აშშ-ის ღია პირველობა: ენდი როდიკმა შოუ გააგრძელა

3 სექტემბერს, აშშ-ის ღია პირველობის მამაკაცთა ტურნირში ყველა მერვედფინალისტი გაირკვა ნიუ იორკში გრძელდება ამერიკის ღია პირველობა. 3 სექტემბერს ყველა მერვედფინალისტი გაირკვა მამაკაცთა ტურნირში.ადგილობრივი პუბლიკისთვის დღის მთავარი მატჩი იყო ენდი როდიკისა და ფაბიო ფონინის დაპირისპირება. ამერიკელმა კიდევ ერთი მატჩით გადადო დიდი სპორტიდან წასვლა.როგორც იცით, მსოფლიოს ყოფილმა პირველმა ჩოგანმა განაცხადა, რომ ამერიკის ღია პირველობის შემდეგ ოფიციალურად დაასრულებს კარიერას. ამ განცხადების შემდეგ ის ტურნირის მთავარი გმირი გახდა, რადგან მისი წასვლისგან ამერიკელები ნამდვილი შოუს შექმნას ცდილობენ.ეს სიტუაცია ძალიან ჰგავს 2006 წელს, როცა ანდრე აგასი ასრულებდა კარიერას, თუმცა მაშინ "სიგიჟის" მასშტაბები უფრო დიდი იყო.მატჩი ღამის სესიაში გაიმართა და მან ბოლომდე შეავსო ცენტრალური კორტის ტრიბუნები. ენდიმ მშობლიურ პუბლიკას იმედები არ გაუცრუა, თუმცა სერიოზული წინააღმდეგობა მიიღო ფონინისგან.მატჩი სამი საათი გაგრძელდა და ყველა სეტში ბრძოლა იყო. როდიკმა ხუთი ბრეიკი გააკეთა, მაგრამ თავად ოთხჯერ დათმო საკუთარი მოწოდება. ფონინის უფრო მეტი ეისი და "ვინერსი" ჰქონდა, მაგრამ ძალიან ბევრი - 56 უნებლიე შეცდომა დაუშვა და ამან შეუშალა ხელი საბოლოო გამარჯვებაში.მერვედფინალში როდიკი არგენტინელ ხუან მარტინ დელ პოტროს შეხვდება, რომელმაც 3 სექტემბერს, რთულ ბრძოლაში თანამემამულე ლეონარდო მაიერი დაამარცხა.მართალია, მატჩი მხოლოდ სამი სეტი გაგრძელდა, მაგრამ ჩოგბურთელებმა კორტზე სამ საათზე მეტი გაატარეს.სერიოზული ბრძოლის გადატანა მოუწია ტურნირის მეოთხე ნომერს - ესპანელ დავიდ ფერერს ავსტრალიელი ლეიტონ ჰიუიტის დასამარცხებლად. მსოფლიოს ყოფილი პირველი ჩოგანი პირველ ორ სეტში კარგად გამოიყურებოდა - საწყისი პარტია ტაი-ბრეიკამდე მიიყვანა. იქ სამი სეტბოლიც ჰქონდა, მაგრამ 9:11 დამარცხდა, მეორე სეტში კი 6:4 ჰიუიტმა გაიმარჯვა.თუმცა ამის შემდეგ აშკარად იგრძნობოდა ფერერის უკეთესი ფიზიკური მომზადება. ესპანელმა საბოლოოდ იგდო ინიციატივა ხელთ და მომდევნო ორ პარტიაში მხოლოდ სამი გეიმი დაუთმო მეტოქეს. შეხვედრა სამი საათი და 12 წუთი გაგრძელდა. ჰიუიტს 72 უნებლიე შეცდომა ჰქონდა, ფერერს - 43.მერვედფინალში ფერერი ფრანგ რიშარ გასკეს შეხვდება.ამ ეტაპზე იოლად გააღწია მსოფლიოს მეორე ჩოგანმა ნოვაკ ჯოკოვიჩმა. მან საათსა და 37 წუთში გაანადგურა 30 წლის ფრანგი ჟულიან ბენეტო - 6:3, 6:2, 6:2.ამ დროის განმავლობაში სერბმა ხუთი ბრეიკი გააკეთა და მეტოქეს ერთი ბრეიკ-პოინტის შანსიც არ მისცა. გარდა ამისა, ჯოკოვიჩის ანგარიშზეა 13 ეისი და სამი ორმაგი შეცდომა.სერბის მეტოქე მერვედფინალში შვეიცარიელი სტანისლას ვავრინკა იქნება, რომელმაც ძალიან დამაჯერებელი შთაბეჭდილება დატოვა უკრაინელ ალექსანდრ დოლგოპოლოვთან მატჩში.ვავრინკამ შესანიშნავი სტატისტიკა დააფიქსირა - 15 ეისი, 31 ვინერსი, არც ერთი ორმაგი შეცდომა და 18 უნებლიე შეცდომა. ამან მას სამ სეტში მოგება მოუტანა - 6:4, 6:4, 6:2.III წრეიანკო ტიპსარევიჩი (სერ, 8)-გრეგა ჟემლია (სლოვენ) 6:4, 6:3, 7:5; ფილიპ კოლშრაიბერი (გერ, 19)-ჯონ ისნერი (აშშ, 9) 6:4, 3:6, 4:6, 6:3, 6:4; რიშარ გასკე (საფ, 13)-სტივ ჯონსონი (აშშ) 7:6(4), 6:2, 6:3; დავიდ ფერერი (ესპ, 4)-ლეიტონ ჰიუიტი (ავსტრა) 7:6(9), 4:6, 6:3, 6:0; ხუან მარტინ დელ პოტრო (არგ, 7)-ლეონარდო მაიერი (არგ) 6:3, 7:5, 7:6(9); ენდი როდიკი (აშშ, 20)-ფაბიო ფონინი (იტა) 7:5, 7:6(1), 4:6, 6:4; სტანისლას ვავრინკა (შვეიც, 18)-ალექსანდრ დოლგოპოლოვი (უკრ, 14) 6:4, 6:4, 6:2; ნოვაკ ჯოკოვიჩი (სერ, 2)-ჟულიან ბენეტო (საფ, 31) 6:3, 6:2, 6:2.1/8-ფინალიფედერერი (1)-ფიში (23); ალმაგრო (11)-ბერდიხი (6); მიურეი (3)-რაონიჩი (15); ჩილიჩი (12)-კლიჟანი; ტიპსარევიჩი (8)-კოლშრაიბერი (19); გასკე (13)-ფერერი (4); დელ პოტრო (7)-როდიკი (20); ვავრინკა (18)-ჯოკოვიჩი (2).ყოველდღიური სპორტული გაზეთი "ლელო"

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

ისტორიული გამარჯვება - მეტელკინა და ბერულავა ევროპის ჩემპიონები გახდნენ

მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს

"აიაქსმა" იბრაჰიმოვიჩის შვილი ინათხოვრა

"ნოტინგემს ფორესტს" ზინჩენკოს იჯარის ვადაზე შეწყვეტა სურს

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

ოფიციალურად: კონორ გალაჰერი ინგლისის პრემიერ ლიგას დაუბრუნდა

ფუტსალის ნაკრები ევროპის ჩემპიონატისთვის 18 ფეხბურთელით ემზადება

[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა

"იბერია 1999"-მა ბართიშვილი და ღუდუშაური დაიმატა

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

"ნებისმიერი თანხა მოითხოვოს" - საუდის არაბეთის კლუბის პრეზიდენტის შეთავაზება მესის

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა