- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთი. ლა ლიგა. I ტური: საჰაერო კატასტროფა "ბერნაბეუზე"
<p>16 წლის ბავშვი იწყებს და იგებს - ფაბრის ოლინგა ესპანური ფეხბურთის ელიტის ყველაზე ახალგაზრდა მეგოლეა <br> რიგით 82-ე ლა ლიგაში ბურთი გაგორდა და ესპანური ფეხბურთის ისტორიაც გადაიწერა - ჩემპიონატის პირველი გოლი, რომელმაც "მალაგას" 3 ქულა მოუტანა, 16 წლის ფაბრის ოლინგამ გაიტანა.</p><p>გოლამდე სულ რაღაც ნახევარი საათით ადრე შესულმა დებიუტანტმა არა მარტო პირველი გოლი გაიტანა სეზონში, არამედ რეკორდიც დაამყარა - ის ესპანური ფეხბურთის ელიტის ყველაზე ახალგაზრდა მეგოლეა - 18 აგვისტოს აფრიკელი ფორვარდი 16 წლისა და 98 დღის გახლდათ.</p><p>ოლინგა შარშან მივიდა "მალაგაში" "მალიორკადან", სადაც ის თანამემამულე სამუელ ეტო'ომ მიიყვანა - ეტო'ომ კამერუნის სკოლაში შეამჩნია ენერგიული და ნიჭიერი ფორვარდი.</p><p>აქამდე ყველაზე ახალგაზრდა მეგოლე ლა ლიგის ისტორიაში იკერ მუნიაინი იყო. ბასკმა პირველად 16 წლის და 289 დღის ასაკში გაიტანა.</p><p><strong><span style="color: #ff0000;">დებიუტანტიც ასეთი უნდა!</span></p><p></strong>ხუთწლიანი ლოდინის შემდეგ გალისიური "სელტა" პრიმერაში დაბრუნდა. მიუხედავად ამისა, გვეუცნაურა, რომ "მალაგასთან" მატჩში "ბალაიდოსი" ვერ შეივსო.</p><p>მიუხედავად იმისა, რომ შეხვედრა 0:1 დასრულდა, თამაში კარგი საყურებელი გამოდგა, განსაკუთრებით, მეორე ტაიმში.</p><p>პაკო ერერას გუნდიდან ენრიკე დე ლუკასსა და იაგო ასპასს გამოვარჩევდით. მანუელ პელეგრინის კი შეცვლაზე შესულებმა, დიეგო ბუონანოტემ და ფაბრის ოლინგამ გაუმართლეს - სწორედ არგენტინელის შესვლის შემდეგ გაიტანა კამერუნელმა ჭაბუკმა გამარჯვების გოლი.</p><p>მატჩის დასრულებამდე ცოტა დრო კი რჩებოდა, მაგრამ მაინც ბევრი საინტერესო მოხდა - არგენტინელმა მცველმა გუსტავო კაბრალმა კი ქულის გადარჩენის 100%-იანი შანსი გაუშვა ხელიდან, როცა მეკარის მოედნიდან ბურთი ხარიხას გაარტყა.</p><p>"მალაგამ", მიუხედავად ფინანსური კრიზისისა, ლა ლიგა მოგებით დაიწყო.</p><p><strong><span style="color: #ff0000;">მიჩელმა ყოფილ გუნდს აჯობა</span></p><p></strong>ვიგოდან ესტაფეტა სევილიაში გადაიბარეს, სადაც "სანჩეს პისხუანზე" 30 ათასი მაყურებელი მივიდა "ხეტაფესთან" მატჩის სანახავად - მიჩელმა ყოფილ გუნდს 2:1 მოუგო.</p><p>ხესუს ნავასი "სევილიას" საუკეთესო ფეხბურთელია. მას ძალიან მცირე დასვენებაც კი ეყო (პუერტო რიკოსთან სანაკრებო მატჩის მერე), რომ თავისი გუნდისთვის გამარჯვება დაებევებინა, თუმცა მას გოლი არ გაუტანია.</p><p>მატჩის ბედი პირველი ტაიმის ხუთწუთიან მონაკვეთში გადაწყდა, როცა გოლები არგენტინელმა ფედერიკო ფასიომ და ევროპის ჩემპიონმა ალვარო ნეგრედომ გაიტანეს.</p><p>ალექსისის გოლმა ყოფილი გუნდის კარში კი დაძაბა სიტუაცია მოედანზე, მაგრამ ლუის გარსიას შეცვლებმა აშკარად ვერ გაამართლეს.</p><p>სხვათა შორის, "სევილიას" ერთ-ერთმა ყველაზე გავლენიანმა ფანკლუბმა "ლოს ბირისმა" მატჩს ბოიკოტი გამოუცხადა და 37 წლის განმავლობაში პირველად სტადიონზე არ მივიდა.</p><p><strong><span style="color: #ff0000;">ტომერის დრო მოსულა</span></p><p></strong>ბალეარის კუნძულებზე "მალიორკამ" შინ უქულოდ გაისტუმრა "ესპანიოლი" - 2:1. ეს კი 25 წლის ებრაელი ფორვარდის, ტომერ ჰემედის დამსახურებაა, მან დუბლი შეასრულა. სხვათა შორის, შარშან ჰემედმა 8 გოლი გაიტანა, აქედან 5 პენალტით და ერთი თავით.</p><p>მოკლედ, თამაშიდან ფეხით სულ ორი გოლი ჰქონდა გატანილი, შაბათს კი მან სეზონის ნორმა შეასრულა.</p><p>ჰემედმა ულამაზესი გოლით მატჩის დასაწყისშივე დააწინაურა "მალიორკა", როცა შემობრუნებით დაარტყა ბარსელონელთა კარისკენ, მაგრამ მალევე ვაკასო მუბარაკმა გაათანაბრა და "ესპანიოლი" ქულას შეინარჩუნებდა, შეხვედრის ბოლოსკენ ჰემედს კიდევ ერთხელ რომ არ გაესროლა - მიშელ პერეირას დარტყმული ხარიხას მოხვდა და უკან გამოვარდნილი ბურთისთვის ბრძოლაში ჰემედმა ყველას დაასწრო.</p><p><strong><span style="color: #ff0000;">სეზონის ძირი მწარეა</span></p><p></strong>შოკი, ცივი შხაპი, უსიამოვნო მოულოდნელობა - ასეთია ჟოზე მოურინიოს გუნდის სტარტი ახალ ჩემპიონატში. ტიტულის მფლობელმა მისი დაცვა საშინაო ფრეთი დაიწყო, "ვალენსიას" ვერ აჯობა - 1:1.</p><p>გონსალო იგუაინის გოლს ბრაზილიელმა ჟონასმა გოლითვე უპასუხა. სხვათა შორის, ჟონასის გოლზე შეჩერება გვმართებს - ის ჩამოწოდებას მოჰყვა. ბრაზილიელმა ყველას თავით დაასწრო; იკერ კასილიასი, პეპე და ჩაბი ალონსო კი ერთმანეთს შეეჯახნენ, რის შედეგადაც პირველი ორი სერიოზულად დაზარალდა და ხუთიოდ წუთით თამაშიც შეჩერდა.</p><p>მატჩის გმირი კი "ვალენსიას" კიდევ ერთი ბრაზილიელი ლეგიონერი - მეკარე დიეგო ალვეში იყო, რომელმაც 5-6 საგოლე მომენტი გააუვნებელყო.</p><p>საკამათო ეპიზოდი მოხდა მეორე ტაიმის დასაწყისში, როცა რობერტო სოლდადო კასილიასთან პირისპირ გავიდა, მეკარე მოატყუა და გაიტანა, მაგრამ თანამსაჯმა ოფსაიდი დააფიქსირა; თუმცა გამეორებებზე გამოჩნდა, რომ ეპიზოდი ძალზე საკამათო იყო და თანამსაჯი ალბათ შეცდა.</p><p><strong><span style="color: #ff0000;">თრილერი სან მამესზე</span></p><p></strong>8-გოლიანი თრილერი "სან მამესზე" - ამას არავინ მოელოდა პირველივე ტურში.</p><p>ბასკური კლუბის ქომაგებს კი საშფოთველი ბევრი აქვთ: ჯერ ერთი, არ უთამაშიათ ფერნანდო ლორენტესა და ხავი მარტინესს. როგორც ჩანს, ლიდერებს მართლაც ყიდიან; მეორეც, გუნდი 0:3-ს აგებდა, საბოლოოდ კი 3:5 წააგო არცთუ ძლიერ "ბეტისთან".</p><p>დუბლი ხორხე მოლინამ შეასრულა, თითო გოლი კი რუბენ კასტრომ, ბენიატ ეჩებარიამ და ალექს პოსუელომ გაიტანეს.</p><p><strong><span style="color: #ff0000;">ტიტოს ბედნიერება</span></p><p></strong>ტიტო ვილანოვას ბედნიერი დებიუტი ჯერ კიდევ პირველ 15 წუთში უზრუნველყვეს კაპიტანმა კარლეს პუიოლმა და ლეო მესიმ - ამ ხნის განმავლობაში "ბარსელონა" უკვე 3:1-ს უგებდა "რეალ სოსიედადს".</p><p>ანგარიში პუიოლმა თავურით გახსნა, რასაც ბასკთა მოულოდნელი პასუხი მოჰყვა - "მალიორკადან" გადასულმა ურუგვაელმა "ჩორი" კასტრომ გაიტანა, მაგრამ ამის მერე ლეოს დროება დადგა და მან უმალ მიითვალა დუბლი. ტაიმის მიწურულს პედრომაც გაიტანა რაულ ბრავოს კარში.</p><p>მეორე ტაიმში ყველაზე საინტერესო დეკემბრის შემდეგ პირველად გამოჩენილი დავიდ ვილიას გოლია.</p><p><span style="color: #ff0000;"><strong>ესპანეთი. ლა ლიგა. I ტური</strong></span></p><p><strong><em>სელტა-მალაგა 0:1</em></p><p></strong>სელტა (4-2-3-1): ვარასი - მალიო, კაბრალი, ტუნიესი, ლაგო (88. ბერმეხო) - ოუბინია, ბუსტოსი (79. ხ. ტომასი) - ა. ფერნანდესი (80. ტონი), ასპასი, ა. ლოპესი - დე ლუკასი.</p><p>მალაგა (4-2-3-1): კაბალიერო - გამესი, დემიკელისი, ველიგტონი, მონრეალი - ტულალანი, ნაჩო კამაჩო - პორტილიო (71. ბუონანოტე), ხოაკინი (77. ელიზეუ), ისკო - სება ფერნანდესი (58. ოლინგა).</p><p>გოლი: 0:1 ოლინგა (85)</p><p>გაფრთხილება: ოუბინია, მალიო</p><p>კუთხური: 7-10; ჯარიმა: 13-9; თამაშგარე: 2-2; კარში დარტყმა: 17-16 (3-6); ბურთის ფლობა: 47%-53%.</p><p>მაყურებელი: 16 000</p><p><strong><em>სევილია-ხეტაფე 2:1</em></p><p></strong>სევილია (4-3-3): დ. ლოპესი - სისინიო, ფასიო, სპაჰიჩი, ფ. ნავარო - ტროხოვსკი (82. ერვასი), მედელი, რაკიტიჩი - ხესუს ნავასი, ნეგრედო (57. დიავარა), რეიესი (75. დელ მორალი).</p><p>ხეტაფე (4-2-3-1): მოია - ვალერა, აბრაამი, ალექსისი, მ. ტორესი - მიჩელი (46. ხ. ტორესი), ლასენი (74. კოლუნგა) - პედრო ლეონი, ლაფიტა, დ. კასტრო (52. ბარადა) - მიკუ.</p><p>გოლები: 1:0 ფასიო (34), 2:0 ნეგრედო (38-პენ), 2:1 ალექსისი (50)</p><p>გაფრთხილება: რაკიტიჩი, სპაჰიჩი, მედელი, დელ მორალი - ვალერა, ალექსისი, პედრო ლეონი, მ. ტორესი</p><p>კუთხური: 8-8; ჯარიმა: 15-16; თამაშგარე: 4-1; კარში დარტყმა: 16-10 (5-3); ბურთის ფლობა: 51%-49%.</p><p>მაყურებელი: 30 000</p><p><strong><em>მალიორკა-ესპანიოლი 2:1</em></p><p></strong>მალიორკა (4-4-2): ავატე - ჩ. ნავარო, ნუნიეში, ბიგასი, ა. ლოპესი - ნსუე (73. მ. ფერნანდესი), პინა (80. მარტი), ხ. მარკესი (54. ჟოაო ვიქტორი), პერეირა - ჰემედი, ვიქტორი.</p><p>ესპანიოლი (4-2-3-1): კ. ალვარესი - ხ. ლოპესი, ფორლინი, მორენო, კაპდევილა - ვ. სანჩესი, კ. გომესი (82. ტეხერა) - ალბინი, ვერდიუ, ვაკასო (68. ალფონსო) - ა. ვასკესი (63. რუი ფონტე).</p><p>გოლები: 1:0 ჰემედი (2), 1:1 ვაკასო (6), 2:1 ჰემედი (85)</p><p>გაფრთხილება: ნუნიეში, ნსუე, მარტი - ვ. სანჩესი, ვაკასო</p><p>კუთხური: 7-4; ჯარიმა: 14-14; თამაშგარე: 5-1; კარში დარტყმა: 17-13 (9-5); ბურთის ფლობა: 45%-55%.</p><p>მაყურებელი: 22 000</p><p><strong><em>ბილბაო-ბეტისი 3:5</em></p><p></strong>ბილბაო (4-2-3-1): ირაისოსი - ირაოლა, სან ხოსე, გურპეგი, დე მარკოსი - იტურასპე (23. დე გალარეტა), ანდერი (46. ი. გომესი) - სუსაეტა, ი. პერესი, ი. ლოპესი - ტოკერო (46. ადურისი)</p><p>ბეტისი (4-2-3-1): ფაბრისიო - ჩიკა, პაულაუ, დორადო, ნაჩო - ბენიატი (73. პოსუელო), რ. პერესი - რ. კასტრო, აგრა (60. კანიასი), ხ. კარლოსი (77. ხ. პერეირა) - მოლინა.</p><p>გოლები: 0:1 რ. კასტრო (6), 0:2 მოლინა (26), 0:3 ბენიატი (31), 1:3 დე მარკოსი (48), 2:3 სან ხოსე (66), 3:3 სან ხოსე (76), 3:4 პოსუელო (79), 3:5 მოლინა (86)</p><p>გაფრთხილება: სან ხოსე, ადურისი - კასტრო, ბენიატი</p><p>კუთხური: 11-4; ჯარიმა: 12-17; თამაშგარე: 4-0; კარში დარტყმა: 17-13 (8-9); ბურთის ფლობა: 60%-40%.</p><p>მაყურებელი: 35 000</p><p><strong><em>რეალი-ვალენსია 1:1</em></p><p></strong>რეალი (4-2-3-1): კასილიასი - არბელოა, პეპე (46. ალბიოლი), სერხიო რამოსი, ფ. კოენტრაო - დიარა (60. ბენზემა), ჩაბი ალონსო - დი მარია (70. კალეხონი), იოზილი, რონალდო - იგუაინი.</p><p>ვალენსია (4-2-3-1): დიეგო ალვეში - ჟ. პერეირა, რიკარდო კოშტა, რუისი, მატიო - გაგო, ტ. კოსტა - ფეგული (81. ვალდესი), ჟონასი, გუარდადო (65. პიატი) - სოლდადო (70. პარეხო).</p><p>გოლები: 1:0 იგუაინი (9), 1:1 ჟონასი (41)</p><p>გაფრთხილება: ჩაბი ალონსო - ფეგული, რუისი, პერეირა, პიატი</p><p>კუთხური: 12-5; ჯარიმა: 10-15; თამაშგარე: 3-4; კარში დარტყმა: 24-5 (9-1); ბურთის ფლობა: 61%-39%.</p><p>მაყურებელი: 78 000</p><p><strong><em>ბარსელონა-სოსიედადი 5:1</em></p><p></strong>ბარსელონა (4-3-3): ვალდესი - დანი ალვეში, პუიოლი (50. პიკე), მასკერანო, ალბა - ფაბრეგასი (57. ინიესტა), ბუსკეტსი, ჩავი - ტელიო, მესი, პედრო (74. ვილია).</p><p>რეალ სოსიედადი (4-3-3): ბრავო - ესტრადა, ანსოტეგი, მ. გონსალესი, დე ლა ბელა - ელუსტონდო (63. ველა), ილარამენდი (78. ხ. რიოსი), ბერგარა - ჩაბი პრიეტო, გრიზმანი, გ. კასტრო (72. ხოსე ანხელი).</p><p>გოლები: 1:0 პუიოლი (3), 1:1 გ. კასტრო (9), 2:1 მესი (11), 3:1 მესი (15), 4:1 პედრო (41), 5:1 ვილია (84)</p><p>გაფრთხილება: მასკერანო, ვილია - ჩაბი პრიეტო, დე ლა ბელა, ანსოტეგი</p><p>კუთხური: 9-2; ჯარიმა: 8-11; თამაშგარე: 3-3; კარში დარტყმა: 18-5 (10-2); ბურთის ფლობა: 70%-30%.</p><p>მაყურებელი: 75 000</p><p><em>20 აგვისტო</em></p><p><em><strong>დეპორტივო-ოსასუნა 21:00</strong></em></p><p><em><strong>ვალეკანო-გრანადა 23:00 </strong></em></p><p><em><strong>სარაგოსა-ვალიადოლიდი 01:00</strong></em></p><p><span style="color: #ff0000;"><strong>მომდევნო ტური</strong></span></p><p>25 აგვისტო: რეალ სოსიედადი-სელტა, ბეტისი-რაიო ვალეკანო, ესპანიოლი-სარაგოსა, მალაგა-მალიორკა.</p><p>26 აგვისტო: ხეტაფე-რეალი, ოსასუნა-ბარსელონა, გრანადა-სევილია, ვალენსია-დეპორტივო.</p><p>27 აგვისტო: ვალიადოლიდი-ლევანტე, ატლეტიკო-ბილბაო.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ბელინგემმა ვარჯიში დაიწყო - "რეალი" აჩქარებას არ აპირებს
რასპადორი "ატლეტიკოს" ფეხბურთელია
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია