<p>კლუბის პრეზიდენტმა და მთავარმა მწვრთნელმა ჟურნალისტებსა და გულშემატკივრებს გუნდის ახალი ფეხბურთელები წარუდგინეს და კლუბის მიზნები გააცნეს <br> 10 აგვისტოს, ქუთაისის ცენტრალური სტადიონის საპრესკონფერენციო დარბაზში "ტორპედოს" პრეზიდენტმა <strong>ლევან ფხაკაძემ</strong> და გუნდის მთავარმა მწვრთნელმა <strong>გია გეგუჩაძემ</strong>, ჟურნალისტებსა და გულშემატკივრებს გუნდის ახალი ფეხბურთელები წარუდგინეს და კლუბის მიზნები გააცნეს.</p><p>ლევან ფხაკაძემ "ტორპედოს" ახალწვეულებს <strong>ნიკა სანდოხაძეს</strong>, <strong>ზაზა ჭელიძეს</strong>, <strong>გიორგი ბერიაშვილს</strong>, <strong>ელგუჯა გრიგალაშვილს</strong> და <strong>ბექა ტუღუშს</strong> გუნდის მაისურები გადასცა.</p><p>გუშინვე ოფიციალურად წარადგინეს <strong>გიორგი ფანცულაია</strong>, რომელიც "ტორედოში" გასული ჩემპიონატიდან ასპარეზობს.</p><p><strong>ლევან ფხაკაძე</strong>: <em>"ქუთაისურ გუნდში მოსვლისთანავე პრიორიტეტად ახალგაზრდული და ძლიერი გუნდის ჩამოყალიბება დავისახეთ. ჩვენი და გუნდის მთავარი მწვრთნელის შეხედულებები ერთმანეთს დაემთხვა ახალი სეზონის დაწყებამდე "ტორპედო" მთლიანად გავაახალგაზრდავეთ.</p><p>ჩვენი ფეხბურთელების საშუალო ასაკი 28 წლიდან 22 წლამდე ჩამოვიდა. "ტორპედო" იქნება ყველაზე ახალგაზრდული გუნდი ეროვნულ ჩემპიონატში.</p><p>საკმაოდ პერსპექტიული ბიჭები დავიმატეთ, რომლებსაც დიდი მომავალი აქვთ. ჩვენ ამ ბიჭებს დიდხანს ვაკვირდებოდით, თითოეულ ადამიანს, რომელიც "ტორპედოში" მოდის, გათავისებული აქვს თუ რამხელა პასუხისმგებლობა აკისრია.</p><p>გუნდის ახალწვეულებზე დიდ იმედებს ვამყარებთ. გულშემატკივრები განსაკუთრებით თავდასხმის ხაზსს აკრიტიკებდნენ. შეტევაში მართლაც გვქონდა პრობლემები, რის გამოც გიორგი ბერიაშვილი დავიმატეთ.</p><p>მან თითქმის ყველა ამხანაგურ შეხვედრაში გამოიჩინა თავი და იმედი გვაქვს, რომ გულშემატკივრებს ჩემპიონატშიც გაახარებს...</p><p>ჩვენ ვთანამშრომლობთ ადგილობრივ საფეხბურთო სკოლებთან. თუ იქ გამოჩდებიან ნიჭიერი ფეხბურთელები, მათ სხვა გუნდის ძებნა აღარ დასჭირდებათ და "ტორპედოში" გააგრძელებენ კარიერას.</p><p>სამომავლოდ, როცა ამის რეალური რესურსი იქნება "ტორპედოს" მთლიანად ადგილობრივი ფეხბურთელებით დავაკომპლექტებთ.</p><p>აქტიურად ვახორციელებთ ინფრასტრუქტურულ პროექტებს. "ტორპედოს" ბაზაზე კიდევ ერთი ბუნებრივსაფარიანი მოედანი დაიგო. ჩვენს გუნდს ჩემპიონატში ერთ-ერთი საუკეთესო სავარჯიშო პირობები აქვს.</p><p>აქვე გეტყვით, რომ უახლოეს მომავალში გაიხნება კლუბის ფან-შოპი სადაც გულშემატკივრებს "ტორპედოს" მაისურების შეძენა შეეძლება".</em></p><p><strong>გია გეგუჩაძე</strong>: <em>"გუნდთან 5-წლიანი კონტრაქტი მაკავშირებს და გვაქვს კონკრეტული გეგმა, რომლის განხორციელებასაც ამ ხნის განმავლობაში ვაპირებთ. გარდა ინფრასტრუქტურული პროექტებისა, კლუბში უამრავი სასარგებლო რამ კეთდება.</p><p>დიდი ყურადღება ექცევა მწვრთნელების განათლებას. თვალყურს ვადევნებთ დუბლშემადგენლობის ფეხბურთელებს, რამდენიმე მათგანი დავაწინაურეთ და გუნდთან ერთად შეკრებაზეც გვყავდა წაყვანილი.</p><p>ამ ახალგაზრდებს "ტორპედოში" თავის დამკვიდრების შანსი აუცილებლად მიეცემათ. გუნდის განვითარების მიზნით გვაქვს რამდენიმე პროექტი. ზამთრის შესვენების დროს ვაპირებთ ესპანეთში "მარბელას თასზე" ასპარეზობას, ასევე სანაკრებო პაუზების დროს ვგეგმავთ ამხანაგურ შეხვედრებს საკმაოდ ძლიერ უცხოურ გუნდებან, ასეთი თამაშებით ჩვენი ახალგაზრდული გუნდი განვითარდება და მეტ გამოცდილებას მიიღებს.</p><p>დროთა განმავლობაში ჩვენი შრომა ნაყოფს გამოიღებს და "ტორპედო" საშუალო ევროპულ კლუბად ჩამოყალიბდება".</em></p><p><strong>ნიკა სანდოხაძე</strong>: <em>"მიხარია, რომ "ტორპედოს" წვრი გავხდი. დიდი ტრადიციების გუნდია და ახლაც საკმაოდ ძლიერი შემადგენლობა გვყავს. ჩემპიონატში ჩვენს სიტყვას აუცილებლად ვიტყვით".</em></p><p><strong>ყოველდღიური სპორტული გაზეთი "ლელო"</strong></p>
"სჯობდა საერთოდ არაფერი ეთქვა" - კომპანიმ მოურინიო გააკრიტიკა
უარი კერიკს - "რაშფორდს" "მანჩესტერ იუნაიტედში" დაბრუნება არ სურს
"თუ თქვა, ესე იგი ასე იყო, ვინისიუსს ვენდობი" - არბელოამ ბრაზილიელი დაიცვა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა