- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გია სანაძე: ამ ეტაპზე საქართველოს ნაკრებს, სწორედ იგორ კოკოშკოვი სჭირდება
<p>ცნობილი ქართველი კალათბურთელი საქართველოს ნაკრებზე საუბროს <br> ხომ გითხარით...…</p><p>ის იყო, ლატვიისა და საქართველოს კალათბურთელ ვაჟთა გუნდების განმეორებითი შეხვედრის საფინალო სირენის ხმა გაისმა, რომ ტელეფონმა დარეკა.</p><p>- ხომ გითხარით...</p><p>ყურმილთან ცნობილი ქართველი კალათბურთელი გია სანაძე იყო. ჩვენი ნაკრების გამარჯვებით აღფრთოვანებული სიხარულს ვერ ფარავდა.</p><p>მე და გია შაბათს რიგაში პაექრობის დაწყებამდე რამდენიმე საათით ადრე შევხვდით ერთმანეთს. ინტერვიუ საღამოს გასამართავი მატჩზე საუბრით დავიწყეთ.</p><p>- სტუმრად ჰოლანდია სათანადო ვერ შევაფასეთ და დავისაჯეთ, - მითხრა მან - ლატვიაც ამ სტილით თამაშობს. ბალტიისპირელებს ნიჭიერი კალათბურთელებით დაკომპლექტებული ახალგაზრდული გუნდი ჰყავთ, თუმცა გამოცდილება აკლიათ, ამიტომ ფონს გასვლას, უმთავრესად, სამქულიანებით შეეცდებიან, რადგან იციან, რომ მეტოქის ფარქვეშ ფაჩულიასთან და სანიკიძესთან პაექრობაში ვერაფერს გახდებიან.</p><p>ჰოლანდიასთან გასვლით მატჩში ლატვიელებმა 35 სამქულიანი ტყორცნეს და 13 ჩააგდეს. ბაგაცკისის შეგირდებს პერიმეტრს თუ გადავუკეტავთ, აუცილებლად გავიმარჯვებთ (რიგაში ქართველმა კალათბურთელებმა დაცვაში, ფაქტობრივად, უშეცდომოდ ითამაშეს, მეტოქეს სივრცე შეუზღუდეს და წარმატებასაც მიაღწიეს).</p><p>- ტელეტოვიჩმაც ხომ სული ამოგვართვა სამქულიანებით... განზრახ ვაკეთებ აქცენტს სამქულიანებზე, რადგან გია სანაძე შორიდან ტყორცნების დიდი ოსტატი გახლდათ და, როცა ის მოედანზე იდგა, ბევრჯერ მსმენია აგუგუნებეული დარბაზის ომახიანი შეძახილი: სა-ნა-ძე... სა-ნა-ძე... სა-ნა-ძე...</p><p><span style="color: #ff0000;"><strong>მამის, დედის და დეიდის კვალში</strong></span></p><p>გია სანაძე ხონში დაიბადა და გაიზარდა. 11 წლისამ პირველად შეაღო კალათბურთის დარბაზის კარი. არჩევანი შემთხვევითი არ ყოფილა - ოჯახური ტრადიციის გაგრძელება მოინდომა: დედა, მამა და დეიდა კალათბურთელები იყვნენ და ხშირად უთამაშიათ საქართველოს ჩემპიონატებში.</p><p>ვარჯიშის დაწყებიდან ოთხი წლის შემდეგ ნიჭიერი მწვრთნელის - თამაზ შველიძის აღზრდილი საქართველოს ახალგაზრდულ ნაკრებში მიიწვიეს. 1981 წელს კი უკვე პოლიტექნიკური ინსტიტუტის პირველკურსელი თბილისის "დინამოში" ჩაირიცხა.</p><p>- მაშინ გუნდის მთავარი მწვრთნელი ლევან მოსეშვილი იყო. - გაიხსენა ორი ათეული წლის წინანდელი ამბავი გია სანაძემ. - ძირითად შემადგენლობაში ადგილი 1983 წლის ზაფხულში მანდო: სოციალისტური ქვეყნების დინამიადაზე რუმინელებს მოვუგეთ.</p><p>შესანიშნავი კალათბურთელების - ნიკოლოზ დერიუგინის, გელა დარსაძის, გივი ბიჭიაშვილის, პაატა გურასპაულისა და სხვათა გვერდით მომიწია თამაშმა და ბედნიერი ვიყავი...</p><p>ახალგაზრდა კალათბურთელისთვის დიდ გუნდში კარიერის დასაწყისი უიღბლო აღმოჩნდა - იმავე წლის სექტემბერში ვარჯიშისას მძიმე ტრავმა მიიღო და მთელი სეზონი გაუცდა.</p><p>ერთი წლის შემდეგ დაუბრუნდა "დინამოს" და ისევ დუბლებიდან გაიკაფა გზა ძირითადი შემადგენლობისკენ. ცეცხლოვანი თამაშითა და უზადო სამქულიანი ტყორცნებით მალე გულშემატკივართა გულიც მოინადირა...</p><p>ამ მცირე გადახვევის შემდეგ, მოდით, შეწყვეტილ ინტერვიუს დავუბრუნდეთ.</p><p><span style="color: #ff0000;"><strong>ნუ გაამტყუნებთ პულენს!</p><p></strong></span>- ბოსნიის ნაკრები ლატვია-ჰოლანდიის ეროვნულ გუნდებთან შედარებით ბევრად ძლიერია. შესანიშნავი ინდივიდუალისტები ჰყავს.</p><p>ტელეტოვიჩი კი მართლაც შეუდარებელია. ბოლო წამებზე ჩვენ რომ სამქულიანი ჩაგვიგდო, ისეთ ავანტიურისტულ ტყორცნას, მირზას გარდა, ალბათ, სხვა ვერავინ გაბედავდა: სტუმრები ქულას აგებდნენ, საფინალო სასტვენამდე კი 28 წამი იყო დარჩენილი, ამიტომ ბოსნიელებს, წესით, ბურთი ბოლომდე უნდა გაეთამაშებინათ და მერე შეეტიათ.</p><p>ტელეტოვიჩმა კი უხერხული მდგომარეობიდან მე-8 წამზე ტყორცნა სამქულიანი. ფაქტობრივად, იგივე გააკეთა პულენმაც.</p><p>გეთანხმებით, დრო იყო და ცოტა რომ დაეხანებინა ან გამოთავისუფლებული მარკოიშვილისთვის მიეცა პასი, ალბათ, უმჯობესი იქნებოდა, მაგრამ იმ სიტუაცაში მისი გამტყუნება არ შეიძლება: თავად კარგი მსროლელია, გამოთავისუფლებულ სივრცეში აღმოჩნდა და ნაჯაფი ბურთი თვითონ გაგზავნა მეტოქის ფარისკენ.</p><p>ტელეტოვიჩს იმ მომენტში, პირდაპირ ვთქვათ, აშკარად გაუმართლა, პულენს კი ფორტუნამ, ლატვიასთან თბილისური მატჩისგან განსხვავებით, ზურგი აქცია.</p><p><strong>- 1995 წელს თქვენი თაობის კალათბურთელებსაც გითამაშიათ ბოსნიის წინააღმდეგ. მახსოვს, იმ პაექრობაში მატჩის გმირიც გახდით. სტუმართა მაშინდელი და ახლანდელი გუნდების შედარება თუ შეიძლება?</strong></p><p>- ევროპის ჩემპიონატის შესარჩევი ტურნირის პირველი მატჩი ბოსნიასთან შინ ჩავატარეთ. მოგეხსენებათ, იუგოსლავია მაშინ ახალი დაშლილი იყო.</p><p>ქვეყანა საომარ მდგომარეობაში იმყოფებოდა. კალათბურთის საერთაშორისო ფედერაციამ ყოფილ იუგებს განმეორებითი ორთაბრძოლის შინ გამართვის ნება არ დართო უსაფრთხოების მიზნით და გერმანიაში ვითამაშეთ.</p><p>საქართველოს ნაკრების კაპიტანი ვიყავი და ჩემმა ბოსნიელა კოლეგამ, მარკოვიჩმა, სუვენირად ტანკის უზარმაზარი გილზი გადმოგვცა წარწერით. იუგოსლავიელი კალათბურთელები მსოფლიოში ანგარიშგასაწევი ძალას წარმოადგენდნენ.</p><p>ტონის მიმცემი კი ბოსნიელებიც იყვნენ. მათთან თბილისური მატჩი დაძაბულად წარიმართა - ასე ვთქვათ, თამაში ქულა-ქულაზე მიდიოდა. თუ არ ვცდები, რამდენიმე სამქულიანი ჩავაგდე, მაგრამ ყველაზე მნიშვნელოვანი ის იყო, რომ ბოლო წუთებზე სტუმრებმა ზედიზედ სამჯერ ტექნიკური ჯარიმა მიიღეს და ექვსივე ცდა უშეცდომოდ გამოვიყენე.</p><p>საბოლოოდ შეხვედრა 11 ქულით (77:66) მოვიგეთ, ბერლინში კი 9 ქულით (71:80) დავმარცხდით. ბოსნიელებს მაშინაც ძლიერი ინდივიდუალისტები ჰყავდათ და ახლაც ასეა.</p><p>ამჟამად დალაგებული ქვეყანა აქვთ და მოტივირებული გუნდი ჰყავთ. ამ შესარჩევ ტურნირზე საუკეთესო მატჩი მათ თბილისში ითამაშებს.</p><p><strong>- იმ პერიოდიდან კიდევ რომელ პაექრობას გაიხსენებდით?</strong></p><p>- მგონი, 1996 წელს კორაჩის თასზე, "ვითა" უნგრეთის "კიორმენდს" ეთამაშა თბილისში. საფინალო სასტვენამდე 72 წამით ადრე 10 ქულას ვაგებდით. დროის ამ მცირე მონაკვეთში ქომაგების მხარდაჭერით ნამდვილი სასწაული მოხდა მოედანზე.</p><p>მატჩის მიწურულს ზედიზედ ორი სამქულიანი ჩავაგდე და ანგარიში გავათანაბრე. სირენამდე სამიოდე წამით ადრე კი გაოგნებულმა სტუმრებმა შეტევისას ზურთი დაკარგეს და ლევან ქარაბაკმა გამარჯვების მომტანი ორი ქულა მიითვალა.</p><p><strong>- სამქულიანების დიდოსტატს აღფრთოვანებული გულშემატკივრები სამაძესაც გეძახდნენ. საიდან ტყორცნის ამგვარი სტილი - ვის ბაძავდით?</strong></p><p>- ჯერ კიდევ "დინამოში", რომლის შემადგენლობაშიც პირველი ეროვნული ჩემპიონატი მოვიგე, შემდეგ "თბილისსა" და "ვითაშიც" იყვნენ ისეთი კალათბურთელები, რომლებიც შორიდან ზუსტად ტყორცნიდნენ, თუმცა ჩემი კერპი სერგეი ბელოვი გახლდათ.</p><p>ყოველთვის მომწონდა მისი თამაშის მანერა და შორეული ტყორცნები. 1987-1989 წლებში, როცა ენდენთან, კურტინაიტისთან, პოპოვთან, სუხარევთან, გრიშაევთან და სხვა ცნობილ კალათბურთელთან ერთად გამოვდიოდი საბჭოთა კავშირის მეორე ნაკრების შემადგენლობაში, საწვრთნელი შეკრებებისას ბელოვის ვარჯიშს ვაკვირდებოდი.</p><p>მის მანერებს ვსწავლობდი, თბილისში დაბრუნებული გვიანობამდე ვრჩებოდი დარბაზში და სხვადასხვა ადგილიდან სამქულიან ტყორცნებს ვამუღამებდი.</p><p>პროცენტული მაჩვენებლებისთვის ყურადღება არასდროს მიმიქცევია - მეტოქის კალათისკენ მაშინვე ვგზავნიდი ბურთს, როგორც საამისო საშუალება მეძლეოდა. საქართველოს ნაკრებში ახლაც გვყავს ისეთი კალათბურთელები, რომლებსაც შორიდან ტყორცნა ეხერხებათ.</p><p>მეტი უნდა გაბედონ. ურისკოდ შედეგს ვერ მიაღწევ. ხომ ნახეთ, ტელეტოვიჩს პირველ ტაიმში არაფერი გამოუვიდა, მეორეში კი "გაიხსნა" და თავის გუნდს გამარჯვებაც მოაპოვებინა...</p><p><strong>- ნაკრების მთავარ მწვრთნელ იგორ კოკოშკოვზე ბევრი დაიწერა - დადებითიც, უარყოფითიც. თქვენ რას იტყვით?</p><p></strong>- პატიოსანი, ალალი და თავისი საქმის კარგი მცოდნე სპეციალისტია. შეიძლება ვინმეს არ მოეწონოს ჩემი ნათქვამი, მაგრამ მაინც ვიტყვი - ამ ეტაპზე საქართველოს ნაკრებს ისეთი პროფესიონალი სჭირდება, როგორიც კოკოშკოვია.</p><p>შორიდან იოლია მწვრთნელის კომპეტენციებში შეჭრა. წუთშესვენება ამ დროს რატომ არ აიღოო, ამბობენ. კარგი ხელმძღვანელი ბოლო ტაიმაუტს სწორედ მატჩის მიწურულისთვის ინახავს, მით უმეტეს ახლა, როცა ბურთი გასათამაშებლად მეტოქის მოედნიდან შემოგაქვს და ფარამდე მანძილი საგრძნობლად მცირდება.</p><p>სხვა ფსიქოლოგიური მომენტებიცაა გასათვალისწინებელი. 1972 წელს კონდრაშინს ფინალური მატჩის მიწურულამდე რომ არ შემოენახა წუთშესვენება, საბჭოთა ნაკრები ბოლო 3 წამში ოლიმპიურ ჩემპიონობას ვერ მოიპოვებდა.</p><p><strong>- გულშემატკივრებმა იციან, რომ გია სანაძის ბიჭები მამის გზას მიჰყვებიან, ანუ ოჯახური ტრადიცია გრძელდება...</p><p></strong>- უფროსი ვაჟი დუდა "დინამოს" შემადგენლობაში გამოდიოდა. რამდენიმე დღის წინათ ამერიკის შეერთებულ შტატებში გაემგზავრა.</p><p>სან-დიეგოს უნივერსიტეტში ისწავლის და სტუდენტური ლიგის პირველი დივიზიონის გუნდში ითამაშებს.</p><p>იქაურ პრესაში კარგი გამოხმაურება აქვს. ეტყობა, ამერიკელებს თავი მოაწონა, თორემ, სათანადო დონის მოთამაშე თუ არ ხარ და პერსპექტივა არ გაგაჩნია, უნივერსიტეტში სწავლის წლიურ საფასურს - 57 ათას დოლარს არავინ გადაგიხდის.</p><p>ვიმედოვნებ, რომ მაღალი დონის კალათბურთს ითამაშებს და ეროვნულ ნაკრებსაც გამოადგება. რაც შეეხება შუათანა სანდროს, 16 წლისაა, მესამე წელიწადია, კალათბურთს თამაშობს, ამიტომ მის პერსპექტივებზე ლაპარაკი ჯერ ნაადრევია...</p><p><strong>ყოველდღიური სპორტული გაზეთი "ლელო"</strong></p>
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
კიდევ ერთი რეისი რიგაში. ფინელებს გეგმა აქვთ - რას დაუპირისპირებს ჯიკიჩი?
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს