- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს ახალგაზრდა ბერძენ-რომაელები მსოფლიოს პირველობაზე გამოვლენ
<p>ქალაქ პატაიაში 4-9 სექტემბერს 20-წლამდელთა შორის მსოფლიოს პირველობა ჩატარდება <br> 27 აგვისტოს საქართველოს ახალგაზრდა ბერძენ-რომაელთა ნაკრები ტაილანდში გაფრინდა, სადაც ქალაქ პატაიაში 4-9 სექტემბერს 20-წლამდელთა შორის მსოფლიოს პირველობა ტარდება.</p><p>გუნდის თავკაცმა ვლადიმერ ადეიშვილმა ტაილანდში ბაჩანა ფუტკარაძე (50), ნიკა ცეცხლაძე (55), ფირუზ წულუკიძე (60), გიორგი დავითაია (66), თორნიკე ძამაშვილი (74), რობერტ ქობლიაშვილი (84), იაკობ ქაჯაია (96) და შოთა გოგისვანიძე (120) წაიყვანა.</p><p>ამათგან ნაკრებში ყველაზე ბოლოს ჭაბუკებში ევროპის ორგზის ჩემპიონი, ახალგაზრდების წლევანდელ ევროპირველობაზე ბრინჯაოს მედლისთვის ნაჭიდავები წულუკიძე მოხვდა, რომელსაც კონკურენციას თანაქალაქელი, ანუ ბათუმელი ამირან შავაძე უწევდა. სხვების საკითხი კი შედარებით ადრე გადაწყდა.</p><p>ადეიშვილმა წლევანდელ ევროპირველობაზე ნაჭიდავები გუნდი საფუძვლიანად გადაახალისა და იმათგან მხოლოდ ოთხი დატოვა - წულუკიძე, დავითაია, ქობლიაშვილი და ქაჯაია.</p><p>ამ ოთხეულიდან ქობლიაშვილი და ქაჯაია ევროპაზე მესამეზე გავიდნენ. ამჯერად გუნდში ვერ მოხვდა კონტინენტის ვიცე-ჩემპიონი ლევან არაბული (120) - ადეიშვილმა მას გოგისვანიძე ამჯობინა.</p><p>თუმცა უფრო სწორი იმის თქმა იქნება, რომ მწვრთნელს ამ ნაბიჯზე წასვლა ტაქტიკურმა მოსაზრებამ და ნაკრების სამომავლო გეგმებმა აიძულეს.</p><p>არაბული საქართველოს ჩემპიონიცაა და ადეიშვილს მის მიმართ პრეტენზია არ აქვს, მაგრამ გოგისვანიძე მსოფლიოს შარშანდელი ჩემპიონია და შანსს მას აძლევს. მით უფრო, შარშანდელი წარმატების შემდეგ გოგისვანიძეს წელისა თუ ნაირნაირი ტრავმის გამო ბევრი გაუცდა (საქართველოს პირველობაც გამოტოვა) და საშეჯიბრო პრაქტიკა სჭირდება.</p><p>დაახლოებით ამგვარი - ორი კადრის გამოცდის პრინციპია 74-შიც, სადაც ჭაბუკებში ევროპის შარშანდელი ვიცე-ჩემპიონი და მსოფლიოს მესამე პრიზიორი ლაშა გობაძე ძამაშვილით შეცვალა, თუმცა გობაძემ ევროპის წლევანდელი პირველობა ჩააგდო - ეტყობა, ახალგაზრდულში ადაპტაცია გაუჭირდა. ამჯერად ახალ წონაშია ცეცხლაძე, რომელიც შარშან 50-ში გამოდიოდა და ევროპაზე ვერცხლიც მოიპოვა.</p><p>ამ ნაკრებმა დასკვნითი შეკრება ბორჯომში, სპორტკომპლექს "ოლიმპში" გაიარა. ისინი ჩემპიონატში 4-5 სექტემბერს გამოვლენ, თუმცა ტაილანდში ცოტა ადრე გაფრინდნენ და ადაპტაციის მიზნით რამდენიმე დღე ადგილზე ივარჯიშებენ.</p><p>რაც შეეხება თავისუფალი სტილით მოჭიდავეთა ახალგაზრდულ ნაკრებს, ის მსოფლიოს პირველობისთვის ვარიანში ემზადება.</p><p>მისმა თავკაცმა ნუგზარ სხირელმა ხუთ წონაში უკვე გაარკვია მსოფლიოს პირველობის მონაწილე, ორში საკონტროლო შეხვედრას ჩაატარებს, ერთში კი ბოლო მომენტამდე დაელოდება ლიდერის მომზადებას.</p><p>უკვე გარკვეულია, რომ ტაილანდში მსოფლიოს ვერცხლის და ევროპის ბრინჯაოსმედალოსანი ლაშა ტალახაძე (55), კონსტანტინე ხაბალაშვილი (66), ევროპის წლევანდელი პირველობის ერთადერთი მედალოსანი - მესამე პრიზიორი ჯუმბერ ყველაშვილი (74), საქართველოს წლევანდელი ჩემპიონი გიორგი მეშვილდიშვილი (96) და ჭაბუკებში მსოფლიოს ვიცე და ევროპის ჩემპიონი გენო პეტრიაშვილი (120) იასპარეზებენ.</p><p>60 კილოგრამში მონაწილე საკონტროლო შეხვედრით გაირკვევა ლევან ქელეხსაშვილსა და ლაშა ბიტარაშვილს შორის, 84-ში კი, ანალოგიური წესით, საუკეთესო სანდრო ამინაშვილისა და ლევან გოგრიჭიანის პაექრობაში შეირჩევა.</p><p>50 კილოგრამში საკონტროლო შეხვედრა არ გაიმართება. აქ ყველაფერი დამოკიდებულია ბექა ბუჯიაშვილზე - შეძლებს თუ ვერა ის ზედმეტი 4-5 კილოგრამის დაკლებას. თუ ამას მოახერხებს, მაშინ ტაილანდშიც წავა, თუ ვერა - მის ნაცვლად იქ რამაზ დარჩიძე გაემგზავრება.</p><p>დასახელებულთაგან ევროპაზე ბუჯიაშვილმა, ტალახაძემ, ხაბალაშვილმა, ყველაშვილმა, ამინაშვილმა და პეტრიაშვილმა იჭიდავეს. ქელეხსაშვილი ტურნირზე კი წავიდა, მაგრამ ადგილზე ტრავმა მიიღო და არ უასპარეზია.</p><p>ერთადერთი ახალი სახე ამბროლაურელი მეშვილდიშვილია. ის საქართველოს ჩემპიონია - ფინალში ევროპაზე ნაჭიდავები ომარ გუსოშვილი დაამარცხა, მაგრამ შემდეგ საზღვარგარეთ გამართულ შესარჩევ შეჯიბრებებში გუსოშვილმა ყოველთვის აჯობა - ზოგან შედეგით, ზოგან კი პირადი შეხვედრა მოუგო.</p><p>სხირელმა ევროპაზეც პირადი შეგირდი გუსოშვილი წაიყვანა, თუმცა მაშინვე იყო გადაწყვეტილი, რომ შანსი მეშვილდიშვილსაც მიეცემოდა. მწვრთნელი ახლაც ორი კანდიდატის გამოცდის პრინციპს დაეყრდნო.</p><p>ეს გუნდი ტაილანდში 5 სექტემბერს გაფრინდება და 8-9-ში იჭიდავებს. ორივე ნაკრებიდან პირველ დღეს 50, 60, 74 და 96-ის ფალავნები გამოვლენ.</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა