მსოფლიოს ჩემპიონი რალიში, ზედიზედ მეშვიდედ

საფრანგეთის რალის დამაჯერებლად მოგების შემდეგ, ფრანგმა სებასტიან ლოებმა ზედიზედ მეშვიდედ (!) დაისაკუთრა მსოფლიოს ჩემპიონის ტიტული. საფრანგეთის რალის დამაჯერებლად მოგების შემდეგ, ფრანგმა სებასტიან ლოებმა ზედიზედ მეშვიდედ (!) დაისაკუთრა მსოფლიოს ჩემპიონის ტიტული.იაპონიაში წაგების შემდეგ ლეგენდარული ავტომრბოლი სამშობლოში პირველივე სპეცმონაკვეთებზე შეუდარებელი იყო: ოთხიდან ოთხი მოგება. ამით სებასტიანმა ყველას მიანიშნა, რომ თუ შეცდომებს არ დაუშვებს, მისი მოგება შეუძლებელი გახლავთ. ამჯერად, ჩემპიონს შეცდომა არ ჰქონია და პირველ ორ დღეს მეტოქეებთან სხვაობა მხოლოდ იზრდებოდა.კვირას ლოებმა რისკის შესამცირებლად ოდნავ უკლო ტემპს, თანაც მას საკუთარი გულშემატკივრებიც დაეხმარნენ. მისი მორიგი გაჩემპიონების სანახავად იმდენი ხალხი მივიდა, რომ ორგანიზატორებმა ბოლო სპეცუბანი უბრალოდ გააუქმეს.რბოლის მოგების შემდეგ სებასტიანი საერთო ჩათვლაში მიუღწეველი გახდა კონკურენტებისთვის: "სიტროენის" პილოტის ანგარიშზე 221 ქულაა, ხოლო მის სეხნიას - სებასტიან ოჟიეს 166 ქულა აქვს.ოჟიეს საფრანგეთის რალის მეორე დღეს შეექმნა პრობლემები და პოდიუმზე ასვლის ნაცვლად, მეექვსე ადგილამდე ჩამოქვეითდა. თუმცა ეტაპის წინ ისედაც ცხადი იყო, რომ ოჟიე მხოლოდ მესამე ადგილისთვის თუ იბრძოლებდა, რადგან ამ რალიზე ის ძალიან ჩამორჩებოდა სისწრაფეში ლოებსა და მეორე ადგილზე გასულ დანი სორდოს.უმცროსი სებასტიანის პრობლემების გამო პოდიუმის მესამე საფეხურისთვის ლატვალამ და პეტერ სოლბერგმა იბრძოლეს. ფინელი ეპიზოდურად მაღალ სიჩქარეს ანვითარებდა, მაგრამ საერთო ჯამში მეტოქეზე არასტაბილური იყო, რის გამოც პოდიუმი მთლიანად "სიტროენის" პილოტებით შეივსო.ფინიშამდე მისვლა ვერ შეძლო კიმი რაიკონენმა. ეტაპის წინ ფორმულა 1-ის ყოფილი პილოტი პირველ ხუთეულში შესვლას გეგმავდა, მაგრამ პირველივე სპეცმონაკვეთებზე გამოემშვიდობა თავის ამბიციურ გეგმებს. კიმი მხოლოდ მეშვიდე ადგილისთვის თუ მოახერხებდა ბრძოლას, რადგან "ფორდის" საქარხნო მანქანებთან ჭიდილი ფინელს არ შეეძლო. მაგრამ ესეც არ გამოვიდა. ნელ მოსახვევში რაიკონენის "სიტროენი" ტრასიდან გადავარდა. ინციდენტის ადგილას მისულმა მაყურებელმა ვერ შეძლო მანქანის ტრასაზე დაბრუნება და საბოლოოდ, ის თოკით ამოიყვანეს. ამ ლოდინში კიმიმ თითქმის ნახევარი საათი დაკარგა და შესაბამისად, ქულათა ზონაში მოხვედრაზე ფიქრი ზედმეტი იყო. მით უმეტეს, რომ მოგვიანებით რაიკონენი კიდევ ერთხელ აღმოჩნდა ტრასის მიღმა და მართალია, სერვის-პარკამდე მიღწევა შეძლო, გადაწყვიტა აღარ გაერისკა და ესპანეთის ეტაპისთვის შეენახა მანქანა.მაშ ასე, საფრანგეთის რალიმ გაარკვია ჩემპიონი როგორც პირად, ასევე გუნდურ ჩათვლაში: ფინიშამდე ორ რბოლით ადრე "სიტროენს" 388 ქულა აქვს, "ფორდს" - 277, რაც ფრანგულ გუნდს 2010 წელს დუბლის გარანტიას აძლევს. რაც შეეხება ესპანეთისა და უელსის რალიზე ინტრიგას, ეს არის ბრძოლა ვიცე-ჩემპიონის ტიტულისთვის და მესამე ადგილისთვის. მეორე ადგილზე ოთხი პილოტი აცხადებს პრეტენზიას - ოჟიე, ლატვალა, სოლბერგი და სორდო. მესამე ადგილისთვის ბრძოლაში კი ამ სიას ჰირვონენიც ემატება. ჩემპიონატი ესპანეთში 22-24 ოქტომბერს გაგრძელდება.X ეტაპი. იაპონიის რალი1. სებასტიან ლოები (საფრანგეთი, "სიტროენი") - 3:05.49,3; 2. დანიელ სორდო (ესპანეთი, "სიტროენი") - +35,7; 3. პეტერ სოლბერგი (ნორვეგია, "სიტროენი") - +1.16,8; 4. იარი-მატი ლატვალა (ფინეთი, "ფორდი") - +1.29,3; 5. მიკო ჰირვონენი (ფინეთი, "ფორდი") - +3.43,8; 6. სებასტიან ოჟიე (საფრანგეთი, "სიტროენი") - +11.55,9; 7. ფედერიკო ვილაგრა (არგენტინა, "ფორდი") - +14.15,4; 8. მეტიუ უილსონი (ბრიტანეთი, "სიტროენი") - +14.26,9...საერთო ჩათვლა1. სებასტიან ლოები (საფრანგეთი, "სიტროენი") - 226 ქულა; 2. სებასტიან ოჟიე (საფრანგეთი, "სიტროენი") - 166; 3. იარი-მატი ლატვალა (ფინეთი, "ფორდი") - 144; 4. პეტერ სოლბერგი (ნორვეგია, "სიტროენი") - 133; 5. დანიელ სორდო (ესპანეთი, "სიტროენი") - 125; 6. მიკო ჰირვონენი (ფინეთი, "ფორდი") - 104; 7. მეტიუ უილსონი (ბრიტანეთი, "სიტროენი") - 60; 8. ფედერიკო ვილაგრა (არგენტინა, "ფორდი") - 36; 8. ჰენინგ სოლბერგი (ნორვეგია, "ფორდი") - 33; 10. კიმი რაიკონენი (ფინეთი, "სიტროენი") - 21.ყოველდღიური სპორტული გაზეთი"ლელო"

ავტოსპორტი: ფერნანდო ალონსოს 305 ათასი გამოვარდნისთვის

ფერნანდო ალონსომ ინდი 500 ვერ დაასრულა

მოტოგრანპრი: როსიმ დებიუტანტთან წააგო

"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ

"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა

ფრე ქუთაისში... და "თელავის" მოგება "გაგრასთან"

ლუის ენრიკემ კვარაცხელიას ტრავმაზე კომენტარი გააკეთა

[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია

"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო

მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა

დავითაშვილი შეცვალეს - "სენტ-ეტიენი" სახლში "გენგამთან" დამარცხდა

პირველი ტაიმის შემდეგ პსჟ "ოსერს" 1:0 ამარცხებს

"ოსერთან" მატჩში პსჟ-ს სასტარტო შემადგენლობა ცნობილია

ზივზივაძის "ჰაიდენჰაიმმა" ნანატრი გამარჯვება მოიპოვა

[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა

[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა

გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა

"იუნაიტედი" "ბრენტფორდთან" დამარცხდა - გაუშვებენ ამორიმს?

დუდუ დადიანის მემორიალის 24-ე გათამაშება ოლიმპიურ სასახლეში დაიწყო

"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ