<p>საქართველოს ნაკრების წევრთა სავარაუდო სატრანსფერო ღირებულება "ტრანსფერმარკტის" მიხედვით <br> უკრაინის პრემიერლიგის კლუბებში მოთამაშე ქართველი ფეხბურთელების შეფასებები ბოლო ერთ წელიწადში მნიშვნელოვნად გაიზარდა.</p><p>მაგალითად, შარშან, ამ დროს ინტერნეტ-გამოცემა "ტრანსფერმარკტი" ლუგანსკის "ზარიას" ლეგიონერ <strong>ჯაბა ლიპარტიას</strong> ტრანსფერს 300 ათას ევროდ აფასებდა; აპრილში მისი რეიტინგი 600 ათასამდე გაზარდა, ახლა კი ლამის მილიონს მიუახლოვდა - 900 ათასი.</p><p>იგივე პერიოდში საგრძნობლად გაიზარდა კიევის "არსენალის" შემტევი ნახევარმცველის, <strong>სანდრო კობახიძის</strong> პირობითი შეფასებაც: შემოდგომაზე 500 ათასი ევრო, აპრილში 600 ათასი, ახლა კი 1 300 000 გახდა.</p><p>"კარპატის" საყრდენის, <strong>ბუბა დაუშვილის</strong> რეიტინგი კი 550 000-იდან 700 000-მდე გაიზარდა.</p><p>კრივოი როგის "კრივბასის" შეუცვლელი ფეხბურთელისა და ვიცე-კაპიტნის, საყრდენი ნახევარმცველი <strong>ჯაბა კანკავას</strong> ტრანსფერი სტაბილურად 800 ათასია.</p><p>კიდევ ერთხელ გაიზარდა <strong>გურამ კაშიას</strong> რეიტინგი - არნემის "ვიტესის" კაპიტნის ტრანსფერის მიახლოებითი ღირებულება კიდევ ნახევარი მილიონით გაზარდეს და ამჯერად 4 500 000-ია.</p><p>ასევე გაიზარდა რუსეთის პრემიერლიგაში მოთამაშე <strong>გია გრიგალავას</strong> ფასიც: შარშან, ამ დროს, ნიჟნი ნოვგოროდის "ვოლგასა" და საქართველოს ნაკრების მცველის ტრანსფერს 500 ათასად აფასებდნენ, ახლა - 850 000-ად.</p><p>ქართველ ფეხბურთელებში კვლავ <strong>გურამ კაშია</strong> ლიდერობს, მეორეზე "კრასნოდარის" კაპიტანი <strong>ალექსანდრე ამისულაშვილია</strong> (3 000 000), მესამეზე კი - "ქაისერის" მცველი <strong>ზურაბ ხიზანიშვილი</strong> (1 500 000).</p><p>არის კლებაც: სერბეთიდან საქართველოში ჩამოსვლით იზარალა თბილისის "დინამოს" შემტევმა <strong>გიორგი მერებაშვილმა</strong> და 1,5-მილიონად შეფასებულს ამჟამად 1,3-მილიონიანი რეიტინგი აქვს. თუმცა გაიზარდა დინამოელი <strong>გიორგი რეხვიაშვილის</strong> შეფასება - ნაცვლად 450 000-ისა, ახლა 500 000-ია.</p><p>სამწუხაროდ, უთამაშებლობამ <strong>ლევან ყენიას</strong> კვალი დაატყო: ორი წლის წინ 3,5 მილიონად შეფასებულ ქართველ პლეიმეიკერს ახლა მხოლოდ 300 000 დაუწერეს.</p><p>კიდევ ერთხელ ვიტყვით, რომ ინტერნეტ-სააგენტოს დასახელებული თანხები პირობითია და კლუბი მოთამაშის ტრანსფერში "ტრანსფერმარკტის" შეფასებას არ ითვალისწინებს, მაგრამ ჩვენი მოთამაშეების მიმართ ევროპელთა დამოკიდებულებას ასახავს.</p><p>ნაკრების წევრთა სატრანსფერო ღირებულება კი ასე გამოიყურება:</p><p><em>მეკარეები:</em></p><p>ნუკრი რევიშვილი 1 000 000</p><p>გიორგი ლორია 800 000</p><p>როინ კვასხვაძე 700 000</p><p>ომარ მიგინეიშვილი 400 000</p><p><em>მცველები:</em></p><p>უჩა ლობჟანიძე 1 000 000</p><p>გურამ კაშია 4 500 000</p><p>აკაკი ხუბუტია 700 000</p><p>დავით კვირკველია 800 000</p><p>ალექსანდრე ამისულაშვილი 3 000 000</p><p>ზურაბ ხიზანიშვილი 1 500 000</p><p>გიორგი ფოფხაძე 350 000</p><p>გია გრიგალავა 850 000</p><p><em>ნახევარმცველები:</em></p><p>ალექსანდრე კობახიძე 1 300 000</p><p>ჯაბა კანკავა 800 000</p><p>დავით თარგამაძე 1 200 000</p><p>თორნიკე ოქრიაშვილი 400 000</p><p>ჯაბა ლიპარტია 900 000</p><p>ლევან ყენია 300 000</p><p>სანდრო გურული 400 000</p><p>მურთაზ დაუშვილი 700 000</p><p><em>თავდამსხმელები:</em></p><p>ნიკა გელაშვილი 500 000</p><p>ლადო დვალიშვილი 1 200 000</p><p>ლევან მჭედლიძე 400 000</p><p>ოთარ მარცვალაძე 1 200 000</p><p>ირაკლი სირბილაძე 350 000</p><p>მათე ვაწაძე 400 000</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
dinamo
მეც ეგ უნდა მეკიტხა ჯანო რატო არააა
dima
ჯანო რატო არაა ამ რეიტინგში?
დაუჯერებენ საბოს? - უკრაინის ნაკრების ჩაბარების ერთ-ერთი შესაძლო კანდიდატი დასახელდა
საქართველოს ნაკრებთან სათამაშოდ რუმინეთს ჰაჯი ჩამოიყვანს
Magyar Nemzet: დემონი უნგრელთა წინააღმდეგ - კვარაცხელია ქართველთა ისტორიულ მებრძოლ ხასიათს და სიამაყეს ასახავს
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა