ახლა ის უყურებს ყველას "ზემოდან" - ოლიმპიური კვარცხლბეკის უმაღლესი საფეხურიდან.</p><p>20 წლის ძიუდოისტმა ხუთიდან ოთხი მატჩი იპონით მოიგო, მეტოქეებს ქულაც არ ააღებინა, გაფრთხილებაც კი არ მიუღია... და რაც მთავარია, ისე უშიშრად უტევდა, გეგონებოდათ, მეტოქეებად მასპინძელთა ჯილა კოლინ ოუტსი, მოქმედი მსოფლიო ჩემპიონი მასაში ებინუმა ან ევროპის ორგზის ჩემპიონი მიკლოშ უნგვარი (ლაშაზე 11 წლით უფროსი. - ავტ.) კი არა, თანასოფლელი ჭაბუკები ჰყავდა.</p><p>"სპორტი ან ყველაფერია, ან არაფერი" - ამ სიტყვებს ლაშა შავდათუაშვილი ხშირად იმეორებს. რაც მთავარია, პირდაპირ "ყველაფრით" დაიწყო...</p><p>ქართული სპორტის ისტორიაში ყველაზე ახალგაზრდა ოლიმპიურმა ჩემპიონმა "ყველა სიახლის" კითხვებს ლონდონიდან უპასუხა:</p><p><strong>- რის ხარჯზე გაჩემპიონდი? </strong></p><p>- ღვთის წყალობით და თავდაუზოგავი შრომით!</p><p><strong></p><p>- მგონი, ცივსისხლიანობით ირაკლი ცირეკიძესაც კი აჯობე - ჭიდაობისას აღელვება ოდნავადაც არ გეტყობოდა...</p><p></strong>- ორთაბრძოლისას სრულად მობილიზებული ვარ ხოლმე, როგორც შეტევის, ასევე თავდაცვის დროს. გამარჯვების შემდეგ კი უზომოდ გახარებული და ბედნიერი ვიყავი. ვერ ვიჯერებდი, რომ ეს ყველაფერი ჩემს თავს ხდებოდა.</p><p><strong>- ასეთ აქტიურობას შენგან არც იაპონელი ელოდა და არც უნგრელი. ასეთი ტაქტიკა ოლიმპიადისთვის აირჩიე თუ სულ ასე აქტიურად უტევ?</p><p></strong>- საბრძოლო განწყობა მქონდა, უნდა მეჭიდავა და შემეტია. ჩემს მეტოქეებს ჩემ ნაცვლად სხვა ხომ ვერ წააქცევდა? ამიტომ ვაქტიურობდი და მგონი, არც დაღლა შემტყობია.</p><p><strong>- ფიზიკურად მართლაც ჩინებულად იყავი მომზადებული. ჩანს, პიტერ ზაიზენბახერი ამ კომპონენტს დიდ ყურადღებას აქცევს...</p><p></strong>- ძალიან ბევრი ნაყოფიერი შეკრება გავიარეთ. რაც ნაკრებში ვარ, თითქმის სულ საზღვარგარეთ ვიყავით შეკრებებზე. დიდი მხარდაჭერა გვქონდა ძიუდოს ფედერაციისგან, ოლიმპიური კომიტეტისგან. შეკრებას მსოფლიოს უძლიერეს ძიუდოისტებთან ერთად გავდიოდით და მათთან ერთად ვარჯიშით დიდი გამოცდილება მივიღე.</p><p><strong>- შენი მწვრთნელებისგან შევიტყვეთ, რომ დამატებითაც ვარჯიშობ ხოლმე...</p><p></strong>- თუ არ იშრომე და იწვალე, წარმატება არ მოვა. ჩემი დევიზი ასეთია: "სპორტი ან ყველაფერია, ან არაფერი!" თუ სპორტსმენობას გადაწყვეტ და გინდა, წარმატებას მიაღწიო, ბევრი რამ უნდა მოიკლო. უნდა აირჩიო - ან სპორტი, ან გართობა.</p><p><strong>- 20 წლის ახალგაზრდისთვის ძნელი არ არის ყველაფერზე უარის თქმა?</p><p></strong>- ადვილი ნამდვილად არ არის, მაგრამ, ალბათ, უფალმა მომცა იმის ძალა, რომ თავდაუზოგავი შრომის ხარჯზე წარმატებისთვის მიმეღწია, მესახელებინა ჩემი სამშობლო, ოჯახი, გულშემატკივრები...</p><p><strong>- შენი წარმატება, გარკვეულწილად, ალბათ, მოულოდნელობის ეფექტმაც განაპირობა - მეტოქეების უმეტესობა არ გიცნობდა და 20 წლის ახალბედასგან საფრთხეს არ ელოდნენ...</p><p></strong>- მეც ასე მგონია. სათანადოდ არც შემაფასეს. მით უმეტეს, ოლიმპიადის ლიცენზია ბოლო ტურნირზე ავიღე. მხოლოდ ხუთი თვეა, რაც ახალგაზრდებიდან უფროსების ტურნირებში გადავინაცვლე და ლიცენზიის მხრივ, თითოეული ტურნირი გადამწყვეტი იყო ჩემთვის: ერთიც რომ წამეგო, ოლიმპიადაზე ვერ მოვხვდებოდი...</p><p><strong>- და ვერც ყველაზე ახალგაზრდა ოლიმპიური ჩემპიონი გახდებოდი...</p><p></strong>- როცა იმ ქვეყნის წარმომადგენელი ხარ, რომელსაც ძიუდოში არაერთი ოლიმპიური ჩემპიონი ჰყავს, ასეთი მიღწევა დიდი ბედნიერებაც არის და პასუხისმგებლობაც. ვალდებული ვარ, წარმატებას მომდევნო წლებშიც მივაღწიო...</p><p><strong>- ფინალის შემდგომ პრესკონფერენციაზე კი თქვი - ორთაბრძოლას სახელები კი არა, სპორტსმენები იგებენო, მაგრამ თქმა ერთია და შესრულება - მეორე: როდესაც შენს წინააღმდეგ ისეთი გამოცდილი და ტიტულოვანი მეტოქეები იდგნენ, როგორებიც არიან მასაში ებინუმა ან მიკლოშ უნგვარი, შიშს ოდნავაც არ გრძნობდი?</p><p></strong>- დავივიწყე, რომ მსოფლიოს ან ევროპის ჩემპიონს ვხვდებოდი. უბრალოდ, უნდა გავსულიყავი ტატამზე და ვინც უნდა ყოფილიყო ჩემი მეტოქე, უნდა მეჭიდავა. უკან ნამდვილად არაფერზე დავიხევდი და თუ წავაგებდი, ვაჟკაცურად წავაგებდი...</p><p><strong>- ლონდონში ხუთი ორთაბრძოლა ჩაატარე და ფინალის გარდა, ყველა შეხვედრა იპონით მოიგე. მეტოქეებისთვის კინკილა ქულაც არ დაგითმია, ერთი გაფრთხილებაც კი არ მიგიღია...</p><p></strong>- თვითონაც ვერ ვხვდები, როგორ მოხდა ასე. ალბათ, უფლის ნება იყო, ჩემი დღე გათენდა...</p><p><strong>- ფინალში გამარჯვების შემდეგ თანაგუნდელებმა და მწვრთნელმა რა გითხრეს?</strong></p><p>- ჩემი გამარჯვების შემდეგ ორმაგად არიან მოტივირებულნი და ყველაფერს გააკეთებენ, მაქსიმალურ შედეგს რომ მიაღწიონ. რაც შეეხება ზაიზენბახერს, ძალიან კმაყოფილია. ჩემგან მედალს, მით უმეტეს, ოქროს, ნამდვილად არ ელოდა. ავსტრიელი მწვრთნელი კი არა, არავინ ელოდა (იცინის).</p><p><strong>- ოლიმპიადის ყველაზე ემოციური მომენტი რომელი იყო შენთვის?</p><p></strong>- ებინუმას დაიპონება. მსოფლიოს ჩემპიონ იაპონელს რომ მოვუგე, ენითაუწერელი გრძნობა დამეუფლა, თითქოს ოცნება ამისრულდა... ფინალის დასრულების შემდეგ კი ბოლომდე ვერც კი ვაცნობიერებდი, რა მოხდა, გაბრუებული ვიყავი...</p><p><strong>- ამ გამარჯვებას ვის უძღვნი?</p><p></strong>- ჩემს ლამაზ სამშობლოს, ოჯახს, გულშემატკივრებს, ყველა იმ ადამიანს, ვისაც ჩემი გამარჯვება გაუხარდა...</p><p><strong>- იცი, რომ სოციალური ქსელები შენი ფოტოსურათებით არის აჭრელებული? ყველა მოვალედ მიიჩნევდა თავს, შენი ფოტოს გავრცელებით და თბილი სიტყვებით გამოეხატა ის სიხარული, რაც საქართველოს მოუტანე...</p><p></strong>- ასეთი სითბოსა და მხარდაჭერისთვის ყველას უღრმეს მადლობას ვუხდი და ვეცდები, ჩემი გულშემატკივრები კიდევ არაერთხელ გავახარო.</p><p><strong>- ბევრ სახელოვან სპორტსმენს დაუსრულებია კარიერა ისე, არათუ მედალი, ოლიმპიადაზე მონაწილეობაც კი სანატრელი ჰქონია. შენ კი 20 წლისა უკვე ოლიმპიური ჩემპიონი ხარ... ეს დიდი წარმატება მოტივაციას ხომ არ დაგაკარგვინებს?</p><p></strong>- ბევრია ისეთი სპორტსმენი, კარიერის განმავლობაში რომ შრომობს, თავს არ ზოგავს, მაგრამ ოლიმპიადაზე მონაწილეობას ვერ ახერხებს. მე კი...</p><p>როგორც ჩანს, იღბლიანი ვარ, საჭირო დროს, საჭირო ადგილას აღმოვჩნდი.</p><p>მოტივაციას რაც შეეხება, მიღწეულით დაკმაყოფილებას ნამდვილად არ ვაპირებ და ვეცდები, ჩემი გულშემატკივრები მომავალ ტურნირებზეც გავახარო. ერთის თქმა კი ნამდვილად შემიძლია - როგორიც ვარ, ისეთი დავრჩები და ვერანაირი ჯილდო ვერ შემცვლის!</p><p>თქვენი გაზეთის მეშვეობით კიდევ ერთხელ ვუხდი უღრმეს მადლობას ყველას, ვინც ჩემი სიხარული გაიზიარა!</p><p><strong><em>ესაუბრა რატი შელეგია</em></strong></p><p><em></p><p>ლაშა შავდათუაშვილი: სპორტი ან ყველაფერია, ან არაფერი (იბეჭდება მცირე ცვლილებით)</em></p><p><strong>ყოველკვირეული გაზეთი "ყველა სიახლე"</strong> <strong>(გამოდის ოთხშაბათობით)</p><p><span style="color: #ff0000;">ასევე იხილეთ: </span></p><p></strong><a href="//sport/tcidaoba/dziudo/36785-gamarjvebis-gamodzakhili-goris-dziudos-nanatri-gmiri.html" target="_blank">გამარჯვების გამოძახილი: გორის ძიუდოს ნანატრი გმირი!</a><strong></p><p></strong><a href="/sport/tcidaoba/dziudo/36728-lasharela-meeqvse-gaelveba-video.html" target="_blank">ლაშარელა - მეექვსე გაელვება [+VIDEO] </a><strong><a href="//sport/tcidaoba/dziudo/36785-gamarjvebis-gamodzakhili-goris-dziudos-nanatri-gmiri.html" target="_blank"> </a></strong></p>
-
EKA , NINO,LEWAN
wgijdebit am bichze !!! saxeze etyoba da gimilze ra kargi pirownebaa sulierad. xma chagwizyda lasha shen balelshikobashi,yochag yochag !!! zalian gagwaxare, bewri gwimrawlos shennairi axalgazrdebi !!! didi madloba
-
london2012
დამოუკიდებებლ საქართველოში დაბადებული ოლიმპიური ჩემპიონი!!!!
-
irma
შენ გაგახაროს უფალმა ასეთ მოტივირებული ახალგაზრდა საერთოდ იშვიათია,ღმერთს ვთხოვ რომ შენაირი ვაჯკაცი ჩემი ორი ბიჭი გამიზარდოს,იხარე და გაგვახარე,,,
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა