- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლეგიონერები: ორის დებიუტი, ორი ჯერაც დაუმარცხებელია
<p>საფრანგეთის სარაგბო ჩემპიონატის ელიტურ, პირველ დივიზიონში ოთხი ტურის შემდეგ დაუმარცხებელი ისევ ორი გუნდია <br> საფრანგეთის სარაგბო ჩემპიონატის ელიტურ, პირველ დივიზიონში ოთხი ტურის შემდეგ დაუმარცხებელი ისევ ორი გუნდია: ბასკური "ბიარიცი" და <strong>დავით ქუბრიაშვილის</strong>, <strong>ლევან ჩილაჩავასა</strong> და <strong>კონსტანტინე მიქაუტაძის</strong> "ტულონი".</p><p>ტულონელებმა ყველაზე მეტი, 18 ქულა დააგროვეს და სატურნირო ცხრილს ჩაუდგნენ სათავეში. ეს პირველი შემთხვევაა, როცა "ტულონი" სეზონის დასაწყისშივე გალიდერდა.</p><p>ძნელი სათქმელია, როგორ განვითარდება მოვლენები, თუმცა ერთის თქმა თამამად შეიძლება - კლუბის პრეზიდენტმა, მურად ბურჯელალმა მაინც შეძლო საოცნებო გუნდის შექმნა.</p><p>მე-4 ტურში "ტულონი" შინ დაუპირისპირდა "ბორდოს" და დიდი ანგარიშით, 42:12 სძლია. ანგარიშიდანაც კარგად ჩანს, რომ მასპინძლები სათამაშო უპირატესობას მთელი მატჩის განმავლობაში ფლობდნენ.</p><p>ტულონელებმა მეტოქეს ხუთი ლელო გაუტანეს და ერთი პრემიალური ქულაც ირგუნეს.</p><p>"ბორდოსთან" მატჩში შედგა სამხრეთ აფრიკიდან დაბრუნებული მგეზავის, ფრედერიკ მიშალაკის დებიუტი. მან ინგლისელი ჯონი ვილკინსონი მე-19 წუთზე შეცვალა და გუნდს 18 ქულა მოუტანა (3 საჯარიმო და 3 გარდასახვა). ქუბრიაშვილი ძირითად შემადგენლობაში იყო და მე-16 წუთზე შეცვალეს. მან მუხლი დაიზიანა და უახლოეს დღეებში გახდება ცნობილი, რამდენად სერიოზულია ტრავმა.</p><p>საფრანგეთის ჩემპიონის, "ტულუზის" რიგებში <strong>ვასილ კაკოვინის</strong> დებიუტი შედგა. საქართველოს ნაკრების შერკინების ბურჯი ამ გუნდში "ბრივიდან" გადაბარგდა და ტრავმის გამო სეზონის დასაწყისი გაუცდა.</p><p>ტულუზელებმა შინ "აჟენი" მიიღეს და 62:13 გაანადგურეს.</p><p>კაკოვინმა პირველ ტაიმში ითამაშა და მოედანზე ერთ-ერთი საუკეთესო იყო. "ტულუზმა" მეტოქეს რვა ლელო გაუტანა. აქედან ახალზელანდიელმა მგეზავმა ლუკ მაკალისტერმა შვიდი გარდასახა და ზედ ორი საჯარიმოც მიაყოლა (20 ქულა). <strong>ჯაბა ბრეგვაძე</strong> ტრავმირებულია და არ უთამაშია.</p><p>ძალიან უჭირს სტარტზე გათამაშების აღიარებულ ფავორიტს <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონს". "ვულკანებმა", მართალია, ოთხიდან სამი შეხვედრა მოიგეს, მაგრამ სამივე მატჩში უდიდესი ძალისხმევის გაღება დასჭირდათ.</p><p>"კლერმონმა" მეოთხე ტურში პარიზულ "მეტრო რასინგს" უმასპინძლა და მინიმალური სხვაობით, 13:12 დაამარცხა. აღსანიშნავია, რომ სტუმრები 58-ე წუთამდე 12:7-ს იგებდნენ. თამაშის დასრულებამდე დარჩენილ დროში "ვულკანების" ცხრა ნომერმა მორგან პარამ ორი საჯარიმოს გატანა მოახერხა და თავისიანებს გამარჯვება მოუტანა.</p><p>ზირაქაშვილი ძირითად შემადგენლობაში იყო და 48-ე წუთზე შეცვალეს, კოლელიშვილს არ უთამაშია.</p><p><strong>მამუკა გორგოძის</strong>, <strong>მიხეილ ნარიაშვილისა</strong> და <strong>გიორგი ჟღენტის</strong> "მონპელიემ" სტუმრად წააგო ჯერაც დაუმარცხებელ ბასკურ "ბიარიცთან" - 8:27.</p><p>ჩვენებურთა გუნდს ექვსი არგენტინელი მორაგბე აკლია, რომლებიც ოთხი ერის გათამაშებაში თავიანთი ეროვნული ნაკრების შემადგენლობაში ასპარეზობენ.</p><p>მონპელიელთა რიგებში არ იყო შერკინების ქართველი ბურჯი გიორგი ჟღენტი. მისი არყოფნა გუნდს საგრძნობლად დაეტყო. გორგოძემ თავიდან ბოლომდე ითამაშა, ნარიაშვილი თამაშში 37-ე წუთიდან ჩაერთო.</p><p>კიდევ ერთხელ გამოაჩინა ბასრი კლანჭები <strong>ანტონ ფეიქრიშვილის</strong> "კასტრმა", რომელმაც სტუმრად <strong>ზურაბ ჟვანიას</strong> "სტად ფრანსესთან" ფრეს მიაღწია - 20:20. კასტრელები 58-ე წუთამდე 20:12-ს იგებდნენ. პარიზელებმა წაგებისაგან თავის გადარჩენა მატჩის მიწურულსღა მოახერხეს. ჟვანიას და ფეიქრიშვილს არ უთამაშიათ.</p><p><span style="color: #ff0000;"><strong>I დივიზიონი</strong></span></p><p><strong>IV ტური</p><p></strong>ბიარიცი-მონპელიე 27:8, გრენობლი-მონ დე მარსანი 52:7, პერპინიანი-ბაიონი 18:13, ტულუზი-აჟენი 62:13, სტად ფრანსე-კასტრი 20:20, ტულონი-ბორდო 42:12, კლერმონი-მეტრო რასინგი 13:12.</p><p><em>სატურნირო მდგომარეობა</p><p></em>1. ტულონი - 18 ქულა, 2. ბიარიცი - 17, 3. ტულუზი - 15, 4. კლერმონი - 14, 5. გრენობლი - 13, 6. კასტრი - 11, 7. მეტრო რასინგი - 10, 8. მონპელიე - 9, 9. სტად ფრანსე - 6, 10. ბაიონი - 6, 11. პერპინიანი - 6, 12. ბორდო - 5, 13. აჟენი - 2, 14. მონ დე მარსანი - 0.</p><p><strong>V ტური</p><p></strong>მონპელიე-ტულონი, პერპინიანი-ტულუზი, ბაიონი-მეტრო რასინგი, მონ დე მარსანი-კლერმონი, კასტრი-ბიარიცი, აჟენი-გრენობლი, ბორდო-სტად ფრანსე.</p><p><span style="color: #ff0000;"><strong>* * *</strong></span></p><p>საფრანგეთის სარაგბო ჩემპიონატის ელიტურ, მეორე დივიზიონში სამი ტურის შემდეგ დაუმარცხებელი სამია. აქედან ორი - "ორიაკი" და "ლიონი" ქართველ მორაგბეთა გუნდებია.</p><p><strong>ლევან დათუნაშვილის</strong>, <strong>კარლენ ასეიშვილისა</strong> და <strong>გიორგი ნაცარაშვილის</strong> "ორიაკმა" ყველაზე მეტი 12 ქულა დააგროვა და სატურნირო ცხრილში ამჟამად პირველ ადგილზეა.</p><p>ჩვენებურთა ამ გუნდმა გათამაშების სტარტზე სამივე შეხვედრა შესანიშნავად წარმართა და დაამტკიცა, რომ წლეულს სერიოზულად აქვს განზრახული, ელიტურ, პირველ დივიზიონში აღზევდეს.</p><p>"ორიაკმა" მესამე ტურში სტუმრად ითამაშა "კოლომიესთან" და 29:22 მოიგო. სამივე ქართველმა ძირითად შემადგენლობაში ითამაშა, ასეიშვილი დაშავდა და 23-ე წუთზე შეცვალეს, ნაცარაშვილმა მოედანზე 17 წუთით მეტი დაჰყო, დათუნაშვილმა კი 43 წუთი ითამაშა.</p><p>"ორიაკს" ერთი ქულით ჩამორჩება <strong>გურამ კავთიძის</strong> "ლიონი", რომელმაც სტუმრად ფრედ ითამაშა <strong>დავით ხინჩაგიშვილის</strong>, <strong>ირაკლი ნატრიაშვილისა</strong> და <strong>გოდერძი შველიძის</strong> "ბრივთან" - 19:19. მასპინძლები 52-ე წუთისთვის 16:3-ს იგებდნენ, თუმცა გამარჯვების შენარჩუნება ვერაფრით შეძლეს. ლიონელებმა, რომლებიც გათამაშების ერთ-ერთი უმთავრესი ფავორიტები არიან, მატჩის გადარჩენა დასკვნით ოც წუთში მოახერხეს.</p><p>ხინჩაგიშვილი ძირითად შემადგენლობაში იყო და მე-60 წუთზე შველიძემ შეცვალა. იმავდროულად, თამაშში ჩაერთო ნატრიაშვილიც; კავთიძე განაცხადში იყო, თუმცა არ უთამაშია.</p><p>ფრეს დასჯერდა საკუთარ მოედანზე "ოიონაქსთან" მატჩში <strong>გიორგი ჩხაიძის</strong>, <strong>ირაკლი მირცხულავას</strong>, <strong>დავით დადუნაშვილისა</strong> და <strong>გიორგი ნემსაძის</strong> "ტარბი" - 25:25.</p><p>თამაში ძალიან დაძაბული გამოდგა და ბოლო წუთებამდე ქულა-ქულაში მიდიოდა. საბოლოოდ გადამწყვეტი უპირატესობის მოპოვებას ვერცერთმა მიაღწია. შედეგად ტარბელებს სამ ტურში თითო მოგება-წაგება და ფრე დაუგროვდათ.</p><p>აღსანიშნავია, რომ საქართველოს ნაკრების მესამეხაზელი გიორგი ჩხაიძე "ტარბის" ხელმძღვანელებმა კაპიტნად დანიშნეს. ის მეორე ქართველი მორაგბეა <strong>გია ლაბაძის</strong> შემდეგ, რომელიც საფრანგეთის ელიტურ გუნდს უკაპიტნებს.</p><p>შეგახსენებთ, რომ ლაბაძე წლების განმავლობაში "ტულონის" კაპიტანი გახლდათ.</p><p>"ოიონაქსთან" მატჩში ოთხივე ქართველი ძირითად შემადგენლობაში იყო. ჩხაიძე მე-40 წუთზე შეცვალეს, დადუნაშვილმა და მირცხულავამ მოედანი ოთხი წუთის შემდეგ დატოვეს, ნემსაძემ მათზე 21 წუთით მეტი ითამაშა.</p><p><strong>კახაბერ კობერიძის</strong>, <strong>ვახტანგ მაისურაძის</strong>, <strong>ალექსანდრე თოდუას</strong>, <strong>გიორგი თეთრაშვილისა</strong> და <strong>ვახტანგ ახობაძის</strong> "ალბი" სტუმრად დამარცხდა "პოსთან" - 19:22.</p><p>ალბელებმა პირველი ნახევარი პირწმინდად დათმეს და მხოლოდ მატჩის დასკვნით 20 წუთში გამოიღეს ხელი. მარცხისგან თავის დასახსნელად კი დრო აღარ ეყოთ.</p><p>"პოსთან" მატჩში შერკინების ბურჯის, გიორგი თეთრაშვილის დებიუტი შედგა. ის ძირითად შემადგენლობაში იყო და 46-ე წუთზე შეცვალეს, თოდუამ და მაისურაძემ სრულად ითამაშეს, კობერიძე და ახობაძე განაცხადში არ იყვნენ.</p><p><strong>შალვა სუთიაშვილისა</strong> და <strong>დავით აშვეთიას</strong> "მასიმ" სტუმრად წააგო "კარკასონთან" - 23:44. პარიზელებს, რომლებიც მეორე დივიზიონის დებიუტანტები არიან, სამი თამაშიდან მხოლოდ ერთი მოგება აქვთ და ბოლოსწინა, მე-15 ადგილზე იმყოფებიან.</p><p>სუთიაშვილი თადარიგში იყო და მოედანზე 48-ე წუთიდან გამოჩნდა, აშვეთიას არ უთამაშია.</p><p>სამი მატჩიდან სამივე წააგო და ბოლო ადგილზეა <strong>ტარიელ რატიანიძის</strong> "დაქსი". მესამე ტურში ეს გუნდი სტუმრად ვერას გახდა <strong>ბექა შეყლაშვილის</strong> "ბეზიესთან" - 9:22. ლანგედოკელებისთვის ეს პირველი გამარჯვება იყო და ახლა ისინი ხუთი ქულით მე-14 ადგილზე არიან.</p><p>შეყლაშვილმა ძირითად შემადგენლობაში ითამაშა და 48-ე წუთზე შეცვალეს, რატიანიძე მოედანზე სამი წუთით ადრე გამოჩნდა.</p><p><span style="color: #ff0000;"><strong>II დივიზიონი</p><p></strong></span><strong>III ტური</p><p></strong>კარკასონი-მასი 44:23, ნარბონი-ლა როშელი 18:13, ტარბი-ოიონაქსი 25:25, ბეზიე-დაქსი 22:9, ექსი-ოში 33:9, კოლომიე-ორიაკი 22:29, პო-ალბი 22:19, ბრივი-ლიონი 19:19.</p><p><em>სატურნირო მდგომარეობა</p><p></em>1. ორიაკი - 12 ქულა, 2. ლიონი - 11, 3. ოიონაქსი - 11, 4. კარკასონი - 10, 5. პო - 8, 6. ოში - 8, 7. ლა როშელი - 6, 8. ექსი - 6, 9. ნარბონი - 6, 10. კოლომიე - 6, 11. ტარბი - 6, 12. ბრივი - 6, 13. ალბი - 5, 14. ბეზიე - 5, 15. მასი - 4, 16. დაქსი - 0.</p><p><strong>IV ტური</p><p></strong>ბრივი-ნარბონი, ლა როშელი-ოში, დაქსი-კოლომიე, ექსი-ოიონაქსი, მასი-ბეზიე, ორიაკი-ტარბი, პო-კარკასონი, ალბი-ლიონი.</p><p><span style="color: #ff0000;"><strong>* * *</strong></span></p><p>საინტერესო გამოდგა მეორე ტური "კელტთა ლიგაში", სადაც საქართველოს ნაკრების მესამეხაზელის, <strong>დიმიტრი ბასილაიას</strong> "ედინბურგი" ასპარეზობს. აქ ექვსი მატჩიდან ოთხში გამარჯვება სტუმართა გუნდებს დარჩათ.</p><p>სტუმრად მოიგო "ედინბურგმაც". ჩვენებურის გუნდმა პირველ ტურში შინ განცდილი მარცხის შემდეგ სტუმრად სენსაციური გამარჯვება მოიპოვა უელსურ "კარდიფთან" - 21:19.</p><p>მატჩის პირველი ნახევარი მასპინძლებმა მინიმალური სხვაობით, 9:8 მოიგეს, თუმცა მეორე ნახევარში ზეწოლა კიდევ უფრო გააძლიერეს და 57-ე წუთისთვის უკვე რვა ქულის სხვაობით, 19:11-ს იგებდნენ.</p><p>ამ დროიდან მოყოლებული კარდიფელების თამაშში რაღაც მოიშალა, რაც შესანიშნავად გამოიყენეს ედინბურგელებმა და გათამაშებაში პირველი გამარჯვება მოიპოვეს. ბასილაია განაცხადში არ იყო.</p><p>შეგახსენებთ, რომ "კლეტთა ლიგაში" ორი შოტლანდიური, ორი იტალიური, ოთხი ირლანდიური და ამდენივე უელსური გუნდი ასპარეზობს. მომდევნო შეხვედრას "ედინბურგი" შინ გამართავს იტალიურ "ზებრესთან".</p><p><span style="color: #ff0000;"><strong>კელტთა ლიგა</p><p></strong></span><strong>II ტური</strong></p><p>ზებრე-ქონოთი 17:30, კარდიფი-ედინბურგი 19:21, გლაზგო-ჰლანეჰლი 13:18, მანსტერი-ბენეტონი 19:6, ლენსტერი-ნიუპორტი 45:25, ოსფრიზი-ალსტერი 13:16.</p><p><em>სატურნირო მდგომარეობა</p><p></em>1. ჰლანეჰლი - 9 ქულა, 2. მანსტერი - 8, 3. ალსტერი - 8, 4. ნიუპორტი - 5, 5. ქონოთი - 5, 6. კარდიფი - 5, 7. ედინბურგი - 5, 8. ლენსტერი - 5, 9. ბენეტონი - 4, 10. ოსფრიზი - 2, 11. გლაზგო - 1, 12. ზებრე - 0.</p><p><strong>III ტური</p><p></strong>ალსტერი-მანსტერი, ოსფრიზი-გლაზგო, ედინბურგი-ზებრე, ქონოთი-ჰლანეჰლი, ბენეტონი-ლენსტერი, ნიუპორტი-კარდიფი.</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია