ამხანაგური მატჩები - "ნაპოლიმ" "ბორდოც" მოინელა

იტალიური გუნდები აგრძელებენ ახალი სეზონისთვის სამზადისს და ბუნებრივია, ამხანაგურ შეხვედრებსაც უხვად მართავენ იტალიური გუნდები აგრძელებენ ახალი სეზონისთვის სამზადისს და ბუნებრივია, ამხანაგურ შეხვედრებსაც უხვად მართავენ.ამ მხრივ, ერთ-ერთი ყველაზე აქტიური "ნაპოლი" გახლავთ, რომელიც ყოველ მეორე-მესამე დღეს სპარინგობს და რაც მთავარია, მეტოქეებსაც ძლიერს არჩევს. ნეაპოლელებმა უკვე დაამარცხეს მიუნხენის "ბაიერნი" და ლევერკუზენის "ბაიერი". მათი ბედი კი გუშინ ფრანგულმა "ბორდომაც" გაიზიარა. ვალტერ მაცარის შეგირდებმა მეტოქეს ორი უპასუხო გოლი გაუტანეს და ყველანაირი კითხვის ნიშნის გარეშე მოუგეს.ძალიან კარგად წარმოჩინდა გორან პანდევისა და ხუან მანუელ ვარგასის თავდამსხმელთა ტანდემი - ისე ორჯებოდნენ, იფიქრებდით, რომ მთელი კარიერა ერთად გაატარეს; პანდევმა გოლიც მიითვალა აქტივში და კიდევ ერთხელ გააკეთა განაცხადი ძირითადი შემადგენლობის უცვლელ წევრობაზე.აქვე ვთქვათ, რომ ფრანგების წინააღმდეგ "ნაპოლის" ახალწვეულს, ლორენცოს ინსინიეს არ უთამაშია, რომელიც ერთ-ერთი საუკეთესოა მთელი მოსამზადებელი ციკლის პერიოდში და სამხრეთელები მასზე უკვე ძალიან დიდ იმედებს ამყარებენ...ნამატჩევს ვალტერ მაცარი ჟურნალისტებს გაესაუბრა და შემდეგი განაცხადა:"კიდევ ერთი მატჩი მოვიგეთ და დავრწმუნდით, რომ დღითიდღე ვპროგრესირებთ. "ბორდო" მობილური და მოძრავი გუნდია, თუმცა გასაქანი არ მივეცით და ჩვენი თამაში მოვახვიეთ თავს.ყველაზე მეტად ის მახარებს, რომ თამაშში შეცვლაზე შესულებიც შესანიშნავად ჩაერთვნენ - ეს იმას ნიშნავს, რომ გრძელი სათადარიგო სკამი გვაქვს და გაძლიერება ნებისმიერ დროს შეგვიძლია. ედინსონ კავანისა და ლორენცო ინსინიეს სახით, წამყვანი ფორვარდები გვაკლდნენ, მაგრამ შეტევაში მაინც კარგად გამოვიყურებოდით; სწორედ ამაშია ჩვენი ძალა, გუნდი ერთ და ორ ფეხბურთელზე დამოკიდებული არ უნდა იყოს"."ლაციო" ნახევრად სამოყვარულო გუნდს გაეჯიბრა და მეტოქეს ოთხი უპასუხო გოლი გაუტანა. აღსანიშნავი ის გახლავთ, რომ რომაელებმა ახალი ტაქტიკით, 4-4-1-1-ით იასპარეზეს და დაცვაზე გააკეთეს აქცენტი. ალბათ, სწორედ ამით გახლდათ განპირობებული ის, რომ მეტოქეს ოთხ გოლზე მეტი ვერ გაუტანეს.აუცილებლად უნდა აღვნიშნოთ, რომ ამ შეხვედრაში მონაწილეობა მაურო სარატემ და სტეფანო მაურიმ მიიღეს - პირველი "ინტერში" იყო განათხოვრებული და ამ ზაფხულს დაუბრუნდა "ბიანკოცელესტეს", მეორე კი გარიგებულ მატჩებთან დაკავშირებულ სკანდალში გაეხვა და ერთი ხანობა, დაპატიმრებულიც იყო. მოკლედ, ორივე მათგანი უკვე "ლაციოს" განკარგულებაშია და ახალი სეზონისთვის ემზადება.ამხანაგური მატჩი კიდევ ორმა იტალიურმა გუნდმა გამართა და ორივემ სამარცხვინო მარცხი იწვნია."უდინეზე" "ანტალიასფორს" ეპაექრა და არცთუ ძლიერ მეტოქეს ვერაფერი დააკლო. ბოლო დროს ნაქები "პარმა" კი "ბოჰემიანსთან" დამარცხდა.ორივე გუნდის მწვრთნელებმა თავის მართლებას მიჰყვეს ხელი, თუმცა ეს საქმე მთლად კარგად არ გამოუვიდათ - მაგალითად, ფრანჩესკო გვიდოლინი დაჟინებით ამტკიცებდა, "ანტალიადგორი" უძლიერესი გუნდიაო...ნაპოლი-ბორდო 2:0ნაპოლი (3-5-2): დე სანკტისი - კამპანიარო (46.გამბერინი), ფერნანდესი, არონიკა (72. გრავა) - მაჯო, ჯემაილი (88. ფორნიტო), გარგანო (56. ჰამშიკი), ბერამი (84. ცუნიგა), დოსენა (76. ვიტალე) - პანდევი (72. ნოვოტნი), ვარგასი (87. ბარიტი).გოლები: 1:0 პანდევი (43), 2:0 მაჯო (61).უდინეზე-ანტალიასფორი 1:2უდინეზე (3-5-2): რომო (46. პავლოვსკი) - ბენეტია (46. ერტო), დანილო (46. კოდა), ნიუტონი (46. დომიცი) - ფარაონი (46. ბასტა), აპლა (46. გაბრიელი), ბატოკიო (46. პინცი), პერეირა, არმერო (46. პასკუალე) - ფაბრინი (46. მაიკოსუელი), იგალო (46. ბარეტო).გოლები: 0:1 (43), 1:1 მაიკოსუელი (81), 1:2 (89).პარმა-ბოჰემიანსი 1:2პარმა (3-5-2): მირანტე (67. ბაიჯა) - ძაკარდო, პალეტა, მაკიჩენი (46. ლუკარელი) - ბიაბიანი, ნინისი (46. პაროლო), ჩიბსა (46. ვალდესი), გალოპა (67. აკვა), გობი - ამაური (67. პალადინო), პაბონი (67. ბელფოდილი).გოლები: 1:0 პაბონი (11), 1:1 (15), 1:2 (41).ლაციო-ნუოვა ჩირკე 4:0ლაციო (4-4-1-1): მარკეტი (62. კარისო) - კონკო (46. კავანდა), ბიავა, დიასი (46. სკალონი), გარიდო (46. ძაური) - ცანა (46. გონსალესი), ლედესმა (46. ონაზი), კანდრევა (46. ერნანესი), ლულიჩი (46. ფლოკარი) - მაური (46. სარატე) - როკი (33. ალფარო - 62. კოზაკი).გოლები: 1:0 როკი (32), 2:0 ონაზი (53), 3:0 ალფარო (57), 4:0 ფლოკარი (69).ყოველდღიური სპორტული გაზეთი "ლელო"

[VIDEO] დე ბრუინის სადებიუტო გოლი - "ნაპოლიმ" ჩემპიონატი გამარჯვებით დაიწყო

"ნაპოლი" ელმასის დაბრუნებას ცდილობს

"მილანი" დივოკ ორიჯის კონტრაქტს გაუწყვეტს და კომპენსაციას გადაუხდის

"ლიონი" - "მეცი". სამივე ქართველი სასტარტოშია

20 წლის ქართველი ფეხბურთელი "მილანთან" მატჩის განაცხადშია

"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ

"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა

"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა

[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა

ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო

ლოჩოშვილის "ნიურნბერგი" ისევ დამარცხდა

"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია

დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...

პსჟ-ს მეკარე შეიძლება ესპანურ გუნდში გადავიდეს

"შავი ლომი" | 30 მორაგბით იტალიაში

ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?

29 წლის ასაკში ქართველი ფეხბურთელი ტრაგიკულად დაიღუპა

"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია

ოფიციალურად: მატიჩი კარიერას სერია A-ში გააგრძელებს

"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა

"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა

"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო

მატჩის დღე! ხვიჩა კვარაცხელია განაცხადში არაა