- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იტალიის ნაკრები: ჩეზარე პრანდელის ევრიკა მალტასთან
<p>ჩეზარემ ურცხვად განაცხადა, რომ ეს მატჩი მისი ფორმაციის "აძურასთვის" ეპოქალური მნიშვნელობის გამოდგა <br> ფეხბურთი მოულოდნელობებით აღსავსე სპორტია, სადაც ყველაფერი შეიძლება მოხდეს და მაგალითების მოყვანაც უხვად შეგვიძლია.</p><p>აბა, ვინ იფიქრებდა, თუ ჩეზარე პრანდელი იტალიის ნაკრებში მუშაობის მესამე წელს, მალტასთან შეხვედრაში მიხვდებოდა ყველაზე მთავარს და ფუნდამენტურს... დიახ, ჯუჯა ქვეყნის ეროვნულ გუნდთან გამარჯვების შემდეგ სენიორ ჩეზარემ ურცხვად განაცხადა, რომ ეს მატჩი მისი ფორმაციის "აძურასთვის" ეპოქალური მნიშვნელობის გამოდგა და ამისთვის მადლობა, პირველ რიგში, მეტოქეს გადაუხადა.</p><p>მაინც რა მოხდა ასეთიო, იკითხავთ და პასუხს მას შემდეგ გაიგებთ, რაც ორიოდე სიტყვით პადოვაში გამართული შეხვედრის პერიპეტიებს მიმოვიხილავთ...</p><p>ჩეზარე პრანდელიმ ამჯერად 4-3-1-2 ტაქტიკა აირჩია და შეტევის წინა ხაზზე პაბლო დანიელ ოსვალდოსა და მატია დესტროსგან შემდგარი ტანდემი გაამწესა.</p><p>ფორვარდთა უკან ალესანდრო დიამანტი ირჯებოდა, რომელიც ნელ-ნელა გუნდისთვის შეუცვლელ ფეხბურთელად ყალიბდება.</p><p>საყრდენ ხაზს ანდრეა პირლო, კლაუდიო მარკიზიო და ანტონიო ნოჩერინო აკონტროლებდნენ. დაცვის მარჯვენა ფრთა მატია კასანის ებარა, მარცხენა ფედერიკო პელუზოს, ცენტრში კი ანდრეა ბარცალი და ლეონარდო ბონუჩი მოქმედებდნენ.</p><p>კარში ჯანლუიჯი ბუფონი იდგა, რომელსაც აქედანვე აღვნიშნოთ, რომ საქმე, პრაქტიკულად, არ ჰქონია.</p><p>მატჩი მასპინძელთა სრული სათამაშო და ტერიტორიული უპირატესობით წარიმართა, მაგრამ იმას ვერ დავიჩემებთ, რომ მალტელთა კართან ურიცხვი რაოდენობის მომენტი შეიქმნა.</p><p>მეტიც, რეალური ხიფათი იტალიელებმა მეტოქის კართან მხოლოდ რამდენჯერმე მიიტანეს და საბოლოო ანგარიშიც სრულიად კანონზომიერი გახლდათ; თუ არ იცით, აქვე გეტყვით, რომ "სკუადრა აძურამ" მეტოქეს ორი უპასუხო გოლი აკმარა.</p><p>ბარემ გოლების შესახებაც ვთქვათ - ანგარიში შეხვედრის სტარტზე მატია დესტრომ გახსნა, რომელიც კლაუდიო მარკიზიომ მეტოქე კიპერს პირისპირ შეჰყარა და "რომანისტამაც" ბურთი ბადეში გაახვია.</p><p>რაც შეეხება მეორე გოლს, იტალიელებმა ზედ საფინალო სასტვენის წინ გაიტანეს, როდესაც კუთხურიდან ჩაწოდებულ ბურთს ფედერიკო პელუზომ თავი დაუხვედრა და კარის ჩარჩოში მოათავსა. ამრიგად, დესტრომ და პელუზომ პირველი გოლები გაიტანეს ეროვნული ნაკრების შემადგენლობაში და ნამატჩევს პრანდელის ქებაც დაიმსახურეს.</p><p>აუცილებლად უნდა აღვნიშნოთ, რომ კარგად ჩაერთო შეხვედრაში ახალგაზრდა ფორვარდი ლორენცო ინსინიე - მალტელთა კარგად ორგანიზებულ დაცვაში დისონანსი შეიტანა და გოლის გატანასთანაც ახლოს იყო.</p><p>და მაინც, რატომ გაუჭირდათ ასე იტალიელებს და რატომ არ გამოსდიოდათ შეტევების ხეირიანად წარმართვა? - ამ ყველაფერზე ჩეზარე პრანდელი ისაუბრებს და იქვე განმარტავს, თუ რატომ აღმოჩნდა ჯუჯა ქვეყნის ნაკრებთან მატჩი ესოდენ მნიშვნელოვანი...</p><p><strong>ჩეზარე პრანდელი</strong> (იტალიის მწვრთნელი): <em>"იმაზე უფრო მნიშვნელოვანი თამაში იყო, ვიდრე ეს ბევრს წარმოუდგენია, რადგან მალტელებმა კარგი გაკვეთილი ჩაგვიტარეს.</p><p>ამ შეხვედრისგან ძალიან ბევრი რამ უნდა ვისწავლოთ და სამომავლოდ საქმეში ავსახოთ. დღეს ყველამ ერთად დავინახეთ, რომ იტალიის ნაკრები ზედმეტად არის დამოკიდებული ანდრეა პირლოზე და ეს პრობლემა უნდა აღმოიფხვრას.</p><p>თანამედროვე ფეხბურთში პერსონალური მეურვეობა მივიწყებული თემაა და ევროპის ჩემპიონატი ისე ჩავამთავრეთ, რომ ამ ხერხისთვის არავის მიუმართავს.</p><p>სამაგიეროდ, მალტელებმა მიმართეს, ერთი ფეხბურთელი პერსონალურად ანდრეა პირლოს მიამაგრეს და ამით ჩვენს</em><em> შეტევებს სიმწვავე მოაკლეს.</p><p>არადა, გვყავს ისეთი შუახაზელები, რომელთა ამოქმედებაც უფრო აქტიურად შეგვიძლია და ასეთ დროს, სწორედაც რომ სხვებზე უნდა გადავიდეს აქცენტი - თამაშის წარმართვა რიკარდო მონტოლივოსაც შეუძლია, ტიაგო მოტასაც და დანიელე დე როსისაც, რომლებსაც დღეს არ უთამაშიათ, მაგრამ სხვა დროს ძირითად შემადგენლობაში იქნებიან.</p><p>მოკლედ, არ შეიძლება გუნდში ერთ ფეხბურთელზე ამდენი რამ იყოს დამოკიდებული და ამ პრობლემის მოგვარებას უდიდესი დრო უნდა დავუთმოთ.</p><p>ხარვეზები ისედაც ბევრი გვქონდა - უფრო სწრაფად გვმართებს თამაში და ეს ბულგარელებთან მატჩის შემდეგაც განვაცხადე".</em></p><p><strong>პაბლო დანიელ ოსვალდო</strong>: <em>"მეტოქე მთელი თამაშის განმავლობაში დაცვაში იდგა და ამ დაცვითი რუბიკონების გადალახვა არც ისე იოლი აღმოჩნდა. კიდევ კარგი, სწრაფი გოლი გავიტანეთ, თორემ ნერვიულობა თქვენ მერე უნდა გენახათ...</p><p>რაც მთავარია, მოვიგეთ და სამი ქულა ჩავიწერეთ აქტივში. მთლიანობაში, მაინც კმაყოფილი ვარ და მჯერა, რომ მსოფლიოს ჩემპიონატის საგზურს ჯგუფში პირველი ადგილის დაკავებით მოვიპოვებთ.</p><p>არ შემიძლია, რომ ლორენცო ინსინიეს თამაში არ გამოვყო - შეცვლაზე შემოვიდა და მნიშვნელოვნად შეგვიმსუბუქა საქმე; ერთი-ერთზე იოლად ატყუებდა მეტოქე ფეხბურთელებს, ეს კი ამ რთულ პაექრობაში ყველაზე მეტად გვჭირდებოდა. ხარვეზებიც ბევრი იყო, თუმცა დროთა განმავლობაში ყველაფერს ეშველება".</em></p><p><strong>ყოველდღიური სპორტული გაზეთი "ლელო"</strong></p>
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა