დღეს ტოკოიში ჩოგბურთელთა პრიციპული ფინალია

ტოკიოს 2-მილიონიან სუპერტურნირზე ფინალისტები გაირკვნენ. გუშინ ნახევარფინალები გაიმართა და მაყურებელმა ძალიან საინტერესო ორთაბრძოლები იხილა. გადამწყვეტ მატჩში თამაშის უფლება კი იმ ჩოგბურთელებმა მოიპოვეს, რომლებსაც ეს წარმატება უფრო მეტად სჭირდებოდათ. ტოკიოს 2-მილიონიან სუპერტურნირზე ფინალისტები გაირკვნენ. გუშინ ნახევარფინალები გაიმართა და მაყურებელმა ძალიან საინტერესო ორთაბრძოლები იხილა. გადამწყვეტ მატჩში თამაშის უფლება კი იმ ჩოგბურთელებმა მოიპოვეს, რომლებსაც ეს წარმატება უფრო მეტად სჭირდებოდათ.პირველად კორტზე კაროლინ ვოზნიაცკი და ვიქტორია აზარენკა გავიდნენ. დანიელი ჩოგბურთელი, რომელიც ძალიან მიუახლოვდა WTA-ის რეიტინგის უმაღლეს პოზიციას, პირველად წააწყდა სერიოზულ წინააღმდეგობას. აზარენკა დოჰას შემაჯამებელ ტურნირში მოსახვედრად იბრძვის და ამიტომაც მაქსიმალურად მობილიზებული გავიდა კორტზე. თანაც, ბელარუსმა ტოკიოს ტურნირის მსვლელობისას ძალიან კარგი ფორმა აკრიფა და ვოზნიაცკისთან მატჩამდე სამ მატჩში მხოლოდ 8 გეიმი წააგო.მოკლედ მოტივაცია ორივე ჩოგბურთელს საკმარისი ჰქონდა და მატჩის ასეთმა მაღალმა ფასმა ბელარუსზე უარყოფითად იმოქმედა - ვიქტორიამ პირველი სეტი ჩააგდო. ის ყველა კომპონენტში ჩამორჩებოდა მეტოქეს - როგორც მოწოდებაზე, ასევე მიღებაზე. თანაც ორმაგი შეცდომებითაც დაეხმარა მეტოქეს და 6:2 მოიგო კაროლინმა. მეორე სეტში თამაში გათანაბრდა, ამასთან ჩოგბურთელები ერთმანეთის მოწოდებებზე უკეთ თამაშოდნენ და პარტიაში ჯამში 8 ბრეიკი დაგროვდა. ყველაფერი ტაი-ბრეიკზე გადაწყდა, სადაც ვიქტორია დომინირებდა - 7:3.ბელარუსის ამ წარმატებას ჩავარდნა მოჰყვა. მისთვის მესამე სეტის ანგარიში კატასტროფული გახდა - 0:5. თუმცა აზარენკამ გაბრძოლება სცადა და ზედიზედ ოთხი გეიმი მოიგო, მაგრამ როცა ვოზნიაცკი მესამედ გავიდა მატჩზე ჩასაწოდებლად, ყველაფერი დამთავრებული იყო - 6:4. თამაში თითქმის სამი საათი გაგრძელდა.კმაყოფილმა ფინალისტმა, პირველ რიგში, მეტოქე შეაქო: "ვიცი, რომ ვიქტორია ნამდვილი მებრძოლია და არასოდეს ნებდება. 5:0-ზე მას დასაკარგი არაფერი ჰქონდა და რისკზე წავიდა, რამაც გაამართლა. 5:4-ზე ოდნავ მოვუმატე თამაშს, რამდენიმე მნიშვნელოვანი ქულა ავიღე და შევძელი ურთულესი მატჩის მოგება. ფინალში მოხვედრით ბედნიერი ვარ და თავს დამაჯერებლად ვგრძნობ, მაგრამ ვიცი, რომ ხვალ ძლიერ მეტოქესთან მომიწევს თამაში".ეს ძლიერი მეტოქე რუსი ელენა დემენტიევა იქნება, რომელსაც ასევე რთული ბრძოლა მოუწია როლან გაროსის ჩემპიონ ფრანჩესკა სკიავონესთან. პირველი ნახევარფინალის მსგავსად, აქაც მრავლად იყო ბრეიკები, თანაც მეტოქეები სერიებად იგებდნენ გეიმებს. სასტარტო გაქცევა სკიავონეს გამოუვიდა - 2:0, მაგრამ რუსმა ორჯერ მეტი გეიმი აიღო - 4:2. იტალიელმა ანგარიში გაათანაბრა, თუმცა დემენტიევამ მორიგი ბრეიკი მიითვალა და სეტზე ჩასაწოდებლად გაემზადა. 40:0 დაწინაურების შემდეგ, რუსმა სეტბოლზე ორი ორმაგი შეცდომა დაუშვა. მაგრამ ბოლო ცდაზე მას იტალიელი დაეხმარა, რომელმაც ბადეს გაარტყა ბურთი - 6:4.მეორე პარტიაში სურათი არ შეცვლილა. ამჯერად სტარტზე უპირატესობა ელენას ჰქონდა - 2:0, მაგრამ ფრანჩესკა დამაჯერებლად გავიდა წინ 3:2. შემდეგი სერია ბრწყინვალედ გამოუვიდა დემენტიევას - მან ზედიზედ სამი გეიმი მოიგო, თანაც 13 გათამაშებიდან 12 ქულა მიითვალა. სკიავონეს გეიმზე ორი მატჩბოლის მიღების შემდეგ, ელენამ ნაკლებად აგრესიულად ითამაშა, სამაგიეროდ, იტალიელი გააქტიურდა და არამარტო ეს გეიმი გადაარჩინა, არამედ საპასუხო ბრეიკიც გააკეთა - 5:5. თითქოს საქმე ტაი-ბრეიკამდე უნდა მისულიყო, მაგრამ რუსი ბოლომდე ჩაებღაუჭა მეტოქის გეიმს. სამჯერ დაფიქსირდა ანგარიში - "თანაბარი", თანაც იტალიელი სულ წინ იყო, მაგრამ დემენტიევამ პირველივე ბრეიკ-პოინტი გამოიყენა - ბადესთან გავიდა კარგად. მატჩზე ჩაწოდებისას, რუსმა მესამე მატჩბოლი გაანიავა, მაგრამ მეოთხე ცდიდან მაინც მიიყვანა საქმე გამარჯვებამდე - 7:5.ამ გამარჯვების წყალობით დემენტევამ ჩემპიონთა რბოლაში მეცხრე ადგილზე გადაინაცვლა. თუ ფინალში გაიმარჯვებს, ელენა იანკოვიჩს გაასწრებს და საუკეთესო რვა ჩოგბურთელს შორის შევა, რაც წლის შემაჯამებელ ტურნირში მონაწილეობის უფლებას იძლევა. მაგრამ დემენტიევას გარდა, მომავალ კვირას პეკინში სხვა ჩოგბურთელებსაც ექნებათ ქულათა მარაგის შევსების საშუალება. მით უმეტეს, რომ ჩინეთში არ ითამაშებენ დები უილიამსები და ბელგიელი კიმ კლაისტერსი, რაც სხვებს წარმატების დამატებით შანსს მისცემს.რაც შეეხება დღევანდელ ფინალს, ვოზნიაცკი და დემენტიევა აქამდე ექვსჯერ შეხვდნენ ერთმანეთს და ანგარიში თანაბარია - 3:3. დანიელისთვის ეს იქნება მე-18 ფინალი კარიერაში, რომელთაგანაც 10 აქვს მოგებული. ელენას ანალოგიური მაჩვენებლებია - 32-დან 16.WTAToray Pan Pacific Openტოკიო (იაპონია). ჰარდისაპრიზო ფონდი: 2 000 000 დოლარი1/2 ფინალიკაროლინ ვოზნიაცკი (დან, 1)-ვიქტორია აზარენკა (ბლრ, 8) 6:2, 6:7(3), 6:4; ელენა დემენტიევა (რუს, 7)-ფრანჩესკა სკიავონე (იტა, 5) 6:4, 7:5.ყოველდღიური სპორტული გაზეთი"ლელო"

მერვე მატჩიდან მეშვიდე წაგება სეზონში - ბასილაშვილი ცუდ ფორმაშია

მარცხი მსოფლიოს 106-ე ნომერთან - ბასილაშვილმა მონპელიეს ტურნირის პირველივე შეხვედრაში წააგო

[VIDEO] კარლოს ალკარასმა ნოვაკ ჯოკოვიჩი ავსტრალიის ღია პირველობის ფინალში დაამარცხა!

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა