- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩვენ და პორტუგალიელები - ბალანსი უნდა შევცვალოთ!
<p>ევროპალიგის პლეი ოფი. დილა-მარიტიმუს მატჩის წინ <br> ...რვა წლის წინათ, დამოუკიდებელი ქართული ფეხბურთის ისტორიაში თბილისის "დინამომ" საუკეთესო შედეგი აჩვენა ევროტურნირებზე: უეფას ლიგის ჯგუფურ ეტაპამდე მიაღწია!</p><p>სამწუხაროდ, იმის მერე მსგავს წარმატებას ვერცერთმა ქართულმა გუნდმა ვერ მიაღწია და აი, ამის შანსი დღეს გვეძლევა: პორტუგალიური "მარიტიმუს" ბარიერის დაძლევის შემთხვევაში გორის "დილა" ევროპის ლიგის ჯგუფურ ეტაპზე იასპარეზებს!</p><p><span style="color: #ff0000;"><strong>წარმატების მოლოდინი</strong></span></p><p>გორის "დილას" დღევანდელი მეტოქე ევროპული "საზომით" კი არა, თავის ქვეყანაშიც ვერ ჩაითვლება გრანდად. ანუ ახალი რა უნდა ვთქვათ: "მარიტიმუს" მართლაც ბევრი უკლია "სპორტინგის", "ბენფიკასა" თუ "პორტოს" მიღწევებამდე.</p><p>თუმცა, ყველაფრის მიუხედავად, "მარიტიმუ" მაინც სერიოზულ მეტოქედ უნდა მივიჩნიოთ - ბოლოს და ბოლოს, გუნდი ხომ არცთუ დაბალი დონის, პორტუგალიის ჩემპიონატში ასპარეზობს და წინა სეზონში მხოლოდ იქაურ გრანდებს ("პორტუ", "ბენფიკა", "ბრაგა", "სპორტინგი") ჩამორჩა.</p><p>მეტოქე ძლიერია, მაგრამ, ისიც ვთქვათ, რომ უეფას ლიგის პლეი ოფის პირველ მატჩში "მარიტიმუმ" სულაც არ დატოვა დაუმარცხებელი გუნდის შთაბეჭდილება.</p><p>მოკლედ, ისღა დაგვრჩენია, ევროტურნირებს შემორჩენილ ერთადერთ ქართულ გუნდს (შემადგენლობა რომ ნამდვილად არ დაეწუნება) წარმატება ვუსურვოთ და ევროპის ლიგის ჯგუფურ ეტაპზე ვიხილოთ.</p><p>ამასთან, ევროტურნირების ისტორიაში ქართულ-პორტუგალიურ დაპირისპირებებში აქამდე არსებული აშკარად უარყოფითი ბალანსი იქნებ ოდნავ მაინც შევცვალოთ...</p><p><span style="color: #ff0000;"><strong>იმედიანი გაცნობა</strong></span></p><p>ევროტურნირებზე დღევანდლამდე ქართულ და პორტუგალიურ გუნდებს ერთმანეთში 6 მატჩი აქვთ ჩატარებული და, როგორც უკვე აღვნიშნეთ, საამაყოდ საქმე ნამდვილად არ გვაქვს: 1 შეხვედრა მოვიგეთ და 5 წავაგეთ (არანაკლებ კატასტროფულია ბურთების სხვაობაც: 1-15)!</p><p>ერთადერთი, რითაც შეიძლება თავი "დავიმშვიდოთ", ის არის, რომ მეტოქეებად პორტუგალიის ძლიერი გუნდები გვყავდა: "სპორტინგი", "ბრაგა", "ბოავიშტა".</p><p>მართალია, დღესდღეობით "ბოავიშტას" ცუდი დღეები უდგას (ფინანსური პრობლემების გამო გუნდი ჯერ II დივიზიონში დაქვეითდა, მერე სულაც პროფესიული კლუბის სტატუსი ჩამოერთვა, ამჯერად კი III ლიგაში ასპარეზობს), მაგრამ როცა თბილისის "დინამოს" ეპაექრებოდა, იმ პერიოდში თავისი ქვეყნის ერთ-ერთ უძლიერეს გუნდად მიიჩნეოდა.</p><p>სწორედ "ბოავიშტა" იყო პირველი პორტუგალიური გუნდი, ევროთასებზე რომ დავუპირისპირდით.</p><p>არადა, პირველად სწორედ ის სეზონი (1996-97) იყო, ევროტურნირებზე ქართულმა გუნდმა ყველაზე მეტი ეტაპი რომ გაიარა: თბილისის "დინამომ" ჯერ ლუქსემბურგის "გრევენმახერს" აჯობა, შემდეგ ნორვეგიულ "მოლდეს", მერე მოსკოვის "ტორპედოც" გამოვაგდეთ და "ბოავიშტას" ძლევაც, რატომღაც, ყველას იოლი საქმე ეგონა.</p><p>თუმცა, პირველსავე მატჩმა, თბილისში მართლაც სოლიდური აუდიტორიის წინაშე რომ ჩატარდა (60 000-ზე მეტი მაყურებელი მოვიდა), დაგვანახვა მეტოქის სიძლიერე.</p><p><strong>დავით ყიფიანის</strong> ხელმძღვანელობით მოასპარეზე "დინამომ" ის შეხვედრა მინიმალური ანგარიშით (1:0) მოიგო, თუმცა მეორე ტაიმში ჩვენს მეკარეს <strong>ირაკლი ზოიძეს</strong> რამდენიმე ეპიზოდში რომ არ ეყოჩაღა, ანგარიში აშკარად ჩვენთვის არასასურველი იქნებოდა.</p><p>არადა, მეტოქე პირველ ტაიმში აშკარად დავჯაბნეთ, რაც, უპირველეს ყოვლისა, "დინამოს" ლიდერების - <strong>კახა გოგიჩაიშვილის, გოჩა ჯამარაულისა </strong>და <strong>ნუგზარ ლობჟანიძის</strong> დამსახურება იყო.</p><p>სამწუხაროდ, მატჩის დასაწყისში ტრავმა მიიღო <strong>მამუკა მაჭავარიანმა</strong> და <strong>დავით ყიფიანსაც</strong> გარკვეული კორექტივების შეტანა მოუხდა თავისი გუნდის შემადგენლობაში. <strong></p><p>რასელ ლატაპი, ტავარეში, ჯიმი-ფლოიდ ჰასელბანკი, ნუნუ გომეში</strong>, - "ბოავიშტას" შემადგენლობაში არაერთი გამორჩეული ფეხბურთელი ასპარეზობდა მაშინ, როცა "დინამოს" ძირითად ბირთვს 18-20 წლის ბიჭები შეადგენდნენ: <strong>კახა კალაძე, ლევან კობიაშვილი, ალექსანდრე იაშვილი, გიორგი კიკნაძე, გიორგი დემეტრაძე...</strong></p><p><span style="color: #ff0000;"><strong>კოშმარი ბესაზე</strong></span></p><p>საპასუხო მატჩი ორი კვირის მერე პორტუში, "ბესას" სტადიონზე ჩატარდა და სრული ფიასკოც გველოდა: "ბოავიშტამ" ჩვენი გუნდის კარში 5 უპასუხო ბურთი გაიტანა!</p><p>ამ სასტიკ მარცხს გარკვეული სუბიექტური და ობიექტური მიზეზი ჰქონდა: ტრავმირებულ <strong>მაჭავარიანს</strong> დისკვალიფიცირებული <strong>კალაძეც</strong> დაემატა. მატჩი ჩვენი დროით... ღამის სამის ნახევარზე დაიწყო. "დინამოს" რამდენიმე ფეხბურთელს თამაში არ წაუვიდა და ასე შემდეგ.</p><p>თუმცა მთავარი მიზეზი მაინც ჩვენი ფეხბურთელების ევროასპარეზზე გამოუცდელობა იყო და სწორედ ამას უნდა მივაწეროთ ის უამრავი შეცდომა. ყველაზე უცნაური ის იყო, რომ 5 გაშვებული გოლის მიუხედავად, ჩვენს მეკარეს, <strong>ირაკლი ზოიძეს</strong> ვერავინ დაადანაშაულებდა; ხოლო <strong>ნუგზარ ლობჟანიძემ</strong>, ალბათ, კარიერაში საუკეთესო მატჩი ჩაატარა!</p><p>ამ წაგების კიდევ ერთი მიზეზი ის იყო, რომ "ბოავიშტას" გამოცდილმა მწვრთნელმა, ცნობილმა იუგოსლავიელმა სპეციალისტმა <strong>ზორან ფილიპოვიჩმა</strong> ჭკვიანურად არჩეული ტაქტიკით თავის გუნდს მატჩის დასაწყისიდანვე უპირატესობა მოაპოვებინა და, რაც მთავარია, პერსონალური მეურვეები მიუჩინა იმდროინდელი "დინამოს" უპირობო ლიდერებს - <strong>გოჩა ჯამარაულსა</strong> და <strong>კახა გოგიჩაიშვილს</strong>...</p><p>"ბოავიშტას" მერე იყო არანაკლებ მტკივნეული მარცხი "ბრაგასთან". შემდეგ კარგა ხნის პაუზა გვქონდა, ვიდრე პორტუგალიურ გუნდს კვლავაც გადავეყრებოდით; თუმცა 2004 წლის გვიან შემოდგომაზე ასევე სრული ფიასკო გველოდა: უეფას თასის ჯგუფური ეტაპის მატჩში ლისაბონის "სპორტინგმა" ბრაზილიელი <strong>ლიედსონის</strong> ჰეთ-თრიქით თბილისში მწარე მარცხი გვაგემა.</p><p>ახლა კი "მარიტიმუა" ჩვენი მეტოქე და ვინ იცის, იქნებ ახლა მაინც დავძლიოთ პორტუგალიური ბარიერი!..</p><p><span style="color: #ff0000;"><strong>ურთიერთშეხვედრები საკლუბო დონეზე</strong></span></p><p><strong></p><p>უეფას თასი, 1/16-ფინალი</strong></p><p><em>15.10. 1996. თბილისი. ეროვნული. 65 000 მაყურებელი</em></p><p><em><strong>დინამო (თბილისი)-ბოავიშტა (პორტუ) 1:0</strong></em></p><p>1:0 გოგიჩაიშვილი (25, პენალტით)</p><p>დინამო: ზოიძე, კალაძე, ლობჟანიძე, ზ. ჯელაძე, მაჭავარიანი (43. კერძევაძე), ჩხაიძე, გოგიჩაიშვილი, კიკნაძე (73. ინალიშვილი), ჯამარაული, კობიაშვილი, იაშვილი (80. დემეტრაძე)</p><p>გაფრთხილება: ზ. ჯელაძე, კობიაშვილი, კალაძე</p><p>არბიტრი: ფ. სანდრა (ბელგია)</p><p><em>29. 10. 1996. პორტუ. "ბესა". 20 000 მაყურებელი</em></p><p><em><strong>ბოავიშტა-დინამო 5:0</strong></em></p><p>1:0 ლატაპი (2), 2:0, 3:0 ჰასელბენკი (29, 55), 4:0 ლატაპი (69), 5:0 ტავარეში (90)</p><p>დინამო: ზოიძე, ლობჟანიძე, დიდავა, ზ. ჯელაძე, ჩხაიძე, გოგიჩაიშვილი, კიკნაძე (65. კუდინოვი), ჯამარაული, ინალიშვილი (46. კერძევაძე), კობიაშვილი, დემეტრაძე (46. იაშვილი).</p><p>გაფრთხილება: დიდავა, ზ. ჯელაძე</p><p>გაძევება: ზ. ჯელაძე</p><p>არბიტრი: რ. ფილიპი (ლუქსემბურგი)</p><p><strong>უეფას თასი, 1/16-ფინალი</strong></p><p><em>21. 10. 1997. ბრაგა. "პრიმო დე მაიო". 15 000 მაყურებელი</em></p><p><em><strong>ბრაგა-დინამო 4:0</strong></em></p><p>1:0 როდრიგაო (23), 2:0 ტონი (55), 3:0 კაროგლანი (66), 4:0 ბრუნო (77).</p><p>დინამო: ზოიძე (46. გელა ჭანტურია), კალაძე, ლობჟანიძე, დიდავა, ჩხაიძე, გოგიჩაიშვილი, კიკნაძე, გუჩუა, ცქიტიშვილი, ალექსიძე (70. გოგობერიშვილი), დ. მუჯირი (60. ხომერიკი).</p><p>არბიტრი: უ. არინი (რუმინეთი)</p><p><em>04. 11. 1997. თბილისი. ეროვნული. 15 000 მაყურებელი</em></p><p><em><strong>დინამო-ბრაგა 0:1</strong></em></p><p>0:1 ტონი (49)</p><p>დინამო: გელა ჭანტურია, კალაძე, ზ. ჯელაძე, დიდავა, ჩხაიძე, ცქიტიშვილი (87. გ. კვარაცხელია), კიკნაძე (75. ლობჟანიძე), გუჩუა, ალექსიძე, დ. მუჯირი, ხომერიკი (63. გოგობერიშვილი)</p><p>გაფრთხილება: გუჩუა, ალექსიძე</p><p>არბიტრი: ა. სნოდი (ჩრ. ირლანდია)</p><p><strong>უეფას თასი, ჯგუფური ეტაპი</strong></p><p>25. 11. 2004. თბილისი. "ლოკომოტივი". 8 000 მაყურებელი</p><p><em><strong>დინამო-სპორტინგი (ლისაბონი) 0:4</strong></em></p><p>0:1, 0:2, 0:3 ლიედსონი (7, 30, 60), 0:4 ჭიჭვეიშვილი (90, საკუთარ კარში).</p><p>დინამო: ზოიძე, შაშიაშვილი, სილაგაძე, სალუქვაძე (75. დვალი), კვირკველია, კანდელაკი, ჭიჭვეიშვილი, კანკავა (88. კ. მახარაძე), რომერო, კაკალაძე (75. ქუცურუა), მელქაძე</p><p>გაფრთხილება: კვირკველია, ქუცურუა.</p><p>არბიტრი: კ. რიჩარდსი (უელსი)</p><p><strong>ევროპის ლიგა, პლეი ოფი</strong></p><p><em>23. 08. 2012. ფუნშალო. "დოს ბარიეროსი". 4 200 მაყურებელი</em></p><p><em><strong>მარიტიმუ - დილა (გორი) 1:0</strong></em></p><p>1:0 ფიდელისი (64).</p><p>დილა: სკენდერი, შაშიაშვილი, გ. ონიანი, სალუქვაძე, კვირკველია, გოგუა, ბეჭვაია, კლიმიაშვილი (56. კახელიშვილი), გვალია, შ. გრიგალაშვილი (70. ახალკაცი), ს. გურული (62. ილურიძე)</p><p>გაფრთხილება: შაშიაშვილი, გოგუა, ახალკაცი.</p><p>არბიტრი: ლ. კოვარიკი (ჩეხეთი).</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/skhvadaskhva/38363-dila-vs-maritimu-qarthuli-fekhburthis-shansi.html" target="_blank">დილა VS მარიტიმუ - ქართული ფეხბურთის შანსი</a></p><p><a href="/fexburti/qarthuli-fekhburthi/skhvadaskhva/38301-goris-qdilaq-qmaritimusthanq-matchs-problemebith-khvdeba.html" target="_blank">გორის "დილა" "მარიტიმუსთან" მატჩს პრობლემებით ხვდება</a></p><p><a href="/fexburti/qarthuli-fekhburthi/skhvadaskhva/38253-goris-qdilasq-metoqe-qmaritimuq-shida-asparezze-daumarckhebelia.html" target="_blank">გორის "დილას" მეტოქე "მარიტიმუ" შიდა ასპარეზზე დაუმარცხებელია</a></p><p><a href="/fexburti/qarthuli-fekhburthi/skhvadaskhva/38069-maritimu-dila-10-misia-shesrulebadia-video.html" target="_blank">მარიტიმუ-დილა 1:0 - მისია შესრულებადია! [VIDEO]</a></p>
-
Toko
საუკეთესო შედეგი არის თბილისის დინამოს გასვლა უეფას თასის მეთექვსმეტედფინალში 1996 წლის შემოდგომაზე. რაც შეეხება ჯგუფურ ეტაპს, მხოლოდ ჯგუფიდან შემდგომ ეტაპზე გასულები გადიან მეთექვსმეტედფინალში
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა