- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჭაბუკთა მსოფლიოს პირველობაზე ქართველმა ბერძენ-რომაელებმა 5 ვერცხლი მოიპოვეს
<p>ბაქოში გამართულ ტურნირზე ჩვენმა ბერძენ-რომაელებმა, 5 ვერცხლის გარდა, ბრინჯაოც მოიპოვეს <br> საქართველოს ჭაბუკ ბერძენ-რომაელთა ნაკრებმა უცნაურად იასპარეზა ბაქოში, თანატოლთა მსოფლიოს პირველობაზე, <strong>ვაჟა კრავეიშვილის</strong> ხუთმა შეგირდმა, ანუ გუნდის ნახევარმა ფინალში იჭიდავა, მაგრამ ხუთივემ წააგო!</p><p>მთლიანად გუნდის გამოსვლას ცუდი ნამდვილად არ ეთქმის, რადგან ამ 5 ვერცხლის გარდა, კიდევ ერთი ბრინჯაო მოვიპოვეთ, ერთიც მეხუთეზე გავიდა.</p><p>მოკლედ, 10 ფალავნიდან შვიდმა მედლისთვის იჭიდავა - საბოლოოდ 6 ჯილდო დავიმსახურეთ, რაც გუნდის სტაბილურობის დასტურია, თუმცა ამ მასშტაბურ წარმატებას ოქროს ბრწყინვალება დააკლდა.</p><p>გუნდურ ჩათვლაში ჩვენებმა 62 ქულით მეორე ადგილი დაიკავეს - ჩამორჩნენ 84-ქულიან აზერბაიჯანს, თვითონ კი 1 ქულით გაუსწრეს მესამეზე გასულ რუსეთს.</p><p>გუნდურში მასპინძელთა ასეთი დიდი უპირატესობა გასაგებია, თუ გავითვალისწინებთ, რომ ხუთიდან სამი ფინალი მათთან წავაგეთ, თითო-თითო კი უკრაინასა და თურქეთთან.</p><p>პირდაპირ ეთერში ტურნირის სრულად ხილვის საშუალება არც ამჯერად მოგვეცა, თუმცა იმ ხუთი ფინალიდან რაც ვნახეთ, მსაჯებზე პრეტენზია მხოლოდ რამაზ ზოიძესთან (46) დაკავშირებით თუ გვექნება, თორემ სხვებს მოსაგებად მეტი გარჯა მართებდათ.</p><p>ზოიძის გარდა, ვერცხლის მედლებს გენადი ჩიტაძე (42), ბაკურ გოგოლი (54), გელა ბოლქვაძე (63) და ბექა კანდელაკი (100) დაეუფლნენ. მესამე ადგილზე ნიკა გავაშელი (76) გავიდა, მეხუთეზე - გიორგი ჩხარტიშვილი (69). ჩვენთვის უფრო წარმატებული 26 აგვისტო აღმოჩნდა, როცა ნახევარფინალში 5 ქართველი გავიდა, 4-მა ფინალში იჭიდავა, ჯამში კი ხუთივემ მედალი მოიპოვა.</p><p>ევროპის პირველობის შემდეგ კრავეიშვილმა ეს გუნდი გვარიანად რომ გადაახალისა, წინა წერილშიც ვწერდით - მხოლოდ სამი მედალოსანი დატოვა, დანარჩენები კი შეცვალა.</p><p>ვფიქრობთ, გამართლებული მიდგომაა და ნამდვილად სწორი ნაბიჯი აღმოჩნდა, რადგან წინააღმდეგ შემთხვევაში, ბევრ წარმატებულ მოზარდს ვერ ვიხილავდით.</p><p>მაგალითად - დებიუტანტ ჩიტაძეს, რომელიც პირველ დღეს ქართული გუნდის ლამის ერთადერთი გამონათება იყო. ამ ახალბედამ ტურნირი საკმაოდ მძიმე მარცხით დაიწყო - პირველივე შეხვედრაში პირველი პერიოდი ყაზახ მაირამბეკ ნადირბაევთან 0:4 წააგო, მაგრამ შეძლო ძალების მოკრება, მობილიზება და ჯერ 2:0 მოგებით ანგარიში გაათანაბრა, დამატებითში კი 1:0 იმარჯვა და შემდეგ წრეში გავიდა.</p><p>იქ თურქი სერგენ აი 3:0; 1:0 დაჯაბნა. ფინალში კი ორი პერიოდის ჯამში 0:6 წააგო უკრაინელ ევროპის ვიცე-ჩემპიონ არტურ პოლიტაიევთან.</p><p>გვაოცებს და სიმპათიებსაც იხვეჭს რამაზ ზოიძე, რომელიც აგრძელებს წარმატებულ სეზონს შინ თუ გარეთ - საქართველოს ჩემპიონი ორივე სტილით ჭიდაობაში უცხოეთში ბერძნულ-რომაულში ასპარეზობს ზედიზედ მეორე სეზონია, ევროპა-მსოფლიოზე მედლებს იგებს. თან შარშან თუ ოქრო და ბრინჯაო ჰქონდა, წლეულს ოქრო-ვერცხლი აქვს.</p><p>სხვა საქმეა, რომ შარშან ის ოქრო მსოფლიოზე მოიპოვა, წლეულს - ევროპაზე. კონტინენტის წლევანდელი გამარჯვებული ბაქოში მსოფლიოს მოქმედი ჩემპიონის რანგში ჩავიდა და ტიტულის შენარჩუნებასთან ახლოსაც იყო, მაგრამ მისთვის ნაცნობ მასპინძელ მიხაილ რახმანოვთან ფინალური პაექრობის მესამე პერიოდში გდება არ ჩაუთვალეს.</p><p>არადა, პირველ პერიოდში მეტოქეს ქულებით სუფთად აჯობა - 6:0. ქულათა საერთო მარაგი 6:4 იყო მის სასარგებლოდ, მაგრამ პერიოდებში 1:2 წააგო. ზოიძემ რახმანოვს წლეულს ევროპირველობის ფინალში სძლია და მასპინძლები ყველანაირად დაეხმარნენ თავისიანს რევანშის აღებაში.</p><p>ზოიძეს ნახევარფინალშიც ნაცნობი მეტოქე ელოდა ძველი ვალების გასასტუმრებლად - რუსი არიფ მირზაევი, რომელსაც ჩვენებურმა შარშან მსოფლიოს პირველობის ფინალში აჯობა, როცა ორივენი 42 კილოგრამში გამოდიოდნენ.</p><p>ცხადია, რუსს ბაქოში რევანში ძალიან სწყუროდა და კარგადაც დაიწყო ჭიდაობა, მაგრამ ქართველმა სასწაულებრივი ორთაბრძოლა მოუგო და ზედიზედ მეორედ დაამარცხა მსოფლიოს პირველობაზე - 1:9-ზე წაგებული პირველი პერიოდის შემდეგ შეძლო მობილიზება და მომდევნოებში 2:1; 6:0 გამარჯვება.</p><p>მანამდე ზოიძემ ინდოელი მეიტეი ინაკუნბა და ხორვატი სებასტიან ნადი დაამარცხა ძირითად დროში (ხორვატს პერიოდები 6:0; 8:0 (!) მოუგო).</p><p>ბაკურ გოგოლი ამ ნაკრებისთვის უცხო კადრი უკვე აღარაა და ამდენად, დროც იყო, შედეგი მოეტანა. ის პირველ წრეში ისვენებდა, მერე ოთხი შეხვედრიდან ბოლო ორი კი ევროპის წლევანდელი პირველობის ფინალისტებთან გამართა.</p><p>ამათგან ნახევარფინალში კონტინენტის რუს ჩემპიონ აზნაურ ოტევოვთან მოსაგებად ძალები ეყო (3:3; 1:0), ფინალში მასპინძელ ვერცხლისმედალოსან კარიმ ჯაფაროვთან - არა (0:3; 0:2). გოგოლმა პირველ შეხვედრაში ყაზახი აიან ალიპი იოლად დაამარცხა - 6:1; 1:0, თურქ ომერ ალფარსლან გისისთან მოსაგებად კი დამატებითი დრო დასჭირდა.</p><p>პირველი პერიოდი ჩვენებურმა ჩოქბჯენიდან დატრიალებით 1:0 მოიგო, მაგრამ მეორე იმავე სიტუაციაში ანალოგიური ანგარიშით წააგო. საბედნიეროდ, დამატებითში 2:0 იმარჯვა და საბოლოოდ ფინალამდე წარმატებით იარა.</p><p>დებიუტანტობას არც ბოლქვაძე შეუშინდა და ოთხიდან სამ შეხვედრაში იმარჯვა, ფინალში კი არ უჭიდავია აზერბაიჯანელთა ევროპის წლევანდელ მესამე პრიზიორ რუჰინ მიხაილოვთან. აღსანიშნავია, რომ მიხაილოვმა ევროპაზე ბრინჯაოსთვის შეხვედრა მურთაზ ჩაბრავას მოუგო.</p><p>ბოლქვაძე პირველ წრეში ისვენებდა, მეორეში კი ლატვიელი ვლადისლავ ლებედევსი ძირითად დროში საერთო ანგარიშით 3:1 დაამარცხა. ორ პერიოდში იმარჯვა ნახევარფინალშიც ირანელ განბარი პარჰამთან, დამატებითი დრო კი მესამე წრეში დასჭირდა ხორვატ ფილიპ საჩიჩთან - 2:0; 0;1; 1:0.</p><p>კანდელაკი ფინალამდე სამი მოგებით მივიდა, გზად კი ირანელი იმან ფარიაბი, გერმანელი ევროპის წლევანდელი მესამე პრიზიორი მუჰამედ ეტკა სევერი და უკრაინელი ბორის რეზნიჩენკო ჩამოიცილა.</p><p>ამათგან ყველაზე მეტად ირანელთან გაუჭირდა, რომელსაც ორივე პერიოდი მინიმალური ანგარიშით - 1:0 მოუგო, სხვებს კი უფრო დამაჯერებლად აჯობა. აღსანიშნავია, რომ ის შარშან ევროპის პირველობაზე სხვა უკრაინელმა დაამარცხა, თუმცა ამჯერად უკრაინული ბარიერი წარმატებით დასძლია - 2:0; 3:0.</p><p>ჩვენებურს ფინალში თურქ ემრე სალაჰატინ მუიანთან მეტი აქტიურობა, მეტი შეტევა მართებდა. პირველ პერიოდში მას აშკარად ეტყობოდა, რომ ჩოქბჯენს ელოდებოდა და ეს შანსი წარმატებითაც გამოიყენა - დაატრიალა მეტოქე, მაგრამ მეორეში ილეთის მცდელობისას შეცდა და ორქულიანი გდება აჩუქა თურქს.</p><p>სამწუხაროდ, ჯეროვანი წინააღმდეგობა ვერც დამატებით დროში გაუწია. ვფიქრობ, მანაც და ზოგადად ჩვენმა მოჭიდავეებმა უნდა შეიგნონ, რომ ილეთის გაკეთება აუცილებელია; რომ არავინ არაფერს დაგითმობს, მეტოქის შეცდომის იმედზე ყოფნით ძიძგილაობა კი წყლის ნაყვაა. აუცილებელია, მოწინააღმდეგე წნეხში გყავდეს - ფიზიკურადაც და ფსიქოლოგიურადაც.</p><p>გავაშელი ევროპის წლევანდელი ბრინჯაოსმედალოსანია და ახლაც მესამე ადგილს დასჯერდა. მისთვის დაუძლეველი ზღუდე რუსთა მომავალი ფინალისტი მაირბეკ ადიგუნოვი აღმოჩნდა, თუმცა ორივე პერიოდი მხოლოდ 0:1 დათმო.</p><p>სამაგიეროდ, მანამდე იჭიდავა დამაჯერებლად - ინდოელ მანგეტ კუმარს ორ პერიოდში 3:0 მოუგო, ამერიკელ ჩანდლერ როჯერსს კი - 6:0; 7:2. ბრინჯაოსთვის შეხვედრაშიც შეუჩერებელი იყო ყაზახ ჰუსეინ მუცოლგოვთან - 1:0; 3;2.</p><p>ჩხარტიშვილი მსოფლიოს შარშანდელი მესამე პრიზიორია, ახლა კი ბრინჯაომდე ერთი ხელის გაწვდენა დააკლდა - შარშანდელის მსგავსად, ძირითადში ამჯერადაც რუსთა მომავალ ჩემპიონთან, ოღონდ ამჯერად არა ბისლან ასაკალოვთან, არამედ მანსურ გუბაევთან დამარცხდა, ბრინჯაოსთვის პაექრობა კი ყირგიზ ატაბეკ აზისბეკოვს დაუთმო.</p><p>ჩვენი გუნდის დანარჩენი წევრები - ირაკლი შავაძე (50), ლაშა ებილაშვილი (58) და სულხან ბუიძე (85) ადრევე გავარდნენ. ამათგან ყველაზე დასანანი შავაძის წაგებაა, რომელიც ევროპის წლევანდელი ჩემპიონია.</p><p>დავძენთ, რომ ყველასათვის ცნობილი პოლიტიკური მიზეზით სომხური გუნდები ბაქოში საერთოდ არ ჩასულან.</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა