- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვანო გრიქუროვი: ჩვენი ბიჭებისგან ნამდვილად მეტს მოველოდი
<p>საქართველოს ძალოსანთა ნაკრების მთავარი მწვრთნელი ქართველი სპორტსმენების გამოსვლას აფასებს <br> ტექსტი, რომელსაც ქვემოთ გთავაზობთ, საქართველოს ძალოსანთა ნაკრების მთავარ მწვრთნელთან, ვანო გრიქუროვთან ოლიმპიურ სოფელში სტუმრობისას ჩავიწერეთ.</p><p>- პირდაპირ გეტყვით, ირაკლი თურმანიძის გამოსვლამდე ჩვენი ძალოსნების შედეგებით ძალიან უკმაყოფილო ვიყავი.</p><p>ფაქტობრივად, მწვრთნელთა მიერ გაწეული შრომა და ამდენი წვალება წყალში ჩაიყარა. ამას განსაკუთრებით მაჭავარიანზე ვამბობ.</p><p>იმდენად სურდა მიზნის მიღწევა, ფსიქოლოგიურად ვერ გაუძლო, გადაიწვა - კრიტიკულ მომენტში ნერვებმა უმტყუნა. ოლიმპიადამდეც ყველაფერი გაკეთდა საიმისოდ, რომ ბიჭებს მაქსიმუმი გამოევლინათ. ამისთვის მზადაც იყვნენ, მაგრამ, სამწუხაროდ, ოლიმპიურ ფიცარნაგზე მათ ეს ვერ მოახერხეს.</p><p>ყველა მიზეზი აბსურდულია. მე ჩემი შეგირდების გმირობას და სპორტულ თავდადებას ვარ მიჩვეული, ისეთს, როგორზეც ეს თავის დროზე გამოავლინეს ოლიმპიურ სარბიელზე კახი კახიაშვილმა და გიორგი ასანიძემ. მაგრამ რა გაეწყობა, ყველა არ არის გმირად დაბადებული. ხომ გაგიგიათ, წაგება ობოლია, მოგებას ათასი მამა ჰყავსო - მიხვდებით, რასაც ვამბობ. თავს ნამდვილად არ ვიმართლებ.</p><p>ირაკლი თურმანიძის ასპარეზობით უკმაყოფილო არ ვარ. მას ჰქონდა ოქროს მედლისთვის ბრძოლის კარგი შანსი, მაგრამ ვერ გამოვიყენეთ. შემიძლია დაბეჯითებით ვთქვა, რომ ირაკლი უჩვეულოდ მიზანსწრაფული, გაწონასწორებული, მუდამ ღიმილიანი, მტკიცე ნერვების სპორტსმენი და, საერთოდ, შესანიშნავი პიროვნებაა.</p><p>ეს ყველაფერი ჩანდა ფიცარნაგზე, განსაკუთრებით, კრიტიკულ მომენტებში. მოკლედ, ჩვენი ბიჭებისგან ნამდვილად მეტს მოველოდი.</p><p><strong>ოლიმპიადა და მედიცინა - კარგია, როცა ყველაფერი გაქვს...</p><p></strong>ლონდონის ოლიმპიადაზე, შეიძლება თამამად ითქვას, ჯერ არნახულ დონეზეა აყვანილი დოპინგკონტროლი და იმ ნორმების დაცვა, რაც გათვალისწინებულია საერთაშორისო მოთხოვნებით. ეს ეხება სანიტარულ გარემოსაც.</p><p>ოლიმპიურ სოფელში ყველა დელეგაციას აქვს საკუთარი სამედიცინო პუნქტი, თითოეულ მათგანს კი კოორდინაციას და საჭიროების შემთხვევაში დახმარებას უწევს. სოფელშივე განთავსებულია მთავარი სამედიცინო ცენტრი და ოლიმპიური კლინიკა.</p><p>- ჩვენი სამედიცინო პუნქტი ამ ტერიტორიაზე ყველაზე მოსახერხებელ ადგილზეა, ფართიც სათავსოებით და საჭირო ინვენტარით საკმაოა. წამოღებული გვაქვს 400-მდე დასახელების მედიკამენტი.</p><p>წესია, წამლების ჩამონათვალი უნდა წარადგინო პირადი პასუხისმგებლობით, რომ რაიმე გაუგებრობა არ მოხდეს, ნუსხაში აკრძალული პრეპარატი არ აღმოჩნდეს. გაოცებულები დარჩნენ ჩვენი მედიკამენტების სიმრავლით და მრავალფეროვნებით. თქვეს, ამდენი ნამდვილად არავის აქვსო - გვითხრა საქართველოს ოლიმპიური ნაკრების მთავარმა ექიმმა, პროფესორმა ზურაბ კახაბრიშვილმა.</p><p><strong>- რატომ ამდენი?</p><p></strong>- რა იცი, რა დაგჭირდება, სხვაგან ხომ არ ირბენ სამათხოვროდ? ჩვენთან კი მოდიან და ჩვენც ხელს ვუმართავთ. ასე სჯობს.</p><p><strong>- ჩვენები ხშირად გაკითხავენ დასახმარებლად?</p><p></strong>- გვაკითხავენ და ჩვენი მხრიდანაც გვაქვს მუდმივი კონტაქტი.</p><p><strong>- რაიმე კრიტიკული შემთხვევა ხომ არ ყოფილა?</p><p></strong>- იყო, როგორ არა. ჩვენი პოლონელი მძლეოსანი მასიეჟ როსიევიჩი ოლიმპიურ სოფელში საკვებით მოიწამლა. საქმე სერიოზულად იყო - გადასხმები დასჭირდა.</p><p><strong>- მუშაობის როგორი რეჟიმი გაქვთ?</p><p></strong>- იქ, სადაც ჩვენები გამოდიან, მორიგეობით დავდივართ შეჯიბრებებზე. სამედიცინო პუნქტშიც მუდამაა მორიგე ექიმი.</p><p><strong>- სხვადასხვა ქვეყნის დელეგაციების კოლეგებს თუ გაქვთ ერთმანეთთან</strong><strong> ურთიერთობა?</p><p></strong>- სისტემატურად ვხვდებით ერთმანეთს, ვუზიარებთ გამოცდილებას, ვიღებთ რჩევებს. ჩამოსულები არიან ცნობილი ქირურგები, ტრავმების სპეციალისტები, ისინიც, ვისაც ჩვენი ბიჭებისთვის ოპერაცია ჩაუტარებიათ. ახლაც გასინჯეს და კონსულტაცია გაგვიწიეს. ურთიერთობები გაგრძელდება ოლიმპიადის შემდეგაც.</p><p><strong>გამორჩეული პატივი ოლიმპიზმის სამშობლოს</p><p></strong>ლონდონში მიმდინარე ოლიმპიურ თამაშებში ბევრი რამ არის დასამახსოვრებელი და, რაც მთავარია, ორიგინალური.</p><p>ოლიმპიურ სოფელში თითქმის ყველა საცხოვრებელი კორპუსი ერთმანეთისგან რიღაცით მაინც განსხვავებულია. თუმცა ერთი მათგანის არქიტექტურა და გარე ხედი მაინც უაღრესად შთამბეჭდავი და განსაკუთრებულია.</p><p>ეს არის სპეციალურად საბერძნეთის ოლიმპიური დელეგაციისთვის აგებული კორპუსი, რომლის ყველა სართულის ყველა კედელზე მოჩანს ანტიკური საბერძნეთის დროიდან შემორჩენილი კულტურული მემკვიდრეობა, ორნამენტების ასლები, რაც ოლიმპიზმთან ან საერთოდ, ადამიანის სხეულისა და სულის ერთიანობის ჰარმონიულობას უკავშირდება.</p><p>- ეს განსაკუთრებული პატივია და ამას სავსებით იმსახურებს ქვეყანა, რომლის გენიამ მრავალმხრივ წარუშლელი კვალი დატოვა კაცობრიობის განვითარების ისტორიაში.</p><p>ამ ქვეყანაში ანტიკურ ეპოქაში იშვა ოლიმპიური თამაშები, რომელიც აღორძინდა და დღეს მთელ მსოფლიოს აერთიანებს.</p><p>ლონდონი ერთადერთი ქალაქია, უკვე მესამედ რომ მასპინძლობს თანამედროვეობის თამაშებს, რაც დღემდე არავის რგებია წილად - გვითხრა ლონდონის ოლიმპიადის ოლიმპიური სოფლის თანამშრომელმა, ჯეიმს ტამბერმა.</p><p><em>თენგიზ გაჩეჩილაძე ლონდონიდან</p><p></em><strong>ყოველდღიური სპორტული გაზეთი "ლელო"</strong></p>
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
ამწე კრანის ფასი თბილისში – როგორ ავირჩიოთ ხარისხიანი სერვისი
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის