<p>ბელორუსის კარში გატანილი ულამაზესი გოლის ავტორი განვლილ მატჩსა და სხვა საინტერესო ამბებზე საუბრობს <br> სამი წლის წინ "გაგრას" პრეზიდენტს, <strong>ბესო ჩიხრაძეს</strong> უთხრეს, ფული ოჯახს და ახლობლებს მოახმარე, შეეშვი ამ "გაგრას", ცარიელი ხარჯიაო. <strong>ჩიხრაძის</strong> პასუხი კი ასეთი იყო: მართალია, ხარჯია, მაგრამ ჩემზე ბედნიერი კაცი არ იქნება, საქართველოს 2-3 კარგი ფეხბურთელს თუ გავუზრდიო.</p><p><strong>თორნიკე ოქრიაშვილი</strong>, რომელმაც ბელორუსთან შეხვედრის ბედი ულამაზესი გოლით გადაწყვიტა, სწორედ "გაგრას" გაზრდილია.</p><p><strong>ჩიხრაძე</strong> მართალია, ვერაფერი გადაწონის იმ სიხარულს, რაც მარიუპოლის "ილიჩევეცის" 20 წლის შემტევმა ნახევარმცველმა პირადად მას და მთელ საქართველოს მოჰგვარა. <strong>ოქრიაშვილის</strong> გაზრდაში კი მას დიდი წვლილი მიუძღვის.</p><p>...თანამედროვე ფეხბურთი, სწორი თამაში - ეს სიტყვები იმდენად ფესვგამდგარია ქართულ საფეხბურთო საზოგადოებაში, რომ ბევრს მთავარი დაავიწყდა: შედეგს მკაფიო ინდივიდუალისტები წყვეტენ, რომლებიც გადამწყვეტ ეპიზოდში ამ გაწერილი სქემებით სულაც არ თამაშობენ.</p><p>ერთხელ <strong>რომარიოს</strong> ჰკითხრეს, ფინტებს როგორ აკეთებო და გაეცინა, წინასწარ თავად არ ვიცი, რას გავაკეთებ; ეს ყველაფერი წამიერად, ინსტინქტურად გამომდისო.</p><p>ცხადია, ბელორუსს მოვუგეთ და არა ესპანეთს, მაგრამ <strong>სერგეი ვერემკოს</strong> კარში <strong>ოქრიაშვილის</strong> გატანილ ბურთს ნებისმიერი ვარსკვლავი ხელს მოაწერდა. ასეთი ლამაზი გოლი ქართველის შესრულებით დიდი ხანია, არ გვინახავს.</p><p>უკრაინულმა "სპორტს-ექსპრესმა" კი მატჩისადმი მიძღვნილი წერილი ასე დაასათაურა: "შედევრი ოქრიაშვილისგან".</p><p><strong>თორნიკე ოქრიაშვილი</strong> "ლელოს" განვლილ შეხვედრასა და სხვა საინტერესო ამბებზე ელაპარაკა.</p><p><strong>- შეხვედრის დასაწყისში ჩვენი მოგება საკმაოდ სათუო ჩანდა, ბელო</strong><strong>რუსები კი კარგად გამოიყურებოდნენ... </strong></p><p>- პირველი ტაიმი ისე ვერ ვითამაშეთ, როგორც ქეცბაია გვთხოვდა, მაგრამ შესვენებაზე მწვრთნელი გველაპარაკა და დაგვაჯერა, რომ დაუმარცხებელი მეტოქე არ იყო.</p><p>თავად ბიჭებმაც ვილაპარაკეთ, რომ ციკლის პირველი შეხვედრა აუცილებლად უნდა მოგვეგო და თავადაც ნახეთ, რასაც ჰქვია, ბოლომდე ვიომეთ.</p><p>საერთოდ, სადებიუტო შეხვედრის შედეგი ძალიან მნიშვნელოვანია და საბედნიეროდ, მოვიგეთ.</p><p>მიმაჩნია, რომ საქართველოს ნაკრებმა ეს ბიჭების სულისკვეთებით მოახერხა.</p><p><strong>- ასეთი გოლი როდი</strong><strong>სმე გაგიტანია?</strong></p><p>- არასოდეს... თუმცა, არა, საქართველოს ჩემპიონატში გავიტანე, მაგრამ არ მახსენდება, ვის კარში. ბელორუსთან კი ნაკრებში პირველი ოფიციალური შეხვედრა ჩავატარე და თამაშში ყველაფერი ჩავდე.</p><p>ნაკრებში ასეთი ოფიციალური დებიუტი მართლაც საოცნებო იყო.</p><p><strong>- ასეთ მოძრაობებს წინასწარ ვერ ჩაიფიქრებ, ყველაფერი უცებ, იმპროვიზებულად ხდება... </strong></p><p>- სხვათა შორის, ასე ნამდვილად არ არის. ვიცოდი, რომ ბელორუსებს ათლეტი, მაგრამ არატექნიკური მცველები ჰყავდათ და ჩემს გონებაში მათთან სათამაშოდ ვარიანტებს ვამუშავებდი. დაახლოებით ვხვდებოდი, რაზე შეიძლებოდა წამოგებულიყვნენ.</p><p><strong>- მატჩის ბოლოს მოედანი ტრავმის გამო დატოვე - ესპანეთამდე მომჯობინდები? </strong></p><p>- საზარდული დამეჭიმა, მაგრამ იმედია, სერიოზული არაფერია და 11 სექტემბრისთვის მზად ვიქნები.</p><p><em>თორნიკე ოქრიაშვილი: საოცნებო დებიუტი იყო (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/qarthuli-fekhburthi/erovnuli-nakrebi/38835-saqarthvelos-nakrebi-espaneththan-matchisthvis-sruli-gundith-emzadeba.html" target="_blank">საქართველოს ნაკრები ესპანეთთან მატჩისთვის სრული გუნდით ემზადება</a></p><p><a href="/fexburti/qarthuli-fekhburthi/erovnuli-nakrebi/38783-saqarthvelo-belarusi-10-monatrebuli-naghdi-qarthuli-goli-video.html" target="_blank">საქართველო-ბელარუსი 1:0 - მონატრებული ნაღდი ქართული გოლი [VIDEO]</a></p>
glaxuna
თორნიკე, მეტად ფიზიკურად გაძლიერებაზე იზრუნე და ვარსკვლავი გახდები!!!... ევროპის წამყვანი კლუბების ფეხბურთელი და მთელ ქართველობას ძლიერ გაახარებ!!! უდიდეს პატივისცემას იმსახურებს შენი ჟირკიანი ბუნება!!!
OT
>ბელორუსებს ათლეტი, მაგრამ >არატექნიკური მცველები ასეთ რამეებს არ ამბობენ - ისჭავლე მოწინააგმდეგის პატივისცემა .... შენვე გამოგადგება- ყველაფერში "ქარტველი" კი არ უნდა იყო..
gizog
მაგარი ხარ თოკო. გაიხარე!,
izi
საზარდული არ ვიცი და თვითონ ესპანეთი ხელს ვერაფერში შეგიშლის?
"სანიოლმა ნაკრებში თავისი თავი ამოწურა... გასულ მატჩებში ჩემთვის გაუგებარი რაღაცები ხდებოდა..." - დევდარიანმა ეროვნული გუნდის ბოლო 2 შეხვედრა შეაფასა
საქართველოს ნაკრები - ორი მარცხი და ორი ადგილით უკუსვლა რეიტინგში
საქართველო - ესპანეთი | ინფორმაცია ბილეთების შესახებ
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა