<p>"ავჭალის სარაგბო" სტადიონზე საქართველოს მრავალგზის ჩემპიონი თბილისის "ლოკომოტივი" თანაქალაქელ "ყოჩებს" დაუპირისპირდა და 28:12 დაამარცხა <br> საქართველოს ჩემპიონატი თბილისსა და ქუთაისში ერთდროულად გაიხსნა. "ავჭალის სარაგბო" სტადიონზე საქართველოს მრავალგზის ჩემპიონი თბილისის "ლოკომოტივი" თანაქალაქელ "ყოჩებს" დაუპირისპირდა და 28:12 დაამარცხა.</p><p>რკინიგზელებმა, მიუხედავად იმისა, რომ მეტოქეს ოთხი ლელო გაუტანეს, პრემიალური ქულა მაინც ვერ ირგუნეს, რადგან "ყოჩებმა" მათ ორით უპასუხეს. პრემია კი იმ გუნდს ერგება, ვინც მეტოქეს სამი ლელოთი მეტს გაუტანს.</p><p>არადა, "ლოკომოტივი" ახლოს იყო მიზანთან - ჩემპიონატის სტარზე ხუთი ქულა მიეთვალა. თუმცა ეს მუდამ ბრძოლისუნარიანობით გამორჩეულმა მეტოქემ არ დაანება.</p><p>თამაშის დასაწყისი თანაბარ ბრძოლაში წარიმართა. რკინიგზელებს მეტოქის წინააღმდეგობის დასაძლევად 15 წუთი დასჭირდათ.</p><p>მოედნის ცენტრში მეტოქის დაცვის ხაზი მესამეხაზელმა გივი ბერიშვილმა გაჭრა, რამდენიმე მეტრი გაიარა და შებოჭეს; მერე რაკიდან ბურთი შუამარბ ილია გოგეშვილს გაუტანეს, რომელმაც რამდენიმე მეტოქეს სწრაფად აუარა გვერდი, ოციოდ მეტრი ირბინა და ლელოში შეაღწია. მგეზავმა ვახტანგ კავთიძემ გარდასახა - 7:0.</p><p>"ყოჩები", ცხადია, ამას ოდნავაც არ დაუთრგუნავს. ყველანაირად ცდილობდნენ მოწინააღმდეგის 22-მეტრიან ზონაში შეღწევას, მაგრამ ბურთი ხშირად უვარდებოდათ ხელიდან, რაც მათ იერიშებს აფერხებდა.</p><p>რკინიგზელებმა კი 25-ე წუთზე მორიგი ლელო მიითვალეს. მარცხენა ფრთაზე დანიშნული შერკინებიდან მათ ბურთი მარჯვნივ ხაზზე გამოათამაშეს და ამჯერად ჩათვლის მოედანში ფულბეკი ბექა წიკლაური შეიჭრა. კავთიძემ ესეც გარდასახა - 14:0. ასე დასრულდა პირველი ტაიმი.</p><p>შესვენების შემდეგ "ლოკომოტივმა" მალევე მოახერხა კიდევ ერთი ლელოს გატანა. მორკინალთა მოკლე დარტყმების შემდეგ რაკიდან ბურთი პირველხაზელმა ლადო გუნიავამ აიტაცა და ლელოში გადადო. კავთიძე გარდასახვისას ამჯერადაც ზუსტი იყო - 21:0.</p><p>ცხადი გახდა, რომ "ლოკომოტივი" ჩემპიონატს გამარჯვებით იწყებდა, თუმცა პრემიალური ქულის ასაღებად კიდევ ერთი ლელო სჭირდებოდა.</p><p>სწორედ ასეთ ვითარებაში "ყოჩებმა" კიდევ ერთხელ გამოამჟღავნეს დაუდგრომელი სულისკვეთება და მეტოქეს ორი ლელო გაუტანეს. ორივეჯერ თავი შერკინების მეორეხაზელმა დავით ბელაშვილმა გამოიჩინა. მგეზავმა გიგი გაბუნიამ ორიდან მხოლოდ ერთი გარდასახვა გამოიყენა - 12:21.</p><p>თამაშის დასრულებამდე 14 წუთი რჩებოდა. თითქოს მატჩის გადარჩენის შანსიც გაჩნდა, თუმცა "ლოკომოტივმა" ისევ იძალა და თამაშის დასრულებამდე ოთხი წუთით ადრე გივი ბერიშვილმა კიდევ ერთხელ დაალელოვა "ყოჩები". კავთიძემ ესეც გარდასახა - 28:12.</p><p><em><strong>ლოკომოტივი-ყოჩები 28:12</strong></em></p><p>ლოკომოტივი (15-9) წიკლაური, ბიწაძე, ჭურღულია, გოგეშვილი, ქავთარაძე, კავთიძე, ღვინჯილია. (1-8) ელოშვილი (გასვიანი 41), გენებაშვილი, გუნიავა, ცუხიშვილი (მარსაგიშვილი 65), ხოლუაშვილი, ნიშნიანიძე, თ. ჩიტიძე, ბერიშვილი.</p><p>4ლ: წიკლაური, ბერიშვილი, გუნიავა, გოგეშვილი. 4გ: კავთიძე.</p><p>ყოჩები (15-9) კვარაცხელია, აბრამალაძე, მახარაძე (ხულელაძე 68), ქუშაშვილი (კობაური 48), ხარშილაძე, გაბუნია, ჯაფარიძე (ხელაძე 75). (1-8) ესაკია (ჯინჭარაძე 62), ცუცქირიძე, შენგელია, ბელაშვილი, ტვილდიანი, აფციაური, გუგეშაშვილი, მალაღურაძე.</p><p>2ლ: ბელაშვილი (2). გ: გაბუნია.</p><p>მსაჯი: ნოდარ რობიტაშვილი</p><p><strong>ყოველდღიური სპორტული გაზეთი "ლელო"</strong></p>
დიდი 10 | აია 41:21 წიქარა
დიდი 10 | ყაზბეგი 0:16 ხვამლი
crocobet დიდი 10-ის განახლება ერთი კვირით გადაიდო
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო