- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანია. ბუნდესლიგა. III ტურის წინ: გალიდერდება "ბაიერნი" ერთპიროვნულად?
<p>"ჰამბურგის" დატაჯული ფანები რაფაელ ვან დერ ვაარტის დებიუტს ელიან - უქულო და უგოლო HSV 6-ქულიან "აინტრახტს" სტუმრობს <br> ორი ტურის შემდეგ მხოლოდ ორ გუნდს აქვს ექვსი ქულა, ხუთი გუნდი კი უქულოდაა.</p><p>დორტმუნდის "ბორუსია" მიუნხენის "ბაიერნს" უკვე ორი ქულით ჩამორჩება და ამ ტურში მოქმედ ჩემპიონს რეკორდმაისტერზე გაცილებით რთული მეტოქე ჰყავს - "ბორუსია" "ლევერკუზენს" მასპინძლობს, "ბაიერნი" კი "მაინცს".</p><p>მესამე ტურის ცენტრალური მატჩი უდავოდ ჩემპიონებისა და "ფარმაცევტების" ჯახია. 16 სექტემბერს, "ჰამბურგის" დატაჯული ფანები რაფაელ ვან დერ ვაარტის დებიუტს ელიან - უქულო და უგოლო HSV 6-ქულიან "აინტრახტს" სტუმრობს.</p><p><strong><span style="color: #ff0000;">შტუტგარტი ვალდებულია</span></p><p></strong>ბევრისთვის გასაოცრად, "შტუტგარტიც" იმ გუნდებს შორისაა, რომლებიც ორი ტურის შემდეგ ხელცარიელები არიან.</p><p>თანაც, ბრუნო ლაბადიას გუნდმა წინა ტურში "ბაიერნთან" სრული კრახი (1:6) განიცადა, რის შემდეგაც შვაბებს კრიტიკის ქარცეცხლი დაატყდათ და ეს ყველაფერი იმას ნიშნავს, რომ "შტუტგარტი" ვალდებულია, დებიუტანტ დიუსელდორფის "ფორტუნასთან" სამი ქულა აიღოს.</p><p>შვაბთა ძირითად შემადგენლობაში რამდენიმე ცვლილებაა მოსალოდნელი, რადგან მთავარი დამრტყმელი ძალა ვედად იბიშევიჩი დისკვალიფიცირებულია, მასა, საკაი და ოკაზაკი კი ნაკრებიდან კლუბში მხოლოდ 14 სექტემბერს შეუერთდნენ.</p><p>იბიშევიჩს წინა ხაზზე ალბათ კაკაუ შეცვლის, რომელსაც გამთამაშებლის პოზიციაზე თამაში ურჩევნია, მაგრამ სათადარიგოთა სკამის ხეხვა იმდენად მოჰბეზრდა, რომ წარმოშობით ბრაზილიელი გერმანელისთვის სასტარტოში თამაში ყველა შემთხვევაში მოვლენაა.</p><p>დიუსელდორფელებს კაპიტანი ლამბერტცი გამოუჯანმრთელდათ (მას დისკვალიფიკაციაც ჰქონდა) და "ფორტუნას" 27 წლის ლიდერს იმედი აქვს, რომ ამჯერად ბუნდესლიგაში დებიუტი ექნება.</p><p><strong><span style="color: #ff0000;">ბენდერი ბენდერის წინააღმდეგ?</span></p><p></strong>როგორც შესავალშიც აღვნიშნეთ, ჩემპიონ "დორტმუნდს" "ლევერკუზენთან" რთული მატჩი ელის.</p><p>"ბორუსიას" მთავარმა მწვრთნელმა იურგენ კლოპმა შვებით ამოისუნთქა, რადგან მარკო როისის ტრავმა (ბუნდესლიგის წინა სეზონის საუკეთესო ფეხბურთელი გერმანიისა და ავსტრიის ნაკრები გუნდების მატჩში დაშავდა) სერიოზული არ აღმოჩნდა და მარკოს დღეს მოედანზე გასვლა შეუძლია.</p><p>სრული დატვირთვით ვარჯიში დაიწყო დორტმუნდელთა საყრდენმა ნახევარმცველმა სვენ ბენდერმაც, მაგრამ საუკეთესო ფორმაში არ არის და საკითხავია, ამჯობინებს თუ არა კლოპი მას კელს ან გიუნდოგანს, რომლებიც ბენდერის არყოფნაში 4-2-3-1 ტაქტიკურ სქემაში "ბორუსიას" ნახევარდაცვის ცენტრს ამაგრებდნენ.</p><p>თავად იურგენი ამბობს, ბენდერის ძირითადში გამწესებას არ გამოვრიცხავო. თუ სვენი ითამაშებს, ბუნდესლიგაში ტყუპი ბენდერების რიგით მეხუთე დუელი შედგება, რადგან ლარსი "ლევერკუზენში" აუცილებლად ითამაშებს.</p><p><strong><span style="color: #ff0000;">შვაინი და ხავი მარტინესი ერთად ძირითადში?</span></p><p></strong>"ბაიერნში" მთავარი თემა ისევ ხავი მარტინესია - მიუნხენი "მაინცთან" საშინაო მატჩში ბუნდესლიგის ყველა დროის ყველაზე ძვირადღირებული ფეხბურთელის ძირითად შემადგენლობაში გამოჩენას ელის.</p><p>სანაკრებო პაუზა ხავის არ შეეხო - სანამ ესპანეთის ნაკრებმა საქართველო მოიარა, ხოლო გერმანიისამ კი ავსტრია, მარტინესი თავის მეწყვილე ბასტიან შვაინშტაიგერთან ერთად "ზებენერშტრასეზე" ვარჯიშობდა და ჩვენი გერმანელი კოლეგები ამბობენ, ამ დღეებში შვაინი და ხავი კარგად შეთამაშდნენო.</p><p><em></p><p>"ხავი მარტინესი და ბასტიან შვაინშტაიგერი სათამაშო სტილით ერთმანეთისგან განსხვავდებიან, მაგრამ ორივე უმაღლესი კლასის, კრეატიული ნახევარმცველია",</em> - აცხადებს ბავარიელთა სპორტული დირექტორი მათიას ზამერი.</p><p>14 სექტემბერს გაირკვა, რომ არიენ რობენს, რომელიც ჰოლანდიის ნაკრებში დაშავდა, 15-ში მოედანზე გასვლა შეუძლია. სამაგიეროდ, კითხვის ნიშნის ქვეშაა ტონი კროოსის ასპარეზობა.</p><p>მაინცში ივან კლასნიჩს უნდა ჰქონდეს დებიუტი, მაგრამ სავარაუდოდ, შეცვლაზე ითამაშებს.</p><p><strong><span style="color: #ff0000;">გლადბახი ნიურნბერგს გამოცდის და პირიქით</span></p><p></strong><em>"ნიურნბერგთან" თამაში და მოგება ყოველთვის ძნელია, რაშიც წინა სეზონშიც დავრწმუნდით, როცა ფრანკები დიდი გაჭირვებით, 1:0 დავამარცხეთ",</em> - ეს მიონხენგლადბახის "ბორუსიას" მცველის, როელ ბრუვერსის სიტყვებია.</p><p>"გლადბახსაც" და "ნიურნბერგსაც" 4-4 ქულა აქვთ და აქვე ისიც ვთქვათ, რომ "ნიურნბერგი" ის გუნდია, რომელმაც წინა ტურში "დორტმუნდს" ქულა აართვა (1:1).</p><p>თავად ბრუვერსის თამაში კითხვის ნიშნის ქვეშაა, ოღონდ არა იმიტომ, რომ ტრავმა აწუხებს, არამედ იმის გამო, რომ მიონხენგლადბახელთა მთავარი მწვრთნელი ლუსიენ ფავრი ძირითად შემადგენლობაში უპირატესობას შტრანცლისა და დომინგესის დუეტს ანიჭებს.</p><p><strong><span style="color: #ff0000;">რის მაქნისია ჰანოვერი სინამდვილეში?</span></p><p></strong>ჰანოვერელები მესამე ტურს ძალიან კარგ ხასიათზე ხვდებიან - "ვოლფსბურგთან" დერბის დიდი ანგარიშით (4:0) მოგებამ "წითლები" ბრწყინვალე განწყობაზე დააყენა. თანაც, მირკო სლომკას ბიჭებმა იდეალურად შეთამაშებული გუნდის შთაბეჭდილება დატოვეს.</p><p>15 სექტემბერს "ჰანოვერს" "ვერდერის" სახით მორიგი სერიოზული მეტოქე ჰყავს. ამ სეზონის ოფიციალურ მატჩებში "ჰანოვერს" საშუალოდ ერთ შეხვედრაში 3.8 გოლზე მეტი (!) აქვს გატანილი!</p><p>ამბიციურ "ვერდერს" ორი ტურის შემდეგ სამი ქულა აქვს, რაც იმას ნიშნავს, რომ მწვრთნელ თომას შააფს შეგირდები აზრზე ჰყავს მოსაყვანი.</p><p>ეს პირველ რიგში ავსტრიელ ფორვარდ მარკო არნაუტოვიჩს ეხება, რომელმაც გერმანიასთან მატჩში ანგარიშის გათანაბრების იდეალური შანსი ვერ გამოიყენა და მერე ამის გამო მთელ ავსტრიას მოუბოდიშა. აქვე შეგახსენებთ, რომ "ჰანოვერს" საკუთარ მოედანზე 19-მატჩიანი წაუგებელი სერია აქვს.</p><p><strong><span style="color: #ff0000;">საინტერესო დუელი: ფიურტი-შალკე</span></p><p></strong>პირველ ტურში, საკუთარ მოედანზე "ბაიერნთან" ლოგიკური მარცხის (0:3) შემდეგ, დებიუტანტმა "ფიურტმა" მაინციდან სამი ქულა წაიღო და თამამად შეიძლება ითქვას, რომ სეზონი კარგად დაიწყო.</p><p>15 სექტემბერს "ფიურტის" მეტოქე "შალკეა", რაც იმას ნიშნავს, რომ ეს მატჩი განსაკუთრებული იქნება მასპინძელთა მწვრთნელისთვის მაიკ ბიუსკენსისთვის და თავდამსხმელ ჯერალდ ასამოასთვის, რომლებიც "სულით ხორცამდე" შალკელები არიან.</p><p>ბიუსკენსი ასამოას არ ათამაშებს ხოლმე და შესაძლოა, ახლა, ყოფილი გუნდის წინააღმდეგ შეცვლაზე მაინც ათამაშოს - შეგახსენებთ, რომ ჯერალდს "შალკეს" ფორმით 279 მატჩში 44 გოლი და 33 საგოლე პასი აქვს.</p><p>სხვათა შორის, სატრანსფერი პერიოდის მიწურულს "ფიურტმა" "შალკედან" კიდევ ერთი თავდამსხმელი, ედუც გადაიბირა, რომელიც ასამოას კონკურენტია.</p><p><strong><span style="color: #ff0000;">ჰოფენჰაიმი ზეწოლის ქვეშ</span></p><p></strong>კვირის პირველი მატჩი "ფრაიბურგისა" და "ჰოფენჰაიმის" დაპირისპირებაა. ჰოფენჰაიმელები უმძიმესი წნეხის ქვეშ არიან მოქცეულები, რადგან ორივე თამაში წააგეს, მანამდე კი გერმანიის თასიდანაც გავარდნენ.</p><p>მიუხედავად ფატალური დასაწყისისა, "ჰოფეს" ბოსებმა მწვრთნელ მარკუს ბაბელს ნდობა გამოუცხადეს და მის გათავისუფლებაზე ჯერ არ ფიქრობენ. თუმცა, ამ სეზონსაც რომ თავი დავანებოთ, "ჰოფენჰაიმს" ბაბელის ხელში 16 მატჩიდან მხოლოდ 4 აქვს მოგებული, რაც ამ კლუბის ამბიციებისთვის შეუსაბამო ბალანსია.</p><p>არადა, ბაბელს კარგი გუნდი ჰყავს და ზაფხულში კიდევ რამდენიმე ვარსკვლავი უყიდეს.</p><p>ფაქტია, რომ "სოფლელებს" ფრაიბურგში გამარჯვებაც გაუჭირდებათ, რადგან "ფრაის" კრისტიან შტრაიხის ხელში ჯერ არცერთი საშინაო მატჩი არ წაუგია (4 მოგება, 5 ფრე).</p><p><strong><span style="color: #ff0000;">ჰამბურგს ვან დერ ვაარტის იმედი აქვს</span></p><p></strong>ტური "აინტრახტისა" და "ჰამბურგის" დუელით დასრულდება - ფრანკფურტელები ამ მატჩს ასპროცენტიანი შედეგით (ორი მოგება, 6 ქულა) ხვდებიან, ჰამბურგელები კი - კრიზისული მდგომარეობით (0 ქულა) და დიდი იმედით (რაფაელ ვან დერ ვაარტი).</p><p>შეგახსენებთ, რომ ჰოლანდიელი ნახევარმცველის გარდა, "ჰამბურგი" ირაჩეკით და ბადელითაც გაძლიერდა.</p><p><em>"თუ "ჰამბურგსაც" დავამარცხებთ, სამი ტურის შემდეგ 9 ქულა გვექნება, რაც იმას ნიშნავს, რომ მისიის თითქმის ერთი მეოთხედი შესრულებული იქნება, რადგან გადარჩენისთვის მინიმუმ 36 ქულა მაინც გვჭირდება",</em> - აცხადებს ფრანკფურტელთა დამრიგებელი არმინ ფეე.</p><p><span style="color: #ff0000;"><strong>გერმანია. ბუნდესლიგა. III ტური</strong></span></p><p><em>14 სექტემბერი</em></p><p><em><strong>აუგსბურგი-ვოლფსბურგი 0:0</strong></em></p><p><em>15 სექტემბერი</em></p><p><em><strong>ბორუსია (დ)-ლევერკუზენი 17:30</strong></em></p><p>ტრავმა: ოვომოიელა, დუკში - სემი</p><p><em><strong>ბაიერნი-მაინცი 17:30</strong></em></p><p>ტრავმა: რედერი, კონტენტო, ალაბა, გომესი - ჰ. მიულერი, პოლანსკი, კლასნიჩი</p><p><em><strong>ბორუსია (მ)-ნიურნბერგი 17:30</strong></em></p><p>ტრავმა: კორჩოვსკი, ფრანტცი, ჰლუშეკი, მენდლერი (ყველა ნიურნბერგი)</p><p><em><strong>შტუტგარტი-ფორტუნა 17:30</strong></em></p><p>დისკვალიფიკაცია: იბიშევიჩი (შტუტგარტი)</p><p>ტრავმა: აუდელი, დიდავი, კუჟმანოვიჩი - ბალოგუნი, ბრუნო სუარესი, რაიზინგერი</p><p><em><strong>ჰანოვერი-ვერდერი 17:30</strong></em></p><p>ტრავმა: პანდერი, კ. შულცი, მ. დიუფი - ა. სტევანოვიჩი</p><p><em><strong>ფიურტი-შალკე 20:30</strong></em></p><p>ტრავმა: კ. კრაუსი, ცილნერი, ფალი - ჰილდებრანდი</p><p><em>16 სექტემბერი</em></p><p><em><strong>ფრაიბურგი-ჰოფენჰაიმი 17:30</strong></em></p><p>დისკვალიფიკაცია: შრიოკი, სალიჰოვიჩი (ორივე ჰოფენჰაიმი)</p><p>ტრავმა: დ. კალიჯური, როზენტალი - კრისი, იაისლე</p><p><em><strong>აინტრახტი-ჰამბურგი 17:30</strong></em></p><p>დისკვალიფიკაცია: ჯაპკა (აინტრახტი)</p><p>ტრავმა: ამედიკი, კუემაა - აოგო, შარნერი</p><p><span style="color: #ff0000;"><strong>სატურნირო ცხრილი</strong></span></p><p>ა თ მ ფ წ ბ ქ</p><p>1. ბაიერნი 2 2 0 0 9-1 6</p><p>2. აინტრახტი 2 2 0 0 6-1 6</p><p>3. ჰანოვერი 2 1 1 0 6-2 4</p><p>4. შალკე 2 1 1 0 5-3 4</p><p>5. ფორტუნა 2 1 1 0 2-0 4</p><p>6. ბორუსია (დ) 2 1 1 0 3-2 4</p><p>7. ბორუსია (მ) 2 1 1 0 2-1 4</p><p>8. ნიურნბერგი 2 1 1 0 2-1 4</p><p>9. ვოლფსბურგი 3 1 1 1 1-4 4</p><p>10. ვერდერი 2 1 0 1 3-2 3</p><p>11. ლევერკუზენი 2 1 0 1 3-2 3</p><p>12. ფიურტი 2 1 0 1 1-3 3</p><p>13. მაინცი 2 0 1 1 1-2 1</p><p>14. ფრაიბურგი 2 0 1 1 1-3 1</p><p>15. აუგსბურგი 3 0 1 2 1-5 1</p><p>16. ჰამბურგი 2 0 0 2 0-3 0</p><p>17. ჰოფენჰაიმი 2 0 0 2 1-6 0</p><p>18. შტუტგარტი 2 0 0 2 1-7 0</p><p><strong>ბომბარდირები:</strong></p><p>3 - თ. მიულერი (ბაიერნი); 2 - ჰუნტელაარი (შალკე), ლანიგი (აინტრახტი), მანჯუკიჩი (ბაიერნი), ა. მაიერი (აინტრახტი), შაჰინი (ფორტუნა), სობიეხი (ჰანოვერი).</p>
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ