- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დუშან უჰრინი: თბილისის "დინამოში" ყველას ჩემპიონობა გვინდა
<p>თბილისის "დინამოს" ჩეხმა მთავარმა მწვრთნელმა გუნდის მომზადებასა და ახალ ფეხბურთელებზე ისაუბრა <br> თბილისის "დინამო" კარსმომდგარ ჩემპიონატს ახალი მწვრთნელით იწყებს - 44 წლის დუშან უჰრინმა "დინამო" საამსეზონოდ მოამზადა და, რა თქმა უნდა, ძალიან საინტერესოა, როგორი იქნება "დინამო" 2012/13 წლების სეზონში.</p><p>უჰრინი რთულ საქმეს შეეჭიდა, წინა სეზონი "დინამოს" ჩაუვარდა და ხელახლა მოუწევს მოწინავე პოზიციაზე დაბრუნება, ოღონდაც ჯერაც საკითხავია, მოახერხებს თუ არა ამას უმცროსი უჰრინის ხელში.</p><p>უმცროსი უჰრინი მამასივით სახელგანთქმული სპეციალისტი ჯერ არ არის, თუმცა არც თუ მწირი სამწვრთნელო გამოცდილება აქვს. "დინამოს" ჩეხ მთავარ მწვრთნელს დიღმის ბაზაზე ვესტუმრეთ ინტერვიუსთვის.</p><p>უმცროსი უჰრინი უშუალო ადამიანი ჩანს, ყოველ შემთხვევაში ასეთია პირველი შთაბეჭდილება. დანარჩენი კი მერე გამოჩნდება, როცა სეზონი ეშხში შევა - იყო "დინამოს" თავკაცი ეს ალბათ იმასაც ნიშნავს, რომ მოედნის მიღმაც შეგეძლოს საინტერესო ადამიანად ყოფნა...</p><p><strong>- როცა იღებდით გადაწყვეტილება, გამხდარიყავით თბილისის "დინამოს" მწვრთნელი, რა გამოდგა ყველაზე მნიშვნელოვანი ფაქტორი?</strong></p><p>- ყველაზე მნიშვნელოვანი მამაჩემის რეკომენდაცია იყო, ის საქართველოში, კერძოდ კი "დინამოში" გატარებული პერიოდით კმაყოფილია. ამ ფაქტორის გარდა უაღრესად მნიშვნელოვანია ისიც, რომ "დინამოს" ჩინებული სავარჯიშო პირობები აქვს.</p><p>რაც ჩამოვთვალე, მათზე არანაკლებ მნიშვნელოვანია საკუთარი ამბიცია - "დინამო" ისეთი კლუბია, ყოველთვის პირველობას რომ თხოვენ. ვიცი, რომ სიტყვების თქმა ადვილია, კარგი გუნდის შექმნა კი დიდ შრომას მოითხოვს. უნდა შეიქმნას ისეთი გუნდი, რომელიც გამორჩეული იქნება თავისი ხასიათით. ჩვენ მხოლოდ ამ პერიოდზე არ ვაკეთებთ გათვლას, მომავლისკენაც ვიყურებით.</p><p><strong>- თქვენი ნათქვამიდან გამომდინარე, როგორ შეაფასებდით გუნდის სასტარტო პოზიციას? "დინამოსგან" ალბათ მხოლოდ ჩემპიონობას ელიან...</p><p></strong>- პირველ რიგში, იმას უნდა გავუსვა ხაზი, რომ გვყავს საკმაოდ კარგი ფეხბურთელები. პირველ მატჩებში ნაჩვენები შედეგები ერთია და მეორე ის, რომ სწორ გზას უნდა დავადგეთ, რომელიც მნიშვნელოვან წარმატებამდე მიგვიყვანს.</p><p><strong>- ალბათ იცით, რომ "დინამო" განსაკუთრებული გუნდია, საქართველოც განსაკუთრებული ქვეყანაა და თავისებურებანი ჩვენს ეროვნულ ჩემპიონატსაც ახასიათებს. როგორ ფიქრობთ, ხართ ამ ყველაფრისთვის მზად?</strong></p><p>- უკვე მესამედ მიწევს უცხოეთში მუშაობა და კარგად მესმის თქვენი შეკითხვის არსი. საბოლოო მიზანი გარკვეულია - ისეთი გუნდი უნდა შევქმნათ, ევროტურნირზე ძლიერად რომ შესძლებს გამოსვლას და ჯგუფში მოხვედრისთვის სათანადოდ იქნება მომზადებული.</p><p>რა თქმა უნდა, ძალიან მინდა, "დინამო" ჩემპიონი რომ გახდეს, მაგრამ ამის წინასწარ თქმას მოვერიდები. წარმატებისკენ გეგმაზომიერად უნდა ვიაროთ.</p><p><strong>- შეიძლება ითქვას, რომ "დინამოს" უკვე კარგად იცნობთ? სლოვენიურმა შეკრებამ ალბათ ბევრი რამ დაგანახათ...</p><p></strong>- ფიზიკური მომზადების მხრივ სისუსტეები დავინახე, თუმცა ამ საკითხზე ვმუშაობთ და იმედია, სწორადაც.</p><p><strong>- ფეხბურთელთა კონტინგენტზე ზოგადად რა აზრი შეგექმნათ? წარმატება არაერთ ფაქტორზეა დამოკიდებული, მაგრამ მთავარი ხომ ფეხბურთელია...</strong></p><p>- ცხადია, წარმატებას ბევრი რამის თანხვედრა სჭირდება. ვფიქრობ, ამ "დინამოს" ფეხბურთელთა კარგი კონტინგენტი ჰყავს.</p><p>შესაძლოა, ის დრო, რაც "დინამოში" ვარ, სრულად არ არის საკმარისი დასკვნების გამოსატანად. მიმაჩნია, რომ ჩემპიონატის პირველი ხუთი თამაში ბევრ რამეს უფრო კარგად დამანახებს.</p><p><strong>- თუ გაქვთ საკმარისი ინფორმაცია "დინამოს" მთავარ კონკურენტ გუნდებზე?</strong></p><p>- დიახ, მათზე ინფორმაციას საკმაოდ ვფლობ. ვფიქრობ, არ აქვს გადამწყვეტი მნიშვნელობა იმას, თუ რომელ ადგილოსან გუნდს ეთამაშები, ყოველთვის შენი თამაში უნდა ითამაშო, მათ შორის უმთავრეს მეტოქეებთან.</p><p>"დინამოს" შედეგი უფრო ჩვენზე იქნება დამოკიდებული, ვიდრე კონკურენტებზე - ასე ვუდგებით ამ საკითხს.</p><p><strong>- მამა-შვილი უჰრინები - რა განსხვავებაა მათ სამწვრთნელო სტილში?</p><p></strong>- ვერ გეტყვით, რადგან იმ გუნდების თამაში, რომელსაც მამაჩემი ბოლო პერიოდში წვრთნიდა, არ მინახავს. მე დინამიურ სტილს ვანიჭებ უპირატესობას, როცა ფეხბურთელებს ბევრი სირბილი უწევთ, რა გუნდებიც გამიწვრთნია, ყველგან ამ მიმართულებით ვმუშაობდი.</p><p><strong>- "დინამოში" თქვენს მისვლამდე ერთობ პრობლემატური იყო ცენტრფორვარდის პოზიცია - როგორ არის ახლა ვითარება ამ მხრივ? ისიც საინტერესოა, მიგაჩნიათ თუ არ ჩისკო ამ პოზციისთვის ოპტიმალურ ვარიანტად?</p><p></strong>- ჩემი შეხედულებით, ჩისკოს პოზიცია ათი ნომერი, შემტევი შუახაზელია. რაც შეეხება ცენტრფორვარდის პოზიციას, რამდენიმე ფეხბურთელი შევარჩიეთ - ვოსკობოინიკოვი, კანე და კიდევ ამერიკიდან წამოსული გაბრიელ ობატოლა, ვინც ახლახან მოვიდა "დინამოში".</p><p><strong>- ისინი ჯერაც გასინჯვაზე არიან, უფრო საითკენ მიდის საქმე, რომელ მათგანს დაიტოვებთ?</p><p></strong>- ამ საკითხე ვესაუბრე "დინამოს" დირექტორატს, შესაძლოა, სამივე დავიტოვოთ. კანე ახალგაზრდაა და კარგი მონაცემები აქვს, ვოსკობოინიკოვი საკმაოდ გამოცდილია. იაგუეს რაც შეეხება, ვიცი, რომ კარგა ხნის უთამაშებელია და ფიზიკურად ჯერ არ არის მზად. ერთი სიტყვით, ცენტრფორვარდებზე დაკვირვებას ვაგრძელებთ.</p><p><strong>- რა ტაქტიკურ განლაგებას ანიჭებთ უპირატესობას? სლოვენიურ შეკრებაზე გუნდი მეტწილად რა სქემით თამაშობოდა?</p><p></strong>- უპირატესობას 4-4-2 სისტემას ვანიჭებ და "დინამომაც" მეტწილ საკონტროლო მატჩებში ასე ითამაშა, თუმცა ეს დოგმა არ არის და სხვა განლაგებითაც ვითამაშეთ: 4-2-3-1 და 4-3-3. უფრო ალბათ მაინც 4-4-2-ზე შევჩერდებით.</p><p><strong>- ეს იმას ნიშნავს, რომ გარემარბებით თამაში მაინცდამაინც არ გიყვართ? "დინამოში" არის რამდენიმე ასეთი ფეხბურთელი...</p><p></strong>- გარემარბებით თამაში მიყვარს, უბრალოდ, ხანდახან ისე ხდება, რომ ფლანგზე მოთამაშე შემტევებს უკან ჩამოსვლა არ უყვართ.</p><p><strong>- როგორ ფიქრობთ, ამ "დინამოს" ჰყავს ლიდერი ან რამდენიმე ისეთი ფეხბურთელი, მთელი გუნდის აყოლიება, გამარჯვების რწმენის ჩანერგვა და რთული სიტუაციიდან გამოსვლა რომ შეუძლიათ?</p><p></strong>- ხმალაძე, მერებაშვილი, კვარაცხელია, ხიზანეიშვილი - იმედი მაქვს, რომ ამ ფეხბურთელებს ეს თვისებები აქვთ.</p><p><strong>- თუ "დინამო" 2012/13 წლების სეზონში საქართველოს ჩემპიონი ვერ გახდება, ეს გუნდის ჩავარდნად ჩაითვლება?</p><p></strong>- "დინამოში" ყველას ჩემპიონობა გვინდა და რატომაც არ შეგვიძლია ამის მიღწევა?! რა მოხდება, თუ გუნდი ამას ვერ შეძლებს - აბა, რა გიპასუხოთ...ჩვენ ჩემპიონობისთვის ყველაფერს გავაკეთებთ.</p><p><strong>- მამათქვენს ბოლოს რომ ესაუბრეთ, რა რჩევა-დარიგება მოგცათ?</p><p></strong>- ჩვენ ვისაუბრეთ ზოგადად ფეხბურთზე, ქართულ ფეხბურთში არსებულ სიტუაციაზე, ქართველ ფეხბურთელებზე... მისგან სასარგებლო ინფორმაცია მივიღე, ფაქტია, მამაჩემი ჩემზე ბევრად გამოცდილია...</p><p><em>უჰრინმა დინამოელებს მესიჯი გაუგზავნა: დინამიკა და ბევრი სირბილი (იბეჭდება მცირე ცვლილებით)</p><p></em><strong>ყოველდღიური სპორტული გაზეთი "ლელო"</strong></p>
-
dato
კარგი იყო ბატონო გუჯა, კარგი :)
-
gujakakhadze
"მე დინამიურ სტილს ვანიჭებ უპირატესობას, როცა ფეხბურთელებს ბევრი სირბილი უწევთ, რა გუნდებიც გამიწვრთნია, ყველგან ამ მიმართულებით ვმუშაობდი"...........თუ ქართველებსაც ასწავლი სირბილს ამ სიკეთეს არ დაგივიწყებთ!!!!
გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?
"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა
[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა