<p>სიტუაცია გერმანიისა და არგენტინის მატჩის შემდეგ, გერმანული ტელეკომპანია ZDF-ის პირდაპირ ეთერში დაიძაბა <br> გერმანიისა და არგენტინის მატჩს დაძაბულობის პიკისთვის არ მიუღწევია. სამაგიეროდ, სიტუაცია მატჩის შემდეგ, გერმანული ტელეკომპანია ZDF-ის პირდაპირ ეთერში დაიძაბა: ერთმანეთს გერმანული ფეხბურთის ლეგენდა და ყოფილი კაპიტანი ოლივერ კანი და ბუნდესგუნდის მენეჯერი ოლივერ ბირჰოფი დაუპირისპირდნენ.</p><p>ყველაფერი იმით დაიწყო, რომ კანმა გერმანიის ნაკრების ფეხბურთელები გააკრიტიკა:</p><p><em></p><p>"დაუშვებელია, რომ ფეხბურთელი ყოველთვის კმაყოფილი იყოს. ჯერ იყო და ევროპის ჩემპიონატის ნახევარფინალში იტალიასთან უსიცოცხლოდ ითამაშეს, 1:2 წააგეს და მაინც კმაყოფილები იყვნენ; ახლა კი არგენტინასთან 1:3-ზე წაგებითაც კმაყოფილები არიან და მეტიც: თურმე ამით ჩვენც კმაყოფილები უნდა ვიყოთ.</p><p>ძალიან ვბრაზდები, როცა ვხედავ, რომ ბიჭები გამოდიან და ამბობენ, ეგ არაფერი, ამხანაგური მატჩი წავაგეთ, ყველაფერი კარგადააო."</em></p><p>ბირჰოფის კონტრშეტევა:</p><p><em></p><p>"მე მახსოვს, რომ 2002 წლის მუნდიალის ფინალის შემდეგ, რომელიც ბრაზილიასთან წავაგეთ, ოლივერ კანი ძელთან დადუმებული იჯდა..."</em></p><p>კანმა, რომელიც 2002 წლის მუნდიალის საუკეთესო ფეხბურთელად აღიარეს, ასე უპასუხა:</p><p><em>"ვიკამათოთ? არა მგონია, რომ ეს ახლა და აქ საჭირო იყოს."</em></p><p>ბირჰოფს, რომელიც ჩვეულებისამებრ გერმანიის ნაკრებისა და მისი მწვრთნელის, იოახიმ ლიოვის ინტერესებს იცავდა და იცავს, არც ის მოეწონა, კანმა იოგის ტაქტიკა რომ გააკრიტიკა - დაცვა კომპაქტურად არ იდგა, ხედირა ზედმეტად ხშირად ერთვებოდა შეტევებში, არგენტინელებს კი კიდევ რამდენიმე გოლის გატანა შეეძლოთო. ეს განცხადება პირდაპირ ლიოვისკენ იყო მიმართული.</p><p><em></p><p>"არგენტინელებმა ჩვენს კართან ზედმეტად ბევრი საგოლე მომენტი შექმნეს. ვფიქრობ, ბუნდესმწვრთნელი ბევრ რამეზე უნდა დაფიქრდეს!"</em> - კბილებში გამოსცრა "ტიტანმა".</p><p>ფაქტია, რომ ევროპის ჩემპიონატზე იმედგაცრუების შემდეგ გერმანიის ნაკრების მწვრთნელს ბევრი კრიტიკოსი გამოუჩნდა.</p><p>15 აგვისტოს ცხადად გამოჩნდა ისიც, რომ კანს და კომპანიას არ მოეწონათ ლიოვის რეაქცია იმ კრიტიკაზე, რაც მას იტალიასთან წაგების შემდეგ დაატყდა თავს.</p><p>შესაბამისად, თამამად შეიძლება ითქვას, რომ ბუნდესგუნდის გარშემო სიტუაცია დაძაბულია და ლიოვს და მის შეგირდებს ახლა უკვე მხოლოდ შედეგი უშველით.</p><p>თუ იმას გავითვალისწინებთ, რომ გერმანელები მსოფლიოს 2014 წლის ჩემპიონატის შესარჩევ ციკლს ფარერებთან მატჩით იწყებენ, წესით, ამ დღეებში იოგის მშვიდად უნდა ეძინოს...</p><p><strong>ყოველდღიური სპორტული გაზეთი "ლელო"</strong></p>
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
[VIDEO] 2 წითელი ბარათი და 3 გაუქმებული გოლი - "ლევერკუზენმა" 9-კაციანი "ბაიერნი" ვერ დაამარცხა
თუ კეინი წავა - "ბაიერნი" ოსიმენის დამატებას შეეცდება
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა