- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მშვიდობა ომის წინ - მადრიდის "რეალი" და "ბარსელონა" მორიგი მარათონისთვის მზად არიან
<p>მომავალ უქმეებზე ესპანეთის ჩემპიონატი იწყება - საფეხბურთო ევროპა ისევ "ბარსელონას" და "რეალის" მარათონის მოლოდინშია <br> მომავალ უქმეებზე ესპანეთის ჩემპიონატი იწყება - საფეხბურთო ევროპა ისევ "ბარსელონას" და "რეალის" მარათონის მოლოდინშია.</p><p>მოსამზადებელი პერიოდი ორივე ესპანური გრანდისთვის ნაყოფიერი იყო, თუმცა მადრიდელთა თავკაც ჟოზე მოურინიოს პრობლემა აქვს, კატალონიელებს კი არაფრის ეშინიათ - არც იმის, რომ პეპ გვარდიოლა "ბარსას" თავკაცი აღარაა.</p><p>15 დღე, 4 ტესტ-მატჩი, 4 გამარჯვება - "რეალის" ხელმძღვანელებს და გულშემატკივრებს თამამად შეუძლიათ იმის თქმა, რომ ამერიკული ტურნე მადრიდული გრანდისთვის წარმატებული გამოვიდა. გასულ უქმეებზე "სამეფო გუნდმა" უკანასკნელი ამხანაგური შეხვედრაც (2:0 გლაზგოს "სელტიკთან") მოიგო, ორშაბათ დილას კი "რეალი" მადრიდში დაბრუნდა.</p><p>ჟოზე მოურინიომ შეგირდებს ორდღიანი შვებულება მისცა - მადრიდელებმა ვარჯიშები გუშინ განაახლეს და ახლა პირველი ტურის მატჩისთვის (კვირას "ვალენსიასთან") ემზადებიან. თუმცა გუშინ და დღეს ჟოზეს განკარგულებაში, ფაქტობრივად, მეორე შემადგენლობა იყო - სანაკრებო პაუზამ "რეალს" 15 ფეხბურთელი წაართვა.</p><p>ესპანეთის ნაკრების ფეხბურთელები ფილადელფიადან პირდაპირ პუერტო რიკოში გაფრინდნენ, სადაც მსოფლიოსა და ევროპის ჩემპიონმა გუშინ ამხანაგური მატჩი გამართა, ხოლო კრიშტიანო რონალდომ, პეპემ და ფაბიო კოენტრაომ კი პორტუგალიის ნაკრებთან ერთად პანამასთან იასპარეზეს.</p><p>ნური შაჰინი თურქეთის ნაკრებს ავსტრიასთან ტესტ-მატჩისთვის შეუერთდა, ხოლო მესუთ იოზილი, სამი ხედირა, გონსალო იგუაინი და ანხელ დი მარია კი გერმანია-არგენტინის ამხანაგური დაპირისპირებისთვის იყვნენ გამოძახებულები.</p><p>ჩვენმა ესპანელმა კოლეგებმა კი გამოთვალეს, რომ "რეალის" ფეხბურთელებს მადრიდში დასაბრუნებლად ჯამში 10 547-კილომეტრიანი მგზავრობა მოუწევთ, რაც "სამეფო გუნდისთვის" "ვალენსიასთან" უმნიშვნელოვანესი, სასტარტო მატჩის წინ შეიძლება სერიოზული პრობლემა იყოს.</p><p><strong>მოდრიჩი მოდის! რას იზამს კაკა?</p><p></strong>მადრიდში იციან, რომ ესპანეთის ჩემპიონობის შენარჩუნება რთული იქნება - პირველ რიგში იმიტომ, რომ "ბარსელონა" უკვე დამშეულია.</p><p>"ურთულესი სეზონი გველის, მაგრამ ფაქტია, რომ ახალ სეზონს მომზადებულები ვხვდებით. ტესტ-მატჩებში ყველაფერი ისე იყო, როგორც წარმოგვედგინა. მოსამზადებელი პერიოდით კმაყოფილები ვართ. "რეალი" მანქანაა, რომელიც კარგად ფუნქციონირებს," - უთხრა მოურინიოს ასისტენტმა აიტორ კარანკამ ჩვენს ესპანელ კოლეგებს "სელტიკთან" მატჩის შემდეგ.</p><p>დღეს-ხვალ წერტილი უნდა დაესვას ლუკა მოდრიჩის ტრანსფერს, რომლის შემთხვევაში პრინციპული გადაწყვეტილება მიღებულია.</p><p>ჩვენი ესპანელი და ინგლისელი კოლეგების ცნობით, "რეალი" და "ტოტენჰემი" 32 მილიონ ევროზე შეთანხმდნენ და ხორვატი ნახევარმცველის მადრიდში გადასვლა გადაწყვეტილი ამბავია. თუმცა ტრანსფერი ოფიციალურად ჯერ კიდევ არ დადასტურებულა.</p><p>ფაქტობრივად, გადაწყვეტილია, რომ "რეალს" შაჰინი დატოვებს - თუმცა "რეალი" მას მხოლოდ გაანათხოვრებს (სავარაუდოდ, ფენერბაჰჩეში). ხოლო მოდრიჩის მოსვლას, ესპანური AS-ის ცნობით, ავტომატურად მოჰყვება კაკას წასვლა, რომელსაც "მილანში" ეპატიჟებიან.</p><p><strong>ბარსელონაც მზადაა</strong></p><p>"რეალის" მოსისხლე მტრის, "ბარსას" ბანაკში კი ყველაფერი იდეალურადაა - ყოველ შემთხვევაში, ასე ამბობენ კატალონიური გრანდის ხელმძღვანელები და გარედანაც ასე ჩანს.</p><p>პსჟ-სთან და "მანჩესტერ იუნაიტედთან" ფრეების (გამარჯვება პენალტების სერიაში) შემდეგ "ბარსამ" ბუქარესტის "დინამოსთან" ტესტ-მატჩი 2:0 მოიგო და კატალონიელთა თავკაცი ტიტო ვილანოვა მოსამზადებელი პერიოდით კმაყოფილია - სეზონის სტარტს სრულ მზადყოფნაში ვხვდებითო.</p><p>"დინამოსთან" ერთი გოლი ლიონელ მესიმ გაიტანა, მერე კი, ხავიერ მასკერანოსთან ერთად, არგენტინის ნაკრებს მიაშურა. ჩავი და კარლეს პუიოლი ესპანეთის ნაკრებს პუერტო რიკოში გაჰყვნენ და "რეალ სოსიედადთან" მატჩამდე, რომელიც შაბათს შედგება, მათაც რეაბილიტაცია დასჭირდებათ.</p><p>"ბარსას" შეღავათი "რეალთან" შედარებით ის არის, რომ კატალონიელებს მადრიდელებზე გაცილებით იოლი მეტოქე ჰყავთ - "რეალი" ხომ "ვალენსიას" ეთამაშება.</p><p><strong>ვილია მზადაა!</p><p></strong>"ბარსელონაში" ყველაზე მეტად დავიდ ვილიას გამოჯანმრთელება უხარიათ. როგორც იცით, კატალონიელთა გოლეადორმა ლაზარეთში 8 თვე დაჰყო, ახლა სრულ მზადყოფნაშია და "სოსიედადთან" მოედანზე გასვლა შეუძლია.</p><p>"ვერ წარმოიდგენთ, როგორ მომენატრა ფეხბურთის თამაში. ყველაფერს გავაკეთებ იმისათვის, რომ უფრო უკეთესი ფეხბურთელი ვიყო, ვიდრე მანამდე ვიყავი - ტრავმის მიღებამდე," - უთხრა ვილიამ ჩვენს ესპანელ კოლეგებს.</p><p>მის არყოფნაში გასულ სეზონში ლეო მესის ორმაგი პასუხისმგებლობა დაეკისრა და მიუხედავად იმისა, რომ პრიმერადივიზიონის საუკეთესო ბომბარდირი გახდა, "ბარსელონა" მაინც ვერ გახდა ესპანეთის ჩემპიონი. შესაბამისად, ლოგიკურია, რომ კატალონიელები დავიდის დაბრუნებით ბედნიერები არიან.</p><p><strong>მოურინიო: ყველა ტიტულისთვის ვიბრძოლებთ!</p><p></strong>ერთი სიტყვით, შაბათს "ბარსელონა" "რეალზე" პირველ არაპირდაპირ იერიშს უკვე ფეხბურთსმონატრებულ ვილიასთან ერთად მიიტანს.</p><p>ერთი რამ ფაქტია: არა მარტო ესპანეთში, არამედ მთელ ევროპაში ეჭვი არავის ეპარება იმაში, რომ ესპანეთის ჩემპიონობისთვის წელსაც მხოლოდ "რეალი" და "ბარსელონა" იბრძოლებენ.</p><p>"ჩემპიონობის შენარჩუნება აუცილებელია და ზოგადად, რა თქმა უნდა, ყველა ტიტულის მოსაგებად ვიბრძოლებთ," - აცხადებს მოურინიო და ცხადია, რომ ასე ფიქრობს ტიტო ვილანოვაც.</p><p><strong>ყოველდღიური სპორტული გაზეთი "ლელო"</strong></p>
სენსაციათა სენსაცია - "რეალი" თასიდან სეგუნდას მეჩვიდმეტეადგილოსანმა გამოაგდო
ალონსოს პენალტით "ვიგომ" "სევილია" მატჩის მიწურულს დაამარცხა
შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს
18 წ. | მესამედ ექვსი ერის ფესტივალზე
კვერნაძემ შეიძლება მნიშვნელოვანი მატჩი გამოტოვოს
ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს
საზონოვი ტრანსფერზეა - "ტორინო" ზამთარში ქართველის გაყიდვას შეეცდება
[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა
ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს
[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა
[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა
კანტე თურქეთში შემცირებული ხელფასით მიდის - შესათანხმებელი ბოლო დეტალები დარჩა
შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს
"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს
ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო
"მანჩესტერ იუნაიტედს" ახალი მწვრთნელი ჰყავს
ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება
მიხეილ ნარიაშვილი - "ბორჯღალოსნების" შერკინების მწვრთნელი
"გალათასარაი"? - ფაბიან რუისს პსჟ არ ეთმობა
ფრანგული კლუბის ექს-პრეზიდენტი დედის დაკრძალვაზე მოკლეს
საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა
ევროპის ჩემპიონატი. საქართველოს ნაკრები ხორვატიასთან დამარცხდა
"არსენალს" რეკორდსმენი აუტების მწვრთნელი ეყოლება