<p>ახლა მთავარია, რას იტყვის ლონდონის "ტოტენჰემი"</p><p><br> ჰოლანდიელი ნახევარმცველი რაფაელ ვან დერ ვაარტი "ჰამბურგის" ღირსებას 2005-დან 2008 წლამდე იცავდა და იმ პერიოდში ჩრდილოგერმანული კლუბის ქომაგებს თავი სიგიჟემდე შეაყვარა (74 მატჩში 29 გოლი გაიტანა). 29 წლის პლეიმეიქერმა "ჰამბურგი" 2008 წელს დატოვა და წასვლისას თქვა, აქაურობა ისე მიყვარს, რომ აუცილებლად დავბრუნდებიო.</p><p>მას მერე 4 წელი გავიდა და HSV-ის ფანები ვან დერ ვაარტის დაბრუნებაზე ზამთარ-ზაფხულ ოცნებობდნენ. ევროპის ჩემპიონატის შემდეგ რაფაელის "ჰამბურგში" დაბრუნება რეალური გახდა, თუმცა მერე მისი ტრანსფერის გამო კლუბის ხელმძღვანელებმა ერთმანეთში იჩხუბეს და გულშემატკივრებსაც იმედი გადაეწურათ, მაგრამ დიდი შანსია, რომ ტრანსფერი მაინც შედგეს!</p><p>გარკვეულია, რომ ვან დერ ვაარტს "ჰამბურგში" დაბრუნება უნდა. "ბილდის" ინფორმაციით, გუშინ ჩრდილოგერმანული კლუბის დირექტორთა საბჭოს თავმჯდომარე იოახიმ ჰილკე ჰოლანდიაში ვან დერ ვაარტის ადვოკატ რობერტ გეერლინგს შეხვდა და მასთან ტრანსფერის დეტალები შეათანხმა.</p><p>ჩვენი გერმანელი კოლეგების ცნობით, "ჰამბურგი" ჰოლანდიელ ფეხბურთელს 3-წლიან კონტრაქტს და ისეთ პირობებს სთავაზობს, რომ ვან დერ ვაარტი თანახმაა, HSV-ში დაბრუნდეს.</p><p>ახლა მთავარია, რას იტყვის "ტოტენჰემის" ბოსი დანიელ ლევი, რომელსაც ინგლისში ახირებული კაცის სახელი აქვს.</p><p>50 წლის ფუნქციონერი ვან დერ ვაარტში უტოპიურ თანხას, 18 მილიონ ევროს ითხოვს და რაკი რაფაელს "სპურზთან" კონტრაქტი 2014 წლამდე აკავშირებს, ლევის სანერვიულოც არაფერი აქვს. "ტოტენჰემის" ბოსმა იცის, როგორ უნდა ვაჭრობა - ორი წლის წინ მან ვან დერ ვაარტი მადრიდის "რეალს" სატრანსფერო ფანჯრის დახურვამდე ათი წუთით (!) ადრე წაართვა. ყველაზე საინტერესო კი ის იყო, რომ მადრიდელები რაფაელის სანაცვლოდ 14 მილიონს ითხოვდნენ, "ტოტენჰემმა" კი საბოლოოდ მხოლოდ 10 მილიონად შეიძინა.</p><p>ჰამბურგელთა დამრიგებელი ტორსტენ ფინკი ნერვიულობს - არა მგონია, რომ კლუბებმა შეთანხმება მოახერხონო. "ბილდის" ინფორმაციით, "ჰამბურგს" 12-13 მილიონი ევრო ემეტება. მნიშვნელოვანია ისიც, რომ ტოტენჰემელები ახლა "რეალში" გადაბარგებული ლუკა მოდრიჩის შემცვლელს ეძებენ და თუ იპოვნიან, ვან დერ ვაარტს უფრო იოლად დათმობენ.</p><p><strong>ბადელი და ირჟაჩეკი უკვე ჰამბურგში არიან</strong></p><p>შეძლებს თუ არა "ჰამბურგი" ვან დერ ვაარტის გადაბირებას, ამას ორ დღეში გავიგებთ. მანამდე კი ჩრდილოგერმანელებმა ჩეხი პეტრ ირჟაჩეკისა და ხორვატი მილან ბადელის ტრანსფერები სრულყვეს.</p><p>ირჟაჩეკი HSV-ში "ვოლფსბურგიდან" გადავიდა და 4-წლიანი კონტრაქტი გააფორმა. ჩვენი გერმანელი კოლეგების ცნობით, ჰამბურგელებს ეს ტრანსფერი 4 მილიონი ევრო დაუჯდათ. ამდენივეა გადახდილი ბადელის ტრანსფერშიც, რომელმაც "ჰამბურგს" ზაგრების დინამოდან მიაშურა.</p><p><strong>ლევერკუზენმა რენზინგი აიყვანა</p><p></strong>ლევერკუზენის "ბაიერმა" სატრანსფერო პერიოდის მიწურულს "კიოლნის" ყოფილი მეკარე მიხაელ რენზინგი აიყვანა. "ფარმაცევტებმა" 28 წლის კიპერი უფასოდ ჩაიგდეს ხელში, რადგან "კიოლნმა" მას კონტრაქტი გაუწყვიტა, რის გამოც რენზინგი ბოლო დროს ინდივიდუალურად ვარჯიშობდა.</p><p>მიხაელი "ლევერკუზენში" პირველი მეკარის, ბერნდ ლენოს შემცვლელი იქნება. რენზინგს ბუნდესლიგაში "ბაიერნისა" და "კიოლნის" ფორმებით 102 მატჩი აქვს ჩატარებული.</p><p><strong>ყოველდღიური სპორტული გაზეთი "ლელო"</strong></p>
მძიმე ტრავმის შემდეგ ჯამალ მუსიალამ ვარჯიში დაიწყო
ყველა დროის რეკორდი ბუნდესლიგაში - ნოიერი პირველ ადგილზე გადავიდა
"აინტრახტი" მორიგ დიდ შემოსავალს ელის - კლუბი უზუნს 80 მილიონზე ნაკლებად არ გაუშვებს
შენგელიას 13 ქულა და "ბარსელონას" საშინაო მარცხი "ჟალგირისთან"
"იმედი მაქვს, "ბარსელონაში" დავრჩები" - მარკუს რაშფორდი
შენგელიას 13 ქულა და "ბარსელონას" საშინაო მარცხი "ჟალგირისთან"
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს