 
    
    
    <p>"ბანგას" ქართველმა ლეგიონერმა "ტაურასთან" შეხვედრაში დუბლი შეასრულა <br> ლიტვური საფეხბურთო არხი "ფუტბოლო.ტვ" ყოველი ტურის შემდეგ ატარებს მაყურებელთა გამოკითხვას, რომლითაც "ა ლიგის" საუკეთესო გოლის ავტორს ავლენს.</p><p>25-ე ტურის შეხვედრაში "ბანგამ" "ტაურასთან" 4:0 გაიმარჯვა, "ბანგას" ქართველმა ლეგიონერმა <strong>გიორგი ალავერდაშვილმა</strong> კი დუბლი შეასრულა.</p><p>განსაკუთრებით ლამაზი გამოდგა შეხვედრის 67-ე წუთზე "ტაურასის" კარში გატანილი მესამე გოლი: გიორგიმ ბურთი საჯარიმოს სიახლოვეს მიიღო და დაახლოებით 22-23 მეტრიდან მეკარეს თავზე გადაუგდო.</p><p>"ფუტბოლო.ტვ"-ის გამოკითხვაში პირველ ადგილზე სწორედ ეს გოლი დაასახელეს. ქართველ თავდამსხმელს მაყურებელთა 83.1%-მა დაუჭირა მხარი. მეორე ადგილზე არსენ ბუნიჩკის ("ეკრანასი") გოლია - 10,2, მესამეზე კი რაფაელ ლედესმას გატანილი ("სუდუვა") - 6.7%.</p><p>"ბოლო ოთხი წელიწადი ტრავმებმა გამაწვალა. მერე სად არ ვითამაშე, რამდენი გუნდი შევიცვალე, მაგრამ ვერსად ვერ ვიყავი ისე, მე რომ მსურდა.</p><p>მგონია, რომ "ბანგაში" გადასვლა სწორი გადაწყვეტილება იყო. ფორმაში შევდივარ და ხანგრძლივ ჩავარდნას წერტილი დაესვა.</p><p>აშკარად ვგრძნობ, რომ ვუმატებ, თავდაჯერებული ვხდები და საგოლე ალღოს ვიბრუნებ, რაც ასე მჭირდებოდა.</p><p>გარდა იმისა, რომ "ტაურასთან" გატანილი ბურთი საუკეთესოდ აღიარეს, მატჩის შემდეგ საუკეთესო ფეხბურთელის პრიზიც გადმომცეს", - გვითხრა ალავერდაშვილმა.</p><p>24 წლის ქართველი თავდამსხმელი "ბანგაში" ზაფხულში ჩაირიცხა, 21 ივლისს კი სადებიუტო შეხვედრაში დუბლით გამოიჩინა თავი. მაშინ გუნდი ლიტვის ჩემპიონატის აუტსაიდერი იყო, ახლა კი 31 ქულით 10-გუნდიან ტურნირში მე-6 ადგილზეა და უახლოეს მდევარ "დაინავას" 6 ქულით უსწრებს.</p><p>შეგახსენებთ, რომ "ბანგაში" კიდევ ორი ქართველი თამაშობს: ცენტრალური მცველი <strong>ნიკა მგელაძე</strong> და თავდამსხმელი <strong>გიორგი ნიქაბაძე</strong>.</p><p><strong>ყოველდღიური სპორტული გაზეთი "ლელო"</strong></p>
ჩაკვეტაძე ბრუნდება - შეძლებს ნოემბერში საქართველოს ნაკრებში თამაშს?
[VIDEO] მიქაუტაძემ "ვილიარეალში" მეოთხე გოლი გაიტანა
[VIDEO] 0:3. ესეც მამარდაშვილის ბრალია? - "ლივერპული" თასიდან "კრისტალ პალასმა" გამოაგდო
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
[VIDEO] "კვარა" შეცვლაზე - პსჟ-მ "ლორიენთან" დუე და ორი ქულა დაკარგა
[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე