<p>8 სექტემბერს, ტაილანდურ პატაიაში მიმდინარე მსოფლიოს პირველობაზე ასპარეზობას თავისუფალი სტილით მოჭიდავეები დაიწყებენ <br> ტაილანდურ პატაიაში მიმდინარე მსოფლიოს პირველობაზე 7 სექტემბერს ასპარეზობა გოგონებმა დაასრულეს, 8-ში კი ტურნირში თავისუფალი სტილით მოჭიდავეები ჩაებმებიან.</p><p>ჩვენი ნაკრების შემადგენლობაში <strong>ბექა ბუჯიაშვილი</strong> (50), <strong>ლაშა ტალახაძე</strong> (55), <strong>ლაშა ბიტარაშვილი </strong>(60), <strong>კონსტანტინე ხაბალაშვილი</strong> (66), <strong>ჯუმბერ ყველაშვილი</strong> (74), <strong>ლევან გოგრიჭიანი</strong> (84), <strong>გიორგი მეშვილდიშვილი</strong> (96) და <strong>გენო პეტრიაშვილი</strong> (1209) შედიან.</p><p>8 სექტემბერს ჩვენებურთაგან <strong>ბუჯიაშვილი, ბიტარაშვილი, ყველაშვილი</strong> და მეშვილდიშვილი ჭიდაობენ.</p><p><strong>ბუჯიაშვილი</strong>, რომელსაც ფრიად გაუჭირდა წონის დაკლება, პირველ წრეში ისვენებს, მეორეში კი თურქ <strong>მუამერ სანცაკს</strong> ხვდება. მათ შორის მოგებული ნახევარფინალში გასასვლელად უზბეკ <strong>მახმუდინ შავკატოვსა</strong> და ეგვიპტელ <strong>ალი ოსამა რაგაბის</strong> შორის მოგებულს დაეჭიდება.</p><p>ჩვენებურს მსოფლიოს მოქმედი ჩემპიონი, რუსი <strong>მაგომედ მაგომედალიევი </strong>ფინალამდე ასცდა.</p><p>პირველ წრეში<strong> ბიტარაშვილიც</strong> ისვენებს, მისი მეტოქე კი უნგრელი <strong>იოზეფ მოლნარისა</strong> და იაპონელი <strong>მასაკაცუ კამოის</strong> შეხვედრაში გაირკვევა.</p><p>ჩვენებურის მხარეს მოხვდნენ ევროპის წლევანდელი პირველობის ფინალისტები - აზერბაიჯანელი ჩემპიონი <strong>ახმედნაბი გვარზატილოვი</strong> და თურქი ვიცე-ჩემპიონი <strong>სელაჰატინ კილისალაიანი</strong>, აგრეთვე - მსოფლიოს შარშანდელი პირველობის მოლდოველი ბრინჯაოს მედალოსანი <strong>მაქსიმ პერპელიტა</strong>. ამათგან <strong>ბიტარაშვილი</strong> ყველაზე ადრე სწორედ მოლდოველს შეიძლება შეხვდეს - მერვედფინალში, თურქთან მისი გზა მეოთხედფინალამდე არ იკვეთება, აზერბაიჯანელთან - ფინალამდე.</p><p>ამ წონაზე საუბრისას დავძენთ, რომ შარშან აქ აზერბაიჯანელმა <strong>ტოგრულ ასკაროვმა</strong> გაიმარჯვა, რომელიც ერთი თვის წინ ოლიმპიური ჩემპიონიც გახდა.</p><p>8 სექტემბერს ყველაზე მეტი მონაწილე 74 კილოგრამში იქნება - 36 სპორტსმენი (თუმცა 60-შიც არანაკლებია - 35), თუმცა <strong>ყველაშვილს</strong> გაუმართლა და პირველ წრეში ისვენებს, როგორც მისი უნგრელი მეტოქე <strong>იშტვან ზომბორ გულიასი</strong>. ძლიერი ფალავნებით დატვირთული არც ბადის ეს ნახევარია - აქ მხოლოდ აზერბაიჯანელი ევროპის წლევანდელი ბრინჯაოს მედალოსანი <strong>ელჯან უსუბზადა</strong> მოხვდა და იმასაც ნახევარფინალამდე არ შეხვდება.</p><p>აღსანიშნავია, რომ <strong>უსუბზადა</strong> და <strong>ყველაშვილი</strong> წლეულს გვერდიგვერდ იდგნენ ევროპულ კვრაცხლბეკზე ზაგრებში, სადაც ჩვენს გუნდს მეტი მედალი არც მოუპოვებია. ბადის მეორე მხარესაა ევროპის წლევანდელი თურქი ვიცე-ჩემპიონი <strong>აბდულკადირ ოეზმენი</strong>, ვისთანაც ჩვენებური ზაგრებში დამარცხდა.</p><p>რთული წილისყრა ერგო დებიუტან<strong> მეშვილდიშვილს</strong> - პირველივე წრეში რუსთა მსოფლიოს მოქმედ ჩემპიონ <strong>მაგომედგაჯი ნურასილოვს</strong> ხვდება. ამ ბარიერს თუ გაივლის, მომდევნო წრეში სავარაუდო მეტოქეთაგან ერთი აშშ-ს ანუ ძლიერი სკოლის წარმომადგენელი <strong>მარკ ტანერ ჰალია</strong>, მეოთხედფინალში კი კიდევ ერთი ძლიერი გუნდის - აზერბაიჯანის ფალავანი შეიძლება გადაეყაროს.</p><p>თუმცა <strong>მეშვილდიშვილმა</strong> ჯერ რუსული ბარიერი დასძლიოს - იქაურებმა <strong>ნურასილოვის</strong> გამო ევროპის წლევანდელი ჩემპიონი <strong>მაგომედკამილ ჰუსეინოვი</strong> დატოვეს სახლში.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა