<p>ევროპის ლიგა. მესამე საკვალიფიკაციო ეტაპი. გორის "დილას" მეტოქე <br> 2 აგვისტოს გორის "დილა" ევროპის ლიგის მესამე საკვალიფიკაციო რაუნდში კვიპროსულ "ანორთოსისს" უმასპინძლებს და ევროსარბიელს შემორჩენილი ერთადერთი ქართული კლუბი კიდევ უფრო შორს წასვლას შეეცდება.</p><p>"ანორთოსისი" რიგ მიზეზთა გამო ქართველი გულშემატკივრებისთვის არცთუ უცნობი კლუბია, თუმცა მის წარსულსა და დღევანდელობაზე მოკლედ მაინც გეტყვით.</p><p><img src="/media/images/new_photo/QARTULI/SOCCER/Persons/temur-ketsbaia-mourinho-0001.jpg" border="0" alt="Sportall.Ge" title="title" width="290" height="346" style="margin: 10px; float: left;" />1911 წელს დაარსებულ "ანორთოსისს" ტიტულები არ აკლია - კვიპროსის 13-გზის ჩემპიონი, 10-გზის თასისა და 7-გზის სუპერთასის მფლობელია. აღსანიშნავია, რომ ჩემპიონობაცა და თასიც გუნდს ბოლოს <strong>თემურ ქეცბაიამ</strong> მოაპოვებინა - შესაბამისად, 2008 და 2007 წლებში.</p><p>ბევრს არ ვილაპარაკებთ იმაზე, თუ რას ნიშნავს თემური ამ კლუბისთვის. იგი "ანორთოსისის" ყველა დროის საუკეთესო ფეხბურთელადაა აღიარებული და მისი კუთვნილი 14-ნომრიანი მაისურა გუნდში აღარავის აცვია. მსგავსი პატივი კი "ანორთოსისში" სხვას არ რგებია.</p><p>"ანორთოსისმა" ევროსარბიელზე ყველაზე დიდ წარმატებას ასევე საქართველოს ეროვნული ნაკრების ამჟამინდელი თავკაცის წყალობით მიაღწია - 2008 წელს ქეცბაიამ ფამაგუსტელები ჩემპიონთა ლიგის ჯგუფურ ეტაპზე გაიყვანა და იმის მიუხედავად, რომ "ანორთოსისმა" იქ ბოლო ადგილი დაიკავა, თავი ნამდვილად არ შეურცხვენია.</p><p>ყველაზე გამორჩეული <strong>ჟოზე მოურინიოს</strong> "ინტერთან" საშინაო დაპირისპირება იყო, რომელიც 3:3 დასრულდა.</p><p>ქეცბაიას გარდა, "ანორთოსისში" <strong>გიორგი ქინქლაძეს, კლიმენტი წიტაიშვილსა</strong> და <strong>გოჩა ხოჯავას</strong> უთამაშიათ, გასულ სეზონში კი კლუბის ღირსებას <strong>დავით კვირკველია</strong> იცავდა.</p><p>გასული სეზონი "დილას" მეტოქემ დიდად წარმატებულად ვერ ჩაატარა - ჩემპიონატში მეოთხე ადგილი დაიკავა, რაც მის ამბიციებს ნამდვილად არ შეესაბამება.</p><p>ზედმეტია იმის შეხსენება, რომ შარშან ევროპის ლიგის მეორე საკვალიფიკაციო ეტაპზე "ანორთოსისი" ასევე დევნილობაში მყოფ "გაგრას" გადაეყარა და გათამაშებას გამოთიშა - ქართველებს შინ 3:0 სძლია, სტუმრად კი 0:2 დამარცხდა.</p><p>კვიპროსელები ამაზე შორს ვეღარ წავიდნენ - მესამე რაუნდში ორი მატჩის ჯამში მაკედონიურ "რაბოტნიჩკისთან" დამარცხდნენ.</p><p>"ანორთოსისს" ებრაელი <strong>რონი ლევი</strong> წვრთნის, გუნდის შემადგენლობაში კი არაერთი გამოსარჩევი ფეხბურთელია, რომელთა შორისაც ლეგიონერები სჭარბობენ.</p><p><span style="color: #ff0000;"><strong>ევროპის ლიგა. მესამე საკვალიფიკაციო ეტაპი. მეტოქე</strong></span></p><p><span style="color: #000000;"><strong>ანორთოსისი, ფამაგუსტა (კვიპროსი)</strong></span></p><p>დაარსდა 1911 წელს</p><p>სტადიონი: ანტონის პაპადოპულოსი (ლარნაკა, ტევადობა: 11 930)</p><p>მთავარი მწვრთნელი: რონი ლევი (ისრაელი)</p><p>პრეზიდენტი: სავას კაკოსი</p><p><strong>მეკარეები:</strong> 1. სრდან ბლაჟიჩი (ჩერნოგორია), 31. ხრისტოს მასტრუ, 32. გავრიელ კონსტანტინუ;</p><p><strong>მცველები:</strong> 2. მარკო ანდიჩი (სერბეთი), 3. პაულუ ჟორჟე (პორტუგალია), 4. იურგენ კოლინი (ჰოლანდია), 23. ვალენტინოს სიელისი, 33. ბრანკო ილიჩი (სერბეთი), 40. დემეტრის ეკონომუ, 88. ვილიამ ბონავენტურა (ბრაზილია);</p><p><strong>ნახევარმცველები:</strong> 5. დან ალექსა (რუმინეთი), 6. ხრისტოს მარანგოსი, 8. ჟულიანო (ბრაზილია), 18. გიორგოს სიელისი, 20. ვინსენ ლაბანი (საფრანგეთი), 21. რიკარდო ლაბორდე (კოლუმბია), 99. მოშე ოჰაიონი (ისრაელი);</p><p><strong>თავდამსხმელები:</strong> 7. ტონი კალვო (ესპანეთი), 9. იანის ოკასი, 17. იან რეზეკი (ჩეხეთი).</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ: </span></strong></p><p><a href="/fexburti/qarthuli-fekhburthi/skhvadaskhva/36920-dila-vs-anorthosisi-gamocdilebis-shetevisa-da-grili-saghamos-imedith.html" target="_blank">დილა VS ანორთოსისი - გამოცდილების, შეტევისა და გრილი საღამოს იმედით</a></p><p><a href="/fexburti/qarthuli-fekhburthi/skhvadaskhva/36928-roni-levi-thbilisshi-gamarjvebisthvis-vithamashebth.html" target="_blank">რონი ლევი: თბილისში გამარჯვებისთვის ვითამაშებთ! </a></p>
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ