<p>18 აგვისტოდან საქართველოს კალათბურთელთა ნაკრები იგორ კოკოშკოვის ხელმძღვანელობით ევრო-2013-ის მარათონში ჩაებმება <br> 18 აგვისტოს, 19:00 სთ-ზე საქართველოს საკალათბურთო ნაკრები "სპორტის სასახლეში" რუმინეთთან შეხვედრით დაიწყებს ევროპის 2013 წლის ჩემპიონატის საკვალიფიკაციო ტურნირს.</p><p>ევროპის ჩემპიონატი გაისად სლოვენიაში გაიმართება და ისევე როგორც 2011 წელს ლიტვაში შემდგარ ევროპირველობაზე, ახლაც 24 ნაკრები ითამაშებს. ფინალურ ეტაპზე მასპინძელი სლოვენიის გარდა შესარჩევი ტურნირის გარეშე დაშვებულია 7 გუნდი, დანარჩენ 16 საგზურს კი 31 ნაკრები გაითამაშებს, რომლებიც ექვს ჯგუფში არიან გადანაწილებული.</p><p>საქართველოს კენჭისყრამ შეახვედრა ხუთგუნდიანი D ჯგუფი, სადაც ასევე არიან ბოსნია-ჰერცეგოვინა, ლატვია, რუმინეთი და ჰოლანდია. ჯგუფიდან ევროპირველოვაზე ავტომატურად გავა ორი საუკეთესო გუნდი და დიდი ალბათობით მესამეც (შესარჩევი ტურნირის ექვსი ჯგუფის ოთხი საუკეთესო მესამეადგილოსანი მიიღებს სლოვენიაში თამაშის უფლებას).</p><p>D ჯგუფში ფავორიტთა შორის საქართველოც მოიაზრება ტრადიციულად ძლიერ საკალათბურთო ნაკრებებთან - ბოსნიასა და ლატვიასთან ერთად, თუმც სასურველი ადგილის დაკავება იოლი არ იქნება.</p><p>სერბი სპეცილისტის <strong>იგორ კოკოშკოვის</strong> მიერ გაწვრთნილი "ჯვაროსნები" ინტენსიურად მოემზადნენ საკვალიფიკაციო ტურნირისთვის. ნაკრების სუსტ წერტილად ჩაითვლება მოკლე სათადარიგოთა სკამი, მით უფრო მას შემდეგ, რაც სამწვრთნელო შტაბმა გუნდში აღარ მიიწვია 2011 წლის ევროპის ჩემპიონატზე ნაცადი ვეტერანები - <strong>ნიკა ცქიტიშვილი, ვლადიმერ ბოისა</strong> და <strong>გიორგი გამყრელიძე</strong>.</p><p>დიდი დანაკლისია <strong>ზაზა ფაჩულიას</strong> არყოფნა. ეროვნული გუნდის კაპიტანმა რამდენიმე დღის წინ გერმანიასთან შეხვედრისწინა ვარჯიშზე ძველი ტრავმა გაიმიზეზა და დიდი ალბათობით გამოტოვებს 18 აგვისტოს რუმინეთთან საწყის შეხვედრას.</p><p>კოკოშკოვი ამ შესარჩევ ციკლში ძირითადად დაეყრდნობა 7 მოთამაშეს - <strong>გიორგი ცინცაძეს, მანუჩარ მარკოიშვილს, ვიქტორ სანიკიძეს, თორნიკე შენგელიას, გიორგი შერმადინს, ანატოლი ბოისას</strong> და ნაკრების ნატურალიზებულ ახალწვეულ <strong>ჯეიკობ პულენს</strong>, რომელმაც საწვრთნელ შეხვედრებში კარგი შთაბეჭდილება დატოვა.</p><p>მათ და ფაჩულიას გარდა, 12-კაციან განაცხადში არიან <strong>ლევან ფაცაცია, ბესიკ ლეჟავა, რიჩარდ მათიაშვილი</strong> და <strong>ნიკა მეტრეველი</strong>. თადარიგში მოიაზრებიან <strong>აკაკი დვალიშვილი</strong> და მეორე ამერიკელი <strong>კორი ფიშერი</strong>, რომელიც საჭიროების შემთხვევაში გუნდში პულენს ჩაანაცვლებს.</p><p>ფიბა-ს წესდების თანახმად ყოველ ნაკრებს უფლება აქვს, 12-კაციან განაცხადში იყოლიოს მხოლოდ ერთი ნატურალიზებული ამერიკელი.</p><p>აღსანიშნავია, რომ D ჯგუფში საქართველო ყველაზე ბოლოს იღებს სტარტს. ვინაიდან ჯგუფი ხუთგუნდიანია, ყოველ ტურში თითო გუნდი ავტომატურად ისვეებს და საქართველოს ნაკრებმა ამგვარად გამოტოვა პირველი ტური, რომელშიც ბოსნიამ შინ 87:84 დაამარცხა ლიტვა, ხოლო რუმინეთმა 90:84 მოუგო ჰოლანდიას.</p><p><strong>საქართველოს ნაკრები:</strong></p><p>გიორგი ცინცაძე, მანუჩარ მარკოიშვილი, ვიქტორ სანიკიძე, თორნიკე შენგელია, გიორგი შერმადინი, ანატოლი ბოისა, ჯეიკობ პულენი, ზაზა ფაჩულია, ლევან ფაცაცია, ბესიკ ლეჟავა, რიჩარდ მათიაშვილი, ნიკა მეტრეველი</p><p>მთავარი მწვრთნელი: იგორ კოკოშკოვი</p><p>მწვრთნელები: დავით უსტიაშვილი, კოტე ტუღუში</p><p><span style="color: #ff0000;"><strong>ევროპის ჩემპიონატის შესარჩევი ტურნირის კალენდარი</strong></span></p><p>18 აგვისტო. თბილისი</p><p><strong>საქართველო-რუმინეთი</strong></p><p>21 აგვისტო. სარაევო</p><p><strong>ბოსნია-საქართველო</strong></p><p>24 აგვისტო. თბილისი</p><p><strong>საქართველო-ლატვია</strong></p><p>27 აგვისტო. ალმერე</p><p><strong>ჰოლანდია-საქართველო</strong></p><p>2 სექტემბერი. სიბიუ</p><p><strong>რუმინეთი-საქართველო</strong></p><p>5 სექტემბერი. თბილისი</p><p><strong>საქართველო-ბოსნია</strong></p><p>8 სექტემბერი. რიგა</p><p><strong>ლატვია-საქართველო</strong></p><p>11 სექტემბერი. თბილისი</p><p><strong>საქართველო-ჰოლანდია</strong></p><p><strong>სპორტისა და ახალგაზრდობის სამინისტროს პრესსამსახური</p><p><span style="color: #ff0000;">ასევე იხილეთ: </span></strong></p><p><a href="/kalatburti/qarthuli-kalathburthi/erovnuli-nakrebi/37695-saqarthvelos-kalathburtheltha-nakrebi-thithoeul-qulas-oqros-fasi-eqneba.html" target="_blank">საქართველოს კალათბურთელთა ნაკრები: თითოეულ ქულას ოქროს ფასი ექნება</a></p>
george
ამათ რაგბში სიქა ავაძრეთ და ახლა კალათბურთის ჯერი დადგა მგონია:))))
state
გმადლობ პასუხისთვის ძმაო, და დიდ ბოდიშს მოვიხდი ეს ფასი თუ მეძვირება:) სულ ხუთი რომ გირდეს 4 მეგობართან ერთად წავიდოდი:) ეხლა მარტო ან წავალ ან აღარც.....
prince 10
აუ ყველაზე მეტად სანიკიძის იმედი მააქვს, მიდით ბიჭებო უნდა გადავუაროთ!
tijana513
კი 5 10და 15 ლარი
state
ბილეთის ფასი იცით ვინმემ?
შედეგმაც არ დააყოვნა - საქართველოს ნაკრები უკვე ფიბას ოცეულშია
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა