<p>ესპანეთის სუპერთასი. I მატჩი <br> მადრიდის "რეალი" მეტოქის გოლკიპერს უნდა უმადლოდეს, რომ ესპანეთის სუპერთასის მოპოვების კარგი შანსი შეინარჩუნა - თამაშის დასრულებამდე 5 წუთით ადრე "ბარსა" 3:1-ს იგებდა, ბევრად სჯობდა მეტოქეს, მაგრამ... ვიქტორ ვალდესმა უაზროდ დაკარგა ბურთი სრულიად უწყინარ სიტუაციაში და სტუმრებს მეორე გოლი გაატანინა.</p><p>უფერული პირველი ტაიმის შემდეგ მძიმე შთაბეჭდილება 5-გოლიანმა თრილერმა გამოგვისწორა. ყველაფერი მადრიდში საპასუხო მატჩში გადაწყდება.</p><p>პირველ ტაიმში "ბარსელონას" სათამაშო უპირატესობა აშკარა იყო. შესვენებამდე ბურთის ფლობის მაჩვენებელმა 72%-მდე მიაღწია, რაც "ბარსასთვისაც" მაღალი მაჩვენებელია. თუმცა ვერ ვიტყვით, რომ მასპინძლებს 100%-იანი საგოლე მომენტები ჰქონდათ.</p><p>აქტიურობდნენ ლეო მესი, ჩავი და ანდრეს ინიესტა. "რეალის" კონტრშეტევები არც სწრაფი იყო და არც სახიფათო. საერთო ჯამში, I-მა ტაიმმა უკეთესი ბრძოლის ხილვის სურვილი დაგვიტოვა.</p><p>მეორე ტაიმის მე-10 წუთზე "ელ კლასიკოსთვის" უჩვეულო, დუნე მიმდინარეობა დაირღვა - ეს კრიშტიანო რონალდომ გააკეთა. მესუთ იოზილმა კუთხური ჩააწოდა და პორტუგალიელმა გოლეადორმა თავით ყველას დაასწრო - 0:1.</p><p>ტიტო ვილანოვას გუნდი არ დაბნეულა და ზუსტად წუთნახევარში "ბარსამ" გაათანაბრა. ხავიერ მასკერანოს შორეული პასით პედრო კასილიასის პირისპირ გავიდა და გაიტანა - 1:1.</p><p>მატჩის ჩარხი "ბარსამ" მას მერე შემოატრიალა, როცა სერხიო რამოსმა საჯარიმოში ინიესტა მოცელა - ლეო მესიმ კლასიკოებში მე-14 გოლი პენალტით გაიტანა.</p><p>"ბარსას" უპირატესობა 2-ბურთიანი მას მერე გახდა, რაც ინიესტა ბრწყინვალედ შეიჭრა საჯარიმოში და დიდებული პასი მიაწოდა ჩავის - 3:1.</p><p>ამის შემდეგ ჟოზე მოურინიომ უკანასკნელი ცვლილება განახორციელა - მარსელო ინერტული იოზილის მაგივრად გამოვიდა.</p><p>მატჩის მიწურულს ანგარიში გამანადგურებელი უნდა გამხდარიყო. სესკ ფაბრეგასის პასით მესი ურტყამდა, მაგრამ კასილიასმა იყოჩაღა. 4:1-ის ნაცვლად "ბარსამ" 3:2 მიიღო. ეს კი კასილიასის ვიზავის "დამსახურებაა" - ვიქტორ ვალდესმა სულელურად დაკარგა ბურთი და ანხელ დი მარიამ ცარიელ კარში გაიტანა.</p><p><span style="color: #ff0000;"><strong>ესპანეთის სუპერთასი. I მატჩი</strong></span></p><p><em><strong>ბარსელონა-რეალი 3:2</strong></em> (<a href="http://www.palitratv.ge/akhali-ambebi/sporti/20641-barselona-reali-32-espanethis-superthasi.html" target="_blank"><span style="color: #ff0000;"><strong>იხილეთ ვიდეო</strong></span></a>)</p><p>გოლები: 0:1 რონალდო (55), 1:1 პედრო (57), 2:1 მესი (70-პენ), 3:1 ჩავი (78), 3:2 დი მარია (85)</p><p><em>ბარსელონა</em> (4-3-3): ვალდესი - დანი ალვეში, პიკე, მასკერანო, ადრიანო - ჩავი (83. ფაბრეგასი), ბუსკეტსი, ინიესტა - სანჩესი (71. ტელიო), მესი, პედრო (87. ალბა).</p><p><em>რეალი</em> (4-2-3-1): კასილიასი - არბელოა, ალბიოლი, სერხიო რამოსი, ფ. კოენტრაო - ხედირა, ჩაბი ალონსო - კალეხონი (65. დი მარია), იოზილი (82. მარსელო), რონალდო - ბენზემა (61. იგუაინი).</p><p>გაფრთხილება: მასკერანო - ჩაბი ალონსო, არბელოა, ალბიოლი</p><p>კუთხური: 7-7; ჯარიმა: 13-13; თამაშგარე: 4-2; კარში დარტყმა: 16-7 (6-2); ბურთის ფლობა: 67%-33%.</p><p>მაყურებელი: 95 000</p><p><em></p><p>საპასუხო მატჩი 29 აგვისტოს</em></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/espanethi/38082-tito-vilanova-ar-gamkvirvebia-thamashis-shemdeg-zhoze-mouriniom-msajze-rom-ilaparaka.html" target="_blank">ტიტო ვილანოვა: არ გამკვირვებია, თამაშის შემდეგ ჟოზე მოურინიომ მსაჯზე რომ ილაპარაკა</a></p><p><a href="/fexburti/uckhouri-fekhburthi/espanethi/38081-zhoze-mourinio-qbarselonamq-pirveli-goli-thamashgaredan-gaitana.html" target="_blank">ჟოზე მოურინიო: "ბარსელონამ" პირველი გოლი თამაშგარედან გაიტანა</a></p>
"ბარსელონამ" შეიძლება ტერ შტეგენი სხვა კლუბში გაუშვას
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა